နှစ်သစ်ဆုံးဖြတ်ချက်

ယခုအခါနှစ်သစ်ပဌမဦးဆုံးလ၏ အလယ်ရောက်ပြီဖြစ်သော်လည်း နှစ်သစ်ဆုံးဖြတ်ချက် ချပြီးသူများ၊ မချသေးသောသူများအတွက် စဉ်းစားဘို့ရန် ဤစာကိုရေးရခြင်းဖြစ်ပါသည်။ သားသမီး များမွေးဖွားသောအခါ မိဘများက အစစအရာရာကို စီမံဆုံးဖြတ်ပေးတတ်ကြသည်။ သားသမီးများ ကလည်း ငယ်ရွယ်စဉ်တွင် မိဘများ၏စီမံခွဲခန့်သည့်အတိုင်း နေထိုင်တတ်ကြသည်။ မိဘများနှင့်အတူ အပြင်ထွက်လျှင်လည်း လိုက်လိုကြသည်။ မေးခွန်းများလည်း မြောက်များစွာမေးတတ်ကြသည်။

သို့သော် တိုးတက်သောနိုင်ငံများတွင် သားသမီးများသည် ဆယ်ကျော်သက်ရောက်လာသောအခါ မိဘများနှင့် မစည်းကပ်တော့ဘဲ သူငယ်ချင်းများနှင့်ပေါင်းလျှင်ပေါင်း၊ မပေါင်းလျှင်လည်း အခန်းထဲ၌ တယောက် တည်းနေလာတတ်ကြသည်။ သူတို့သည်အီလက်ထောနစ်ကရိယာများနှင့် တကမ္ဘာလုံး ပတ်၍ မကြည့်သင့်၊ နားမထောင်သင့်သောအရာများနှင့် ပျော်မွေ့တတ်ကြသည်။ မိဘများ၏အလို ဆန္ဒသည် သားသမီးများကျောင်းကောင်းကောင်းတက်၍ ဘွဲ့ထူးဂုဏ်ထူးများရကာ အလုပ် ကောင်းကောင်းရ၊ အိမ်ထောင်ပြု၊ သားသမီးများရစေချင်ကြသည်။ သို့သော်၊ ထိုမိဘများ၏ရည်ရွယ် ချက်ကို သားသမီးအများစုက မပြည့်စုံစေဘဲ၊ ဘဝပျက်သွားသောသူများပြားလှသည်။ မိဘများ လည်း ဘာမျှမတတ်နိုင်ဘဲ သားသမီးများကို လက်ပိုက်ကြည့်၊ သက်ပြင်းရှူ၊ အရှုံးပေး၊ ရင်မောရ ကြသည်။

ဘုရားသခင်လည်းခံစား

ဘုရားသခင်လည်း ဣသရေလလူမျိုးများကို အဲဂုတ္တုကျွန်မှကယ်နှုတ်၍ နို့နှင့်ပျားရည်စီးသော ပြည်သို့ ပို့ဆောင်ဘို့ရန်ရည်ရွယ်ပေးသည်။ ထာဝရဘုရားကလည်း၊ အဲဂုတ္တုပြည်၌ရှိသော ငါ၏လူတို့ခံရသော ညှဉ်းဆဲခြင်းကို ငါစေ့စေ့မြင်ခဲ့ပြီ။ သူတို့ကိုစေခိုင်းသော သခင်တို့ကြောင့် သူတို့ မြည်တမ်းသော အသံကိုလည်း ငါကြားခဲ့ပြီ။ သူတို့နာကြည်းခြင်းဝေဒနာကို ငါသိ၏။ သူတို့ကို အဲဂုတ္တုပြည်၊ အဲဂုတ္တုလူတို့လက်မှ ကယ်နှုတ်၍၊ ခါနနိလူ၊ ဟိတ္တိလူ၊ အာမောရိလူ၊ ဖေရဇိလူ၊ ဟိဝိလူ၊ ယေဗုသိလူတို့နေရာ နို့နှင့်ပျားရည်စီးသောပြည်သို့ ပို့ဆောင်ခြင်းငှာ ငါဆင်းလာပြီ။ (ထွက် ၃း၇-၈) ဟု မောရှေထံ အားတက်သရောပြောပြခဲ့သည်။

