Category: periodical

Periodical: Good News March 2023

Home >   Periodicals > March 2023 March 2023 GOOD NEWS PERIODICAL ဖြူသောဝတ်လုံ  လူသားအားလုံး၏ဖခင်နှင့်မိခင်တို့သည်ဘုရားတားမြစ်ထားသော၊ ကောင်းမကောင်းသိကျွမ်းရာအပင်၏အသီးကိုစားသောအခါ၊ သူတို့ကိုသူတို့အဝတ်အချည်းစည်းဖြစ်မှန်းသိခဲ့ကြသည်။ “ထိုသူနှစ်ယောက်တို့သည်မျက်စိပွင့်လင်း၍၊ မိမိတို့၌အဝတ်အချည်းစည်းရှိသည် ကိုသိမြင်လျှင်၊ မိမိတို့ဝတ်ရန်ဖို့သင်္ဘောသဖန်းပင်အရွက်တို့ကိုချုပ်စပ်၍ခါးစည်းကိုလုပ်ကြ၏။”(ကမ္ဘာ ၃းရ) ထိုအချိန်မှစ၍သူတို့၏သား စဉ်မြေးဆက်များသည်၊ အဝတ်ဝတ်လာကြသည်။ အဝတ်အချည်းစည်းရှိခြင်းအားဖြင့်၊ ကြောက်စိတ်နှင့်ရှက်စိတ်ဝင်လာသည်။ ယနေ့လူ တိုင်းကြောက်တတ်ခြင်း၊ ရှက်တတ်ခြင်းသည်ထိုအပြစ်ကြောင့်ဖြစ်သည်။ သို့သော်လူသားများသည်ကြာလာသောအခါ၊ အဝတ်အစားကို အလှအပ၊ ဂုဏ်အတွက်ထင်မှတ်လာကြသည်။ အဝတ်အစားကောင်းကောင်းကိုပြုလုပ်သူများကပြုလုပ်၍၊ စျေးကြီးကြီးပေးဝယ်ယူကာ၊ ဂုဏ်ယူဝင့်ကြွားလာကြသည်။ လောဒိကိအသင်းတော်တည်း၊ ထိုသို့အဝတ်အစားများကိုဂုဏ်ယူစွာဖြင့်ဝတ်ကြသောကြောင့်၊ ခရစ်တော်က ဤသို့အကြံပေးခဲ့သည်၊  ”သင်ကလည်း၊ ငါသည်ဥစ္စာရတတ်၏။ ဘဏ္ဍာများကိုဆည်းဖူးပြီ။ တစုံတခုကိုမျှမလိုဟုပြောဆို၍၊ ကိုယ်တိုင်ပင်ပန်းခြင်း၊ သနားဘွယ်ဖြစ်ခြင်း၊ ဆင်းရဲခြင်း၊ မျက်စိကန်းခြင်း၊ အဝတ်အချည်းစည်းရှိခြင်းဖြစ်သည်ကို၊ မသိပါတကား။  သင်သည်ဥစ္စာရတတ်ခြင်းငှါ၊ မီးနှင့်ချွတ်ပြီးသောရွှေကို၎င်း၊ အဝတ်အချည်းစည်းရှိ၍၊ သူတပါးရှေ့တွင်မရှက်စေခြင်းငှါခြုံစရာဘို့၊ ဖြူသောအဝတ်ကို၎င်း၊ ငါ့ထံမှာ ဝယ်လော့။ သင်၏မျက်စိမြင်စေခြင်းငှါ၊ မျက်စိ၌မျက်စဉ်းခတ်လော့ဟု၊ သင့်အားငါသည်အကြံပေး၏။” (ဗျာ ၃း၁ရ-၁၈) လောဒိကိအသင်းတော်သည်ဇာတိကိုယ်ခန္ဓာအားဖြင့်အဝတ်ဝတ်သော်လည်း၊ ခရစ်တော်အမြင်၌အဝတ်အချည်းစည်းဖြစ်နေ သည်။ ကိုယ်တုံးလုံးဖြစ်နေသည်။ ကိုယ်တုံးလုံးဖြစ်လျှင်ရှက်စရာကောင်း၍မျက်စိမဖွင့်ရဲ၊ ခေါင်းမမော်ရဲဘဲဖြစ်မည်။ သို့သော်လောဒိကိ အသင်းတော်သည်အဝတ်အချည်းစည်းဖြစ်မှန်းသိကြသလော။ မသိကြသောကြောင့်ခရစ်တော်ကအကြံပေးဘို့လိုခြင်းဖြစ်သည်။ ယနေ့ ခရစ်ယာန်အများစုလည်းဘုရားအမြင်၌အဝတ်အချည်းစည်းဖြစ်မှန်းသိကြပါသလား။ သင်လည်းအဝတ်အချည်းစည်းဖြစ်နေပါသလား။ သခင်ယေရှုကိုဝတ်ဆင်ဘို့ ရှင်ပေါလုကရောမမြို့ရှိယုံကြည်သူများကိုဤကဲ့သို့စာရေးခဲ့သည်၊  ”ထိုမှတပါး၊ ငါတို့ကိုကယ်တင်သောကျေးဇူးတော်သည်၊ ငါတို့ယုံကြည်သောနေ့ရက်၌နီးသည်ထက်၊ ယခုသာ၍နီးသောကြောင့်၎င်း၊ ညအချိန်ကုန်လု၍နေ့အချိန်ရောက်လုသောကြောင့်၎င်း၊ ယခု အခါအိပ်ပျော်ရာမှနိုးရသောအချိန်ရောက်ခဲ့ပြီဟု၊ ငါတို့သည်သိ၍ကာလအချိန်ကိုထောက်လျက်၊ […]

