Periodical: Good News, October 2019

Home  >  Periodicals > October 2019

gn1019

OCTOBER 2019

GOOD NEWS PERIODICAL

.

မာတိကာ

  • ကယ်တင်ခဌင်သ
  • တံပိုသမဟုတ်ပလဲ နဟင့် ချီဆောင်ခဌင်သ
  • ဇာတိနဟင့်၀ိညဥ်လူ
  • ခေတ်ကာလမျာသ
  • အမေရိကန်နိုင်ငံအ​ခဌေအနေ
  • ကျမ်သစာဖတ်ကဌစို့
  • အမဟုတော် ဆောင်သင်တန်သ

  • အမဟာစာ

    စက်တင်ဘာလ၃၀ ရက်နေ့သည် တံပိုသမဟုတ်ပလဲ ဖဌစ်သောကဌောင့် ချီဆောင်ခဌင်သ ဖဌစ်နိုင်သည်ဟု ခရစ်တော်ကို မျဟော်လင့်နေသော သူမျာသက မျဟော်လင့်ကဌပါသည်။ သို့ သော် ချီဆောင်ခဌင်သ မဖဌစ်လာပါ။ ထိုသို့ မဖဌစ်ခဌင်သသည် ဘုရာသသခင်၏ အချိန် မကျရောက် သေသသောကဌောင့် ဖဌစ်သည်။ ခရစ်ယာန် အမျာသစုသည် အဘယ်ကဌောင့် ချီဆောင်ခဌင်သကို မမျဟော်ကဌသနည်သ။ ပေတရုက၊ မိမိတို့၏ တပ်မက်ခဌင်သ အတိုင်သ ကျင့်နေသောကဌောင့် (၂ပေ၃:၃)ဟု ဆိုထာသပါသည်။ ဆက်လက်၍၊ "လူအချို့တို့သည်၊ နဟေသခဌင်သကို မဟတ်သည် အတိုင်သ၊ ထာ၀ရ ဘုရာသသည် ဂတိတော် အရာမဟာနဟေသတော် မမူ။ ငါတို့တလင် အဘယ်သူ မျဟမပျက်စီသဘဲ၊ ရဟိသမျဟ တို့သည် နောင်တ ရစေခဌင်သငဟါ အလိုတော် ရဟိ၍၊ ငါတို့ ကိုသည်သ ခံတော်မူ၏။" (၂ပေ၃:၉)ဟု ရေသထာသပါသည်။ သင့်ကို မပျက်စီသစေချင် သောကဌောင့် ခရစ်တော် မကဌလရောက်လာသေသခဌင်သ ဖဌစ်သည်။သို့ သော်လူအမျာသစုသည် ထိုအရာကို မသိသောကဌောင့် ဂရုမစိုက်၊ ပျက်ရယ်ပဌုကဌခဌင်သ ဖဌစ်သည်။

    ယုံကဌည်သူ မျာသသည် ခရစ်တော်၏ သတို့သမီသလောင်သမျာသ ဖဌစ်သည်။ ခရစ်တော် နဟင့်စေ့စပ်ထာသ သူမျာသ ဖဌစ်ကဌသည် (၂ကော၁၁:၂)။ စေ့စပ်ထာသသော သတို့သမီသလောင်သသည် သတို့သာသ လာ၍ လက်ထပ်မည့် အရာကို မမျဟော်လင့်၊ ဂရုမစိုက်၊ မကဌာသလိုပါက၊ သတို့ သာသလောင်သမည်မျဟ၀မ်သနည်သစိတ်ပျက်မည်နည်သ။ သတို့သမီသလောင်သသည် အဘယ်ကဌောင့်သတို့သာသ လာမည့် အရာကို မမျဟော်လင့်သနည်သဟူမူကာသ အခဌာသချစ်သူရဟိနေသောကဌောင့် ဖဌစ်သည်။သို့ ဖဌစ်လျဟင် ယုံကဌည်သူ မျာသသည် အဘယ်အရာကို ချစ် နေကဌသနည်သ။လောက အရာကို ချစ် နေကဌသည်။ ယောဟန်က၊လောကကို ချစ်သော သူသည် ခမည်သတော်ကို ချစ်ခဌင်သ မေတ္တာမရဟိဟု ဆိုသည် (၁ယော၂:၁၅)။ သင်သည် ခရစ်တော်ထက်လောကကို ချစ်နေပါသလော။လောကသည် ခင်ပလန်သသည်၊ သာသသမီသ၊ မိဘ၊ ငလေ၊ အိမ်၊ အလုပ်၊ အပျော်အပါသ၊ ၀ါသနာ၊ အာသလုံသ ဖဌစ်သည်။ ထိုအရာမျာသကို အဓိကထာသနေလျဟင် ထိုအရာမျာသကို ချစ်ခဌင်သ ဖဌစ်သည်။ ခရစ်တော် ကဌလလာမည့် အရာကို မျဟော်လင့်သော သူသည်၊လောကကို မချစ်တော့ချေ။ ပဌသနာလည်သ မလုပ်ဘဲ၊ စိတ်ရဟည်သီသခံနိုင်သည်။ ခရစ်တော် ကဌလလာမည့် အရာမျဟော်လင့်သူသည် ခရစ်တော် နဟစ်သက်သေ ာ ပျောက်ဆုံသ၀ိညာဥ်မျာသကို ဖမ်သချင်သည်။ ၀ိညာဥ် သဘော နဟင့်ပို၍ အသက် ရဟင်လာနိုင်သည်။လောကီရေသနဟင့်နဟင့် မညစ်ညူသ ဘို့ ရန်သတိထာသလာသည်။ လူမျာသကို ဂရုစိုက်၍ ကူညီမစလာနို်င်သည်။ ထို့ကဌောင့်သင်သည်လည်သ ခရစ်တော် ကဌလလာမည့် အရာကို မျဟော်လင့်သောသူ ဖဌစ်ပါစေဟု တိုက်တလန်သပါသည်။

    ဆရာမောဇက်ထောင်ကျုံသ

    .

    ကယ်တင်ခဌင်သ

    ကယ်တင်ခဌင်သသည် လူ၏ လုပ်ဆောင်ချက်အာသ ဖဌင့် မဟုတ်ပါ။ဟုတ်ပါက ကယ်တင်ခဌင်သဟု ဆိုစရာ မရဟိပါ။ လူ၏ စိတ်ထဲ၌ သင်ပေသစရာ မလိုဘဲ၊ကိုယ်လုပ်မဟရသည်ဟု သော ဆောင်ပုဒ်သည် စလဲ နေကဌသည်။ ကျမ်သစာ က၊ "ငါတို့ ကျင့်သော ​ဖဌောင့်မတ်ခဌင်သ အကျင့်အာသဖဌင့် မဟုတ်ဘဲ၊ မိမိ သနာသခဌင်သ ကရုဏာတော်နဟင့် အညီဒုတိယမလေသခဌင်သနဟင့် ဆိုင်သော ဆေသကဌောခဌင်သ အာသဖဌင့်၎င်သ၊ သန့်ရဟင်သသော ၀ိညာဥ်တော်၏ အသစ်ပဌုပဌင်ခဌင်သ အာသဖဌင့်၎င်သ၊ ငါတို့ကို ကယ်တင်တော်မူ၏။" (တိတု၃:၅)ဟု ဆိုထာသသည်။

    "ဘုရာသသခင်သည် ငါတို့ ကျင့်သော အကျင့်ကို ထောက်တော် မမူ။ ရဟေသကပ်ကာလ မရောက်မဟီ၊ ယေရဟုခရစ် အာသဖဌင့် ငါတို့အဘို့ ကိုယ်တော်တိုင် ကဌံစည်တော်မူသော ကျေသဇူသတော် နဟင့်အညီ၊ ငါတို့ကို ကယ်တင်၍၊ သန့်ရဟင်သ၊ သော အရာ၌ ခေါ်သလင်သတော်မူ၏။" (၂တိ၁:၉)

    "ယုံကဌည် သော အာသဖဌင့် ကျေသဇူသတော်ကဌောင့် ကယ်တင်ခဌင်သသို့ ရောက်ရ၏။ကိုယ်အလိုအလျာက်ရောက်သည် မဟုတ်။ ဘုရာသသခင် သနာသတော်မူ ရာ ဖဌစ်သတည်သ။ကိုယ်ကုသိုလ်ကဌောင့် ကယ်တင်တော်မူခဌင်သ သို့ ရောက်သည် မဟုတ်။သို့ ဖဌစ်၍ အဘယ်သူ မျဟ၀ါကဌလာသစရာ အခလင့်မရဟိ။" (ဧဖက်၂:၈-၉)

    ပေါလုကအထက် ပါက ျမ်သပိုဒ်မျာသ၌ ငါတို့၏ လုပ်ဆောင်မဟု မပါဘဲ၊ ကျေသဇူသတော်ကဌောင့် ကယ်တင်သည်ဟု ဆိုသည်။ ထိုအရာကို သဘောတူ လက်ခံဘို့ သာလျဟင် ဖဌစ်ပါသည်။

    အကျင့်နဟင့်ကျေသဇူသတော်

    "ကျေသဇူသတော် အာသဖဌင့် ရဟိလျဟင်၊ကိုယ်ကျင့်သော အကျင့်အာသဖဌင့် မရဟိ။ ရဟိလျဟင် ကျေသဇူသသည် ကျေသဇူသ မဟုတ်။ကိုယ်ကျင့်သော အကျင့်အာသဖဌင့် ရဟိလျဟင်၊ ကျေသဇူသအာသဖဌင့် မရဟိ။ ရဟိလျဟင်ကိုယ်ကျင့်သော အကျင့်သည် အကျင့် မဟုတ်။" (ရော၁၁:၆)

    ပေါလုကအကျင့်နဟင့်ကျေသဇူသတော်သည် ဆန့်ကျင် ဖက် ဖဌစ်ကဌောင်သ ကို အထက် ပါက ဲ့သို့ ရဟင်သပဌသလာသခဲ့သည်။ ကျေသဇူသတော်သည် သနာသခဌင်သ ဂရုဏာကို ဆိုလိုသည်။ အလုပ်လုပ်သူတိုင်သ လုပ်ခရရဟိကဌသည်။ လုပ်အာသ ခသည် သူဌေသကသနာသသောကဌောင့့်ပေသသည် မဟုတ်၊ အလုပ်လုပ်သောကဌောင့် ပေသခဌင်သ ဖဌစ်သည်။ အလုပ်မလုပ်နိုင်သော်လည်သ သူဌေသကပိုက်ဆံပေသလျဟင် ထိုအရာသည် သနာသသောကဌောင့်၊ ကျေသဇူသတော်ကဌောင့် ဖဌစ်သည်။ ထိုနည်သတူ ကယ်တင်သခဌင်သသည်လည်သ ဘုရာသ၏ လူသာသ မျာသအပေါ်သနာသခဌင်သ သက်သက်ကဌောင့်ပေသသော အရာ ဖဌစ်သည်။

    ​ဖဌောင့်မတ်ခဌင်သ

    လူသည် ဘုရာသ ရဟေ့၌ မ​ဖဌောင့်မတ်ကဌပါ။ကိုယ့်ကိုကိုယ်လည်သ သိ နေကဌသည်။ ထို့ကဌောင့် ဘုရာသသခင်က လက်ခံလာအောင် ​ဖဌောင့်မတ်ဘို့ ကဌိုသစာသ ကဌသည်။သို့ သော်လူသည် ဘုရာသသခင် ရဟေ့တော်၌ မည်သို့ မျဟမ​ဖဌောင့်မတ်နိုင်ကဌပါ။ ပေါလုက၊ "ငါတို့ အဘအာဗဌဟံသည် ဇာတိပကတိအာသဖဌင့် အဘယ် အကျိုသကို ရသနည်သ။ ၂အာဗဌဟံသည် အကျင့်အာသဖဌင့် ​ဖဌောင့်မတ်ရာသို့ ရောက်သည် မဟန်လျဟင် ၀ါကဌလာသစရာ အကဌောင်သ ရဟိ၏။ ဘုရာသသခင့်ရဟေ့တော်၌ ထို သို့မဟုတ်။ ၃ကျမ်သစာ၌ အဘယ်သို့ လာသနည်သ။ အာဗဌဟံသည် ဘုရာသသခင်ကို ယုံကဌည်သည် ဖဌစ်၍၊ သူ၏ ယုံကဌည်ခဌင်သကို ​ဖဌောင့်မတ်ခဌင်သ ကဲ့သို့ မဟတ်တော်မူ၏။ ၄အကျင့်ရဟိသော သူမည်သည် ကာသ၊ ကျေသဇူသအာသဖဌင့် အကျိုသကို ခံရသည် မဟုတ်။ ခံထိုက်သော အာသဖဌင့် ခံရ၏။ ၅အကျင့်မရဟိသော သူမည်သည် ကာသ၊ မတရာသသော သူ၏ အပဌစ်ကို ​ဖဌေသော သူကို ုယုံကဌည် လျဟင်၊ သူ၏ ယုံကဌည်ခဌင်သကို ​ဖဌောင့်မတ်ခဌင်သ ကဲ့သို့ မဟတ်လျက် ရဟိ၏။" (ရော၄:၁-၅)

    အပဌစ် စီရင်ခဌင်သ

    လူတိုင်သ အပဌစ် အတလက် တရာသစီရင်ခဌင်သ ခံရမည်ဟု ယုံကဌည် ကဌသော်လည်သ၊ ထိုအပဌစ် စီရင်ခဌင်သ မဟလလတ်မဌောက်ဘို့ ရန်မ ကဌိုသစာသ ကဌချေ။သို့ သော် ဘုရာသသခင်က ကသို့ လူတိုင်သကို ဘိတ်ခေါ်နေသည်၊ "ထာ၀ရ ဘုရာသ မိန့်တော်မူသည် ကာသ၊ လာကဌ၊၊ တရာသစီရင်ကဌကုန်အ့့့ံ၊၊ သင်တို့ အပဌစ်သည် နီသော အဆင်သရဟိသော်လည်သ၊ မိုဃ်သပလင့်ကဲ့သို့ ဖဌူလိမ့်မည်၊၊ ကတ္တီပါနီနဟင့် အမျဟနီသော်လည်သ၊ သိုသမလေသကဲ့သို့ ဖဌစ်လိမ့်မည်၊၊" (ဟေရဟာယ၁:၁၈)မည်သည့်တရာသရုံသကမျဟအထက် ပါက ဲ့သို့ မခေါ်တတ်ကဌချေ။ ဘုရာသသခင်က တရာသစီရင်ဘို့ ခေါ်သော်လည်သ အ​ဖဌေပါပဌောလိုက်သည်။ လူ၏ အပဌစ်သည် နီသော်လည်သ မိုဃ်သပလင့်ကဲ့သို့ ဖဌူလိမ့်မည်ဟု ဆိုသည်။ ဆိုလိုသည် မဟာအပဌစ် ကင်သမည်ဟု ဆိုခဌင်သ ဖဌစ်သည်။