သို့သော်၊ ဣသရေလလူမျိုးများက ဘုရားသခင်၏ ကြံစည်ပေးသောအရာကို စိတ်ဝင်စား၊ လက်ခံကြပါသလား။ ဖါရောစစ်သားများကလိုက်လာ သောအခါ မောရှေထံ ဤသို့ဆိုခဲ့ကြသည်၊ အဲဂုတ္တုပြည်၌ သင်္ချိုင်းမရှိသောကြောင့်၊ ဤတော၌ သေစေခြင်းငှါ ငါတို့ကို ဆောင်ခဲ့သလော။ ငါတို့ကိုဤသို့ပြု၍၊ အဲဂုတ္တုပြည်မှ အဘယ်ကြောင့် ဆောင်ခဲ့သနည်း။ ငါတို့သည် အဲဂုတ္တုလူတို့ထံ၌ အစေကျွန်ခံနေလျက်ရှိကြပါစေ၊ ဟုအဲဂုတ္တုပြည်၌ ငါတို့ပြောရာတွင်၊ ဤအမှုကိုရည်ဆောင်၍ ပြောသည်မဟုတ်လော။ ငါတို့သည် ဤတော၌ သေရသည်ထက်၊ အဲဂုတ္တုလူတို့ထံ၌ အစေကျွန်ခံလျှင် သာ၍ကောင်းသည်၊ ဟုဆိုကြ၏။ (ထွက်မြောက် ၁၄း၁၁-၁၂) သို့ဖြစ်လျှင်အဘယ်ကြောင့် အဲဂုတ္တုပြည်မှ ထွက်ခဲ့ကြသနည်း။ ကျွန်မဖြစ် ချင်သောကြောင့်သာလျှင်ထွက်ကြခြင်းဖြစ်သည်။

 နောက်ထပ်နှစ်နှစ်အကြာ ခါနာန်ပြည်ဝင်မည့်ဆဲဆဲတွင်လည်း၊ ဂတိပေးသောပြည်သို့မဝင်ချင်ကြောင်း ဒါသန်နှင့်အဘိရံတို့က မောရှေထံ ဤသို့ဆိုခဲ့ကြသည်၊ သင်သည်ဤတော၌ ငါတို့ကိုသတ်လိုလျှင် နို့နှင့်ပျားရည်စီးသောပြည်မှဆောင်ခဲ့သော်လည်း၊ ငါတို့အပေါ်၌ လုံးလုံးမင်းမပြုလျှင်၊ စိတ်မပြေသေးသည်တကား။ ထိုမှတပါး နို့နှင့်ပျားရည်စီးသောပြည်သို့ ငါတို့ကိုမဆောင်၊ လယ်ယာများ၊ စပျစ်ဥယျာဉ်များကိုမပေးဘဲ၊ ဤလူတို့၏မျက်စိကို ဖောက်ချင်သလော။ ငါတို့သည် သင့်ထံသို့မလာ၊ ဟုပြန်ဆို၏။ (တောလည်ရာ ၁၆း၁၃-၁၄) ဘုရားသခင်သည် သူ့အကြံအစည်ကို လက်မခံသောသူ့လူမျိုးတော်အပေါ် ဤသို့ကျိန်ဆိုခဲ့သည်၊ ငါသည်ဤမည်သောပြည်၌ သင်တို့ကို နေရာချမည်၊ ဟုငါကျိန်ဆို၏။ ထိုပြည်သို့ယေဖုန္နာ၏သားကာလက်၊ နုန်၏သားယောရှုမှတပါး အဘယ်သူမျှမရောက်ရ။ ရန်သူလုယူရာဖြစ်လိမ့်မည်၊ ဟုသင်တို့ဆိုသောသူငယ်တို့ကို ငါဆောင်သွင်း၍ သင်တို့ပယ်သောပြည်ကို သူတို့သည်သိရကြလိမ့်မည်။ သင်တို့မူကား၊ ဤတော၌ သေ၍ အသေကောင်ဖြစ်လျက် နေရစ်ရကြလိမ့်မည်။ (တောလည်ရာ ၁၆း၃၀-၃၂)

အဘယ်ကြောင့် ဣသရေလလူများသည် ဂတိပေးသောပြည်သို့မရောက်ဘဲ တော၌သေကျေပျက်စီးကုန်ကြသနည်း။ ဘုရားစီမံပေးသောအရာကိုမလိုချင်၊ အဲဂုတ္တုပြည်ကိုသာစွဲလမ်းသောကြောင့်ဖြစ်သည်။ ဘုရားသခင် ကိုမယုံကြည်၊ သူ၏အကြံအစည်ကိုလက်မခံခြင်းသည် သေခြင်းအကြောင်းဖြစ်သည်။

ဘုရားသခင်၏အကြံအစည်

ဘုရားသခင်သည် ကမ္ဘာပေါ်ရှိလူသားတိုင်း၊ သင်အပါအဝင် သေခြင်း၊ နာခြင်း၊ အိုခြင်း၊ ဒုက္ခဆင်းရဲဝေဒနာခံစားစရာမလိုသော ကောင်းကင်ရွှေပြည်သို့ ကြိုးစားစရာမလို၊ အခမဲ့ဝင်ခွင့်ပေး သည်။ အမေရိကန်ပြည်ထောင်စု၌ ဝင်ခွင့်ပေးလျှင် လူအများစုက အလွန်ဝမ်းမြောက်ကြလိမ့်မည်။ ထိုမျှသာမက နိုင်ငံသားပေးလျှင် သာ၍ဂုဏ်ယူဝမ်းမြောက်၊ စိတ်ချကြလိမ့်မည်။ သို့သော် ဘုရားသခင်က အခမဲ့ကောင်းကင်ဝင်ခွင့်နှင့် နိုင်ငံသားပေးသောအရာကို လုံးဝဂရုမစိုက်ကြချေ။ ဣသရေလလူများက ခါနာန်ပြည်ဝင်ဘို့ အကြိမ်ကြိမ်ငြင်းဆိုခဲ့သကဲ့သို့ လူအများစုသည် အခမဲ့ကောင်းကင်ပြည်ဝင်ခွင့်ကို ငြင်းဆိုနေကြသည်။

