သင်ခန်းစာ ( ၁ )
💧ရေသန့်ထဲက အဆိပ်တစ်စက်
ဟိုး.......တစ်ခါတုန်း က မြို့ရွာလေးတစ်ရွာမှာ ခလေးငယ်လေးတွေကို ဥပမာ လေးတွေနဲ့ အမြဲသင်ပြတတ်တဲ့ ဆရာ တစ်ဦးရှိတယ်တဲ့။
တစ်နေ့မှာ ထိုဆရာက ကျောင်းသားတွေရှေ့မှာ ဖန်ခွက်တစ်ခွက်ကို ထားလိုက်ပါတယ်။
အဲဒီဖန်ခွက်ထဲမှာ ရေသန့် အပြည့်ရှိပါတယ်။ဒီတော့ ဆရာက မေးတယ်—
“ဒီရေက သန့်လား?”
ကျောင်းသားတွေက “သန့်ပါတယ်” လို့ ဖြေကြတယ်။
အဲဒီနောက် ဆရာက ပုလင်းလေးတစ်လုံးထုတ်ပြီး ပြောပြန်တယ်—
“ဒီထဲမှာ အဆိပ်ရှိတယ်။ အဆိပ်တစ်စက်ပဲ ထည့်မယ်။”
ပြီးတော့ ရေထဲကို အဆိပ်တစ်စက်ချလိုက်တယ်။
ဆရာက မေးတယ်—“အခု ဒီရေကို သောက်ရဲကြလား?”
ကျောင်းသားတွေက ချက်ချင်း “မသောက်ရဲဘူး!” လို့ ဖြေကြတယ်။
ဆရာက ပြောတယ်—“ရေက အများအားဖြင့် သန့်နေသေးပေမယ့် အဆိပ်တစ်စက်က အဲဒီရေတစ်ခွက်လုံးကို မသောက်သင့်တဲ့အရာ ဖြစ်စေတယ်။”
“အပြစ်ကလည်း ဒီလိုပဲ။ လူတစ်ယောက်က ကောင်းမှုအများကြီးလုပ်ထားပေမယ့် အပြစ်တစ်ခုပဲရှိနေရင် ဘုရားသခင်ရှေ့မှာ မသန့်ရှင်းတော့ပါဘူး။”
ရေသန့်တစ်ခွက်ထဲမှာ အဆိပ်တစ်စက်သာ ထည့်လိုက်ရုံနဲ့ အဲဒီရေဟာ သောက်သုံးလို့မရနိုင်တော့တဲ့အထိ ဖြစ်သွားတတ်တယ်။ အရင်က သန့်ရှင်းပြီး အဖိုးတန်တဲ့အရာတစ်ခုဟာ သေးငယ်တဲ့ အဆိပ်တစ်စက်ကြောင့် တစ်ခွက်လုံး ပျက်စီးသွားနိုင်တယ်။
အဲဒီလိုပဲ လူတစ်ယောက်ရဲ့ နှလုံးသား၊ အတွေးအခေါ်နဲ့ ဘဝထဲမှာလည်း “သေးငယ်တယ်” လို့ ထင်ရတဲ့ မကောင်းတဲ့အရာတွေ—မုန်းတီးမှုတစ်စက်၊ မာနတစ်စက်၊ လိမ်လည်မှုတစ်စက်၊ မနာလိုမှုတစ်စက်—တို့က အတွင်းစိတ်တစ်ခုလုံးကို တဖြည်းဖြည်းနဲ့ ညစ်ညမ်းစေနိုင်တယ်။
အပြင်ပန်းမှာတော့ လူက ပုံမှန်အတိုင်းကောင်းနေသလို ထင်ရပေမယ့် အတွင်းစိတ်ထဲမှာ အဲဒီ “အဆိပ်တစ်စက်” ကိုမဖယ်ရှားဘဲ ထားလိုက်ရင် အချိန်ကြာလာတာနဲ့အမျှ ဆုံးဖြတ်ချက်တွေ၊ စကားတွေ၊ လုပ်ရပ်တွေအထိပါ အဆိပ်ကသက်ရောက်လာနိုင်တယ်။
ဒါကြောင့် ဘဝမှာ အရေးကြီးတာက ကြီးမားတဲ့ အပြစ်တွေကိုသာ မဟုတ်ဘဲ သေးငယ်သလိုထင်ရတဲ့ မကောင်းမှုတွေကိုပါ သတိထားပြီး ဖယ်ရှားနေရတာပဲ ဖြစ်တယ်။
သန့်ရှင်းတဲ့ရေလို နှလုံးသားကို ထိန်းသိမ်းနိုင်မှသာ တခြားသူတွေကိုလည်း အေးချမ်းမှုနဲ့ အကျိုးပြုနိုင်မယ်။ဒါကြောင့် “သေးငယ်တဲ့ အဆိပ်တစ်စက်ကို လျစ်လျူရှုနိုင်ပြီဆိုရင် ဘဝတစ်ခုလုံးကို ကယ်တင်နိုင်တယ်” ဆိုတာပဲ ဖြစ်ပါတယ်။ 🙏
💡 အပြစ်က နည်းနည်းပဲဖြစ်ဖြစ် လူကို ဘုရားသခင်နဲ့ ကွဲကွာစေတယ်။
ကောင်းမှုတွေက အပြစ်ကို မဖယ်ရှားနိုင်ပါဘူး။ ယေရှုခရစ်တော်ရဲ့ ကျေးဇူးတော်ကသာ အပြစ်ကို သန့်စင်ပေးနိုင်တယ်။ ✝
📖 ကျမ်းပိုဒ်
(ရောမ ၃:၂၃)
“လူအပေါင်းတို့သည် ဒုစရိုက်ကိုပြု၍ ဘုရားသခင်ရှေ့တော်၌ အသေရေပျက်ကြပြီ”
✝ ဆုတောင်းစကား🙏
ဤစာကို ဖတ်ရှုသူအားလုံးသည် ကယ်တင်ခြင်း၏ အမှန်တရားကို နားလည်ပြီး ဘုရားသခင်၏ ကျေးဇူးတော်ကို လက်ခံရရှိနိုင်ပါစေ။
အာမင်🙏