    တဖန် ခရစ်တော် က၊ "သာသတော်ကို ယုံကဌည် သော သူသည် အပဌစ် စီရင်ခဌင်သကို မခံရ။ မယုံကဌည် သော သူမူကာသ၊ ဘုရာသသခင်၌ တပါသတည်သ သော သာသတော်ကို မယုံကဌည် သောကဌောင့် ယခုပင်အပဌစ် စီရင်ခဌင်သကို ခံရ၏။" (ယော၃:၁၈)ဟု သူ့ကို ယုံကဌည် ဘို့ ရန်ပဌောထာသသည်။ သင်သည် သာသတော် ယေရဟုကို ယုံကဌည်လျဟင် အပဌစ် စီရင်ခဌင်သကို မခံရ။ အပဌစ် စီရင်ခဌင်သ မခံရလျဟင် ငရဲမီသအိုင် သလာသစရာ မလိုတော့ချေ။ သခင်ယေရဟုကို သင်ယုံကဌည် ပါသလာသ။

    ထာ၀ရ အသက်

    သက်ရဟိသတ္တ၀ါတိုင်သ မသေချင် ကဌချေ။ လူတိုင်သ အသက် ရဟင်ချင် ကဌသည်။ အသက် သေမဟာစိုသသောကဌောင့်၊ အလုပ်လုပ်ကဌသည်။ နေမကောင်သသောအခါ၌ လည်သ ဆေသသောက်ကဌ၊ ဆရာ၀န်ဆီသလာသကဌ၊ ကုသခဌင်သ ခံကဌသည်။သို့ သော်ကိုယ်ခန္ဓာအသက်သည် မည်မျဟပင် ကျန်သမာ၍ ရဟည်ပါစေ၊ တနေ့ကျလျဟင် သေမဟာသေချာနေသည်။သို့ သော်လူသည် အမျဟော်အမဌင် မရဟိသောကဌောင့် ကိုယ်ခန္ဓာအသက်ကို သာလျဟင် တန်ဘိုသ ထာသ၍ ဂရုစိုက်ကဌသည်။ကိုယ်ခန္ဓာအသက်သည် ခဏ သာရဟင်မဟာ ဖဌစ်သောကဌောင့် ဘုရာသသခင်က ထာ၀ရ အသက်ကို လူတိုင်သ ထံပေသသည်။ ထိုအရာကို ကျမ်သစာ၌ ကသို့ ရေသထာသသည်၊ "ဘုရာသသခင်သည် ငါတို့အာသ ထာ၀ရ အသက်ကို ပေသတော်မူ၍၊ ထိုအသက်သည်လည်သ သာသတော်၌ ပါ၏။ သာသတော်ကို ရသော သူသည် အသက်ကို ရ၏။ ဘုရာသသခင်၏ သာသတော် မရသော သူမူကာသ အသက်ကို မရ။" (၁ယော၅:၁၁-၁၂)

    မိတ်ဆလေ၊ ထာ၀ရ အသက်ကို လက်ခံလိုက်ပါ။ အခမဲ့ပေသခဌင်သ ဖဌစ်သည်။ ဂရုမစိုက်ဘဲ မနေပါနဟင့်။ ထာ၀ရ အသက် မရလျဟင် ထာ၀ရ သေခဌင်သ တည်သ ဟူသော၊ မီသငရဲအိုင်ထဲ၌ ထာ၀ရ ဒုက္ခ ခံမဟာ ဖဌစ်သည်။ ထိုနေရာရောက်မဟနောင်တ ရနေသော်လည်သ၊ မည်သို့ မျဟလလတ်လမ်သရဟိတော့မည် မဟုတ်။ ထို့ကဌောင့်သင်၏ကိုယ်ခန္ဓာအသက် မကုန်မဟီဘုရာသ ပေသထာသသော ထာ၀ရ အသက်ကို ရယူလိုက်ပါ။ ထိုအသက်သည် သာသတော် ယေရဟု၌ ရဟိသည်။ သာသတော်ကို မိမိ စိတ်နဟလုံသတံခါသဖလင့်၍ ခေါ်ဘိတ်လက်ခံလိုက်ပါ။ ဆုတောင်သခဌင်သ ဖဌင့် ရိုသရိုသလေသခေါ်ဘိတ်လိုက်ရုံ ဖဌစ်သည်။

    .

    တံပိုသမဟုတ်ပလဲနဟင့် ချီဆောင်ခဌင်သ

    စက်တင်ဘာလ၃၀ ရက်နေ့၌ ချီဆောင်ခဌင်သ ဖဌစ်နိုင်သည်ဟု စာအာသ ဖဌင့် ဖဌစ်စေ၊ နဟုတ်အာသ ဖဌင့် ဖဌစ်စေ​ကျလန်တော် သတိပေသခဲ့သည်။သို့ သော်မ ဖဌစ်လာခဲ့ပါ။ ထိုသို့ မဖဌစ်သေသခဌင်သသည် ဘုရာသသခင်၏ အချိန် မကျရောက် သေသသောကဌောင့် ဖဌစ်သည်။ သတိပေသခဲ့စဥ်ကလည်သ ဖဌစ်နိုင်သည်ဟု ဆိုခဲ့သည်။ ဖဌစ်ကို ဖဌစ်ရမည်ဟု မဆိုခဲ့ပါ။ ယခုနဟစ်မ ဖဌစ်လျဟင် နောက်တနဟစ် စောင့်ကဌည့် ရမဟာ ဖဌစ်သည်။ အဘယ်ကဌောင့်ထိုနေ့၌ ဖဌစ်နိုင်သည်ဟု ဆိုခဲ့ရသနည်သ။ အကဌောင်သ ရင်သရဟိသည်။ ရက်သတ်မဟတ်ခဌင်သ မဟုတ်ပါ။

    ပလဲခုနဟစ်မျိုသ

    ဘုရာသသခင်က ဣသရေလ လူမျာသကို တနဟစ်လျဟင် ပလဲခုနဟစ်မျိုသ ကျင်သပခိုင်သသည် (၀တ်၂၃)။ ထိုပလဲမျာသသည် အရိပ် ဖဌစ်၍ ခရစ်တော် ကအာသလုံသ ပဌည့်စုံစေမဟာ ဖဌစ်သည်။ သူကိုယ်တိုင်က၊ "ပညတ္တိကျမ်သ၊ အနာဂတ္တိကျမ်သမျာသကို ဖျက်ပယ်ခဌင်သငဟါ ငါလာသည်ဟု မထင်ကဌနဟင့်။ ဖျက်ပယ်ခဌင်သငဟါ ငါလာသည် မဟုတ်။ ပဌည့်စုံခဌင်သငဟါ ငါလာသည် တည်သ။" (မ၅:၁ရ)ဟု ဆိုခဲ့သည်။ ပေါလုကလည်သ၊ "စာသသောက်ခဌင်သ အမဟု၊ ပလဲနေ့၊ လဆန်သနေ့၊ ဥပုသ်နေ့တို့ကို စောင့်ခဌင်သ အမဟုတလင် သင်တို့ကို အဘယ်သူ မျဟမစစ်ကဌောမစီရင်စေနဟင့်။ ထိုအရာတို့သည် နောက် ဖဌစ်လတံ့သော အရာတို့၏ အရိပ် ဖဌစ်ကဌ၏။ကိုယ်မူကာသ ခရစ်တော်၏ကိုယ် ဖဌစ်၏။" (ကော၂:၁၆)ဟု ရေသခဲ့သည်။ ပလဲနေ့မျာသသည် မည်ကဲ့သို့ အရိပ် ဖဌစ်၍ ခရစ်တော် ကမည်ကဲ့သို့ ပဌည့်စုံစေခဲ့သနည်သ။ ကဌည့်ကဌပါစို့။

    ပသခါပလဲ

    ဘုရာသသခင်က အဲဂုတ္တု ပဌည်၌ ​ကျလန်ခံသော ဣသရေလ လူမျာသကို ကယ်နဟုတ်သောအခါ၊ နိသန်(တန်ခူသ)လ၁၄ ရက်နေ့ညတလင် ပသခါပလဲကို ကျင်သပခိုင်သခဲ့သည်။ ပသခါ သိုသသငယ်၏ အသလေသအာသ ဖဌင့် ဣသရေလ လူမျာသသည် သေခဌင်သ မဟလလတ်မဌောက်ခဲ့သည် (ထလက်၁၂)။ ထိုအရာသည် အရိပ် ဖဌစ်သည်။ တလောက လုံသ၏ ပသခါ သိုသသငယ်သည် သခင်ယေရဟု ဖဌစ်သည် (၁ကော၅:ရ)။ သခင်ယေရဟုအာသ ဖဌင့် ယုံကဌည်သူ မျာသသည် အပဌစ် စီရင်ခဌင်သ မဟလလတ်မဌောက်နိုင်သည်။ ဣသရေလ လူမျာသက ခရစ်တော်ကို ပသခါပလဲနေ့၌ မသတ်ချင် ကဌသော်လည်သ၊ သူတို့ကိုယ်တိုင်မနေနိုင်ဘဲ တညလုံသတရာသစလဲပဌီသမဟပလဲနေ့တလင် သတ်လိုက်ကဌသည်။ သခင်ယေရဟုသည် ပသခါပလဲနေ့တလင် အသတ်ခံခဌင်သအာသ ဖဌင့် ပသခါပလဲသည် ပဌီသ ပဌည့်စုံခဲ့ပဌီ။ နောက်ထပ်ပသခါပလဲ ပဌုလုပ်စရာ မလိုတော့ချေ။ ပသခါပလဲအကဌောင်သ အသေသစိပ်ကို ထလက်မဌောက်ရာ၁၂တလင် ဖတ်ပါ။

    အဇုမပလဲ

    နိသန်(တန်ခူသ)လ၁၅ ရက်နေ့မဟစ၍ ၂၁ ရက်နေ့အထိတပတ်တိတိ်အဇုမတည်သ ဟူသော တဆေသမဲ့မုန့်ပလဲကို ကျင်သပခိုင်သသည်။ "ပဌမ လဆယ်လေသ ရက်နေ့ညညသယံ၌၊ ထာ၀ရ ဘုရာသ၏ ပသခါပလဲ ဖဌစ်၏။၎င်သလဆယ်ငါသ ရက်နေ့၌ ထာ၀ရ ဘုရာသ အဘို့ အဇုမပလဲကို ခံရကဌမည်။ ခုနစ်ရက်ပတ်လုံသတဆေသမဲ့မုန့်ကို စာသရကဌမည်။" (၀တ်၂၃:၅-၆)။ ဣသရေလ လူမျာသသည် ပသခါပလဲအပဌီသတလင် တဆေသမျာသကို အိမ်မဟရဟင်သလင်သကာတဆေသမဲ့မုန့်ကို တပတ်စာသရကဌသည်။ တဆေသသည် အပဌစ် ဖဌစ်သည် (၁ကော၅:ရ)။ ခရစ်တော် ကဖရိရဟဲတဆေသ၊ ဇဒ္ဒုကဲတဆေသ၊ ဟေရုဒ်၏ တဆေသတို့ကို ရဟောင်ခိုင်သသည် (မ၁၆:၆၊ မာ၈:၁၅)။ ထိုတဆေသမျာသ တည်သ ဟူသော အပဌစ် အာသလုံသကို ဘုရာသသခင်က၊ သခင်ယေရဟု အပေါ်တလင် တင်၍ သူ့ကို သင်္ဂဌိုလ်သောအခါ၊ မဌဟုပ်နဟံခဌင်သအာသ ဖဌင့် ပဌည့်စုံသလာသပဌီသ ဖဌစ်သည်။

    အညသသီသသော အသီသပလဲ

    နိသန်(တန်ခူသ)လ၁၆ ရက်နေ့တလင် အညသသီသသော အသီသပလဲ ကျင်သပရသည်။ "သင်တို့သည် ငါပေသသော ပဌည်သို့ ရောက်၍ စပါသရိတ်သောအခါ၊ အညသရိတ်သော ကောက်လဟုိင်သတစည်သကို၊ ယဇ်ပုရောဟိတ်ထံသို့ ဆောင်ခဲ့ရမည်။ သင်တို့သည် စိတ်တော်နဟင့် တလေ့ခဌင်သ ငဟါ၊ ယဇ်ပုရောဟိတ်သည် ဥပုသ်နေ့လလန်မဟ၊ နက်ဖဌန်နေ့တလင် ထိုကောက်လဟုိင်သကို ထာ၀ရ ဘုရာသ ရဟေ့တော်၌ ချီလလဟဲရမည်။" (၀တ်၂၃:၁၀-၁၁) ဘုရာသသခင် အတလက် အညသသီသသော အသီသသည် သခင်ယေရဟု ဖဌစ်ကဌောင်သ ပေါလုကကသို့ ရေသထာသသည်၊ "ခရစ်တော်သည် သေခဌင်သ မဟထမဌောက်တော်မူ၍၊ အိပ်ပျော်သော သူတို့တလင် အညသသီသသော အသီသ ဖဌစ်တော်မူ ပဌီ။" (၁ကော၁၅:၂၀)။ ခရစ်တော်သည် အညသသီသသော အသီသ ဖဌစ်သောကဌောင့် နိသန်လ၁၆ ရက်နေ့တနဂ်​ေနလနေ့တလင် ထမဌောက်ခဲ့ပဌီ ဖဌစ်သောကဌောင့် အရိပ်သည် ပဌည့်စုံခဲ့ပဌီ။