သင်သည်ကောင်းကင်ပြည်ဝင်ခွင့်မရသေး၊ သို့မဟုတ်မသေချာသေးလျှင် ယခုနှစ် နှစ်သစ်ဆုံးဖြတ်ချက်၌ ဘုရားပေးသော အခွင့်ကို ယုံကြည်ခြင်းနှင့် လက်ခံဘို့ရန် အကြံပေးလိုပါသည်။ ထိုအရာသည် ကမ္ဘာပေါ်ရှိအခွင့်အရေးအကောင်းဆုံးထက် နှိုင်း၍မရအောင် အရေးကြီးဆုံးနှင့်အကောင်းဆုံးသောအရာဖြစ်သည်။ ဣသရေလလူများကဲ့သို့ ဘုရားပေးသောထိုအခွင့်ကို သင်ဂရုမစိုက် ငြင်းပယ်လျှင်၊ ဣသရေလလူများ တော၌သေကျေပျက်စီးကုန်ကြသကဲ့သို့ သင်လည်းမလိုအပ်ဘဲ အပြစ်ငရဲထဲသို့ ထာဝရဆင်းရဲဒုက္ခခံ ရမည်ကို မေတ္တာအားဖြင့် သတိပေးလိုပါသည်။

 သို့ဖြစ်လျှင် ကောင်းကင်နိုင်ငံဝင်ခွင့်ကို မည်ကဲ့သို့ ရနိုင်မည်နည်း။ ကောင်းကင်နိုင်ငံသည် အလွန်သန့် ရှင်းပြီး လူသားများသည် အလွန်အပြစ်ကြီးသောကြောင့် ကိုယ့်အစွမ်းနှင့်ကြိုးစားမှုဖြင့် လုံးဝဝင်ခွင့်မ ရနိုင်ပါ။ သို့သော်ဘုရား၏ မဟာမေတ္တာတော်ကြောင့် သူ့သားတော် ယေရှုခရစ်အားဖြင့် အခမဲ့လူတိုင်း ကိုဝင်ခွင့်ပေးသည်။ လူအမြင်မှာ၊ အကျင့်ကောင်းမှ၊ ပညတ်တော်လိုက်လျှောက်နိုင်မှ၊ ဘုရားသခင်၏ အလိုတော်အတိုင်း နေနိုင်မှ၊ ကုသိုလ်ကောင်းမှုပြုလုပ်နိုင်မှ၊ တရားဆုံးဖြတ်သောနေ့တွင် ကိုယ်လုပ်ခဲ့ သော ကောင်းမှုကုသိုလ်နှင့် အပြစ်ကိုချိန်ခွင်တွင်ချိန်၍ ကောင်းမှုကုသိုလ်ကနိုင်မှ၊ သို့မဟုတ်ဘုရားသ ခင်က သနားမှဝင်နိုင်မည်၊ ဟုယူဆကြသည်။ သို့သော်၊ ထိုအရာမမှန်ကြောင်း ကျမ်းစာကဤသို့ရေး ထားသည်၊ ယုံကြည်သောအားဖြင့်၊ ကျေးဇူးတော်ကြောင့်၊ ကယ်တင်ခြင်းသို့ ရောက်ရ၏။ ကိုယ်အလို အလျောက် ရောက်သည်မဟုတ်။ ဘုရားသခင် သနားတော်မူရာ ဖြစ်သတည်း။ ကိုယ်ကုသိုလ်ကြောင့် ကယ်တင်တော်မူခြင်းသို့ ရောက်သည်မဟုတ်။ သို့ဖြစ်၍ အဘယ်သူမျှ ဝါကြွားစရာ အခွင့်မရှိ။(ဧဖက် ၂း၈-၉)။

ထို့ကြောင့် ကယ်တင်ခြင်းတည်းဟူသော ကောင်းကင်နိုင်ငံဝင်ခွင့်သည် ဘုရားသခင်၏သနား တော်မူခြင်းကို ယုံကြည်ခြင်းအားဖြင့်လက်ခံဘို့ဖြစ်သည်။ သင်သည် ဘုရားသခင်က ကယ်တင်ခြင်း ပေးပြီးကြောင်းကို ယုံကြည်လက်ခံလိုပါသလား။

 သခင်ယေရှုက၊ ယေရှုက၊ ငါသည် လမ်းခရီးဖြစ်၏၊ သမ္မာတရားလည်းဖြစ်၏။ အသက်လည်းဖြစ် ၏။ ငါ့ကိုအမှီမပြုလျှင် အဘယ်သူမျှ ခမည်းတော်ထံသို့ မရောက်ရ။ (ယော ၁၄း၆) ဟုဆိုသည်။ သခင်ယေရှုက သူသည် ကောင်းကင်နိုင်ငံသွားသော လမ်းခရီးဖြစ်ကြောင်း ပြောသွားသည်။ သူ့အား ဖြင့်သွားလျှင် ကောင်းကင်နိုင်ငံရောက်နိုင်သည်။ သူက အသက်လည်းဖြစ်သည်၊ ဟုဆိုသည်။ ထိုအ သက်သည် သူ့အတွက်ပြောသည်မဟုတ်၊ လူသားများအတွက်ပြောခြင်းဖြစ်သည်။ သူ့ကိုလက်ခံလျှင် ထာဝရအသက်ရနိုင်သည်။