Periodical: Good News February 2023

Home >   Periodicals >February 2023 February 2023 GOOD NEWS PERIODICAL ဘေးဒဏ်ကြီးကာလအလွန်နီးပြီ ဖေဖဝါရီလ ၆ ရက်နေ့၌တူရကီနှင့်ဆီးရီးယားနယ်စပ်တွင် ရ.၈ အင်အားရှိသောငလျှင်လှုပ်ခဲ့သည်။ ထိုငလျှင်သည် ရ၅ စက္ကန့်၊ တစ်မိနစ်နှင့် ၁၅ စက္ကန့်သာကြာသည်။ သို့သော်အိမ်များစွာပြိုလဲပျက်စီး၍၊ လူများစွာ သေကျေပျက်စီးရကြသည်။ ရေကာတာများစွာပေါက်၍ ရေလျှံခြင်းလည်းကြုံတွေ့ကြသည်။ ထိုအဖြစ်အပျက် အားဖြင့်သင်ခန်းစာများစွာရရှိနိုင်သည်။ လူ သည်တိုက်အိမ်မြင့်ကြီးများကိုအားရတတ်၊ ဂုဏ်ယူတတ်ကြသည်။ သို့သော်တိုက်မြင့်အိမ်များသည်လုံခြုံမှုမရှိ၊ တစ်မိနစ်အ တွင်း ပျက်စီးနိုင်သည်။ ရေကာတာများကိုတည်ဆောက်၍ ရေအားလျပ်စစ်ဓါတ်ထုတ်လုပ်နိုင်သည်။ စိုက်ပျိုးရေး၌လည်းရေပေးနိုင် သည်။ သို့သော်ရေကာတာများလည်း၊ ကြောက်စရာကောင်းသော၊ လူသေစေနိုင်၍အသက်အိုးအိမ်များကိုဖျက်ဆီးနိုင်သော အရာ များဖြစ်သည်။ အကြီးမားဆုံးငလျှင်များ ကမ္ဘာ့အကြီးမားဆုံးသဘာဝဘေးဒဏ်များသည်၊ ရှေ့အနာဂတ်များမကြာမှီတွင်လှုပ်မည်ဖြစ်ကြောင်းဗျာဒိတ်ကျမ်းမှ လေ့ လာကြစို့။  “ဆဌမတံဆိပ်ကိုဖွင့်သောအခါငါကြည့်လျှင်၊ ကြီးစွာသောမြေလှုပ်ခြင်းဖြစ်၏။(ဗျာဒိတ် ၆း၁၂)  တောင်များ၊ ကျွန်းများအ ပေါင်းတို့သည်မိမိတို့နေရာအရပ်မှရွေ့ကြ၏။” (ဗျာဒိတ် ၆း၁၄) […]

