GOODNEWS
.  GOODNEWS  2023 APR
 
POSTED ON 05/05/2023

မအောင်မြင်သောဘိသိတ်

နှစ်စဉ်နှစ်တိုင်းသခင်ယေရှု၏မအောင်မြင်သောရှင်ဘုရင်အဖြစ်ဘိသိတ်မည့်နေ့ကိုခရစ်ယာန်များက၊ Palm Sunday စွန်ပလွန်ခက် သို့မဟုတ်ထန်းလက်နေ့ဟုနာမည်ပေးကာကျင်းပတတ်ကြသည်။ ထိုအရာကိုမဿဲ ၂၁း၁-၁၁၊ မာကု ၁၁း၁-၁၀၊  လုကာ ၁၉း၂၉-၃၈ တို့၌ တွေ့ရသည်။ စွန်ပလွန်ခက်နေ့ဟုဆိုခြင်းသည်ထိုနေ့၏အဓိပ္ပါယ်ကိုအတိအကျမဖေါ်ထုတ်နိုင်ပါ။ ထိုအရာနှင့်ပတ်သက်၍မဿဲ ၂၁ ထဲမှလေ့ လာကြစို့။

၁။ ယေရုရှလင်မြို့အနီးသို့ချဉ်း၍သံလွင်တောင်ခြေရင်း၌ဗက်ဖာဂေရွာသို့ရောက်ကြသောအခါ၊ ယေရှုသည်တပည့်တော်နှစ် ယောက်တို့ ကိုစေ လွှတ်၍၊ ၂။ သင်တို့ ရှေ့၌ရှိသောရွာသို့သွားကြ၊ ထိုရွာ၌ချည်နှောင်လျက်ရှိသောမြည်းမနှင့်မြည်းကလေးကို သင်တို့သည်ချက်ခြင်း တွေ့လိမ့်မည်။ မြည်းကြိုးကိုဖြည်၍ငါ့ထံသို့ဆောင်ခဲ့ကြ။ ၃။ သူတပါးသည်သင်တို့အားတစုံတခုကို ဆိုလျှင်၊ သခင်အလိုရှိသည်ဟုပြန်ပြော ကြလော့။ ထိုသို့ပြောလျှင်ထိုသူသည်ချက်ခြင်းပေးလိုက်မည်ဟုမှာထားတော်မူ၏။

သခင်ယေရှုသည်အသတ်မခံမှီတပတ်တွင်ရှင်ဘုရင်အဖြစ်သူ့ကိုသူဆက်ကပ်သည်။ ထိုနေ့ကိုခရစ်ယာန်များကစွန်ပလွံနေ့(Palm Sunday)ဟုခေါ်ကြသည်။ ထိုသို့ခေါ်ခြင်းသည်ယေရှု၏ဆက်ကပ်ခြင်းအတွက်အဓိပ္ပါယ်လျော့နည်းစေသည်။ အမှန်မှာသူ့ကိုသူရှင်ဘုရင် အဖြစ်ဆက်ကပ်သောကြောင့်အလွန်အရေးကြီးသည်။ မင်္ဂလာဆောင်သောနေ့၌သူတို့သားနှင့်သူတို့သမီးများသည်အရေးကြီးဆုံးဖြစ် သည်။ ထို့နည်းတူ၊ သမတများရာထူးခန့်အပ်နေ့ (inauguration day) သည်အလွန်အရေးကြီးသည်။ ထိုကြောင့်သခင်ယေရှု၏ရှင်ဘုရင် အဖြစ်ဘိသိက်ပေးမည့်နေ့သည်အလွန်အရေးကြီးသည်။ သို့သော်ခရစ်ယာန်များကစွန်ပလွံနေ့ ဟုဆိုခြင်းသည်ဝမ်းနည်းစရာကောင်း သည်။
၄။ ထိုအကြောင်းအရာမူကား၊ သင်၏အရှင်မင်းကြီးသည်မြည်းမနှင့်မြည်းကလေးကိုစီး၍၊ ၅။ နူးညံ့သိမ်မွေ့သောစိတ်နှင့်သင်ရှိရာသို့ ကြွ လာတော်မူသည်ကိုကြည့်ရှုလော့၊ ဟုဇိအုန်သတို့သမီးအားပြောကြလော့ဟူသော၊ ပရောဖက်၏နှုတ်ထွက်ပြည့်စုံ မည့်အကြောင်း ဖြစ်သ တည်း။ 