တမန်တော်ယောဟန်ကလည်း၊ သက်သေခံတော်မူချက် ဟူမူကား၊ ဘုရားသခင်သည်၊ ငါတို့အား ထာဝရအသက်ကို ပေးတော်မူ၍၊ ထိုအသက်သည်လည်း သားတော်၌ပါ၏။ သားတော်ကို ရသောသူသည် အသက်ကိုရ၏။ ဘုရားသခင်၏ သားတော်ကို မရသောသူမူကား အသက်ကိုမရ။ (၁ ယော ၅း၁၁-၁၂) ဟုရေးသည်။ ထာဝရအသက်ရလိုလျှင် သား တော်တည်းဟူသော သခင်ယေရှုကို လက်ခံရရှိဘို့လိုသည်။

သခင်ယေရှုက၊ ငါသည် တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍ တံခါးကိုဖွင့်အံ့၊ ထိုသူရှိရာသို့ ငါဝင်၍ သူနှင့်အတူ စားသောက်မည်။ သူသည်လည်း ငါနှင့်အတူ၊ စားသောက်ရလိမ့်မည်။ (ဗျာဒိတ် ၃း၂၀) ဟုသင့်စိတ်နှလုံးတံခါးကို ခေါက်နေသည်။ သင်ဝင်ခွင့်ပေးမည်လော။ ပေးလျှင်သူဝင်၍ ထာဝရအသက် ရရှိမည်။

သခင်ယေရှုကို လက်ခံခြင်းသည် သင်၏ဘဝတွင် အကြီးမားဆုံးသော အမြတ်ဖြစ်သည်။ သခင်ယေရှုခရစ်ကို စိတ်နှလုံးအရင်းဖြင့် ဤသို့လက်ခံနိုင်သည်။ သခင်ယေရှုဘုရား၊ ကိုယ်တော်သည် ကျွန်ုပ်၏ဘုရား၊ အသက်အဖြစ် လက်ခံပါသည်။ ကျွန်ုပ်၏စိတ်နှလုံးထဲ၌ ဝင်တော်မူပါ။ အလိုတော်ရှိ သည့်အတိုင်း ကျွန်ုပ်၏အသက်တာကို အုပ်စိုးတော်မူပါ။ အာမင်။ အမှန်တကယ် စိတ်ရင်းဖြင့်သင် ဖိတ်ခေါ်လျှင် သူသည်ဂတိတော်အတိုင်း ဝင်ပါလိမ့်မည်။ သူဝင်လျှင်ထာဝရအသက်ကိုလည်း သင်ရရှိပြီ။ သို့သော် ထိုအရာသည် အစသာလျှင်ဖြစ်သည်။ ခလေးမွေးသကဲ့သို့ဖြစ်၍ ဆက်လက်ကြီးထွားကျန်းမာဘို့ရန် ကျွေးမွေးပြုစုစောင့်ရှောက်ဘို့လိုသေးသည်။ ထို့ကြောင့်ကယ်တင်ခြင်းသင်ခန်းစာများကို ဖတ်ရှုလေ့ လာဘို့အကြံပေးလိုပါသည်။

 ဘုရားသခင်ကသူ့ကိုအားကိုးစေလိုသည်

ဘုရားသခင်က လူသားများအတွက် ကောင်းကင်ဝင်ခွင့်ပေးသောအရာကို လက်ခံဘို့အထက်ကဖေါ် ပြခဲ့ပြီ။ ထိုအရာကိုလက်ခံခြင်းသည် နောင်ဘဝသေပြီးမှ ခံစားရမည့်အရာဖြစ်သည်။ ဤလောက၌ ကိုယ်ခန္ဓာနှင့်အသက်ရှင်စဉ် ယခုဘဝမှစ၍ သူကိုတိုင်က လူသားများကို ကျွေးမွေးပြုစုသွန်သင်ချင် သည်။ သူ့ကိုအစစအရာရာ၌ အားကိုးစေချင်သည်။ ဘုရားသခင်က သူ့ကိုအားမကိုးလျှင် ကျိန်ခြင်းခံ မည့်အကြောင်းကို ပရောဖက်အားဖြင့် ဤသို့သတိပေးထားသည်၊ ထာဝရဘုရား မိန့်တော်မူသည် ကား၊ လူကိုကိုးစား၍ လူသတ္တဝါကိုအမှီပြုသဖြင့်၊ စိတ်နှလုံးထဲ၌ ထာဝရဘုရားထံတော်မှ ထွက်သွား သောသူသည် ကျိန်အပ်သောသူဖြစ်၏။ ထိုသူသည် သဲကန္တာရ၌ ရှိသောချုံပင်ကဲ့သို့ဖြစ်၍၊ ကောင်းကျိုးရောက်ကြောင်းကိုမသိရ။ အဘယ်သူမျှ မနေသောဆားမြေ၊ သွေ့ခြောက်သော လွင်ပြင်၌နေရလိမ့်မည်။ (ယေရမိ ၁၇း၅-၆)