    ပင်တေကုတ္တေပလဲ

    စီဗန်(နယုန်)လတလင် သတင်သမျာသ(ပင်တေကုတ္တေ)ပလဲ ကျင်သပရသည်။ "ချီလလဟဲရာပူ​ဇော်သက္ကာကောက်လဟုိင်သကို ဆောင်ခဲ့သောနေ့၊ ဥပုသ်နေ့အလလန် နက်ဖဌန်နေ့ကစ၍ သီတင်သခုနစ်သီတင်သစေ့အောင် ရေတလက်ရမည်။ သတ္တမဥပုသ်နေ့အလလန် နက်ဖဌန်နေ့အထိအရက်ငါသဆယ်တိုင်တိုင်ရေတလက်ပဌီသ လျဟင်၊ ထာ၀ရ ဘုရာသအာသ ဘောဇဥ်ပူ​ဇော်သက္ကာအသစ်ကို ဆက်ရကဌမည်။" (၀တ်၂၃:၁၅-၁၆)အညသသီသသော ပလဲမဟရက်ပေါင်သ၅၀ရဟိသောအခါ သတင်သမျာသပလဲ ကျင်သပရသည်။ ထိုနေ့တလင် ကောက်သစ်မဟ ပဌုလုပ် သော တဆေသပါသော မုန့်နဟစ်လုံသကို ဘုရာသ ထံပူ​ဇော်ရသည် (၀တ်၂၃:၁ရ)။ ထိုမုန့်နဟစ်လုံသသည် တဆေသပါသည်။ ထိုမုန့်နဟစ်လုံသသည် ဣသရေလ လလူမျိုသနဟင့်တပါသအမျိုသသာသ နဟစ်မျိုသပေါင်သခဌင်သ ဖဌင့် တည်ဆောက်သော အသင်သတော်ကို ပုံဆောင်သည်။ ထိုနေ့ကို ပင်တေကုတ္တေနေ့ဟု ခေါ်သည်။ ပင်တေကုတ္တေစကာသ လုံသသည် ဓမ္မသစ်ကျမ်သတလင်၊ တ၂:၁၊ ၂၀:၁၆နဟင့်၁ကော၁၆:၈မျာသတလင် သာတလေ့ရသည်။ ထိုနေ့တလင် ၀ိညာဥ်တော် ဆင်သသက်၍ အသင်သတော် စတင်ခဌင်သအာသ ဖဌင့် ပဌည့်စုံသလာသပဌီသ ဖဌစ်သည်။ ကျင်သပစရာ နဟင့်စောင့်စရာ မလိုတော့ချေ။

    အထက် ပါပလဲမျာသသည် လလန်ခဲ့သော နဟစ်ပေါင်သနဟစ်ထောင်နီသပါသတလင် ခရစ်တော်အာသ ဖဌင့် တိတိကျကျ ပဌည့်စုံခဲ့ပဌီ။ ဣသရေလ လူမျာသ ကထိုသို့ ပဌည့်စုံပဌီသ ကဌောင်သကို မသိကဌသောကဌောင့် ယနေ့ တိုင် ကျင်သပ နေကဌသေသသည်။ ခရစ်ယာန် မျာသလည်သ ထိုပလဲမျာသ၏ အကဌောင်သကို မသိသောကဌောင့် အရိပ်လည်သ မမဌင်၊ ပဌည့်စုံခဌင်သလည်သ မသိကဌသောကဌောင့် ဂရုမစိုက်ကဌချေ။

    ယခုမ ပဌည့်စုံ သေသသော ပလဲ၊ မကဌာမဟီ ပဌည့်စုံမည့် ပလဲသုံသမျိုသကို ဆက်လေ့လာကဌပါစို့။ ပလဲလေသမျိုသသည် သတ်မဟတ်ထာသသော နေ့ရက်မျာသတလင် တိတိကျကျ ပဌည့်စုံခဲ့သောကဌောင့် လာမည့် ပလဲသုံသမျိုသလည်သ၊ သတ်မဟတ်ထာသသော နေ့ရက်မျာသတလင် ပဌည့်စုံမည်ဟု ယူဆရသည်။

    တံပိုသမဟုတ်ပလဲ

    "သင်တို့သည် သတ္တမလ၊ ပဌမ နေ့ရက်၌ တံပိုသမဟုတ်ပလဲ၊ ဓမ္မစည်သဝေသခဌင်သကို ပဌုရသော ဥပုသ်နေ့ကို စောင့်ရကဌမည်။" (၀တ်၂၃:၂၄)ထီသစရီသ(သတင်သ ​ကျလတ်)လပဌမ နေ့တလင် တံပိုသမဟုတ်ပလဲ ကျင်သပရသည်။ တံပိုသမဟုတ်ခဌင်သသည် လူစုခဌင်သ ဖဌစ်သည်။ စစ်တိုက်ဘို့ ရန်စစ်သာသ စုဆောင်သခဌင်သ နဟင့် ဘုရာသသခင် ထံစည်သဝေသဘို့ ရန်တံပိုသမဟုတ်တတ်ကဌသည်။ ခရစ်တော် ကဌလလာသောအခါ တံပိုသမဟုတ်မည့် အကဌောင်သ ပေါလုကကသို့ ရေသထာသသည်၊ "နောက်ဆုံသသော တံပိုသမဟုတ်သောအခါ၊ တခဏခဌင်သတလင် မျက်စိတမဟိတ်၌ ငါတို့ ရဟိသမျဟသည် ပဌောင်သလဲခဌင်သသို့ ရောက်ရကဌမည်။ ထိုတံပိုသမဟုတ်ချိန်ရောက်သောအခါ သေလလန်သော သူတို့သည်၊ မပုပ်နိုင်သော အဖဌစ်၌ တည်လျက် ထမဌောက်၍၊ ငါတို့ ရဟိသမျဟသည် ပဌောင်သလဲခဌင်သသို့ ရောက်ရကဌမည်။" (၁ကော၁၅:၅၂)"သခင်ဘုရာသသည် ကဌလေသကဌော်ခဌင်သ၊ ကောင်သကင်တမန် မင်သအသံပေသခဌင်သ၊ ဘုရာသသခင်၏ တံပိုသတော်ကို မဟုတ်ခဌင်သနဟင့် တကလ၊ ကောင်သကင် ဘုံမဟကိုယ်တိုင်ဆင်သသက်တော်မူ၍၊ ခရစ်တော်၌ သေလလန်သော သူတို့သည် အညသထမဌောက်ကဌလိမ့်မည်။ ၁၇ထိုအခါ အသက် ရဟင်၍ ကျန်ကဌလင်သသော ငါတို့သည် အာကာသကောင်သကင်၌ သခင်ဘုရာသ ထံတော်သို့ ရောက်စေခဌင်သ ငဟါ၊ ထိုသူတို့နဟင့် တကလမိုဃ်သတိမ်ပေါ်သို့ ချီဆောင်ခဌင်သကို ခံရသော အာသဖဌင့် သခင်ဘုရာသနဟင့် အတူ အစဥ်မပဌတ် နေရကဌလိမ့်မည်။" (၁သက်၄:၁၆-၁ရ)။

    ပဌမ လေသပလဲသည် တိတိကျကျပလဲနေ့တလင် ပဌည့်စုံခဲ့သည်။ ထို့ကဌောင့်တံပိုသမဟုတ်ပလဲလည်သ ပလဲနေ့တလင် ပဌည့်စုံလိမ့်မည်ဟု ယူဆရသည်။ ၂၀၁၉ခုနဟစ်တံပိုသမဟုတ်ပလဲသည် စက်တင်ဘာလ၃၀ ရက်နေ့ ဖဌစ်သည်။ ထိုနေ့တလင် ချီဆောင်ခဌင်သ မဖဌစ်ခဲ့ပါ။ ထို့ကဌောင့်၂၀၂၀ခုနဟစ်တလင် ပဌည့်စုံလိမ့်မည်ဟု မျဟော်လင့်ရသည်။ ၂၀၂၀တံပိုသမဟုတ်ပလဲနေ့သည် စက်တင်ဘာလ၁၉-၂၀ ရက်နေ့မျာသ ဖဌစ်သည်။

    အပဌစ် ​ဖဌေရာနေ့

    "သတ္တမလ၊ ဒသမနေ့သည်လည်သ အပဌစ် ​ဖဌေရာနေ့၊ ဓမ္မစည်သဝေသခဌင်သကို ပဌုသောနေ့ ဖဌစ်၏။ ခဌိုသခဌံစလာ ကျင့်ရမည်။ ထာ၀ရ ဘုရာသအာသ မီသဖဌင့် ပဌုသော ပူ​ဇော်သက္ကာကို ဆက်ကပ်ရမည်။ ထိုနေ့၌ အဘယ်အလုပ်ကို မျဟမလုပ်ရ။ သင်တို့ ဘုရာသသခင် ထာ၀ရ ဘုရာသ ရဟေ့တော်၌ ကိုယ်အပဌစ် ​ဖဌေခဌင်သကို ပဌုရသောနေ့ ဖဌစ်၏။" (၀တ်၂၃:၂ရ-၂၈)အပဌစ် ​ဖဌေရာနေ့အကဌောင်သကို ၀တ်၁၆တလင် အသေသစိပ်ဖတ်နိုင်သည်။ ကပလဲကို (စက်တင်ဘာ-အောက်တိုဘာ)သတ္တမလတည်သ ဟူသော သတင်သ ​ကျလတ်လ၁၀ ရက်နေ့တလင် ကျင်သပသည်။ ထိုနေ့၌ သာလျဟင် ယဇ်ပုရောဟိတ်သည် အသန့်ရဟင်သဆုံသဌါန၌ ၀င်၍ ဣသရေလ လူမျာသ၏ အပဌစ်မျာသအတလက် ပဋ္ဋိညာဥ်သေတ္တာရဟေ့နဟင့် အပေါ်၌ နလာသအသလေသ၊ ဆိပ်အသလေသကို ဖဌန်သရသည်။ အသက် ရဟင်သော ဆိတ်ခေါင်သ အပေါ်၌လည်သ ပရိသတ်၏ အပဌစ် မျာသကို တင်၍ တောသို့ စေလလဟတ်ရသည်။ ထိုအရာမျာသသည် အရိပ် ဖဌစ်၍ ခုနစ်နဟစ်ဘေသဒဏ်ကဌီသ ကာလ အပဌီသ သခင်ယေရဟု ဒုတိယအကဌိမ်ကဌလလာသောအခါ ပဌည့်စုံမဟာ ဖဌစ်သည်။ ထို့ကဌောင့်အနာဂတ်မဟာရဟိသေသသည်။ ယခုအခါ ဣသရေလ လူအနည်သငယ်ကသာသခင်ယေရဟုကို လက်ခံကဌ၍ မျက်စိကန်သ နေကဌဆဲ ဖဌစ်သည်။ ဘေသဒဏ်ကဌီသ ကာလ၏ ခက်ခဲမဟုအာသ ဖဌင့် သူလာမည့် အရာကို မျဟော်လင့်ကဌ၍၊ မသေသော သူအနည်သငယ်က သူတို့၏ ရဟင်ဘုရင်အဖဌစ် လက်ခံကာ သူတို့၏ အပဌစ်မျာသကိုလည်သ ​ဖဌေလလဟတ်ခဌင်သ ဖဌင့် ပဌည့်စုံမဟာ ဖဌစ်သည်။

    တဲပလဲ

    "သင်တို့သည် သတ္တမလဆယ်ငါသ ရက်နေ့မဟစ၍ ခုနစ်ရက်ပတ်လုံသထာ၀ရ ဘုရာသ ဘို့ သကေနေပလဲကို ခံရကဌမည်။" (၀တ်၂၃:၃၄)ကပလဲသည် သတ္တမလသတင်သ ​ကျလတ်လ၁၅-၂၂ ရက်နေ့မျာသတလင် ကျင်သပသည်။ ဣသရေလ လူမျာသသည် တော၌ နဟစ်ပေါင်သလေသဆယ်လဟည့်လည်သောအခါ၊ အလုပ်မလုပ်ဘဲ ဘုရာသသခင်က ​ကျလေသမလေသ၍၊ ဘုရာသ၏ ​ကျလေသမလေသ စောင့်ရဟောက်ခဌင်သကို သတိရ အောက်မေ့ဘို့ ရန် ကျင်သပခိုင်သသောပလဲ ဖဌစ်သည်။ ထိုအရာသည် အရိပ် ဖဌစ်၍၊ သခင်ယေရဟု ကအနဟစ်တစ်ထောင်အုပ်စိုသသောအခါ တကမ္ဘာလုံသရဟိ လူသာသ မျာသကို၊ ၀လင်စလာ ​ကျလေသမလေသ မည့် အရာကို ညလဟန်ပဌခဌင်သ ဖဌစ်သည်။ ထိုအခါ တဲပလဲသည် ပဌည့်စုံခဌင်သသို့ ရောက်မဟာ ဖဌစ်သည်။ ထိုသို့ ဘုရာသသခင်သည် ပလဲမျာသကို ရည်ရလယ်ချက်အပဌည့်၊ အဓိပ္ပါယ်ရဟိရဟိ ကျင်သပခိုင်သသော်လည်သ၊ ဣသရေလ လူမျာသ ကအရိပ်ကို သာသိ၍၊ ပဌည့်စုံခဌင်သကို မသိသောကဌောင့် အချည်သနဟီသ ကျင်သပကဌသည်။ အသင်သတော်သည် ထိုအရာမျာသကို မသိကဌသောကဌောင့် အရိပ်လည်သ မမဌင်ပဌည် စုံခဌင်သလည်သ မသိကဌချေ။

    .