သခင်ယေရှုမြည်းမနှင့်မြည်းကလေးကိုစီးမည့်အကြောင်းကိုပရောဖက်ဇာခရိကနှစ်ပေါင်းလေးရာခန့်ကြို၍၊ ဤသို့ရေးသားခဲ့ပြီ၊ အိုဇိအုန်သတို့သမီးအ လွန်ဝမ်း မြောက်လော့။ “အိုယေရုရှလင်မြို့သတို့သမီးကြွေးကြော်လော့။ တရားသဖြင့်စီရင်၍၊ ကယ်တင်ခြင်းသို့ ရောက်သောသခင်၊ သင်၏အရှင်မင်းကြီးသည်မြည်းမနှင့်မြည်း ကလေးကိုစီး၍နူးညံ့သိမ်မွေ့သောစိတ်နှင့်သင်ရှိရာသို့ကြွလာတော်မူသည် ကိုကြည့်ရှုလော့။” (ဇာခရိ ၉း၉) ပရောဖက်ဇာခရိကသခင်ယေရှုကိုအရှင်မင်းကြီးဟုဆိုခဲ့ပြီ။ ထို့ကြောင့်သခင်ယေရှုသည်ရှင်ဘုရင်အဖြစ် ဘိသိက်ခံဘို့ရန်မြည်းကိုစီးခြင်းဖြစ်သည်။
၆။ တပည့်တော်တို့သည်သွား၍အမိန့်တော်အတိုင်းပြုသဖြင့်၊ ရ။ မြည်းမနှင့်မြည်းကလေးကိုဆောင်ခဲ့၍၊ မြည်းကျောပေါ်မှာ မိမိတို့ အဝတ် ကိုတင်ကြပြီးလျှင်၊ ကိုယ်တော်သည်စီးတော်မူ၏။

ယုဒရှင်ဘုရင်များသည်ယေရုရှလင်မြို့အပြင်ဘက်မှာ၊ ရှင်ဘုရင်အဖြစ်ဘိသိက်ခံ၍ယေရုရှလင်မြို့သို့ချီတက်တတ်ကြသည်။
၈။ အတိုင်းမသိများစွာသောလူတို့သည်၊ မိမိတို့အဝတ်ကိုလမ်း၌ခင်းကြ၏။ အချို့တို့သည်၊ သစ်ကိုင်းသစ်ခက်များကိုခုတ်၍လမ်း၌ ခင်းကြ၏။

အတိုင်းမသိများစွာသောလူများကသခင်ယေရှုကိုလှိုက်လှိုက်လှဲလှဲကြိုဆိုကြောင်း မိမိတို့အဝတ်များကိုလမ်း၌ခင်းခြင်းဖြင့်ဖေါ် ပြကြသည်။ အဝတ်ခင်း စရာမရှိသူများကသစ်ကိုင်းသစ်ခက်များကိုခုတ်၍ခင်းကြသည်။ ယခုခေတ်တွင်နိုင်ငံခြားသို့လည်ပတ်သောနိုင်ငံ ခေါင်းဆောင်များကိုကော်ဇောနီခင်းပေး ခြင်းဖြင့် ကြိုတတ်ကြသည်။

၉။ ရှေ့နောက်လိုက်သွားသောအခြံအရံများတို့က၊ ဒါဝိဒ်၏သားတော်အားဟောရှဏ္ဏဖြစ်စေသတည်း။ ထာဝရဘုရား၏အခွင့်နှင့်ကြွလာ တော်မူသော သူသည် မင်္ဂလာရှိစေသတည်း။ ကောင်းကင်ဘဝဂ်ဝယ်ဟောရှဏ္ဏ (Yahweh is salvation) ဖြစ်စေသတည်းဟုကြွေး ကြော် ကြ၏။