Periodical: Good News January 2023

Home >   Periodicals > January 2023 January 2023 GOOD NEWS PERIODICAL ပြေးကြစို့ လူတိုင်းပန်းတိုင်ရှိပြီး၊ ထိုပန်းတိုင်သို့အရောက်ပြေးကြဘို့ဖြစ်သည်။ ယခုနှစ်သစ်တွင်သင်၏ပန်းတိုင် သည်မည်သည့်အရာဖြစ်သနည်း။ လောကပန်းတိုင်ဖြစ်သော၊ ပညာရေး၊ စီးပွားရေး၊ နိုင်ငံရေး၊ ပျော်ပါးရေး၊ ဘာသာရေး များကိုလူတိုင်းကလိုက်တတ်ကြသည်။ ထိုပန်းတိုင်များသည်မြို့တွင်းမှာမောင်းသောကားနှင့်တူသည်။ မြို့တွင်း၌မောင်းသောကားသည်၊ စိတ်ရှိတိုင်းမောင်း၍မရ၊ လမ်းဘေးမှာဆိုက်ထားသောအမြန်နှုန်းသတ် မှတ်ထားသောစည်းကမ်းက၊ ကန့်သတ်ထားသည်။ ထို့အပြင်ရပ်ဘို့ဆိုင်းဘုတ်များကြောင့်ရပ်ရသည်။ မီးပွိုင့်ကလည်းတားတတ်သည်။ နောက်ဆုံး၌လမ်းဆုံးသွားတတ်သည်။ လူသတ်မှတ်ထားသောပန်းတိုင်များသည် ထိုမြို့တွင်းမောင်းသောကားများနှင့်တူသည်။ ပညာရေးပန်းတိုင်လိုက်သောသူများသည်၊ ဘွဲ့ရဘို့၊ အလုပ်ကောင်း ကောင်းရဘို့ဖြစ်သည်။ ထိုပန်းတိုင်သို့ရောက်သော်လည်း၊ နောက်ဆုံး၌အသက်ကြီး၍ပင်စင်ယူကာ၊ ဆက်ပြေး၍ မရ၊ အဆုံးသတ်ရသည်။ နိုင်ငံရေးပန်းတိုင်ထားသူများလည်း၊ အာဏာရှိသောအခါအလွန်အားရသော်လည်း၊ နောက်ဆုံး၌၊ အခြားသူများကအာဏာလုခံခြင်းသို့မဟုတ်သက်တန်းကုန်ခြင်းဖြင့်ဆက်သွား၍မရတော့ဘဲ၊ စိတ် လျှော့ဘို့လိုသည်။ ချမ်းသာလမ်း၌ပြေးသောသူများလည်း၊ ငွေကြေးပိုင်ဆိုင်သော်လည်းစစ်မှန်သောဝမ်းမြောက် ခြင်းမရသည်သာမက၊ နောက်ဆုံး၌အသက်အိုပြီးအရသာမခံစားရတော့ချေ။ အပျော်အပါးလိုက်သူများလည်း၊ အရွယ်ကောင်းတုန်းအလွန်ပျော်သော်လည်း၊ […]

Periodical: Good News December 2022

Home >   Periodicals > December 2022 December 2022 GOOD NEWS PERIODICAL ခရစ်တော်၏မွေးနေ့             ကမ္ဘာပေါ်၌အထင်ရှားဆုံး၊ လူသိအများဆုံး၊ ယနေ့တိုင်အောင်ကျင်းပသောမွေးနေ့သည်၊ ခရစ်တော်၏ မွေးနေ့ဖြစ်သည်။ သို့သော်အံ့ဩဘွယ်ရာသည်၊ ခရစ်တော်၏မွေးနေ့သည်မည်သူကမျှမသိပါ။ ထို့အပြင်သူ၏ မွေးနေ့ကိုနှစ်ရက်သတ်မှတ်ပေးကြ၍၊ ဒီဇင်္ဘာလ ၂၅ ရက်နေ့နှင့်ဇန္နဝါရီလ ၁ ရက်နေ့တို့ဖြစ်သည်။ ယခုကမ္ဘာ့ ပြက္ခဒိန်သည်ခရစ်တော်၏မွေးနေ့ကိုရေတွက်ခြင်းမှဖြစ်သည်။ ထို့ကြောင့်မြန်မာပြည်တွင်၊ ခရစ်သက္ကရာဇ်ဟုခေါ်သည်။ အင်္ဂလိပ်လိုအေဒီဟုခေါ်သည်။ ထိုအေဒီသည် AD (Anno Domini) လက်တင်ဘာသာဖြစ်၍၊ အဓိပ္ပါယ်သည်၊ ငါတို့သခင်နှစ်ဟူ၍ဖြစ်သည်။ ထို့ကြောင့်အေဒီဟုဆိုလျှင်ခရစ်တော်ကိုသခင်ဟုဝန်ခံခြင်းဖြစ်သောကြောင့်၊ ခရစ်တော်ကိုလက်မခံသောသူများကအေဒီဟုမခေါ်ချင်ကြဘဲ၊ CE စီအီးဟုခေါ်တတ်ကြသည်။ CE အဓိပ္ပါယ်သည်၊ Common Era သာမန်သို့မဟုတ်ဘုံခေတ်သို့မဟုတ် Christian Era ခရစ်ယာန်ခေတ်ဟူ၍ဖြစ်သည်။ ခရစ်တော်သည်လူသားအဖြစ်မွေးသော်လည်း၊ လူတိုင်းနှင့်လုံး၀မတူညီချက်ရှိသည်။ ထိုအရာမှာသူသည်လူတိုင်းကဲ့သို့၊ လူဖခင်မိခင်မရှိခြင်းဖြစ်သည်။ […]