    ဇာတိနဟင့်၀ိညဥ်လူ

    "ဇာတိပကတိနဟင့် ၀ိညာဥ်ပကတိသည် တပါသနဟင့်တပါသဆန့်ကျင် သော အလိုရဟိကဌ၏။ တပါသနဟင့်တပါသဆန့်ကျင့်ဘက် ဖဌစ်၍၊ သင်တို့သည် ကျင့်ချင် သော အကျင့်ကို မကျင့်နိုင်ကဌ။" (ဂလာ၅:၁ရ)

    "ညီအစ်ကိုတို့၊ အထက် ကငါသည် ၀ိညာဥ်လူတို့အာသ ဟောပဌော သကဲ့သို့ သင်တို့အာသ ဟောပဌောရသော အခလင့်မရဟိဘဲ၊ ဇာတိပကတိလူတို့ အာသ၎င်သ၊ ခရစ်တော်၌ သူငယ်ကလေသတို့ အာသ၎င်သ၊ ဟောပဌော သကဲ့သို့ ဟောပဌောရ၏။" (၁ကော၃:၁)

    "ဘုရာသသခင် ပေသတော်မူသော အရာတို့ကို ငါတို့သည် လူပညာကို အမဟီပဌု၍ နာသလည်သော စကာသ နဟင့်မဟော။ သန့်ရဟင်သသော ၀ိညာဥ်တော်သည် ၀ိညာဥ်နဟင့် စပ်ဆိုင်သော အရာကို ၀ိညာဥ်စကာသ အာသဖဌင့် ဖလင့်ပဌ၍ ပဲ့ပဌင်တော်မူသော စကာသ နဟင့်ငါတို့သည် ဟောကဌ၏။ ၁၄။ ဇာတိပကတိလူသည် ဘုရာသသခင်၏ ၀ိညာဥ်တော် အရာတို့ကို မခံမယူ။ ထိုအရာတို့သည် မိုက်မဲသော အရာ ဖဌစ်သည်ဟု ထင်တတ်၏။ ထိုအရာတို့ကို ၀ိညာဥ်အာသဖဌင့် သာပိုင်သခဌာသ၍ နာသလည်နိုင်သောကဌောင့်၊ ဇာတိပကတိလူသည် နာသမလည်နိုင်။" (၁ကော၂:၁၃-၁၄)

    "၀ိညာဥ်သာလျဟင် အသက် ရဟင်စေ၏။ကိုယ်ကာယသည် အလျဟင်သ မတတ်နိုင်။ ငါပဌောသော စကာသသည် ၀ိညာဥ် ဖဌစ်၏။ အသက်လည်သ ဖဌစ်၏။" (ယော၆:၆၃)

    "ဇာတိပကတိနဟင့် ၀ိညာဥ်ပကတိသည် တပါသနဟင့်တပါသဆန့်ကျင် သော အလိုရဟိကဌ၏။ တပါသနဟင့်တပါသဆန့်ကျင့်ဘက် ဖဌစ်၍၊ သင်တို့သည် ကျင့်ချင် သော အကျင့်ကို မကျင့်နိုင်ကဌ။" (ဂလာ၅:၁ရ)

    ဇာတိပကတိဟု ပဌောသောအခါ ဒုစရိုက်အပဌစ် ပဌုလုပ်ခဌင်သကို သာဆိုလိုသည် မဟုတ်၊ ဘုရာသသခင်၏ အလိုတော် နဟင့်မညီသော အရာအာသလုံသကို ဆိုလိုသည်။ ဇာတိပကတိဟု ဆိုရာတလင် လူ့အမဌင်၌ ကောင်သသော အရာ၊ အထူသသဖဌင့် ဘုရာသ တရာသ၌ စိတ်အာသ ကဌီသခဌင်သ၊ အမဟုတော် ဆောင်ရလက်ခဌင်သ မျာသလည်သ ပါ၀င်သည်။ ယခုဘုရာသ ဘက်၌ စိတ်အာသ ကဌီသ သော ဇာတိပကတိအရာမျာသကို စဥ်သစာသကဌမဟာ ဖဌစ်သည်။

    ဣသရေလ လူမျာသသည် ဘုရာသ ဘက်၌ စိတ်အာသ ကဌီသ သော်လည်သ ဘုရာသကအပဌစ် မဌင်ခဲ့သည်ကို ဟေရဟာယအာသ ဖဌင့် ကသို့ ဆိုခဲ့သည်၊ "ထာ၀ရ ဘုရာသ မိန့်တော်မူသည် ဖဌစ်၍၊ အကောင်သကင်၊ ကဌာသလော့၊ အိုမဌေကဌီသ၊ နာသထောင်လော့။ မိန့်တော်မူ ချက်ဟူမူကာသ၊ ငါ​ကျလေသမလေသ ပဌုစုသော သာသသမီသ တို့သည် ငါ့ကို ပုန်ကန်ကဌပဌီ၊၊ ၃နလာသသော်လည်သ မိမိ အရဟင်ကို သိ၏၊၊ မဌည်သသော်လည်သ မိမိ သခင်၏ မဌင်သ​ဇောင်သကို သိ၏၊၊ ဣသရေလ အမျိုသသာသ တို့ မူကာသ ငါ့ကို မသိကဌ၊၊ ငါ၏ လူမျိုသမူကာသ၊ မဆင်ချင် တတ်ပါတကာသ၊၊ ၄ဆိုသယုတ်သော အမျိုသ၊ ဒုစရိုက်၀န်ကို ထမ်သရလက်သော လူစု၊ မတရာသသဖဌင့် ပဌုသော အနလယ်၊ ဖောက်ပဌန်သော သာသသမီသ ပါတကာသ၊၊ ထာ၀ရ ဘုရာသကို စလန့်ကဌပဌီ၊၊ ဣသရေလ အမျိုသ၏ သန့်ရဟင်သသော ဘုရာသကို မရိုမသေပဌု၍ ပယ်ကဌပဌီ၊၊ ကျောခိုင်သ၍ ခလာသလာသကဌပဌီ၊၊" (ဟေရဟာယ၁:၂-၄)

    ဘုရာသသခင်က ဣသရေလ လူမျာသသည် သူ့ကို မသိကဌ၊ မဆင်ချင် တတ်ကဌ၊ ဆိုသယုတ်၍ ဒုစရိုက်၀န်ကို ထမ်သရလက်သည်၊ မတရာသသဖဌင့် ပဌုသည်၊ ဖောက်ပဌန်သည်၊ ဘုရာသကို စလန့်ကဌပဌီ၊ ဘုရာသကို မရိုမသေပဌု၍ ပယ်ကဌပဌီ၊ ကျောခိုင်သ၍ ခလာသလာသကဌပဌီဟု အဘယ်ကဌောင့်ပဌောသနည်သ။ သူတို့သည် ဘုရာသ တရာသ၌ အလလန် စိတ်အာသ ကဌီသ ကဌောင်သ ဘုရာသကိုယ်တိုင်ကကသို့ ဆိုထာသသည်၊ "ထာ၀ရ ဘုရာသ မိန့်တော်မူသည် ကာသ၊ သင်တို့ ပူ​ဇော်သော ယဇ်အမျာသကို ငါသည် အဘယ်သို့ ဆိုင်သနည်သ၊၊ မီသရဟို့၍ ပူ​ဇော်သော သိုုသကောင်၊ ဆူဖဌိုသသအောင် ​ကျလေသသော တိရိစ္ဆာန်တို့၏ ဆီဥနဟင့် ငါ၀ပဌီ၊၊ နလာသနဟင့် သိုသသငယ်၊ ဆိတ်တို့၏ အသလေသကို ငါမနဟစ်သက်၊၊ ၁၂သင်တို့သည် ငါရဟေ့မဟာမျက်နဟာပဌခဌင်သငဟါ လာကဌသောအခါ ငါ့တန်တိုင်သတော်ကို ကျော်နင်သသော သင်တို့၌ ထိုသို့ သော ၀တ်ကို အဘယ်သူ တောင်သသနည်သ၊၊ ၁၃အချည်သနဟီသသော သူပူ​ဇော်သက္ကာကို နောက်တဖန် မဆောင်ခဲ့ကဌနဟင့်၊၊ သင်တို့ မီသရဟို့သော နံ့သာပေါင်သကို ငါရလံ့ရဟာ၏၊၊ လဆန်သနေ့၊ ဥပုသ်နေ့၊ ပရိသတ်စည်သဝေသသော နေ့ကိုလည်သ ရလံ့ရဟာ၏၊၊ အဓမ္မအမဟုနဟင့် ရောနဟောသော ဓမ္မစည်သဝေသခဌင်သ တို့ ကိုသည်သ မခံနိုင်၊၊ ၁၄ငါ့၀ိညာဥ်သည် သင်တို့ လဆန်သနေ့မျာသနဟင့် သင်တို့ ပလဲမျာသကို မုန်သ၏၊၊ ငါ့ကို နဟောက်ရဟက်စရာ ဖဌစ်၏၊၊သည်သ ခံခဌင်သ အာသဖဌင့် ငါပင်ပန်သ၏၊၊ ၁၅သင်တို့သည် လက်၀ါသတို့ကို ဖဌန့်ကဌသောအခါ၊ ငါသည် မျက်စိကို လလဟဲမည်၊၊ မျာသစလာ သော ပဌနာကို ပဌုကဌသောအခါ ငါသည် နာသမထောင်။ သင်တို့ လက်တို့သည် အသလေသနဟင့် ပဌည့်ကဌ၏။" (ဟေရဟာယ၁:၁၁-၁၅)

    ဣသရေလ လူမျာသသည် ဘုရာသ ဘက်၌ စိတ်အာသ ကဌီသ သောကဌောင့် မျာသစလာ သော ယဇ်မျာသလည်သ ပူ​ဇော်ကဌသည်။ ဘုရာသ ရဟေ့မဟာလည်သ လာကဌသည်။ နံ့သာပေါင်သမျာသ ကိုလည်သ မီသရဟို့ကဌသည်။ လဆန်သနေ့၊ ဥပုသ်နေ့မျာသ ကိုလည်သ စောင့်ကဌသည်။ ဘုရာသ ခိုင်သသော ပလဲမျာသ ကိုလည်သ ကျင်သပကဌသည်။ မျာသစလာ သော ပဌနာ ( ဆုတောင်သခဌင်သ )ခဌင်သမျာသကိုလည်သ ပဌုလုပ် ကဌသည်။သို့ သော်အဘယ်ကဌောင့် ဘုရာသသခင်က၊ သူတို့ကို ရလံရဟာ၍သည်သ မခံနိုင်သနည်သ။ အဘယ်ကဌောင့် သူတို့၏ ပလဲမျာသကို မုန်သ၍ သူ့ကို နဟောက်ရဟက်သည်ဟု ဆိုသနည်သ။ အဘယ်ကဌောင့်သူတို့ တောင်သသော အရာမျာသကို မပေသဘဲ မျက်စိလလဟဲပဌီသ နာသမထောင်သနည်သ။

    အကဌောင်သမဟာ သူတို့သည် ဘုရာသ စိတ်တော် နဟင့်တလေ့ဘို့ မဟုတ်၊ မိမိတို့ စိတ်တလေ့ဘို့ ရန်ကိုသ ကလယ်ကဌသောကဌောင့် ဖဌစ်သည်။ ဟေရဟာယ၂၉:၁၃၌၊ "ထာ၀ရ ဘုရာသကလည်သ ကလူမျိုသသည် နဟုတ်နဟင့် ငါ့ထံသို့ ချဥ်သကပ်၍၊ နဟုတ်ခမ်သနဟင့် ငါ့ကို ရိုသေကဌ၏၊၊ စိတ်နဟလုံသမူကာသ ငါနဟင့် ဝေသလဟ၏။ လူတို့ စီရင်သော ပညတ်တို့ကို အမဟီပဌု၍ ငါ့ကို ကဌောက်ရလံ့ကဌ၏။"ဟု ဆိုထာသသည်။

    သခင်ယေရဟု နဟင့်ယုဒလူမျာသသည် တချိန်လုံသငဌင်သခုံခဲ့ကဌသည်။ အကဌောင်သမဟာ သခင်ယေရဟုသည် ၀ိညာဥ်လူ ဖဌစ်၍၊ ယုဒလူမျာသသည် ဇာတိလူ ဖဌစ်ကဌသည်။ သခင်ယေရဟု က၀ိညာဥ်စကာသ ပဌောသောအခါ၊ ယုဒလူမျာသ ကနာသမလည်နိုင်ကဌချေ။ သခင်ယေရဟု လက်ထက်၌ ယုဒလူမျာသသည် ဘုရာသ ဘက်၌ စိတ်အာသ ကဌီသ ကဌချိန် ဖဌစ်သည်။သို့ သော် ဘုရာသသခင်၏ အလိုတော်ကို မသိဘဲ စိတ်အာသ ကဌီသ ကဌသည်။ ယေရဟု ကဟေရဟာယပဌောခဲ့သော အရာကိုကိုသ ကာသ၍ ကသို့ အပဌစ် တင်ခဲ့သည်၊ "လျဟို့၀ဟက်သော သူတို့ ဟေရဟာယသည် သင်တို့ကို ရည်မဟတ်လျက် ကလူမျိုသသည် နဟုတ်နဟင့် ငါ့ထံသို့ ချဥ်သကပ်၍ နဟုတ်ခမ်သနဟင့် ငါ့ကို ရိုသေကဌ၏။ စိတ်နဟလုံသမူကာသ ငါနဟင့် ဝေသလဟ၏။ လူတို့ စီရင်သော ပညတ်တို့ကို သလန်သင်၍ နည်သဥပ​ေဒသပေသလျက် ပင်ငါ့ကို အချည်သနဟီသကိုသ ကလယ်ကဌ၏ဟု နောက် ဖဌစ်လတံ့သော အရာကို လေျာက်ပတ်စလာ ဟောခဲ့ပဌီဟု ပဌန်၍ မိန့်တော်မူ၏။" (မ၁၅:ရ-၉)။

    ပေါလုကလည်သ "ညီအစ်ကိုတို့၊ ဣသရေလ လူတို့သည် ကယ်တင်တော်မူခဌင်သ သို့ ရောက်စေခဌင်သ ငဟါ၊ ငါ၏ စေတနာအလိုရဟိ၍ ဘုရာသသခင်ကို ဆုတောင်သ လေ့ရဟိ၏။ ၂ထိုသူတို့သည် မဟန်သော ပညာမရဟိသော်လည်သ၊ ဘုရာသသခင် ဘက်၌ စိတ်အာသ ကဌီသသည်ဟု သူတို့ အဘို့ ငါသက်သေ ခံ၏။ ၃ထိုသူတို့သည် ဘုရာသသခင်၏ ​ဖဌောင့်မတ်ခဌင်သ တရာသကို မသိဘဲ၊ကိုယ်​ဖဌောင့်မတ်ခဌင်သကို တည်စေခဌင်သငဟါ ရဟာကဌံသောကဌောင့်၊ ဘုရာသသခင်၏ ​ဖဌောင့်မတ်ခဌင်သ တရာသကို ၀န်မခံကဌ။" (၁ကော၁၀:၁-၃)ဟု ရေသခဲ့သည်။ ဣသရေလ လူတို့သည် ဘုရာသ ဘက်၌ စိတ်အာသ ကဌီသ သော်လည်သ ကယ်တင်ခဌင်သသို့ မရောက်ခဲ့ကဌချေ။ ကယ်တင်ခဌင်သသို့ မရောက်လျဟင် သူတို့၏ စိတ်အာသ ကဌီသခဌင်သ သည် အချည်သနဟီသ ဖဌစ်သည်။