ပဌမဦးစွာ လူတည်းဟူသော ကိုယ့်အစွမ်းအစကိုသော်၎င်း၊ အခြားသူကိုသော်၎င်း၊ ကိုးစား၍ ထာဝရ ဘုရားကို စိတ်နှလုံးထဲ၌ စွန့်သောသူသည် လောလောဆယ်အဆင်ပြေနေစဉ်ပင် ကျိန်အပ်သောသူဖြစ်သည်၊ ဟုဆိုသည်။ အဘယ်ကြောင့်နည်း၊ များမကြာမှီ ဒုက္ခဆင်းရဲကြုံတွေ့နိုင်သည်။ ဤဘဝကိုယ် ခန္ဓာအသက်ရှင်စဉ် အဆင်ပြေနေလျှင် ပို၍ဝမ်းနည်းစရာကောင်းသည်။ အကြောင်းမှာ ကိုယ်ခန္ဓာအ သက်ကုန်ဆုံးသောအခါ ထာဝရမီးအိုင်ထဲဆင်းသွားမည်ဖြစ်သောကြောင့်ဖြစ်သည်။

သင်သည် ထာဝရ ဘုရားကို ဂရုမစိုက် အားမကိုးသောကြောင့် ဒုက္ခပြသနာမဖြေရှင်းနိုင်အောင်ဖြစ်နေလျှင် အမြန်ဆုံး ဘုရားထံနောင်တရ အရှုံးပေးပြီးအညံ့ခံအားကိုးပါ။ ခရစ်တော်က၊ ငါ့ထံသို့ လာသောသူကို ငါသည် အလျှင်းမပယ်။ ဟုဆိုသည် (ယော ၆း၃၇) ထိုမျှမက သင့်ကိုဤသို့ ခေါ်ဖိတ်နေသည်၊ ၀န်လေး၍ ပင်ပန်းသော သူအပေါင်းတို့၊ ငါ့ထံသို့ လာကြလော့။ ငါသည် နားရသောအခွင့်ကို ပေးမည်။ (မဿဲ ၁၁း၂၈)

ဓမ္မဟောင်းကာလ၌လည်း ထာဝရဘုရားကို ကိုးစားဘို့ဤကဲ့သို့ရေးထားသည်၊ ထာဝရ ဘုရားကို ခိုလှုံ၍ ကောင်းသော အကျင့်ကိုကျင့်လော့။ ပြည်တော်၌နေ၍ သမ္မာတရားကို ကျက်စား လော့။ ထာဝရဘုရား၌ မွေ့လျော်ခြင်းရှိလော့။ သို့ပြုလျှင် စိတ်နှလုံးအလို ပြည့်စုံရသောအခွင့်ကို ပေးတော်မူမည်။ ကိုယ်အမှုအရာကို ထာဝရဘုရား၌ အပ်လော့။ ကိုယ်တော်ကို ကိုးစားလော့။ သို့ ပြုလျှင် စီရင်တော်မူမည်။ သင်၏ဖြောင့်မတ်ခြင်း အကြောင်းကို အလင်းကဲ့သို့၎င်း၊ တရားသဖြင့် ပြုခြင်းအရာကို မွန်းတည့် ရောင်ခြည်ကဲ့သို့၎င်း၊ ဖေါ်ပြတော်မူမည်။ ထာဝရဘုရား ရှေ့မှာ ငြိမ်ဝပ်စွာနေ၍ ကိုယ်တော်ကို ငံ့လင့်လော့။ မိမိအမှု၌ အောင်တတ်သောသူ၊ မကောင်းသော အကြံအစည်တို့ကို ပြီးစီးစေသောသူ၏ အကြောင်းကြောင့် စိတ်မပူနှင့်။ အမျက်မထွက်စေနှင့်။ ဒေါသစိတ်ကို စွန့်ပယ်လော့။ ပြစ်မှားစေခြင်းငှါ တိုက်တွန်းတတ်သော စိတ်မရှိစေနှင့်။ ပြစ်မှားသော သူတို့သည် ပယ်ရှင်းခြင်းကို ခံရကြလိမ့်မည်။ ထာဝရဘုရားကို မြော်လင့်သော သူတို့မူကား၊ ပြည်တော်ကို အမွေခံရကြလိမ့်မည်။ (ဆာလံ ၃၇း၃-၉)

ထို့ကြောင့် ယခုနှစ်သစ်မှစ၍ မည်သည့်အ ခြေအနေမျိုးတွင်မဆို ထာဝရဘုရားကို အားကိုးဘို့ ဆုံးဖြတ်အကောင်အထည်ဖေါ်စေချင်သည်။ ထာဝရဘုရားကို အားကိုးခြင်းသည် သူ၏အလိုတော်ကို သိဘို့ရန် ကျမ်းစာကိုနေ့စဉ်ဖတ်ရွတ်ရမည်။ ဆုတောင်းရမည်။ နာခံရမည်။