Periodical: Good News November 2022

Home >   Periodicals > November 2022 November 2022 GOOD NEWS PERIODICAL ကျေးဇူးတော်ချီးမွမ်းခြင်း နို၀င်္ဘာလစတုတ္ထပတ်ကြာသပတေးနေ့သည်နှစ်စဉ်အမေရိကန်ပြည်ထောင်စု၏တရားဝင်ကျေးဇူးတော်ချီးမွမ်းခြင်းနေ့ဖြစ်သည်။ ယခုနှစ်ကျေးဇူးတော်ချီးမွမ်းခြင်းသည်နို၀င်္ဘာလ ၂၄ ရက်နေ့ဖြစ်သည်။ ထိုနေ့တွင် ထာ၀ရဘုရား၏ကျေးဇူးတော်များကိုရေတွက်ချီးမွမ်းဘို့ဖြစ်သည်။  သို့သော်ယခုအခါထာ၀ရဘုရားကိုချီးမွမ်း ခြင်းမရှိတော့ဘဲ၊ အစားအသောက်များနှင့်မိသားစုတွေ့ဆုံခြင်းများကိုသာဦးစားပေးလာကြသည်။ သင်သည်မည် ကဲ့သို့ကျေးဇူးတော်ချီးမွမ်းခြင်းကိုကျင်းပမည်နည်း။ ကျေးဇူးတော်ချီးမွမ်းခြင်းသည်၊ ဘုရား၏ဘုန်းတော်ကိုထင်ရှားစေသည်             ကျေးဇူးချီးမွမ်းခြင်းယဇ်ကိုပူဇော်သောသူသည်ငါ၏ဘုန်းကိုထင်ရှားစေသောသူဖြစ်၏၊၊ မိမိသွားသောလမ်းကိုဆင်ခြင်သောသူအားလည်းကယ် တင်တော်မူခြင်းကျေးဇူးကိုငါပြမည်ဟုဘုရားသခင်မိန့်တော်မူ၏၊၊(ဆာလံ ၅၀း၂၃) သင်ကျေးဇူးတော်ချီးမွမ်းခြင်းအားဖြင့်၊ အခြားသူများ၊ မယုံကြည်သူများက၊ ဘုရားသခင်ကိုသိ နိုင်သည်။ သူ၏ဘုန်းကိုချီးမွမ်းကြပါလိမ့်မည်။ ဘုရား၏အလိုတော်ဖြစ်သည်                ၁၁ ယေရုရှလင်မြို့သို့ကြွတော်မူစဉ်၊ ရှမာရိပြည်နှင့်ဂါလိလဲပြည်စပ်ကြား၌၊ ရှောက်သွားတော်မူ၏။၁၂ ရွာတရွာသို့ ဝင်တော်မူသည်တွင်၊ နူနာစွဲသောသူတကျိပ်တို့သည်ခရီးဦးကြိုပြု၍၊ အဝေးကရပ်လျက်၊၁၃ သခင်ယေရှု၊ အကျွန်ုပ်တို့ကိုကယ်မသနားတော်မူပါဟု၊ ဟစ်ကြော်ကြ၏။၁၄ ယေရှုသည်မြင်တော်မူလျှင်၊ သင်တို့သည်ယဇ်ပုရောဟိတ်ထံသို့သွား ၍၊ ကိုယ်ကိုပြကြလော့ဟု၊ မိန့်တော်မူသည်အတိုင်း၊ သူတို့သည်သွားစဉ်တွင်သန့်ရှင်းခြင်းသို့ရောက်ကြ၏။၁၅ ထိုသူတို့တွင်တယောက်သောသူသည်၊ အနာရောဂါကင်းလွတ်သည်ကိုသိမြင်လျှင်၊ ပြန်လာ၍ကြီးသောအသံနှင့်ဘုရားသခင်၏ဂုဏ်တော်ကိုချီးမွမ်းလေ၏။၁၆ ခြေတော်ရင်း၌ပြပ်ဝပ်၍၊ကျေးဇူးတော်ကြီးလှပါသည်ဟု၊ ဝန်ခံလေ၏။ ထိုသူသည်ရှမာရိလူ ဖြစ်သတည်း။၁၇ ယေရှုကလည်း၊ […]