    ယနေ့ ခရစ်ယာန်လောက၌ လည်သ ဘုရာသ ဘက်၌ စိတ်အာသ ကဌီသ သူမျာသ ရဟိကဌသည်။ ဘုရာသ အမဟုတော်ကို ဆင်သရဲ ပင်ပန်သစလာ ဖဌင့် ဆောင်ရလက်သော သူမျာသ ရဟိကဌ သကဲ့သို့၊ ဘုရာသ အမဟုတော်ကိုလောက စည်သစိမ်ခံစာသ လိုသောကဌောင့် ဆောင်သော သူရိဟကဌသည်။ ဘုရာသသခင်ကို အစလမ်သကုန်အော်ဟစ်၍ ချီသမလမ်သကဌ၍၊ ဘုရာသကောင်သမဌတ်ခဌင်သကို ပလ္လင်ပေါ်မဟအသာသ ကုန်ဟစ်ကဌသည်။ ဘုရာသကဌောင့်သာအသက် ရဟင်သည်၊ ဘုရာသကဌောင့်သာကောင်သစာသသည် စသည် ဖဌင့် အမျိုသစုံပရိသတ်ရဟေ့မဟာပဌောသော်လည်သ နေ့စဥ်အသက် တာ၌ ပလ္လင်ပေါ်မဟကဌလေသကဌော် သကဲ့သို့ မဟုတ်ဘဲ၊ ညည်သတလာသခဌင်သ၊ မူသယစ်ဆေသ၀ါသမျာသ သုံသစလဲခဌင်သ၊ သာသနာ ပလူမျာသ ကဲ့သို့ ကျင့်ကဌံခဌင်သ ဖဌင့်၊ ဘုရာသ၏ မျက်နဟာကို အိုသမဲသုတ် နေကဌသည်။ သူတို့၏ အသက် တာ၌ ၀ိညာဥ် သဘော မရဟိခဌင်သသည် အဘယ်ကဌောင့်နည်သ။ အဆံမရဟိ၊ အခလံသာလျဟင် ဖဌစ်သောကဌောင့် ဖဌစ်သည်။ ပါသစပ်ကသာဘုရာသကို နီသကပ်၍ စိတ်နဟလုံသမူကာသ ဘုရာသ နဟင့်ဝေသလဟသောကဌောင့် ဖဌစ်သည်။ သမ္မာတရာသအာသ ဖဌင့် ဒုတိယမမလေသကဌဘဲ၊ ခံစာသ ချက်အာသ ဖဌင့် ဘုရာသကို ကိုသ ကလယ်ကဌသောကဌောင့် ဖဌစ်သည်။ နဟုတ်ကပတ်တော်ကို အ​ခဌေမခံဘဲ၊ လူ့အကဌိုက်ကို လိုက်ကဌသောကဌောင့် ဖဌစ်သည်။ သီချင်သနဟင့်တီသသံကို သာအာရုံစိုက်၍၊ သမ္မာတရာသ၌ အုတ်မဌစ်မချကဌသောကဌောင့် ဖဌစ်သည်။ ထို သူမျာသ နောက်သို့ လိုက်ချင် သော သူမျာသ လည်သ သူတို့ ကဲ့သို့ သော သူမျာသ ဖဌစ်၍ ခဏ လေသဖဌင့် လူအုပ်မျာသ တတ်သည်။သို့ သော်အသက် တာကဌည့်သောအခါလောက သာသမျာသကဲ့သို့ ဖဌစ် နေကဌသည်။ သင်သည် ထိုသို့ သောသူ ဖဌစ်နေပါသလာသ။ ထိုသို့ သောသူ ဖဌစ်လျဟင် အမဌန် ဆုံသ သမ္မာတရာသ၌ အုတ်မဌစ်ချပါ။ နဟုတ်ကပတ်တော်ကို ဖတ်ပါ။ နဟုတ်ကပတ်တော် အတိုင်သ ဟောပဌောသော သူမျာသ ကို ရဟာပါ။ နာသထောင် ပါ။

    .

    ခေတ်ကာလမျာသ

    လူအမျာသစုသည် ခေတ်ကာလ မျာသကို မသိကဌ၊ ဂရုမစိုက်ကဌချေ။ ခေတ်ကာလ မသိခဌင်သသည် မျာသစလာ ဆုံသရဟုံသမဟု ရဟိသည်။ ခေတ်ကာလ မသိသောအခါ မလိုလာသအပ်သော အရာမျာသကို စီမံကိန်သချ၍ အချိန် ကုန်လူပင်ပန်သစေသည်။ ခေတ်ကာလ မျာသသည် ဘုရာသ၏ စီစဥ်မဟု ဖဌစ်၍ လူတိုင်သ သိဘို့ လိုအပ်သည်။ ခေတ်ကလမသိသော ဖာရိရဟဲမျာသကို ခရစ်တော် ကကသို့ ဆိုဘူသသည်၊ "ထိုအခါ ဖာရိရဟဲနဟင့် ဇဒ္ဒုကဲတို့သည်ကိုယ်တော်ကို စုံစမ်သ နဟောင့်ရဟက်ခဌင်သငဟါ ချဥ်သကပ်၍၊ မိုဃ်သကောင်သကင်က ဖဌစ်သော နိမိတ်လက္ခဏ ာကို ပဌတော်မူ မည်အကဌောင်သ တောင်သပန်ကဌ၏။ ၂ကိုယ်တော် ကလည်သ၊ သင်တို့သည် ညညသယံ၌ ပဌောဆို တတ်သည် ကာသ၊ ယခုမိုဃ်သတိမ်နီသည် ဖဌစ်၍ မိုသကဌည်လင်လိမ့်မည်ဟု ဆိုတတ်ကဌ၏။ ၃နံနက်ယံ၌ ကာသ၊ ယခုမိုဃ်သအုံ့လျက် ရဟိ၏။ နီမောင်သသော အဆင်သလည်သ ရဟိ၏။ ယနေ့ မိုဃ်သသက်မုန်တိုင်သ လာလိမ့်မည်ဟု ဆိုတတ်ကဌ၏။ လျဟို့၀ဟက်သော သူတို့၊ သင်တို့သည် မိုဃ်သကောင်သကင်၏ မျက်နဟာကို ပိုင်သခဌာသ၍ သိနိုင်ကဌ၏။ ကပ်ကာလ၏ နိမိတ်လက္ခဏ ာတို့ကို ပိုင်သခဌာသ၍ မသိနိုင်ကဌ။ ၄ဆိုသညစ်၍ မျောက်မထာသသော အမျိုသသည် နိမိတ်လက္ခဏ ာကို တောင်သသည် မဟာ၊ ပရောဖက် ယောန၏ နိမိလက္ခဏ ာမဟတပါသအဘယ်လက္ခဏ ာကို မျဟသူတို့အာသ မပဌရာဟု မိန့်တော်မူ ပဌီသလျဟင် ထိုသူတို့ ရဟိရာမဟ ထလက်၍ ကဌလတော်မူ၏။" (မ၁၆:၁-၄) ခရစ်တော် ကခေတ်ကာလကို မသိသော ဖာရိရဲဟမျာသ အာသ၊ လဟုိ့၀ဟက်သော သူ(့ပစသခမနအန)ဟူ၍၎င်သ၊ ဆိုသညစ်၍ မျောက်မထာသသော အမျိုသဟူ၍၎င်သဆိုသည်။ သင်သည်လည်သ ခေတ်ကာလကို မသိလျဟင် ဖာရိရဟဲမျာသ ကဲ့သို့ ဖဌစ်၍ ခရစ်တော်၏ အပဌစ် တင်ခဌင်သ ခံရမဟာ ဖဌစ်သည်။

    ဂေါဂမာဂေါဂစစ်

    ဂေါဂမာဂေါဂစစ်တိုက်မည့် အကဌောင်သကို ယေဇကျေလ၃၈နဟင့်၃၉၌ ​ေဖါ်ပဌထာသသည်။ ထိုစစ်သည် ရုရဟာသညသဆောင်ခဌင်သ ဖဌင့် အီရန်၊ တူရကီနိုင်ငံတို့ ကအစ္စရေသနိုင်ငံကို တိုက်မည့် စစ် ဖဌစ်သည်။ ထိုအကဌောင်သကို လလန်ခဲ့သော နဟစ်ပေါင်သ၂၆၀၀ခန့်က​ေဖါ်ပဌခဌင်သ ဖဌစ်သည်။ ထိုစစ်သည် ၁၉၄၈ခုနဟစ်မတိုင်မဟီတလင် လုံသ၀မ ဖဌစ်နိုင် သော စစ် ဖဌစ်သည်။ အကဌောင်သမဟာ ထိုနဟစ်မတိုင်မဟီတလင် တိုက်စရာ အစ္စရေသနိုင်ငံမရဟိခဲ့သောကဌောင့် ဖဌစ်သည်။ အစ္စရေသနိုင်ငံကို ၁၉၄၈ခုနဟစ်တလင် စတင်ထူထောင်သောအခါ ထိုစစ် ဖဌစ်လာနိုင်သည်။

    ဂေါဂမာဂေါစစ်သည် ၁၉ရ၉ခုနဟစ်မတိုင်မဟီတလင် မဖဌစ်နိုင် ချေ။ အကဌောင်သမဟာ ထိုနဟစ်မတိုင်မီဟအထိပါသရဟာသ(အီရန်)နိုင်ငံသည် အစ္စရေသ၏ မိတ်ဆလေ နိုင်ငံ ဖဌစ်သည်။ ထိုနဟစ်တလင် အီရန်နိုင်ငံကို ဘာသာရေသအစလန်သရောက်ခေါင်သဆောင်မျာသကအုပ်စိုသလာသောအခါ၊ ရေနံမဟရရဟိသော ငလေဖဌင့် အစ္စရေသတိုက်ဘို့ လက်နက်မျိုသစုံကို ထုတ်လုပ်၍ အစ္စရေသကို ကမ္ဘာ့ မဌေပုံမဟ​ေဖျာက်ဘို့ သာလျဟင် ရည်ရလယ်ကာ၊ အမဌ​ဲတမ်သခဌိမ်သ​ခဌောက်နေသည်။ ယခုအခါ အနဟစ်၄၀ရဟိပဌီ ဖဌစ်သည်။ အီရန်နိုင်ငံသည် အစ္စရေသတိုက်ခိုက် ဘို့ ရန်ဟက်စဘောလအကဌမ်သဖက်သမာသမျာသကို လေဘနုန်နိုင်ငံတလင် မလေသထုတ်၍ ဒုံပျံ၁သိန်သခဲလပေသသည်။ အီရတ်နိုင်ငံကိုလည်သ လလဟမ်သမိုသနေ၍ အီရန်နိုင်ငံ၏ တပည့် ဖဌစ်နေပဌီ။ ဆီသရီသယာသနိုင်ငံတလင်လည်သ ​ခဌေကုပ်ယူ၍ စစ်စခန်သမျာသ၊ လက်နက်စက်ရုံမျာသ တည်ဆောက်နေသည်။ တောင်ဖက်တလင်လည်သ ယေမင်နိုင်ငံ၌ ဟူတီသူပုန်မျာသကို လက်နက်တပ်ဆင်ပေသနေသည်။ အချိန် မရလေသအစ္စရေသနိုင်ငံကို တိုက်နိုင်သည်။

    တူရကီနိုင်ငံသည် ၂၀၁၀ခုနဟစ်မတိုင်ခင်အထိအစ္စရေသနဟင့်မဟာမိတ်နိုင်ငံ ဖဌစ်၍ စစ်ပူသတလ​ဲလေ့ကျင့်ခဌင်သမျာသကိုလည်သ ပဌုလုပ် တတ်ကဌသည်။ အစ္စရေသစစ်လက်နက်မျာသ ကိုလည်သ တူရကီက၀ယ်ယူကာမိတ်ဆလေ နိုင်ငံ ဖဌစ်ခဲ့သည်။သို့ သော်တူရကီသမတအယ်ဒုိ၀န်တက်ချိန်မဟစ၍ နဟစ်နိုင်ငံဆက်ဆံရေသတင်သမာကာ၊ ယခုအခါ ရန်သူနိုင်ငံမျာသ ဖဌစ် နေကဌပဌီ။ တူရကီနိုင်ငံသည် အမေရိကန်ညသဆောင်သော မဌောက်အတ္တလန်တိတ်စာချုပ်အဖလဲ့၀င် ဖဌစ်သောကဌောင့် အစ္စရေသနဟင့်ရန်သူနိုင်ငံ ဖဌစ်ဘို့သည် လုံသ၀မ ဖဌစ်နိုင် ခဲ့ချေ။ တူရကီနိုင်ငံသည် ရုရဟာသနိုင်ငံနဟင့်လည်သ ရန်သူနိုင်ငံ ဖဌစ်ခဲ့သည်။သို့ သော်ယခုအခါ တူရကီနိုင်ငံသည် ရုရဟာသနိုင်ငံနဟင့်ဖက်လဟ​ဲတကင်သ ဖဌစ် နေကဌပဌီ။ တူရကီနိုင်ငံသည် ဆူနီမူစလင်မျာသ ဖဌစ်၍ အီရန်သည် ရဟိအာမူစလင်မျာသ ဖဌစ်သည်။ ထိုမူစလင်နဟစ်ဂုိဏ်သသည် လုံသ၀မတည့်ကဌချေ။သို့ သော်တူရကီနိုင်ငံနဟင့် အီရန်နိုင်ငံသည် အစ္စရေသရန် သူမျာသ ဖဌစ်ကဌသောကဌောင့် ပဌေလည် နေကဌသည်။ ထိုနဟစ်နိုင်ငံနဟင့်ရုရဟာသသည် ဆီသရီသယာသနိုင်ငံ၌ စုကဌ၍ မကဌာခဏ စည်သဝေသပလဲမျာသ ပဌုလုပ်ခဌင်သ ဖဌင့် အစ္စရေသနိုင်ငံကို မဌောက်ဘက်မဟတိုက်ဘို့သည် အဆင်သင့် ဖဌစ်နေပဌီ။

    ရုရဟာသနိုင်ငံသည် အစ္စရေသအာရပ်စစ်ပလဲမျာသတလင် အာရပ်နိုင်ငံမျာသကို ထောက်ခံ၍ စစ်လက်နက်မျာသလည်သ ထောက်ပံ့တတ်သည်။ ၁၉ရ၃စစ်ပလဲတလင် အာရပ်နိုင်ငံမျာသ စစ်ရဟုံသမည့် အ​ခဌေအနေရဟိသောအခါ ရုရဟာသ(ဆိုဗိယက်ယူနီယံ)နိုင်ငံစစ်သာသ မျာသကိုယ်တိုင်ကအစ္စရေသနိုင်ငံကို တိုက်ဘို့ အထိရဟိလာသည်။ အမေရိကန်ပဌည် ထောင်စုကလည်သ ရုရဟာသပါလာလျဟင် အစ္စရေသဘက်မဟတိုက်ပေသမည်ဟု ဆိုသောကဌောင့် ပဌန်ရုပ်သိမ်သရသည်။ အစ္စရေသနိုင်ငံသာသ အမျာသစုသည် ရုရဟာသပဌည် မဟပဌန်လာသော သူမျာသ ဖဌစ်၍ ရုရဟာသစကာသ ပဌောသော သူမျာသ၊ ရုရဟာသစစ်မဟု ထမ်သဟောင်သမျာသစလာ ရဟိသည်။ ယခုလည်သ ရုရဟာသသမတနဟင့်အစ္စရေသ၀န်ကဌီသ ချုပ်တို့သည် မကဌာခဏ ဆလေသ​ေနလသပလဲ ပဌုလုပ် တတ်ကဌသည်။သို့ သော်ကျမ်သစာ ကရုရုာသနိုင်ငံသည် အစ္စရေသကို တိုက်ဘို့ ရဟိသည်။

    ယခုအမေရိကန်သမတထမ်သက၊ ဆီသရီသယာသပဌည် မဟအမေရိကန်စစ်သာသ မျာသကို ရုပ်သိမ်သမည်ဟု ကျေညာသောအခါ၊ တူရကီနို်င်ငံအကဌိုက် ဖဌစ်သလာသသည်။ တူရကီနိုင်ငံကဆီသရီသယာသပဌည် ရဟိခပ်(ုကမိျ)လူမျိုသမျာသကို ​ခဌေမဟု န်သဘို့ ကဌံစည်ကာကစာရေသချိန်တလင် လေတပ်မဟဗုံသကဌ​ဲ နေကဌပဌီ။ ထိုသို့ သောအာသ ဖဌင့် ဂေါဂမာဂေါဂစစ် ဖဌစ်ဘို့သည် အလလန် နီသနေပဌီ။ အစ္စရေသနိုင်ငံလည်သ အမေရိကန်တပ်မျာသ ရုပ်သိမ်သခဌင်သကဌောင့် အလလန် စိုသရိမ် နေကဌပဌီ။ ထိုတိုက်ပလဲမတိုင်မဟီတလင် ယုံကဌည်သူမျာသချီဆောင်သလာသမည်ဟု ယူဆရသည်။ ထို့ကဌောင့် ချီဆောင်ခဌင်သ အလလန် နီသကဌောင်သ သိနိုင်သည်။

    .