ရှေ့နောက်လိုက်သွားသောသူများကအဘယ်ကြောင့်ယေရှုကိုဒါဝိဒ်၏သားတော်ဟုဆိုသနည်း။ အမှန်မှာယေရှုနှင့်ဒါဝိဒ်မင်း သည် နှစ်ပေါင်း ၁၀၀၀ ကွာခြားသည်။ ဒါဝိဒ် သည်ယုဒရှင်ဘုရင်ဖြစ်သည်။ ယေရှုသည်ဒါဝိဒ်မြို့တည်းဟူသောဗက်လင်မြို့၌ဖွားမြင်သော် လည်း ကြီးပွားရာမြို့သည်နာဇရက်မြို့ဖြစ်သည်။ “နာသနေလကလည်း၊ နာဇရက်မြို့ ထဲကကောင်းသောအရာတစုံတခုမျှထွက်နိုင်သလော?” ဟု ဆိုခဲ့သည် (ယော ၁း၄၆)။ နာဇရက်မြို့သားများကလည်း၊ “သူသည်လက်သမားမဟုတ်လော။ မာရိ၏သားမဟုတ် လော။ ယာကုပ်၊ ယောသေ၊ ယုဒ၊ ရှိမုန်တို့၏အစ်ကိုမဟုတ်လော။ သူ့နှမများသည်လည်းငါတို့နှင့်အနီးအပါးနေကြသည်မဟုတ်လော၊ ဟုပြောဆိုလျက် စေတနာစိတ်ပျက်ကြ ၏။“(မဿဲ ၁၃း၅၅၊ မာကု ၆း၃)။

ဒါဝိဒ်၏သားတော်ဟုဆိုခြင်းဖြင့်သူသည်ဒါဝိဒ်မင်းမျိုးဖြစ်၍ရှင်ဘုရင်ဖြစ်ကြောင်းကိုဝန်ခံခြင်းဖြစ်သည်။ ထိုအပြင် ယေရှုသည် သူ့သဘောနှင့် ကြွလာသည်မဟုတ်၊ ထာ၀ရဘုရား၏အခွင့်နှင့်ကြွလာတော်မူကြောင်းကိုလက်ခံဝန်ခံကြသည်။ ဟောရှဏ္ဏဟူသောစကား သည် ဘုရား၏ကယ်တင်ခြင်းဟုအဓိပ္ပါယ်ရသည်။ ထို ပရိသတ်များသည်သခင်ယေရှုကိုသူဖြစ်သည့်အတိုင်းထာ၀ရဘုရားအခွင့်နှင့်ကြွလာ တော်မူသောရှင်ဘုရင်အဖြစ်လက်ခံကြသည်။

၁၀။ ယေရုရှလင်မြို့သို့ဝင်တော်မူသောအခါ၊ တမြို့လုံးအုပ်အုပ်သဲသဲဖြစ်၍၊ ဤသူကားအဘယ်သူနည်းဟုမေးမြန်းကြလျှင်၊

ယေရုရှလင်မြို့သားများသည်ယေရှုကိုမသိကြ။ ထို့ကြောင့်ဤသူသည်မည်သူနည်းဟုမေးကြသည်။ အဘယ်ကြောင့်မ သိကြ သနည်း။ ယေရှုဖွားမြင်သောအခါ၌လည်းအရှေ့ပြည်မှပညာရှိများက၊  ”ယခုဘွားမြင်သောယုဒရှင်ဘုရင်သည်၊ အဘယ်မှာရှိတော်မူ သနည်း။ အရှေ့ ပြည်၌သူ၏ ကြယ်ကိုငါတို့မြင်ရသည်ဖြစ်၍ဖူးတွေ့ပူဇော်ခြင်းငှါ ရောက်လာပြီ၊ ဟုမေးမြန်းပြောဆိုကြ၏။ ထိုစကား ကိုကြားလျှင်၊ ဟေရုဒ်မင်းကြီးသည်ယေရုရှလင်မြို့သူမြို့သားအပေါင်းတို့နှင့်တကွစိတ်ပူပန်ခြင်းသို့ရောက်သဖြင့်၊”  (မဿဲ ၂း၂-၃) ဟုပူ ပန်ခဲ့ဘူးသည်။ အဘယ်ကြောင့်ပူပန်ကြသနည်း။ အမှန်မှာသူတို့သည်ယုဒရှင်ဘုရင်၊ မေရှိယရောက်လာမည့်အရာကိုမြော် လင့်ကြ သည်မ ဟုတ်လော။ သူမွေးဘွား သောအခါဟေရုဒ်မင်းနှင့်အတူပူပန်ကြခြင်းသည်သူ့ကိုလက်မခံခြင်းဖြစ်သည်။ ထို့ကြောင့်သခင်ယေရှုက၊ အိုယေရုရှလင်မြို့၊ ယေရုရှလင်မြို့၊ သင်သည်ပရောဖက်တို့ကိုသတ် မြဲရှိ၏။ သင်ရှိရာသို့စေလွှတ်သောသူတို့ကိုလည်း၊ ကျောက်ခဲနှင့်ပစ်မြဲ ရှိ၏။ ကြက်မသည်မိမိသားငယ်တို့ကိုအတောင်အောက်၌စုရုံးသကဲ့သို့၊ သင်၏သားတို့ကိုစုရုံးစေခြင်းငှါ ကြိမ်ဖန်များစွာငါအလိုရှိပြီ။ သင် မူကားအလိုမရှိ။ ၃၈ သင်တို့နေသောအိမ်သည်၊ သင်တို့၌လူဆိတ်ညံလျက်ကျန်ရစ် ရ၏။ ၃၉ ငါဆိုသည်ကား၊ ထာဝရဘုရား၏အခွင့်နှင့်ကြွ လာ သောသူသည်၊ မင်္ဂလာရှိစေသောဟုသင်တို့မပြောမှီတိုင်အောင်၊ ယခုမှစ၍သင်တို့သည်ငါ့မျက်နှာကိုမမြင်ရကြဟုမိန့်တော်မူ၏။ (မဿဲ ၂၃း၃ရ-၃၉) ဟုဝမ်းနည်းစွာဆိုခဲ့ဘူးသည်။