Periodical: Good News October 2022

Home >   Periodicals > October 2022 October 2022 GOOD NEWS PERIODICAL ထာ၀ရဘုရား၏အမွေတော်            လေဝိသားတို့သည်ထာဝရဘုရား၏ပဋိညာဉ်သေတ္တာကိုထမ်းစေခြင်းငှာ၎င်း၊ ရှေ့တော်၌ရပ်၍အမှု တော်ကိုဆောင် ရွက်စေခြင်းငှာ၎င်း၊ အခွင့်တော်နှင့်ကောင်းကြီးပေး စေခြင်း ငှာ၎င်း၊ ယနေ့တိုင်အောင်ထိုသူတို့ကိုခွဲခန့်တော်မူ၏။ ထို ကြောင့်လေဝိသားတို့ သည် ညီအစ်ကိုတို့နှင့်ရော၍အဘို့ကိုမပိုင်၊ အမွေ ကိုမခံရ။ သင်၏ဘုရားသခင် ထာဝရ ဘုရား ဂတိ တော်ရှိသည်အတိုင်း၊ထာဝရဘုရားသည်သူတို့ခံရသော အမွေဖြစ်တော်မူ၏။ (တရားဟော ၁၀း၁၀-၁၁)             လေဝိသားယဇ်ပုရောဟိတ်အစရှိသောလေဝိသားအပေါင်းတို့သည်၊ ဣသရေလ အမျိုးသား တို့နှင့် ရော၍အဘို့ မရှိအမွေမခံရဘဲ၊ ထာဝရ ဘုရား၏အမွေတည်းဟူ သော မီး ဖြင့်ပြုသောပူဇော်သက္ကာ တို့ကိုစားရကြမည်။ ၂။ ထို့ကြောင့်၊ သူတို့သည်ညီအစ်ကို များနှင့် အတူ အမွေမခံရကြ။ ထာဝရဘုရားသည်အမိန့်တော်ရှိသည်အတိုင်းသူတို့၏ အမွေဖြစ် တော် မူ၏။ ၃။ လူတို့သည်ယဇ်ပူဇော်သောအခါ၊ နွားဖြစ်စေ၊ သိုးဖြစ်စေ၊ ယဇ်ပုရောဟိတ်ခံရသောအဘို့ပခုံးတဘက်၊ ပါးနှစ် ဘက်၊ အအူများကို၎င်း၊ ၄။  အဦး သိမ်းသောစပါး၊ စပျစ်ရည်၊ ဆီ၊ သိုးမွေးကို၎င်းလှူရမည်။ ၅။ အကြောင်းမူကား၊ သူ မှ စ၍သားစဉ်မြေးဆက်တို့သည်ထာဝရဘုရား အခွင့်နှင့်အမှုတော်ကိုအစဉ်ဆောင်ရွက်စေခြင်းငှာ၊ သင်၏ဘုရားသခင် ထာဝရဘုရားသည်၊ သင်၏အမျိုးအနွယ်အပေါင်းတို့တွင် သူ့ကိုရွေးကောက်တော်မူပြီ။ (တရားဟော ၁၈း၁-၆)                  ခါနာန်ပြည်ကိုဣသရေလလူမျိုး ၁၂ မျိုးတို့အားမြေအမွေပေးဝေသောအခါ၊ ဘုရားသခင် […]