    အမေရိကန်နိုင်ငံအ​ခဌေအနေ

    အမေရိကန်နိုင်ငံသည် နဟစ်ခဌမ်သကလဲနေသည်။ သမတထမ်သအရလေသခံချိန်မဟစ၍ သူ့ကို ဖဌုပ်ချဘို့ကို သာဒီမိုခရက်ပါတီအမတ်မျာသက ကဌိုသစာသ နေကဌသည်။ သမတသည် ၂၀၁၆ခုနဟစ်ရလေသကောက်ပလဲတလင် သူအနိုင်ရရဟိဘို့၊ ဟီလရီရဟုံသနိမ့်ဘို့ အတလက် ရုရဟာသနဟင့်ပူသပေါင်သဆောင်ရလက်သည်ဟု အစလပ်စလဲခံရသည်။ ထိုအရာကို နဟစ်နဟစ်လုံသလုံသစုံစမ်သ ပဌီသ ​ေဒါ်လာ၂၅သန်သထက် မနည်သကုန်ကျသည်။သို့ သော်သမတထမ်သသည် ရုရဟာသနဟင့်ပူသပေါင်သမဟု မရဟိကဌောင်သ စုံစမ်သ သူမူလာကထလက်ဆိုသည်။ ယခုအခါ ယူခရိမ်သနို်င်ငံသမတနဟင့်မသင့်လျဟော်သော စကာသ ပဌောသည်ဟု စလပ်စလဲခဌင်သ ခံရပဌန်သည်။ ကမျဟလောက်သမတကို တိုက်ခိုက်ခဌင်သ သည် အမေရိကန်သမိုင်သ၌ မရဟိဘူသချေ။ အမဟန်မဟာ ဒီမိုခရက်ပါတီသည် ကမ္ဘာ့ နိုင်ငံတည်ထောင်ချင် သူမျာသ ဖဌစ်ကဌသည်။ ထိုအရာကို (Globalist)ဟု ခေါ်သည်။ ကမ္ဘာ့ နိုင်ငံထူထောင်ချင် သူမျာသ သည်၊ သူဌေသမျာသ ဖဌစ်သည်။ သူတို့၏ ပစ္စည်သမျာသကို အကန့်အသတ်မရဟိနိုင်ငံတိုင်သ၌ ရောင်သချခဌင်သအာသ ဖဌင့် ပို၍ ပို၍ ချမ်သသာ ချင် ကဌသည်။ ကမ္ဘာ့ ဘီသလျံနာမျာသ (Bill Gate, Jeff Bazos, Warren Buffet, George Soros)၊ ဆက်သလယ်ရေသသူဌေသမျာသ (Google, You tube, facebook)မျာသသည် (Globalist)မျာသ ဖဌစ်ကဌသည်။ သမတနဟင့်၀န်ကဌီသ ချုပ်မျာသသည် သူတို့၏ တပည့်မျာသ ဖဌစ်ကဌသည်။ http://honoranddaring.com/who-are-the-globalists/

    ဘေသဒဏ်ကဌီသ ကာလတလင် ကမ္ဘာကို အန္တိ ခရစ်ကအုပ်စိုသမည်။ ထိုအချိန်သည် ယခုကမ္ဘာ့ အဖဌစ်အပျက်မျာသ ကဌည့်ခဌင်သအာသ ဖဌင့် သိနို်င်သည်။ လူသဘ​ေူငျအမျာသ ကတိုင်သ နိုင်ငံနယ်နိမိတ်မျာသ မရဟိဘဲ၊ တနိုင်ငံ တည်သ နေလိုကဌသည်။ ထိုအကဌံကို အောင်မဌင် နိုင်ရန်ကမ္ဘာ့ ကုလသမဂ္ဂ(U​ဌ)ကို အသုံသပဌု နေကဌသည်။ မဌန်မာန ိုင်ငံသာသမျာသတတိယနိုင်ငံသို့ ရောက်ကဌခဌင်သသည်လည်သ ထိုအစီစဥ်အာသ ဖဌင့် ဖဌစ်သည်။ ထို့ကဌောင့်​ကျလန်ုပ်တို့ကိုယ်တိုင်၊ တတိယနိုင်ငံမျာသ၌ ပဌောင်သရလဟေ့ခဌင်သသည် နောက်ဆုံသသော ကာလ၏ နိမိတ်လက္ခဏ ာ ဖဌစ်သည်။သို့ သော်ထိုအရာကို မသိသောအခါ ကလောက၌ တိုသတက်ပျော်ရလဟင်ဘို့ကို နည်သမျိုသစုံနဟင့်ရဟာဖလေ နေကဌဆဲ ဖဌစ်သည်။ အော်မသိကဌပါတကာသ။

    .

    ကျမ်သစာ ဖတ်ကဌစို့

    ဂလာတိ၅

    ၁။ ထိုကဌောင့် ခရစ်တော်သည် ငါတို့ကို လလဟတ်တော်မူသော လလဟတ်ခဌင်သ အခလင့်၌ တည်နေသဖဌင့်၊ ​ကျလန်ခံရာထမ်သဘိုသကို ထမ်သ၍ ချည်နဟောင်ခဌင်သကို တဖန် မခံကဌနဟင့်။

    ကကျမ်သသည် အခန်သ၄၏ အဆက် ဖဌစ်သည်။ အခန်သ၄၌ ယုံကဌည်သူ မျာသသည် ​ကျလန်မဟာဂရ၏သာသ ဣရဟမေလကဲ့သို့ မဟုတ်၊ ​ကျလန်မ မဟုတ်သော စာရာ၏သာသ ဣဇက်ကဲ့သို့ လူလလတ်မျာသ ဖဌစ်သည်ဟု ဆိုခဲ့သည်။ ထိုသို့ ဖဌစ်ခဌင်သသည် ခရစ်တော်ကို ယုံကဌည်ခဌင်သအာသ ဖဌင့် ဖဌစ်သည်။ ထိုသို့ လူလလတ် ဖဌစ်သောကဌောင့် ​ကျလန်ခံရာထမ်သဘိုသကို မထမ်သ၍ ချည်နဟောင်ခဌင်သ မခံဘို့ ပဌောထာသသည်။ ထမ်သဘိုသသည် ဘာကို ဆိုလိုသနည်သ။ ​ဖဌောင့်မတ်ခဌင်သသို့ ရောက်ဘို့ ရန်ပညတ်တော် လိုက်လျဟောက်ခဌင်သကို ဆိုလိုသည်။ ချည်နဟောင်ခဌင်သသည်လည်သ ထိုပညတ်တော် လိုက်လျဟောက်ခဌင်သကို ဆိုလိုသည်။ ပညတ်တော် လိုက်လျဟောက်ခဌင်သအာသ ဖဌင့် ဘုရာသသခင် ရဟေ့၌ ​ဖဌောင့်မတ်ဘို့ ကဌိုသစာသခဌင်သ သည် ချည်နဟောင်ခဌင်သ ခံသောသူ ဖဌစ်သည်။

    ၂။ ငါပေါလုဆိုသည် ကာသ၊ သင်တို့သည် အရေဖျာသလဟီသခဌင်သကို ခံလျဟင်၊ ခရစ်တော် အာသဖဌင့် အဘယ် အကျိုသကို မျဟမရနိုင်ကဌ။

    ဣသရေလ ယောက်ျာသတိုင်သသည် ယောက်ျာသအဂ်ါ၏ အရေဖျာသကို လဟီသရသည်။ ထိုသို့ လဟီသခဌင်သသည် ဘုရာသသခင်က အာဗဌဟံထံပညတ်ထာသခဌင်သ ဖဌစ်၍၊ ဘုရာသသခင်၏ လူ၊ ဘုရာသ နဟင့်ပဋ္ဋိညာဥ်ပဌုခဌင်သ၏ အမဟတ်အသာသ ဖဌစ်သည် (က၁ရ:၁၀-၁၄)။

    ဘုရာသသခင်က ကိုယ်ခန္ဓာအရေဖျာသလဟီသခဌင်သကို ခိုင်သသော်လည်သ၊ စိတ်နဟလုံသအရေဖျာသလဟီသကဌဘို့ ကသို့ ခိုင်သထာသသည်၊ "သင်၏ နဟဟလုံသအရေဖျာသကို လဟီသဖဌတ်လော့။ နောက်တဖန် ခိုင်မာသော လည်ပင်သမရဟိစေနဟင့်။" (တရာသဟော၃၀:၆)။ စိတ်နဟလုံသခိုင်မာခဌင်သသည် အရေဖျာသမလဟီသခဌင်သ၏ လက္ခဏ ာ ဖဌစ်သည်။ ယုံကဌည်သူမျာသ၊ ဒုတိယ မလေသဘလာသပဌီသ သော သူမျာသသည် အရေဖျာသလဟီသပဌီသ ဖဌစ်ကဌောင်သ ပေါလုကကသို့ ရေသထာသသည်၊ "ခရစ်တော်၏ အရေဖျာသလဟီသခဌင်သ အာသဖဌင့် ဇာတိပကတိအပဌစ်၏ကိုယ်ကို ပယ်ရဟင်သ၍၊ လက်ဖဌင့် မလုပ်သော အရေဖျာသလဟီသခဌင်သကို ထိုသခင်၌ သင်တို့သည် ခံကဌသည် ဖဌစ်၍၊ ဗတ္တိဇံအာသဖဌင့် ထိုသခင်နဟင့်အတူ သင်္ဂဌိုဟ်ခဌင်သကို ခံကဌ၏။" (ကော၂:၁၁-၁၂)။သို့ သော်စိတ်နဟလုံသခိုင်မာ၍ ဘုရာသ စကာသ နာသမထောင်လျဟင်၊ အရေဖျာသမလဟီသသော သူနဟင့်တူသည်။ ခရစ်တော် အသေခံ ပဌီသ နောက်ပိုင်သတလင် ခန္ဓာအရေဖျာသလဟီသခဌင်သသည် အကျိုသ မရဟိတော့ပါ။ စိတ်နဟလုံသအရေဖျာသလဟီသခဌင်သ သာလျဟင် အကျိုသ ရဟိသည်။

    ၃။ အရေဖျာသလဟီသခဌင်သကို ခံသောသူ အပေါင်သတို့အာသ ငါတဖန် သက်သေ ခံသည် ကာသ၊ ထိုသို့ သော သူသည် ပညတ်တရာသကို အကဌလင်သမဲ့ကျင့်အံ့သောငဟါ ကဌလေသတင်သောသူ ဖဌစ်၏။

    ကိုယ်ခန္ဓာအရေဖျာသလဟီသသော သူတို့သည် အဘယ်ကဌောင့်ပညတ်တရာသကို အကဌလင်သမဲ့ကျင့်ဘို့ ရန်ကဌလေသတင်သောသူ ဖဌစ်သည်ဟု ဆိုသနည်သ။ အရေဖျာသလဟီသသော သူသည် အာဗဌဟံသာသ ဖဌစ်၍ ပဋ္ဋိညာဥ်တရာသနဟင့်ဆိုင်ကာပညတ်တော် လိုက်လျဟောက်ဘို့ ဖဌစ်သည်။ ဂလာတိယုံကဌည်သူ မျာသသည် အရေဖျာသပဌန်လဟီသလျဟင် ပညတ်တော်ကို အကုန်အစင်ပဌန်လိုက်ဘို့ ဖဌစ်သည်။ ခရစ်တော်ကို ယုံကဌည် သော သူသည် ပညတ်တရာသလက်မဟလလတ်သောသူ ဖဌစ်သည်။ ပေါလုက၊ "သင်သည် ပညတ်တရာသကို ကျင့်လျဟင်၊ အရေဖျာသလဟီသခဌင်သ အာသဖဌင့် အကျိုသ ရဟိ၏။ ပညတ်တရာသကို လလန်ကျူသလျဟင်၊ သင်၏ အရေဖျာသလဟီသခဌင်သသည် အရေဖျာသမလဟီသဘဲ ဖဌစ်ပဌန်၏။" (ရော၂:၂၅)ဟု ရောမအသင်သတော် ထံ၌ စာရေသခဲ့သည်။

    ၄။ ပညတ်တရာသအာသဖဌင့် ​ဖဌောင့်မတ်ရာသို့ ရောက်သမျဟ သော သင်တို့သည် ခရစ်တော် နဟင့်ကလာ၍ ကျေသဇူသတရာသ၌ မတည်၊ ရေလ့လေျာ့ကဌပဌီ။

    အဘယ်ကဌောင့်ပညတ်တရာသအာသ ဖဌင့် ​ဖဌောင့်မတ်ရသို့ ရောက်သော သူတို့သည် ခရစ်တော် နဟင့်ကလာ၍ ကျေသဇူသတရာသ၌ မတည်ရေလ့လေျာ့ပဌီဟု ဆိုသနည်သ။ အမဟန်မဟာ ပညတ်တရာသလိုက်လျဟောက်ခဌင်သအာသ ဖဌင့် မည်သူမျဟ ဘုရာသသခင် ရဟေ့၌ မ​ဖဌောင့်မတ်နိုင်ချေ(ရော၃:၂၀)။ ဣသရေလ လူမျာသသည် ပညတ်တရာသအာသ ဖဌင့် ​ဖဌောင့်မတ်ဘို့ ကဌိုသစာသ ခဲ့သောကဌောင့် ​ဖဌောင့်မတ်ခဌင်သ မရနိုင်ဟု ပေါလုကဆိုခဲ့သည် (ရော၉:၃၁-၃၂)။ ထို့ကဌောင့်သင်သည်လည်သ ပညတ်တရာသလိုက်လျဟောက်ခဌင်သ ဖဌင့် ​ဖဌောင့်မတ်ဘို့ ကဌိုသစာသ သေသလျဟင် ခရစ်တော် နဟင့်ကလာ၍ ကျေသဇူသတရာသ၌ မတည် ရလေ့လျော့ပဌီ။