ဘုရားကိုအားမကိုးသောသူသည် သဲကန္တာရ၌ရှိသောချုံပင်နှင့်တူသည် ဟုဆိုသည်။ သဲကန္တာရသည် သွေ့ခြောက်၍ အပင်ရှားပါးသည်။ သွေ့ခြောက်သောကြောင့် ချုံပင်သည် ရေမရဘဲ ညှိုးနွမ်းနေမည်။ ထို့နည်းတူ၊ ဘုရားအားမကိုးသော သူသည် အသက်တာခမ်းခြောက်၍ စိတ်ပျက်စရာ၊ ဝမ်းနည်းကျေကွဲစရာများကြောင့် အသက်ရှင်ရ ကျိုးနပ်မည်မဟုတ်ချေ။ ဘုရားအားမကိုးသောသူများသည် ပြသနာတခုပြီးတခုရင်ဆိုင်နေရသော်လည်း ဘုရားထံတော်သို့ မချဉ်းကပ်တတ်ကြ‌ချေ။ ထိုသူများကို မည်မျှပင်ကူညီသော်လည်း အဆင်မပြေနိုင်ချေ။ ဒုက္ခဆင်းရဲခြင်းက ဘုရားထံချဉ်းကပ်ဘို့ တွန်းပို့နေခြင်းဖြစ်သည်။

မိတ်ဆွေ၊ သင်သည် ထိုကဲ့သို့ ဒုက္ခပြသနာပေါင်းစုံရင်ဆိုင်နေသောသူဖြစ်ပါသလား။ ထာဝရဘုရားထံ စိတ်နှလုံးအကြွင်းမဲ့ ချဉ်းကပ်ပါ။

ဘုရားသခင်က သူ့ကိုအားကိုးလျှင် မင်္ဂလာရှိသောသူဖြစ်မည့်အကြောင်း ဤသို့ဆက်၍ ပြောထား သည်၊ ထာဝရဘုရားကိုကိုးစားသောသူ၊ ထာဝရဘုရားကို မိမိကိုးစားရာအကြောင်း ဖြစ်စေသောသူ သည် ကောင်းကြီးမင်္ဂလာကို ခံအပ်သောသူဖြစ်၏။ ထိုသူသည်ကား၊ ရေရှိသောအရပ်၌စိုက်၍ မြစ်နားမှာ အမြစ်ဖြာသဖြင့်၊ ပူသောအရှိန် ရောက်ကြောင်းကိုမသိ၊ အရွက်မညှိုးနွမ်း၊ မိုးခေါင်သော ကာလ၌ စိုးရိမ်စရာမရှိဘဲ၊ အစဉ်အမြဲအသီးကို သီးတတ်သော အပင်နှင့်တူ၏။ (ယေရမိ ၁၇း၇-၈)

ထာဝရဘုရားကို အားကိုးသောသူသည် မြစ်နားမှာပေါက်သော အပင်နှင့်တူသည်၊ ဟုဆိုသည်။ မြစ် သည်မခမ်းခြောက်တတ်သကဲ့သို့ ထာဝရဘုရားသခင်လည်း မခမ်းခြောက်နိုင်ချေ။ အပင်သည်အမြစ် မှရေရရှိနေလျှင် နေပူရှိန်ကို လုံးဝမမှုချေ။ ထို့နည်းတူ၊ လူသည်ထာဝရဘုရားကို အားကိုးနေလျှင် ဒုက္ခ ပြသနာကို လုံးဝကြောက်စရာမလိုချေ။  မိုးခေါင်သောကာလသည် ကျန်းမာရေးမကောင်း၊ အလုပ် လက်မဲ့ဖြစ်ချိန်၊ အစစအရာရာပြသနာရင်ဆိုင်ချိန်များကို ပုံဆောင်သည်။ အရွက်မညှိုးနွမ်း ဆိုသည်မှာ အပြုံးမပျက် ငြိမ်သက်နေခြင်းကို ဆိုလိုသည်။ အစဉ်အမြဲအသီးသီးခြင်းဆိုသည်မှာ အောင်မြင်မှုရရှိ ခြင်းကိုဆိုလိုသည်။

ယခုနှစ်သင်၏ဆုံးဖြတ်ချက်သည် ထာဝရအသက်ရရှိပြီးသူဖြစ်လျှင် ဘုရားသခင်ကို စိတ်နှလုံးအကြွင်းမဲ့ ကိုးစားသောသူဖြစ်ဘို့ အကြံပေးလိုပါသည်။ ကိုယ့်ကိုကိုယ်၎င်း၊ အခြားလူနှင့် အစိုးရသော်၎င်း၊ ဘုရားထက်အားမကိုးပါနှင့်။ မင်းများမှစ၍ ကယ်တင်နိုင်သောလူသား ကို မကိုးစားကြနှင့်။ (ဆာလံ ၁၄၆း၃) ဘုရားသခင်က ကျမ်းစာအားဖြင့်သတိပေးပါသည်။ တဖန်၊  နှာခေါင်းနှင့်အသက်ရှုတတ်သော လူသတ္တဝါကို မကိုးစားကြနှင့်။ ထိုသို့သောသူကို အဘယ်သို့ ပမာဏပြုစရာရှိသနည်း။(ဟေရှာယ ၂း၂၂) ဟုဆိုသေးသည်။