Periodical: Good News September 2022

Home >   Periodicals > September 2022 September 2022 GOOD NEWS PERIODICAL ဘုရားသခင်သည်ဤလောကကိုမွှေနှောက်နေပြီ      လင်းယုန်သည်အသိုက်ကိုမွှေလျှက်၊ သားငယ်တို့အပေါ်မှာလှုပ်ရှားလျှက်၊ အတောင်တို့ကိုဖြန့်လျှက်၊ သားငယ်တို့ကို ယူ၍မိမိအတောင်တို့ဖြင့် ဆောင်သကဲ့သို့၊ ထာဝရဘုရားတပါးတည်းသာလျှင်၊ ယာကုပ်ကိုဆောင်သွားတော်မူ၏။ အခြားတ ပါးသောဘုရားမည်မျှမရှိ။(တရားဟော ၃၂း၁၁-၁၂) လင်းယုန်သည်သားငယ်တို့ကိုပျံသန်းတတ်ဘို့ရန်၊ ပျံဘို့ရန်အသိုက်ကို မွှေနှောက်တတ်သည်။ အဘယ်ကြောင့်နည်းဟူမူကား၊ သားငယ်တို့ကိုအသိုက်၌တချိန်လုံးမနေဘဲ၊ လေထဲ၌ပျံဝဲပြီးအစားအ စာများကိုရှာတတ်ဘို့ရန်ဖြစ်သည်။      ငါသည်အဲဂုတ္တုပြည်လူတို့၌ပြုသောအကြောင်း၊ သင်တို့ကိုလင်းယုန်အတောင်ဖြင့်ထမ်း၍ကိုယ်ဘို့သိမ်းယူသော အကြောင်းကိုသင်တို့သည်သိမြင်ရကြပြီ။(ထွက် ၁၉း၄) အဘယ်ကြောင့်ဘုရားသခင်ကဣသရေလလူမျိုးများကို၊ အဲဂုတ္တုကျွန်မှရိုးရိုးမကယ်နှုတ်ဘဲအဲဂုတ္တုပြည်ကိုဖျက်ဆီးခဲ့သနည်း။ သူ၏တန်ခိုးကိုပြဘို့၊ အဲဂုတ္တုဘုရားများကိုတရားစီရင်ဘို့ရန်ဖြစ်သည် (ထွက် ၁၂း၁၂)။ ထိုမျှမက၊ ဣသရေလလူများ သည်အဲဂုတ္တုပြည်ကိုအလွန်နှစ်သက်စွဲလန်းကြသည်။ သူဂတိပေးသောနို့နှင့်ပျားရည်စီးသောခါနန်ပြည်ကိုမနှစ်သက်၊ မစွဲလန်း ကြသောကြောင့်၊ အဲဂုတ္တုပြည်ကိုမစွဲလန်းဘို့ရန်ဖျက်ဆီးခြင်းဖြစ်သည်။ သို့သော်မည်သို့ပင်ဖျက်ဆီးသော်လည်း၊ ဣသရေလ လူများသည်အဲဂုတ္တုပြည်ကိုလမ်းတလျှောက်လုံးစွဲလန်းကြောင်းသူတို့၏စကားအရသိရသည်။ ဘုရားသခင်ကဖာရောစစ်သား များကိုလိုက်စေသောအခါ၊ မကြောက်ဘို့၊ သူ၏ဘုန်းထင်ရှားဘို့ဖြစ်ကြောင်းမည်မျှပင်ကြိုပြောသော်လည်း၊ တကယ်လိုက် လာသောအခါဤကဲ့သို့မောရှေကိုအပြစ်တင်ကြသည်၊ “ဖာရောဘုရင်သည်ချဉ်းလာသောအခါ၊ ဣသရေလအမျိုးသား တို့ သည်မြော်ကြည့်၍၊ အဲဂုတ္တုလူတို့စစ်ချီလာကြောင်းကို မြင်လျှင်၊ အလွန်ကြောက်လန့်၍ထာဝရဘုရားအားအော်ဟစ်ကြ၏။ မောရှေကိုလည်း၊ အဲဂုတ္တုပြည်၌သင်္ချိုင်းမရှိသောကြောင့်၊ ဤတော၌သေစေခြင်းငှါငါတို့ကိုဆောင်ခဲ့သလော။ ငါတို့ကိုဤ သို့ပြု၍၊ အဲဂုတ္တုပြည်မှအဘယ်ကြောင့်ဆောင်ခဲ့သနည်း။ ငါတို့သည်အဲဂုတ္တုလူတို့ထံ၌အစေကျွန်ခံနေလျက်ရှိကြပါစေဟု၊ အဲဂုတ္တုပြည်၌ငါတို့ပြောရာတွင်၊ ဤအမှုကိုရည်ဆောင်၍ပြောသည်မဟုတ်လော။ ငါတို့သည်ဤတော၌သေရသည်ထက်၊ အဲဂုတ္တုလူတို့ထံ၌အစေကျွန်ခံလျှင်သာ၍ကောင်းသည်ဟုဆိုကြ၏။”(ထွက် ၁၄း၁၀-၁၂) ဣသရေလလူမျိုးများသည်၊ နို့နှင့် ပျားရည်စီးသောခါနန်ပြည်၌၊ ကောင်းကြီးခံစားသည်ထက် အဲဂုတ္တုကျွန်ခံချင်ကြသည်။ မည်မျှမိုက်ကြသနည်း။ ခါနန်ပြည်ဝင်ခါနီးတွင်လည်းထိုပြည်ကိုစိုးစမ်းသောလူဆယ်ယောက်က၊ မကောင်း သတင်းကြားပြောသောအခါ၊ ”ပရိသတ်အပေါင်းတို့သည်အသံကိုလွှင့်၍မြည်တမ်းသဖြင့်၊ […]