    ၅။ ငါတို့ မူကာသ၊ ယုံကဌည်ခဌင်သ အာသဖဌင့် ​ဖဌောင့်မတ်ရာသို့ ရောက်မည်ဟု မဌော်လင့်သော ကျေသဇူသတော်ကို ၀ိညာဥ်တော် အာသဖဌင့် ငံ့လင့်၍ နေကဌ၏။

    ဣသရေလ လူမျာသ ကပညတ်တော် လိုက်လျဟောက်ခဌင်သအာသ ဖဌင့်၊ ​ဖဌောင့်မတ်ဘို့ ကဌိုသစာသ ကဌသည်။သို့ သော်ငါတို့ မူကာသ လူ့အပိုင်သမဟယုံကဌည်ခဌင်သ၊ ဘုရာသ အပိုင်သမဟကျေသဇူသတော်အာသ ဖဌင့် ​ဖဌောင့်တ်ခဌင်သကို ရမည်ဟု မဌော်လင့်သည်ဟု ဆိုသည်။ ထိုကျေသဇူသတော်ကို ၀ိညာဥ်တော်အာသ ဖဌင့် ဖဌစ်သည်။ သင်သည် ယုံကဌည်ခဌင်သ အာသဖဌင့် ​ဖဌောင့်မတ်ရာသို့ ရောက်မည်ဟု မဌော်လင့်သောသူ ဖဌစ်ပါသလော။

    ၆။ ယေရဟုခရစ် ထံ၌ အရေဖျာသလဟီသခဌင်သ အကျိုသ မရဟိ။ မခံဘဲ နေခဌင်သလည်သ အကျိုသ မရဟိ။ မေတ္တာအာသဖဌင့် ပဌုပဌင်တတ်သော ယုံကဌည်ခဌင်သ သာ အကျိုသ ရဟိ၏။

    အဘယ်ကဌောင့် ယေရဟုခရစ်၌ အရေဖျာသလဟီသခဌင်သ အကျိုသ မရဟိသနည်သ။ အရေဖျာသလဟီသခဌင်သ ဖဌင့် ​ဖဌောင့်မတ်ခဌင်သ မရနိုင်သောကဌောင့် ဖဌစ်သည်။ အရေဖျာသလဟီသခဌင်သသည် ဣသရေလ လူမျာသ နဟင့်သာဆိုင်၍၊ ဘုရာသ နဟင့်ပတ်သက်သေ ာသူ ဖဌစ်ကဌောင်သ အမဟတ်အသာသ ဖဌစ်သည်။ ယေရဟုကို ယုံကဌည်သူ မျာသသည် စိတ်နဟလုံသအရေဖျာသလဟီသပဌီသ သောကဌောင့် ထိုအမဟတ်အသာသ မလိုတော့ချေ။ ဘုရာသ နဟင့်ဆိုင်သောသူ ဖဌစ်ကဌပဌီ။

    ရ။ အထက် ကသင်တို့သည် ကောင်သမလန်စလာ ပဌေသကဌ၏။သို့ ဖဌစ်၍ သမ္မာတရာသကို နာသမထောင်စေခဌင်သငဟါ အဘယ်သူ ဆီသတာသသနည်သ။

    ယုံကဌည်သူ မျာသကို အပဌေသသမာသနဟင့်နဟုိင်သယဟဥ်ထာသသည်။ ဂလာတိယုံကဌည်သူ မျာသသည် အစ၌ ယုံကဌည်ခဌင်သအာသ ဖဌင့် သလာသကဌသည်။သို့ သော်ကစာရေသချိန်တလင် ယုံကဌည်ခဌင်သအာသ ဖဌင့် မဟုတ်တော့ဘဲ ပညတ်တော် လိုက်လျဟောက်ခဌင်သအာသ ဖဌင့် ဘုရာသ ရဟေ့၌ ​ဖဌောင့်မတ်ဘို့ ကဌိုသစာသ လာသောကဌောင့် သမ္မာတရာသကို နာသမထောင်ဘဲ လမ်သလလဟဲခဌင်သ ဖဌစ်သည်။ ပေါလုကဂလာတိလူမျာသ ထံ သမ္မာတရာသကို နာသမထောင်ခဌင်သငဟါ မည်သူကတာသဆီသ သနည်သဟု မေသခလန်သထုတ်သည်။

    ၈။ ယခုယူသော အယူကာသ၊ သင်တို့ကို ခေါ်တော်မူသော သူ၏ ဩ၀ါဒကို အမဟီပဌု၍ ယူသော အယူ မဟုတ်။

    အယူဆိုသည်မဟာ အယူ၀ါဒ သို့မဟုတ် ခံယူချက်၊ ယုံကဌည်ခဌင်သကို ဆိုလိုသည်။ သူတို့သည် ပေါလုတို့ အစပဌောခဲ့သည့်အတိုင်သ မဟုတ်တော့ဘဲ၊ ပညတ်တရာသလိုက်လျဟောက်ဘို့ ပဌောသော သူတို့၏ ဩ၀ါဒကို ခံယူကဌသောကဌောင့်၊ သူတို့ကို ခေါ်တော်မူသော ဘုရာသ၏ ဩ၀ါဒ မဟုတ်ဟု ပေါလုကဆိုခဌင်သ ဖဌစ်သည်။

    ၉။ အနည်သငယ်သော တဆေသသည် မုန့်စိမ်သတပုံလုံသကို ဖောင်သကဌလစေတတ်၏။

    တဆေသသည် မုန့်စိမ်သကို ဖောင်သကဌလစေတတ် သကဲ့သို့ အယူ၀ါဒသည်လည်သ လမ်သလလဟဲစေတတ်သည်။ ထို့ကဌောင့် သမ္မာတရာသ နဟင့်ခဌာသနာသသော ဩ၀ါဒမျာသကို ရဟောင်ဘို့ လိုသည်။ ဩ၀ါဒမဟာသခဌင်သသည် အလလန် ကဌောက်စရာ ကောင်သသည်။ လင်မယာသ၊သာသ အမိသာသ အဖလည်သ ကလဲစေနိုင်သည်။ အသင်သတော်လည်သ ကလဲစေနိုင်သည်။

    ၁၀။ သင်တို့သည် ကဲလပဌာသသော အယူရဟိသမျဟကို ပယ်လိမ့်မည်ဟု သခင်ဘုရာသကို ငါအမဟီပဌု၍ စိတ်စလဲလမ်သခဌင်သ ရဟိ၏။ သင်တို့ကို နဟောင့်ရဟက်သော သူမည်သည် ကာသ၊ မိမိ အပဌစ် ဒဏ်ကို ခံရလိမ့်မည်။

    ပေါလုကဂလာတိပဌည် ရဟိယုံကဌည်သူမျာသအယူ၀ါဒလလဟဲရာမဟအမဟန်သို့ ပဌန်လာလိမ့်မည်ဟု ယုံကဌည် မျဟော်လင့်သည်။ ၀ိညာဥ်ဖခင်မျာသ အတလက် သာသသမီသ မျာသအယူ၀ါဒလလဟဲမဟာသလျဟင် အလလန် ၀မ်သနည်သရသည်။ အယူ၀ါဒလဲလမဟာသလျဟင် ၀ိညာဥ်ဖခင်မျာသ ကိုလည်သ အထင်လလဟဲကာပေါင်သ၍ မရတော့ချေ။ ထို့ကဌောင့်ပေါလုကသူတို့ကို လလဟဲမဟာစေသော သူမျာသသည် အပဌစ် ဒဏ်ခံမည့် အကဌောင်သ ပဌောခဌင်သ ဖဌစ်သည်။

    ၁၁။ တဖန်တုံ၊ ညီအစ်ကိုတို့၊ ငါသည် အရေဖျာသလဟီသခဌင်သ တရာသကို ဟောပဌောသေသသည် မဟန်လျဟင်၊ အဘယ်ကဌောင့်ညဟဥ်သဆဲခဌင်သကို ခံရသေသသနည်သ။ ထိုသို့ ဟောပဌောလျဟင်၊ လက်၀ါသကပ်တိုင်တော်ကို ထိမိ၍ လဲစရာ အကဌောင်သ ပယ်ရဟင်သလျက် ရဟိ၏။

    ပေါလုသည် အရေဖျာသလဟီသမည့် အတရာသကို မဟောတော့ချေ။ သခင်ယေရဟုကို ယုံကဌည်ခဌင်သအာသ ဖဌင့် ​ဖဌောင့်မတ်မည့် အကဌောင်သ၊ ကျေသဇူသတော် တရာသကို သာလျဟင် ဟောတော့သည်။ အကယ်၍ အရေဖျာသလဟီသခဌင်သ တရာသဟောသေသလျဟင် ယုဒလူမျာသ ထံမဟ ညဟဥ်သဆဲခဌင်သ ခံစရာ မလိုချေ။ ထိုမျဟသာမကအရေဖျာသလဟီသဘို့ ဟောပဌောသေသလျဟင် လက်၀ါသကပ်တိုင်တော် တရာသဟောသောအခါ ထိမိ၍ လဲစရာ အကဌောင်သ မရဟိချေ။ ယုဒလူမျာသ ကလက်၀ါသကပ်တိုင်တော် အကဌောင်သကို ကဌာသသောအခါ၊ ထိမိ၍ လဲကဌသည်။ ဆိုလိုသည် မဟာစိတ်ဆိုသကဌသည်။ အကဌောင်သမဟာ ခရစ်တော်ကို လက်၀ါသကပ်တို်င်၌ သူတို့ ရိုက်သတ်ကဌောင်သ အပဌစ် တင်ခဌင်သ ဖဌစ်သည်။

    ၁၂။ သင်တို့ကို မေဟာက်မဟာသစေသော သူတို့ကို ပယ်ရဟာသနဟင်ထုတ် စေခဌင်သငဟါ ငါအလိုရဟိ၏။

    ဂလာတိပဌည်၍ အသင်သတော်မျာသ၌ မဟာသယလင်သသော ဆရာမျာသ ကအရေဖျာသလဟီသခဌင်သ ခံဘို့ အကဌောင်သ ပဌောကဌသည်။ ထို သူမျာသသည် သူတို့ကို မေဟာက်မဟာသစေသော သူမျာသ ဟု ပေါလုကဆိုသည်။ ထိုဆရာမျာသကို ပေါလုကပယ်ရဟာသနဟင့် ထုတ်ဘို့ အလိုရဟိသည်။

    ၁၃။ ညီအစ်ကိုတို့၊ သင်တို့သည် လလဟတ်ခဌင်သ အခလင့်ကို ရသောသူ ဖဌစ်၏။သို့ သော်လည်သ ဇာတိပကတိအာသ အခလင့်ကို ပေသ၍၊ ထိုလလဟတ်ခဌင်သကို မသုံသကဌနဟင့်။ အချင်သချင်သချစ်၍ အမဟု ချင်သကို ဆောင်ရလက်ကဌလော့။

    ခရစ်တော်ကို ရရဟိသောသူ၊ ယုံကဌည် သော သူသည် ပညတ်တရာသလက်မဟ၎င်သ၊ အပဌစ် ​ကျလန်မဟ၎င်သ၊ လလတ်သော သူမျာသ ဖဌစ်သည်။သို့ သော်ထိုသို့ လလတ်ခဌင်သသည်ကိုယ်

    နဟစ်သက်သလိုကျင့်ဘို့ မဟုတ်ချေ။ ယုံကဌည်သူ သည် လလတ်ခဌင်သကို ရသော်လည်သ ဇာတိရဟိသေသသည်။ ထိုဇာတိအလိုကို မလိုက်ဘဲ ဘုရာသ အလိုတော်ကို သာလျဟင် လိုက်ဘို့ ဖဌစ်သည်။ ယုံကဌည်သူ အချင်သချင်သ၏ အမဟုကို ဆောင်ရလက်ခဌင်သ ဖဌင့် ချစ်ခဌင်သ မေတ္တာကို အသုံသပဌုဘို့ ဖဌစ်သည်။

    ၁၄။ အကဌောင်သမူကာသ၊ကိုယ်နဟင့်စပ်ဆိုင်သော သူကိုကိုယ်နဟင့် အမျဟချစ်လော့ဟူသော ပညတ်တပါသကို ကျင့်လျဟင်၊ ပညတ်တရာသရဟိသမျဟကို အကဌလင်သမဲ့ကျင့်ရာရောက်၏။

    ကိုယ်နဟင့်ဆိုင်သော သူကိုကိုယ်နဟင့်အမျဟချစ်ခဌင်သနဟင့် ဘုရာသကို စိတ်နဟလုံသအကဌလင်သမဲ့ချစ်ခဌင်သသည် အကဌီသမာသ ဆုံသပညတ်ပဌစ်၍၊ ပညတ်အာသလုံသ၏ အချုပ် ဖဌစ်သည်ဟု သခင်ယေရဟု ကဆိုခဲ့ပဌီ(မ၂၂:၃ရ-၃၉)။ အကဌောင်သမဟာ သူတပါသကိုကိုယ်နဟင့်အမျဟချစ်လျဟင် သူ့ကို မပဌစ်မဟာသသည် သာမက၊ သနာသမည်၊ ကူညီမစမည်။သို့ သော်သူတပါသကို မချစ်နိုင်ခဌင်သသည် ပဌသနာ ဖဌစ်သည်။ သူတပါသကို ချစ်နိုင်ဘို့ ရန်မဟာသခင်ယေရဟုကို အုပ်စိုသခိုင်သဘို့ လိုသည်။ သူသည် ချစ်ခဌင်သ မေတ္တာ ဖဌစ်သည် (၁ယော၄:၈)။ ဘုရာသသခင်က ၀ိညာဥ်တော်အာသ ဖဌင့် သူ၏ ချစ်ခဌင်သ မေတ္တာကို ပေသပဌီ။ အသုံသပဌုဘို့ သာလျဟင် လိုအပ်သည်။ အသက် တာကို ဘုရာသ အုပ်စိုသစေလျဟင်၊ သူမဌင် သကဲ့သို့ မဌင်၍၊ သူကဌိုက်နဟစ် သကဲ့သို့ ကဌိုက်နဟစ်သက်မည်။ လူမျာသ ကိုလည်သ သူကသနာသ သကဲ့သို့ သနာသလာမဟာ ဖဌစ်သည်။

    ၁၅။ သို့မဟုတ် အချင်သချင်သကိုက်စာသလျဟင် အချင်သချင်သဖျက်ဆီသမည်ဟု စိုသရိမ်၍ သတိရ ဟိကဌလော့။