ဘုရား၌စိတ်အားကြီးသူ

ဘုရားအားမကိုးဘဲစွန့်ခြင်းသည် ဘုရားမဲ့တရားမဲ့ ဒုစရိုက်ပြုသူများသာထင်မှတ်တတ်ကြသည်။ ဘုရားတရား၌ အလွန်စိတ်အားကြီးသောသူများလည်း ဘုရားစွန့်နိုင်ကြောင်း ကျမ်းစာအားဖြင့်သိနိုင်သည်။ ထာဝရဘုရား မိန့်တော်မူသည်ဖြစ်၍၊ အိုကောင်းကင်၊ ကြားလော့၊ အိုမြေကြီး၊ နားထောင်လော့။ မိန့်တော်မူချက်ဟူမူကား၊ ငါကျွေးမွေးပြုစုသော သားသမီးတို့သည်၊ ငါ့ကို ပုန်ကန်ကြပြီ။ နွားသော်လည်း မိမိအရှင်ကိုသိ၏။ မြည်းသော်လည်း မိမိသခင်၏ မြည်းဇောင်းကို သိ၏။ ဣသရေလ အမျိုးသားတို့မူကား ငါ့ကိုမသိကြ။ ငါ၏လူမျိုးမူကား၊ မဆင်ခြင်တတ်ပါတ ကား။ ဆိုးယုတ်သောအမျိုး၊ ဒုစရိုက်ဝန်ကို ထမ်းရွက်သောလူစု၊ မတရားသဖြင့် ပြုသောအနွယ်၊ ဖောက်ပြန်သော သားသမီးပါတကား။ ထာဝရဘုရားကို စွန့်ကြပြီ။ ဣသရေလ အမျိုး၏ သန့်ရှင်းသောဘုရားကို မရိုမသေပြု၍ ပယ်ကြပြီ။ ကျောခိုင်း၍ ခွာသွားကြပြီ။ (ဟေရှာယ ၁း၂-၄)

ထိုကဲ့သို့ ဘုရားသခင်က သူ့ကိုစွန့်သွားကြပြီ၊ ဟုဆိုသော်လည်း ဣသရေလလူများသည် ဘုရား ကိုးကွယ်ပူဇော်ကြောင်း၊ ဘုရားသခင်ကိုယ်တော်တိုင်က ဤသို့ဆက်၍ဆိုသွားသည်၊ ထာဝရဘုရား မိန့်တော်မူသည်ကား၊ သင်တို့ပူဇော်သောယဇ်အများကို၊ ငါသည်အဘယ်သို့ဆိုင်သနည်း။ မီးရှို့၍ ပူဇော်သောသိုးကောင်၊ ဆူဖြိုးအောင်ကျွေးသော တိရစ္ဆာန်တို့၏ ဆီဥနှင့်ငါဝပြီ။ နွားနှင့်သိုးသငယ်၊ ဆိတ်တို့၏အသွေးကို ငါမနှစ်သက်။ သင်တို့သည် ငါရှေ့မှာ မျက်နှာပြခြင်းငှါ လာကြသောအခါ၊ ငါ့တန်တိုင်းတော်ကို ကျော်နင်းသောသင်တို့၌၊ ထိုသို့သောဝတ်ကို အဘယ်သူတောင်းသနည်း။ အချည်းနှီးသော ပူဇော်သက္ကာကို နောက်တဖန် မဆောင်ခဲ့ကြနှင့်။ သင်တို့မီးရှို့သော နံ့သာပေါင်းကို ငါရွံရှာ၏။ လဆန်းနေ့၊ ဥပုသ်နေ့၊ ပရိသတ်စည်းဝေးသော နေ့ကိုလည်း ရွံရှာ၏။ အဓမ္မအမှုနှင့် ရောနှောသော ဓမ္မစည်းဝေးခြင်းတို့ကို သည်းမခံနိုင်။ ငါ့ဝိညာဉ်သည် သင်တို့ လဆန်းနေ့များနှင့် သင်တို့ပွဲများကိုမုန်း၏။ ငါ့ကိုနှောင့်ယှက်စရာဖြစ်၏။ သည်းခံခြင်းအားဖြင့် ငါပင်ပန်း၏။ (ဟေရှာယ ၁း၁၁-၁၄)။