Periodical: Good News August 2022

Home >   Periodicals > August 2022 August 2022 GOOD NEWS PERIODICAL ကပ်ကာလမသိခြင်းသည်အလွန်အပြစ်ကြီး ၁ ထိုအခါဖာရိရှဲနှင့်ဇဒ္ဒုကဲတို့သည်ကိုယ်တော်ကိုစုံစမ်းနှောင့်ရှက်ခြင်းငှါချဉ်းကပ်၍၊ မိုဃ်းကောင်းကင်ကဖြစ်သောနိမိတ်လက္ခဏာကိုပြတော်မူမည်အကြောင်းတောင်းပန်ကြ၏။ ၂ ကိုယ်တော်ကလည်း၊ သင်တို့သည်ညဦးယံ၌ပြောဆိုတတ်သည် ကား၊ ယခုမိုဃ်း တိမ် နီ သည်ဖြစ်၍မိုဃ်းကြည်လင်လိမ့်မည်ဟုဆိုတတ်ကြ၏။ ၃ နံနက်ယံ၌ကား၊ ယခုမိုဃ်းအုံ့ လျက်ရှိ၏။ နီမောင်းသောအဆင်းလည်းရှိ၏။ ယနေ့မိုဃ်းသက်မုန်တိုင်းလာလိမ့် မည်ဟု ဆို တတ်ကြ၏။ လျှို့ဝှက်သောသူတို့၊ သင်တို့သည်မိုဃ်း ကောင်းကင်၏မျက်နှာကိုပိုင်း ခြား ၍သိနိုင်ကြ၏။ ကပ်ကာလ၏နိမိတ်လက္ခဏာတို့ကိုပိုင်းခြား၍မသိနိုင် ကြ။ ၄ ဆိုး ညစ် ၍ မျောက်မထားသောအမျိုးသည်နိမိတ်လက္ခဏာကိုတောင်းသည်မှာ၊ ပရောဖက် ယောန၏နိမိလက္ခဏာမှတပါးအဘယ်လက္ခဏာကိုမျှသူတို့အားမပြရာဟုမိန့်တော်မူပြီးလျှင်ထိုသူတို့ရှိရာမှထွက်၍ကြွတော်မူ၏။ (မဿဲ ၁၆း၁-၄)  သခင်ယေရှုကကပ်ကာလမသိသောကျမ်းတတ်ပုဂ္ဂိုလ်ဖါရိရှဲနှင့်ဇဒ္ဒုကဲများကို၊ လျှို့ဝှက်သောသူ၊ ဆိုးညစ်သောသူ၊ မျောက်မထားသောသူဟုဆိုသည်။ အဘယ်ကြောင့် ထိုသို့ဆိုသနည်း။ ထိုအရာများကိုလေ့လာကြပါစို့။ လျှို့ဝှက်သောသူ မြန်မာကျမ်းစာအုပ်၌လျှို့ဝှက်သောသူဟုဆိုသောအရာသည်၊ အင်္ဂလိပ်ကျမ်းစာအုပ်များ၌၊ hypocrite ဟုတွေ့ရသည်။ hypocrite ဆိုသည်မှာပြော သည့်အတိုင်းမလုပ်သောသူ၊ “ပါးစပ်ဘဲ” ဟုအဓိပ္ပါယ်ရသည်။ ဥပမာ၊ လုပ်အားပေးဘို့ တိုက်တွန်းကြေညာသော်လည်းကိုယ်တိုင်လုပ်အားမပေး၊ လှူဘို့ရန်အားပေးသော်လည်း ကိုယ်တိုင်မလှူ၊ မူးယစ်ဆေးဝါးမသုံးဘို့အော်နေသော်လည်းကိုယ်တိုင်တိပ်တဆိပ်သုံးသူ သည်၊ ပါးစပ်ဘဲ (hypocrite) ဖြစ်သည်။ ကျမ်းတတ်ပုဂ္ဂိုလ်များလည်းခရစ်တော်ကြွလာမည့်အရာကိုမြော်လင့်စောင့်စားကြသော်လည်း၊ အရှေ့ပြည်ကပညာရှိများရောက်လာ၍၊ ယုဒရှင်ဘုရင်မည်သည့်နေရာ ၌မွေးဘွားသနည်းဟုမေးမြန်းသောအခါ၊ […]