၁၁။ လူအစုအဝေးတို့က၊ ဤသူသည်ဂါလိလဲပြည်နာဇရက်မြို့၌ပေါ်ထွန်းသောပရောဖက်ယေရှုပေတည်းဟုပြောဆိုကြ၏။

သခင်ယေရှုကိုလူအစုအဝေးတို့ကပရောဖက်အဖြစ်သာသိရှိလက်ခံကြသည်။ သခင်ယေရှုသည်ပရောဖက်ဖြစ်ပါသည်။ သို့သော် ထိုရာထူးသည်သူ့အတွက်အလွန်နိမ့်ကျသည်။ အကြောင်းမှာပရောဖက်များသည်သူကိုယ်တိုင်ကအသုံးပြု၍ပရောဖက်ပြုခိုင်းသော သူ များဖြစ်သည်။ သခင်ယေရှုသည်ပရောဖက်များကိုဖန်ဆင်းအသုံးပြုသောသူ ဖြစ်သည်။ မူစလင်များကလည်းသခင်ယေရှုကိုသူတို့ဘုရား အလ္လာ၏ပရောဖက်အဆင့်ဖြင့်သာလက်ခံကြသည်။ သူတို့အမြင်၌သခင်ယေရှုသည်ဘုရားမဟုတ်၊ ကယ်တင်ရှင် လည်းမဟုတ်၊ အပြစ် သားများအတွက်လည်းအသေမခံ၊ မိုဟာမက်ထက်နိမ့်ကျသောပရောဖက်ဖြစ်သည်ဟုယူဆကြသည်။ သင်သည်သခင်ယေရှုကိုမည်ကဲ့ သို့မြင်သနည်း။

၁၂။ ယေရှုသည်ဘုရားသခင်၏ဗိမာန်တော်သို့ဝင်တော်မူပြီးလျှင်၊ ဗိမာန်တော်၌ရောင်းဝယ်သောသူအပေါင်းတို့ကိုနှင်ထုတ်၍၊ ငွေလဲသော သူတို့၏ခုံများကို၎င်း၊ ချိုးငှက်ရောင်း သောသူတို့၏ထိုင်နေရာကို၎င်း၊ တွန်းလှဲတော်မူလျက်၊ ၁၃။ ငါ့အိမ်ကို ဆုတောင်းရာ အိမ်ဟူ၍ခေါ် ဝေါ်ကြလတံ့ဟုကျမ်းစာ၌ လာသော်လည်း၊ သင်တို့သည် ထိုအိမ်ကိုဓါးပြတွင်း ဖြစ်စေကြပြီးတကားဟုမိန့်တော်မူ၏။

အဘယ်ကြောင့်သခင်ယေရှုကဗိမာန်တော်ထဲမှရောင်းဝယ်သောသူတို့ကိုဒေါသနှင့်နှင်ထုတ်သနည်း။ အကြောင်းမှာဗိမာန်တော် သည် ဘုရားသခင်၏အိမ်တော်ဖြစ်၍ ဆုတောင်းမည့်နေရာဖြစ်သည်။ သူ့ကိုလည်းလှိုက်လှဲစွာကြိုဆို၍ရှင်ဘုရင်အဖြစ်ဘိသိက်ပေးဘို့ဖြစ် သည်။ သို့သော်ဘုရား၏အိမ်တော်၌သူခိုးဓါးပြများလုပ်နေကြသည်။ မည်ကဲ့သို့ဓါးပြများဖြစ်ကြသနည်း။ ဗိမာန်တော်၌တိရစ္ဆာန်များရောင်း ကြသည်။ ငွေများလဲလှယ်ကြသည်။ အဘယ်ကြောင့်တိရစ္ဆာန်များရောင်းကြသနည်း။ အဝေးမှလာ၍ဘုရားကိုးကွယ်မည့်သူများသည်က