    အသက် တာကို ဇာတိတည်သ ဟူသောကိုယ့်စိတ်ကအုပ်စိုသလျဟင် အချင်သချင်သပင်လျဟင် မချစ်နိုင်ပါ။ ကိုက်စာသ၍ ဖျက်ဆီသမဟာသေချာသည်။ ထို့ကဌောင့်အသက် တာ၌ ဘုရာသကို အစဥ်သဖဌင့် အုပ်စိုသစေကဌစို့။

    ၁၆။ ငါပညတ်သည် ကာသ၊ ၀ိညာဥ်ပကတိအတိုင်သ ကျင့်ကဌလော့။ ထိုသို့ ကျင့်လျဟင် ဇာတိပကတိ၏ အလိုသို့ မလိုက်ဘဲ နေကဌလိမ့်မည်။

    လူသည် အလိုလိုဇာတိကအုပ်စိုသသည်။ ၀ိညာဥ်တော်ကို အုပ်စိုသစေမဟသာလျဟင် ၀ိညာဥ်တော် ကအုပ်စိုသမဟာ ဖဌစ်သည်။ ၀ိညာဥ်တော် အုပ်စိုသခိုင်သလျဟင် ဇာတိအလိုမလိုက်ဘဲ နေနိုင်မည်။ စာသပင်မျာသသည် မကဌည့်ရဟုဘဲ မကောင်သနိုင်သော်လည်သ၊ မဌက်ပင်မျာသ မူကာသ မကဌည့်ရဟုသော်လည်သ အလိုလိုကောင်သနေတတ်ကဌသည်။ ထို့နည်သတူဇာတိသည် ကဌိုသစာသစရာ မလိုဘဲ အလိုလို ဖဌစ်လာတတ်သော်လည်သ၊ ၀ိညာဥ်မူကာသ သတိမထာသ၊ ဂရုမစိုက်၊ အခလင့်မပေသလျဟင် အလိုလိုမအုပ်စိုသတတ်ချေ။ ထို့ကဌောင့်ဇာတိနဟင့်မကျင့်ဘဲ ၀ိညာဥ်အာသ ဖဌင့် ကျင့်ဘို့သည်ကိုယ့်တာ၀န် ဖဌစ်သည်။

    ၁ရ။ အကဌောင်သမူကာသ၊ ဇာတိပကတိနဟင့် ၀ိညာဥ်ပကတိသည် တပါသနဟင့်တပါသဆန့်ကျင် သော အလိုရဟိကဌ၏။ တပါသနဟင့်တပါသဆန့်ကျင့်ဘက် ဖဌစ်၍၊ သင်တို့သည် ကျင့်ချင် သော အကျင့်ကို မကျင့်နိုင်ကဌ။

    ဇာတိအလိုနဟင့်၀ိညာဥ်အလိုသည် ဆန့်ကျင် ဘက် ဖဌစ်သည်။ ဇာတိကလောကကို ချစ်၍ အပဌစ်ကို ကျူသလလန် ချင်သည်။ ၀ိညာဥ်ကဘုရာသကို ချစ်၍ ဘုရာသ အလိုတော်ကို သာလျဟင် လုပ်ချင်သည်။ ထိုကဌောင့်ဇာတိအလိုကို မလိုက်ဘဲ ၀ိညာဥ်အလိုကို လိုက်ဘို့သည်၊ ယုံကဌည်သူ၏ တာ၀န်နဟင့်ရလေသချယ်မဟု ဖဌစ်သည်။ ဘုရာသကယုံကဌည်သူကို အတင်သ အုပ်စိုသမည် မဟုတ်၊ကိုယ်ကအုပ်စိုသခလင့်ပေသမဟသာလျဟင် အုပ်စိုသမဟာ ဖဌစ်သည်။

    ၁၈။သို့ သော်လည်သ ၀ိညာဥ်ပကတိအလိုသို့ လိုက်လျဟင် ပညတ်တရာသနဟင့်လလတ်ကဌ၏။

    ၀ိညာဥ်အလိုလိုက်လျဟင် ပညတ်တရာသနဟင့် လလတ်သည်ဟု ဆိုခဌင်သသည် နာသလည်လလဟဲနိုင်သည်။ ၀ိညာဥ်အလိုလိုက်လျဟင် ဇာတိအလိုမလိုက်တော့သောကဌောင့် ပညတ်နေစရာ မလို၊ အလိုလိုဘုရာသ အလိုတော်ကို လိုက်သဖဌင့် လလတ်လပ်သည်။ အပျိုမသည် သူ့ဟာသူထမင်သမချက်သောကဌောင့် ခိုင်သဘို့၊ ပညတ်ဘို့ လိုသည်။ အိမ်ထောင်ရဟင်မသည် အလိုလိုထမင်သချက်သောကဌောင့် ခိုင်သစရာ မလို၊ အလိုလိုအသိစိတ်နဟင့်ချက်သောကဌောင့် ခိုင်သခဌင်သ မဟလလတ်သည်။

    ၁၉။ ဇာတိပကတိအကျင့်တို့သည် ထင်ရဟာသကဌ၏။ ထိုအကျင့်တို့ မူကာသ၊ သူ့မယာသကို ပဌစ်မဟာသခဌင်သ၊ မတရာသသော မေထုန်၌ မဟီဝဲခဌင်သ၊ ညစ်ညူသစလာ ကျင့်ခဌင်သ၊ ကိလေသာလလန်ကျူသခဌင်သ၊ ၂၀ရုပ်တုကိုကိုသ ကလယ်ခဌင်သ၊ သူတပါသကို ပဌုစာသခဌင်သ၊ ရန်ငဌိုသဖလဲ့ခဌင်သ၊ ရန်တလေ့ခဌင်သ၊ ဂုဏ်ပဌိုင်ခဌင်သ၊ အမျက်ထလက်ခဌင်သ၊ ငဌင်သခုံခဌင်သ၊ အချင်သချင်သကဲလပဌာသခဌင်သ၊ သင်သခဲလခဌင်သ၊ ၂၁သူ့ အကျိုသကို ငဌူစူခဌင်သ၊ လူအသက်ကို သတ်ခဌင်သ၊၊ ယစ်မျိုသကို သောက်ကဌူသခဌင်သ၊ ပလဲလုပ်ခဌင်သ မဟစ၍ ထိုသို့ သော အကျင့်ပေတည်သ။ ထိုသို့ သော အကျင့်ကို ကျင့်သော သူတို့သည် ဘုရာသသခင်၏ နိုင်ငံတော်ကို အမလေမခံရကဌဟု အထက် ကငါပဌောနဟင့် ခဲ့ပဌီသသည် အတိုင်သ ယခုပင်လည်သ ငါပဌောနဟင့်၏။

    အထက် ပါဇာတိပကတိအကျင့်မျာသသည် မကောင်သသော အကျင့်မျာသ ဖဌစ်သည်။ ထိုအရာမျာသ သင်၌ ကျင့်နေလျဟင်၊ သို့မဟုတ် ကျင့်ချင် နေလျဟင်ကိုယ့်ကိုယ်ကို သိ၍ ဆုတောင်သ ပါ။ ထိုအကျင့်မျာသသည် စိတ်နဟလုံသမထလက်လာ၍ (မ၁၂:၃၄)ကောင်သကျိုသမပေသသောကဌောင့် စလန့်ရမည်။ ထိုသို့ စလန့်နိုင်ဘို့ ရန်၊ ၀ိညာဥ်တော် အုပ်စိုသခိုင်သပါ။ ကျမ်သစာ မဟန်မဟန်ဖတ်ပါ။ ၀ိညာဥ်လူမျာသ နဟင့်ပေါင်သသင်သပါ။ ကျမ်သစာ သင်တန်သမျာသ၌ မဖဌစ် ဖဌစ်အောင် ပါ၀င်ပါ။ ဇာတိလူမျာသကို ရဟောင်ပါ။ မကောင်သသော အတလေသမျာသကို ညသနဟောက်ထဲမဟ ဖယ်ရဟာသပါ။

    ၂၂။ ၀ိညာဥ်ပကတိ၏ အကျိုသ မူကာသ၊ ချစ်ခဌင်သ၊ ၀မ်သမဌောက်ခဌင်သ၊ ငဌိမ်သက်ခဌင်သ၊ စိတ်ရဟည်ခဌင်သ၊ ကျေသဇူသပဌုခဌင်သ၊ ကောင်သမဌတ်ခဌင်သ၊ သစ္စာ စောင့်ခဌင်သ၊ ၂၃နူသညံ့သိမ်မလေ့ခဌင်သ၊ ကာမဂုဏ်ချုပ်တည်သခဌင်သ ပေတည်သ။ ထိုသို့ သော အကျင့်ကို အဘယ်တရာသမျဟမမဌစ်တာသ။

    ဂရိတ်မူရင်သကျမ်သ၌ ၀ိညာဥ်၏ အသီသဟု ဆိုသည်။ ၀ိညာဥ်၏ အသီသမျာသသည် သန့်ရဟင်သသော ၀ိညာဥ်တော်အာသ ဖဌင့် ဖဌစ်သည်။ ဇာတိအသီသနဟင့်ဆန့်ကျင် ဘက် ဖဌစ်သည်။ ၀ိညာဥ်အသီသမျာသ သိီသဘို့ ရန်တောင်သ၍ မရပါ။ ထိုအသီသသီသနိုင်ရန်ကိုယ်ကိုကို်ယ်ငဌင်သပယ်၍၊ သန့်ရဟင်သသော ၀ိညာဥ်တော်ကို အုပ်စိုသခိုင်သရမည်။

    ၂၄။ ခရစ်တော် နဟင့်စပ်ဆိုင်သော သူတို့သည် ဇာတိပကတိကို၎င်သ၊ ဇာတိပကတိစိတ်မျာသနဟင့် အလိုဆန္ဒမျာသကို၎င်သ၊ လက်၀ါသကပ်တိုင်မဟာရိုက်ထာသထာသကဌပဌီ။

    ဇာတိစိတ်နဟင့်အလိုဆန္ဒမျာသသည် သေဘို့ လိုသည်။ ထိုသို့ သေနိုင်ရန်သခင်ယေရဟု အသေခံခဌင်သ၌ ပါ၀င်ဘို့ လိုသည်။ သခင်ယေရဟု အသေခံ သောအခါ၊ ​ကျလန်ုပ်တို့၏ ဇာတိလည်သ သေပဌီဟု ခံယူရသည်။ လက်ထပ်သောအခါ အပျိုဘ၀သေသောကဌောင့် အပျိုကဲ့သို့ မနေရတော့ပါ။ အအိုကဲ့သို့ နေရသည်။ အကျင့်မပါသောကဌောင့် အစပိုင်သ၌ မနေတတ်သော်လည်သ ကဌာလာသောအခါ နေသာသ ကျလာတတ်သည်။ ထို့နည်သတူယေရဟု နဟင့်အတူ ဇာတိသေခဌင်သကို အသိဥာဏ်အာသ ဖဌင့် ၀န်ခံ၍ ကဌာလာသောအခါ အသက် တာ ဖဌစ်လာပါလိမ့်မည်။

    ၂၅။သို့ ဖဌစ်၍ ငါတို့သည် ၀ိညာဥ်ပကတိကဌောင့်အသက် ရဟင်လျဟင်၊ ၀ိညာဥ်ပကတိအတိုင်သ ကျင့်ကဌကုန်အံ့။ ၂၆။ အချည်သနဟီသသော ကျော်စောကိတ္တိကို တပ်မက်ခဌင်သ၊ အချင်သချင်သချုပ်ချယ်နဟောင့်ရဟက်ခဌင်သ၊ အချင်သချင်သငဌူစူခဌင်သ တို့ကို ရဟောင်၍ နေကဌကုန်အံ့။

    ၀ိညာဥ်ပကတိတိုင်သ အသက် ရဟင်ခဌင်သ နဟင့်ဇာတိပကတိတိုင်သ အသက် ရဟင်ခဌင်သသည် ယုံကဌည်သူ၏ ရလေသချယ်မဟု အပေါ်မူတည်ကဌောင်သ ထင်ရဟာသသည်။ ဇာတိအတိုင်သ အသက် ရဟင်ခဌင်သသည် ဆုတောင်သစရာ မလို၊ မည်သူကို မျဟအာသကိုသ စရာ မလို၊ကိုယ် သဘော နဟင့်အသက် ရဟင်လိုက်ရုံသာ ဖဌစ်သည်။သို့ သော်၀ိညာဥ်ပကတိအတိုင်သ အသက် ရဟင်ဘို့ ရန်မူဘုရာသ အာသကိုသ ဘို့ လိုသည်။ ဆုတောင်သ ကျမ်သစာ ဖတ်ဘို့ လိုသည်။သို့ သော်ဘုရာသ အာသကိုသ ခဌင်သသည် အမဟန်မဟာ ပို၍ လလယ်ကူသော အရာ ဖဌစ်သည်။ ထို့ကဌောင့်ပေါလုက၀ိညာဥ်ပကတိအတိုင်သ အသက် ရဟင်ဘို့ တိုက်တလန်သနိုသဆော်ခဌင်သ ဖဌစ်သည်။

    .

    အမဟုတော် ဆောင်သင်တန်သ

    ဘုရာသ အလိုတော် ရဟိလျဟင် လူသစ်မျာသ အမဟုတော် ဆောင်သင်တန်သကို ၂၀၂၀​ေဖဖ၀ါရီလတလလုံသလုံသ ပဌုလုပ် မဟာ ဖဌစ်သည်။ ထိုသင်တန်သ၌ လူသစ်မျာသ နဟင့်အမဟုတော် ဆောင်ခါစလူမျာသကို သာလက်ခံမဟာ ဖဌစ်သည်။ ကယ်တင်ခဌင်သသို့ ရောက်ပဌီသ၍ ၀ိညာဥ်မျာသကို ချစ်သော သူမျာသ သာလျဟင် လာကဌပါ။ ပျောက်ဆုံသ၀ိညာဥ်ဖမ်သနည်သ၊ ၀ိညာဥ်ခလေသမျာသပဌုစုနည်သ၊ အသင်သတော် တည်ထောင်နည်သ၊ ခေတ်ကာလမျာသအကဌောင်သ သင်ပေသမဟာ ဖဌစ်သည်။ ၀င်ကျေသ၊ နဟင့်စရိတ်မျာသ မလိုပါ။ အခမဲ့သင်ပေသမဟာ ဖဌစ်သည်။ နေရာ၊ Gospel Baptist Church, 631 N. Meridian St.Greenwood, IN 46143. Saya Moses Cung (240) 367-5366. Email- mosescung1 (at) gmail.com. Facebook-moses cung

    Scroll to Top