Periodical: Good News July 2022

Home >   Periodicals > July 2022 JULY 2022 GOOD NEWS PERIODICAL      မည်ကဲ့သို့အသင့်ပြင်ဆင်မည်နည်း GPS မပေါ်ခင်၌ခရီးသွားသောအခါမြေပုံနှင့်လမ်းပေါ်ရှိဆိုင်းဘုတ်များကိုချိန်ကိုက် တတ်မှသာလျှင်လိုရာခရီး သွားနိုင်သည်။ မြေပုံမရှိဘဲခရီးသွား၍မရချေ။ လမ်းပေါ်ရှိ ဆိုင်းဘုတ်များမဖတ်တတ်လျှင်လည်းခရီးသွား၍မရချေ။ ထို့နည်းတူ၊ ဝိညာဉ်ခရီးသွား ရာတွင်၊ မြေပုံနှင့်ဆိုင်းဘုတ်များလိုအပ်သည်။ လမ်းပြမြေပုံသည်ကျမ်းစာအုပ်ဖြစ်၍၊ ဆိုင်းဘုတ်များသည်ကမ္ဘာပေါ်၌ဖြစ်ပျက်သောအရာများဖြစ်သည်။ မြေပုံရှိ၍ဆိုင်းဘုတ်ရှိ သော်လည်း၊ မဖတ်တတ်၊ မယှဉ်တတ်လျှင်ခရီးသွား၍မရသကဲ့သို့၊ ကျမ်းစာအုပ်ရှိသော် လည်းမဖတ်၊ သို့မဟုတ်အဓိပ္ပါယ်မသိလျှင်မြေပုံမဖတ်တတ်သကဲ့သို့ဖြစ်သည်။ လမ်းပေါ်ရှိဆိုင်းဘုတ်များမြင်နေရသော်လည်း၊ မဖတ်တတ်သို့မဟုတ်မြေပုံနှင့်မယှဉ်၊ မကြည့်တတ်လျှင်လည်း၊ ခရီးသွား၍မရသေးချေ။ ထိုသို့မြေပုံမရှိ၊ မကြည့်တတ်၊ ဆိုင်းဘုတ်နှင့်မြေပုံယှဉ်မကြည့်တတ်သူများသည်၊ ကြည့်တတ်သောသူများကိုအားကိုးဘို့လိုသည်။ ထိုနည်းတူကျမ်းစာမဖတ်၊ ဖတ်လျှင်လည်းနားမလည်၊ ကမ္ဘာ့သတင်းများကိုလည်းနားမထောင်၊ နားမလည်သောသူများအတွက်ဤစာကိုရေးပေးရခြင်းဖြစ်ပါသည်။ သုံးကာလ ကျမ်းစာ၌၊ ကမ္ဘာ့ပြက္ခဒိန်ကိုရေးပြီးသားဖြစ်သည်။ ဘုရားသခင်က၊ “အစအဦးမှစ၍ အဆုံးတိုင်အောင်၎င်း၊ ရှေးကာလမှစ၍ မဖြစ်သေးသောအမူအရာတို့ကို၎င်း၊ ဘော်ပြလျက်ငါ့အကြံတည်လိမ့်မည်။” […]

Periodical: Good News July 2009

Home   >   Periodicals    >    gn072009 JULY, 2009 GOOD NEWS PERIODICAL . မာတိကာ အမှာစာ ဒုက္ခ ဆင်းရဲကို မည်ကဲ့သို့ ကျော်လွှားရမည်နည်း ပညတ်တော်လိုက်လျှောက်သည့် သူဌေးလုလင် မှန်ကန်သော ရွေးချယ်ခြင်း ခရစ်တော် ပဌမ အကြိမ်ကြွလာခြင်းမှ ဒုတိယအကြိမ် ကြွလာခြင်း အထိ ကျန်းမာရေး သတင်းတိုထွာများ ဝိညာဉ်ရေးရာဆိုင်ရာ အထောက်အကူများ . အမှာစာ ဤသတင်းကောင်း စာစောင်ဆက်လက်ထုတ်ဝေခွင့်ပြုသော ဘုရားသခင်၏ နာမသည် ကမ္ဘာအဆက် ဆက်ဘုန်းကြီး၍ မင်္လာရှိပါစေသော်။ လစဉ်ဝယ်ယူ အားပေးကြသော ယုံကြည်သူ အယောက်စီတိုင်း အပေါ်၌လည်း ဘုရားသခင်ကကောင်းကြီးပေးပါစေ။ ယခုလိုလစဉ်ထုတ်ဝေနိုင်ရန် အတွက် စာမှုများကိုအချိန်ပေး၍စုဆောင်းခြင်း၊ ပုံနှိပ်ရေးသားခြင်း၊ ထုတ်ဝေခြင်းများကိုဘုရားသခင်မျက်နှာ ထောက်ရှု၍ အမှုတော်မြတ်၌ပါဝင်သော […]