၁၄။ ထိုအခါဗိမာန်တော်၌မျက်စိကန်းသောသူ၊ ခြေမစွမ်းသောသူတို့သည်အထံတော်သို့လာ၍သူတို့အနာရောဂါကိုငြိမ်းစေတော်မူ၏။

သခင်ယေရှုသည်ဗိမာန်တော်ရောက်သောအခါဘာသာရေးခေါင်းဆောင်များကလက်မခံဆန့်ကျင်ဘက်ပြုခြင်းခံသောကြောင့်စိတ် မသာအမျက်ဒေါသထွက်နေချိန်တွင်၊ ကိုယ့်ပြသနာသာသိ၍ကျန်းမာဘို့သာအာရုံစိုက်သောမျက်စိကန်းသူခြေမစွမ်းသောသူတို့က၊ သူတို့၏ အနာရောဂါငြိမ်းစေဘို့ရန်သခင်ယေရှုထံတောင်းပန်ကြသည်။ မိဘများစိတ်ရှုပ်နေချိန်တွင်သားသမီးများကသူတို့လိုချင်သောအရာကိုသာ သိ၍ပစ္စည်းဝယ်ပေးဘို့တောင်းနေသကဲ့သို့ဖြစ်သည်။ ကျွန်ုပ်တို့လည်းသူတို့ကဲ့သို့ဖြစ်နေကြပါသလား။ ဘုရားအလိုတော်ကိုမသိဘဲ၊ ကိုယ့် ဆန္ဒဖြည့်ဆည်းဘို့သာဆုတောင်းနေကြပါသလား။

၁၅။ ကိုယ်တော်ပြုတော်မူသောအံ့ဩဘွယ်အမှုတို့ကို၎င်း၊ သူငယ်တို့ကလည်းဒါဝိဒ်၏သားတော်အားဟောရှဏ္ဏဖြစ်စေသတည်းဟု ဗိမာန် တော်၌ကြွေးကြော်ကြသည်ကို၎င်း၊ ယဇ်ပုရောဟိတ်အကြီး၊ ကျမ်းပြုဆရာတို့သည်ကြားမြင်လျှင်အမျက်ထွက်ကြ၍၊

ယဇ်ပုရောဟိတ်အကြီးနှင့်ကျမ်းပြုဆရာများသည်ဘုရား၏အမှုတော်ဆောင်များဖြစ်သောကြောင့်သခင်ယေရှုကိုပဌမဦးစွာလက်ခံ ကြိုဆိုမည့်သူများဖြစ်သည်။ သို့သော်သူတို့၏သခင်ကိုကြိုဆိုမည့်အစားသူ့ကိုဆန့်ကျင်၍၊ ကြိုဆိုသောသူများကိုအပြစ်တင်ကြသည်။ သူ ငယ်များသည်အသက်အရွယ်ငယ်သောခလေးများကိုဆိုလိုသည်မဟုတ်။ ခရစ်တော်ကသူ့နောက်လိုက်တမန်တော်များနှင့်ပတ်သက်၍ဤ သို့ဆိုဘူးသည်၊ “ထိုအခါယေရှုက၊ ကောင်းကင်နှင့်မြေကြီးကိုအစိုးရတော်မူသောအဘ၊ ကိုယ်တော်သည်ပညာအလိမ္မာနှင့်ပြည့်စုံသော သူတို့အားဤအရာများကိုထိမ်ဝှက်ကွယ်ထားလျက်သူငယ်တို့အားဘော်ပြတော်မူသည်ဖြစ်၍၊ ကျေးဇူးတော်ကိုအကျွန်ုပ်ချီးမွမ်းပါ၏။” (မဿဲ ၁၁း၂၅) ပညာအလိမ္မာနှင့်ပြည့်စုံသောသူများသည်ယဇ်ပုရောဟိတ်နှင့်ကျမ်းတတ်များဖြစ်၍သူငယ်များသည်တမန်တော်များကိုဆိုလို ခြင်းဖြစ်သည်။