ပေါလုကလည်း၊ ညီအစ်ကိုတို့၊ ဣသရေလလူတို့သည် ကယ်တင်တော်မူခြင်းသို့ ရောက်စေခြင်းငှါ၊ ငါ၏စေတနာအလိုရှိ၍ ဘုရားသခင်ကို ဆုတောင်းလေ့ရှိ၏။ ထိုသူတို့သည် မှန်သောပညာ မရှိသော်လည်း၊ ဘုရားသခင်ဘက်၌ စိတ်အားကြီးသည်၊ ဟုသူ တို့အဘို့ ငါသက်သေခံ၏။ ထိုသူတို့သည် ဘုရားသခင်၏ ဖြောင့်မတ်ခြင်းတရားကိုမသိဘဲ၊ ကိုယ်ဖြောင့်မတ်ခြင်းကို တည်စေခြင်းငှါ ရှာကြံသောကြောင့်၊ ဘုရားသခင်၏ ဖြောင့်မတ်ခြင်းတရားကို ဝန်မခံကြ။(ရော ၁၀း၁-၃)

ဣသရေလလူတို့သည် ဘုရားဖက်၌စိတ်အားကြီးသော်လည်း ကယ်တင်ခြင်းသို့ရောက်သလော။ မရောက်သောကြောင့် ပေါလုကဆုတောင်းပေးနေသည် မဟုတ်လော။ ထို့ကြောင့်၊ သင်သည် ဘုရား၌ ဆုတောင်းခြင်း၊ ကျမ်းစာဖတ်ခြင်း၊ ချီးမွမ်းခြင်းအားဖြင့် စိတ်အားကြီးသောသူဖြစ်နိုင်သည်။ သို့သော် မှန်သောပညာ တည်းဟူသော ဘုရားစီစဉ်ပေးသော ဖြောင့်မတ်ခြင်းကို နားမလည်လက်မခံသောသူဖြစ်လျှင် သင်၏စိတ်အားကြီးခြင်းသည် အကျိုးမပေး၊ ကယ်တင်ခြင်းသို့မရောက်ဖြစ်နိုင်သည်။ ထို့ကြောင့်ယခုနှစ်သစ်၌ မှန်သောပညာတည်းဟူသော သမ္မာတရားကို သိရှိနားလည်ဘို့ ရှာဖွေလေ့လာ စေချင်သည်။

ဘုရား၏ဘုန်းထင်ရှားစေသူ

ယုံကြည်သူများသည် ကယ်တင်ခြင်းသို့ရောက်၍ သမ္မာတရားသိရုံဖြစ်လျှင် ဘုရား၏အလိုတော်သည် မပြည့်စုံသေးပါ၊ ဘုရား၏ဘုန်းကိုထင်ရှားစေသူဖြစ်ဘို့ ပေတရုကဤသို့ရေးခဲ့ပါသည်၊ သင်တို့မူကား မှောင်မိုက်ထဲမှ အံ့ဘွယ်သော အလင်းတော်သို့ ခေါ်သွင်းတော်မူသော သူ၏၊ ဂုဏ်ကျေးဇူးများကို ဖေါ်ပြစေခြင်းငှါ၊ ရွေးချယ်တော်မူသော အမျိုးဖြစ်ကြ၏။  (၁ ပေ ၂း၉)

ဘုရားဂုဏ်ကျေးဇူးတော်များ ဟုဆိုသောအခါ လောကအမြင်အားဖြင့်သာလျှင် မြင်တတ်ကြသည်။ လောကလူ့အမြင်၌ ဘုရား၏ဂုဏ်သည် ကြီးမားသော်လည်း ထို့ထက်ဝိညာဉ်ပိုင်းဆိုင်ရာ ကောင်းကင်၌ရှိသော ဂုဏ်သည် နှိုင်းယှဉ်၍မရလောက်အောင် ကြီးမြတ်ပါသည်။ ထိုသို့ဖြစ်လျှင်ယုံကြည်သူများက ဘုရား၏ဂုဏ်ကို မည်ကဲ့သို့ဖေါ်ပြမည်နည်း။ လူများကို ဘုရားသခင်နှင့်မိတ်ဆက်၍ ဆက်သွယ်စေခြင်းအားဖြင့် ပြုလုပ်နိုင်သည်။ လူသည်အပြစ်ကြောင့် သန့်ရှင်းသောဘုရား၊ ဘုန်းတန်ခိုးနှင့်ပြည့်စုံသောဘုရားနှင့် မိဿဟာယမဖွဲ့နိုင်ပါ။ သို့သော်၊ ထိုအရာကို ခရစ်တော်အသေခံခြင်းအားဖြင့် ဆီးတားသောမဟာ တံတိုင်းကြီးကို ဖြိုဖျက်နိုင်ပါပြီ။

ယခုနှစ်တွင်သင်သည် အနည်းဆုံးလူတယောက်ကို ဘုရားသခင်၏ ကယ်တင်ခြင်းအကြောင်း ပြောပြသောသူဖြစ်နိုင်ဘို့ ဆုတောင်းဆုံးဖြတ်စေချင်သည်။ အခြားသူထံ မပြောပြနိုင်လျှင်လည်း၊ ကိုယ့်ခင်ပွန်း၊ သားသမီး၊ မိဘ၊ ဆွေမျိုး၊ သူငယ်ချင်းများထံပြောပြပါ။ ဘုရားသခင်က ထင်ရှားစွာကောင်းကြီးပေးပါလိမ့်မည်။