သင်ခန်းစာ ( ၁၅ )

✝အချိန်ကိုကျော်လွန်သောစကားတော်✝

ညတစ်ညမှာ လူငယ်လေး လီယမ်ဟာ ဖုန်တက်နေတဲ့ ကျမ်းစာအုပ်ဟောင်းတစ်အုပ်ကို ဖွင့်ဖတ်နေခဲ့ပါတယ်။

သူဖတ်မိတဲ့ စာပိုဒ်ကတော့ ခရစ်တော်က တပည့်တော်တွေကို အနာဂတ်မှာ ဖြစ်လာမယ့်အရာတွေကို ကြိုတင်ပြောခဲ့တဲ့ စကားများ ဖြစ်ပါတယ်။

"လူတမျိုးနှင့်တမျိုး၊ တနိုင်ငံနှင့်တနိုင်ငံ ရန်ဘက်ပြုကြလိမ့်မည်။ အရပ်ရပ်တို့၌ အစာခေါင်းပါးခြင်း၊ ကာလနာများပြားခြင်း၊ မြေကြီးလှုပ်ခြင်းတို့သည် ဖြစ်ကြလိမ့်မည်။ " (ရှင်မဿဲခရစ်ဝင် ၂၄း၇)

လီယမ်က စာအုပ်ကို ခဏပိတ်ပြီး စဉ်းစားမိတယ်။

ဒီစကားတွေကို ခရစ်တော် ပြောခဲ့တာက နှစ်ပေါင်းများစွာ အရင်ကပဲ ဒါပေမဲ့ ဒီနေ့ကမ္ဘာမှာ ဖြစ်နေတဲ့အရာတွေနဲ့ ဘာကြောင့် ဒီလောက်တောင် ကိုက်ညီနေရတာလဲ။

သူဆက်ဖတ်လိုက်တဲ့အခါ သမိုင်းစာမျက်နှာတွေက သူ့ရှေ့မှာ ပေါ်လာသလို ဖြစ်လာခဲ့တယ်။

နိုင်ငံအချင်းချင်း စစ်ပွဲများ၊

လူသားများခံစားခဲ့ရသော အစာခေါင်းပါးမှုများ၊

မြို့ရွာများကို ဖျက်ဆီးခဲ့သော မြေငလျင်ကြီးများ

အဲဒီအချိန်မှာ လီယမ်ရဲ့ နှလုံးသားထဲမှာ အံ့သြမှုတစ်ခု ပေါ်လာခဲ့တယ်။

ခရစ်တော်ဟာ အဲဒီအရာတွေ ဖြစ်လာပြီးမှ ပြောခဲ့တာ မဟုတ်ဘူး။

မဖြစ်ခင်ကတည်းက  ကြိုမြင်ပြီး သတိပေးခဲ့တာပဲ သူ နောက်ထပ်ဖတ်လိုက်တယ်။

ကောင်းကင်နှင့် မြေကြီးမတည်သော်လည်း  ငါ့စကားတည်လိမ့်မည်။ (ရှင်မဿဲခရစ်ဝင် ၂၄း၃၅)

လီယမ်က နားလည်လာခဲ့တယ်။

လူတွေဟာ အနာဂတ်ကို ခန့်မှန်းဖို့ ကြိုးစားကြပေမဲ့ ခရစ်တော်ကတော့ အနာဂတ်ကို သိမြင်တော်မူသော ဘုရားဖြစ်တော်မူသည်။

အချိန်မရောက်သေးခင်ကတည်းက ဖြစ်လာမယ့်အရာတွေကို သိတော်မူပြီး လူသားတွေကို လမ်းမှန်ပြန်လာဖို့ ခေါ်နေတော်မူခဲ့သည်။

သို့သော် ခရစ်တော်၏ ရည်ရွယ်ချက်မှာ လူတွေကို ကြောက်ရွံ့စေရန် မဟုတ်ပါ။

ထိုအမှုအရာတို့သည် ဖြစ်စရှိသောအခါ၊ သင်တို့ကို ရွေးနှုတ်သောအချိန်ကာလ ရောက်လုနီးသည်ကို ထောက်သဖြင့်၊ မြော်ကြည့်၍ ခေါင်းကိုကြွကြလော့ဟု မိန့်တော်မူ၏။ (ရှင်လုကာခရစ်ဝင် ၂၁း၂၈)

အဲဒါကြောင့် လီယမ် သိလာခဲ့တယ်။

ကမ္ဘာကြီး ဘယ်လိုပြောင်းလဲသွားပါစေ၊ အနာဂတ်ကို သိမြင်တော်မူသော ခရစ်တော်၏ စကားတော်သည် မပြောင်းလဲနိုင်ပါ။

💡သင်ခန်းစာ

ခရစ်တော်သည် အနာဂတ်ကို ခန့်မှန်းသောသူ မဟုတ်ပါ။ မဖြစ်သေးသောအရာများကိုပင် သိမြင်တော်မူသော ဘုရားဖြစ်သည်။

လွန်ခဲ့သော နှစ်ပေါင်းများစွာက မိန့်တော်မူခဲ့သော စကားများသည် ယနေ့တိုင် အမှန်တရားအဖြစ် ရပ်တည်နေဆဲဖြစ်သည်။

နိမိတ်လက္ခဏာများကို မြင်သောအခါ ကြောက်ရွံ့ခြင်းထက်၊ အရာအားလုံးကို သိတော်မူသော ခရစ်တော်ကို ယုံကြည်ပြီး အသင့်ရှိနေခြင်းကပိုအရေးကြီးသည်။

အဘယ့်ကြောင့်ဆိုသော် ခရစ်တော်သည် အနာဂတ်ကို ကြိုသိတော်မူရုံသာမက၊ အချိန်ကာလအားလုံးကို စီစဉ်၍ ချုပ်ကိုင်တော်မူသော ဘုရားဖြစ်သောကြောင့်ဖြစ်သည်။