၁၆။ ဤသူတို့သည်အဘယ်သို့ပြောဆိုသည်ကိုကြားသလောဟုယေရှုအားမေးကြသော်၊ ငါကြား၏။ နို့စို့သူငယ်တို့နှုတ်ထဲမှကိုယ်တော်သည် ချီးမွမ်းခြင်းကိုပြင်ဆင်တော်မူသည်၊ ဟူသောစကားကိုသင်တို့သည်တရံတခါမျှမဖတ်ဘူးသလောဟုမိန့်တော်မူ၏။

သခင်ယေရှုကိုလက်ခံမည့်အကြောင်းကိုပဋိညာဉ်တရားဟောင်း၌ဤကဲ့သို့ဟောပြောခဲ့ပြီ၊ “အိုအကျွန်ုပ်တို့၏ဘုရားရှင်ထာဝရ ဘုရား၊ နာမတော်သည်မြေကြီးတပြင်လုံး၌အလွန်ကြီးမြတ်တော်မူ၏၊၊ ဘုန်းအာနုဘော်တော်သည်၊ မိုးကောင်းကင်ပေါ်မှာတည်လျက် ရှိပါ၏၊၊ ၂ ကိုယ်တော်၏ ရန်သူတို့ကိုရည်ဆောင်၍ ရန်သူကို၎င်း၊ အငြိုးထားသောသူကို၎င်း၊ တိတ်ဆိတ်စွာနေစေခြင်းငှါ၊ နို့စို့သူငယ် တို့၏ နှုတ်ထဲမှာအစွမ်းသတ္တိကိုစီရင်တော်မူ၏၊၊” (ဆာလံ ၈း၁-၂) နို့စို့သူငယ်တည်းဟူသောသာမန်လူများကသခင်ယေရှုကိုရှင်ဘုရင်အဖြစ်လက်ခံ ခြင်းကိုဘာသာရေးခေါင်းဆောင်များကလုံးဝမကျေနပ်ကြချေ။ ထို့ကြောင့်သခင်ယေရှုအားသူတို့ပြောဆိုသောစကားကိုမကြားသလောဟု မေးခြင်းဖြစ်သည်။ သခင်ယေရှုကလည်း၊ ငါကြား၏ဟုဆိုပြီးဆာလံကျမ်းကိုကိုးကား၍ဖြေကြားခြင်းဖြစ်သည်။ ယနေ့သင်သည်သခင် ယေရှုကိုသင်၏ရှင်ဘုရင်အဖြစ်လက်ခံပါသလား။ ပါးစပ်လက်ခံလျှင်ဘာမျှအကျိုးမရှိပါ။ အသက်တာအားဖြင့်လက်ခံဘို့လိုသည်။ အသက် တာအားဖြင့်လက်ခံခြင်းဆိုသည်မှာ၊ သခင်ယေရှု၏အလိုတော်ကိုသိရမည်၊ သိအောင်ကြိုးစားရမည်။ ထိုနောက်သူ၏အလိုတော်အတိုင်းအ သက်ရှင်ရမည်။ သူခိုင်းသောအလုပ်မှန်သမျှလုပ်ရမည်။ သူ့အလိုတော်ကိုဆောင်ဘို့သည်အဓိကဖြစ်ရမည်။ ယနေ့များစွာသောခရစ်ယာန် များသည်သခင်ယေရှုကိုနှုတ်အားဖြင့်လက်ခံသော်လည်းသူ့စကားနားမထောင်ပါ။ ထို့ကြောင့်၊  ငါ့စကားကိုနားမထောင်ဘဲလျက်၊ ငါ့ကို သခင်၊ သခင်ဟုအဘယ်ကြောင့်ခေါ်ကြသနည်း။  (လုကာ ၆း၄၆)ဟုဆိုခြင်းဖြစ်သည်။

၁ရ။ ထိုအခါသူတို့ကိုထားခဲ့၍မြို့ထဲမှထွက်ပြီးလျှင်၊ ဗေသနိရွာသို့ကြွ၍ထိုညကိုလွန်စေတော်မူ၏။

သခင်ယေရှုသည်ထိုကဲ့သို့ရှင်ဘုရင်အဖြစ်ဘိသိက်ခံဘို့မအောင်မြင်သောကြောင့်ယေရုရှလင်မြို့မှပြန်လည်ထွက်ခွါ၍ဗေသနိရွာ လာဇရုတို့ရွာသို့ပြန်သွားသည်။ အလွန်ဝမ်းနည်းစရာပင်ဖြစ်သည်။

MORE FROM GOODNEWS

2023 2022 2021 2020 2019 2018 2017 2016 2015 2014 2013 2009

YOU MAY ALSO LIKE

 





© 2023 GBCUSA.ORG