Image Credit: https://webstockreview.net
ပျောက်ဆုံး
ဝိညာဉ်ဖမ်းနည်း
Soul Winning
Copyright 2020-2022 © Moses R. Cung
.
မာတိကာ
- စကားချီး
- ၁။ အဘယ်ကြောင့် ယုံကြည်သူတိုင်း ဝိညာဉ် ဖမ်းဘို့ လိုသနည်း
- ၂။ သင်တန်း၏ ရည်ရွယ်ချက်များ
- ၃။ အပိုင်း (၁) အမှုတော်ဆောင်တိုင်း ပျောက်ဆုံးဝိညာဉ် ဖမ်းရမည်
- ၄။ ပျောက်ဆုံး ဝိညာဉ်များမဖမ်းခြင်း၏ ဆိုးကျိုးများ
- ၅။ ကျမ်းစာထဲမှ ဝိညာဉ် မဖမ်းချင်သူများ
- ၆။ ကျမ်းစာထဲမှ ဝိညာဉ် ဖမ်းသောသူများ
- ၇။ အဘယ်ကြောင့်ပျောက်ဆုံး ဝိညာဉ်များဖမ်းရမည်နည်း
- ၈။ ပျောက်ဆုံးဝိညာဉ် ဖမ်းနည်း အမျိုးမျိုး
- ၉။ မည်ကဲ့သို့ ပျောက်ဆုံးဝိညာဉ် ဖမ်းမည်နည်း
- ၁၀။ အပိုင်း (၂) အမှုတော်ဆောင်တိုင်း ဝိညာဉ် သားသမီး များပြုစုရမည်
- ၁၁။ မည်ကဲ့သို့ ကျွေးမွေး ပြုစုရမည်နည်း
- ၁၂။ အသင်းသား များကို ပျောက်ဆုံးဝိညာဉ် ဖမ်းဘို့ သွန်သင်ရမည်
- ၁၃။ အမှုတော်ဆောင်များ အကျင့်သိက္ခာရှိ၍ ဝိညာဉ်တော်နှင့် ပြည့်ဝရမည်
- ၁၄။ ကျမ်းစာထဲမှ ဝိညာဉ် ပြည့်ဝသူများ
.
စကားချီး
ဤအမှုတော်ဆောင်သင်တန်းကို ဖြစ်မြောက်အောင်မြင် စေသော ဘုရားသခင်ကို အထူးချီးမွမ်းပါသည်။ ဤသင်တန်း တက်ရောက်ခြင်းအားဖြင့် သင်တန်းသားတိုင်း အသက်တာထူးခြားလိမ့်မည်ဟု ယုံကြည် မျှော်လင့်ပါသည်။ ယနေ့ မူစလင်များသည် သူတို့၏ ဘုရား အလ္လာအတွက် အသက်ရှင်ရဲသည်သာမက၊ အသေလည်း ခံရဲ ကြသည်။ အခြားသော အရာများကို ထားခဲ့၍ သူတို့ ဘုရား ခိုင်းသောအရာကို အသေခံ လုပ်ဆောင် နေကြသည်။ ထိုအချိန်တွင် ကယ်တင်ခြင်းသို့ ရောက်သော ခရစ်ယာန် များသည် အိပ်ပျော်၍ အိပ်မက် မက် နေကြသည်။ ထို့ကြောင့် အိပ်မက် မက်မနေတော့ဘဲ၊ အိပ်ရာမှထ၍ သခင်အလိုရှိသော ပျောက်ဆုံးဝိညာဉ် များရှာဖွေဘို့ နှိုးဆော်လိုပါသည်။
ဘုရားသခင်၏ အမှုတော်ကို ယုံကြည်သူတိုင်း ဆောင်သင့်သော်လည်း မဆောင်ကြပါ။ လူအနည်းငယ်ကသာလျှင် ဆောင်ကြသည်သာမက၊ ဆောင်သောသူအများစုလည်း၊ အစိုးရအမှု ထမ်းကဲ့သို့ ဝင်ငွေရဘို့၊ ဝမ်းစာရဘို့ အတွက် သာဆောင်ကြသောကြောင့်၊ ဘုရားသခင်၏ ဘုန်းသည် ထင်ရှားသင့်သလောက် မထင်ရှားပါ။ လူအများစုကလည်း ဘုရားသခင်၏ ကယ်တင်ခြင်းကို မသိသောကြောင့် မလိုအပ်ဘဲ ငရဲထဲသို့ ဆင်းသွား ကြသည်။ နောက်ထပ်လည်း များစွာ ဆင်းသွားရကြဦးမည်။ အလွန် ဝမ်းနည်းစရာပင် ဖြစ်သည်။
မြန်မာနိင်ငံ၌ ၁၉ရဝ မတိုင်မှီတွင် သမရိုးကျ အသင်းတော်များသာလျှင် ရှိ၍၊ အမှုတော်ဆောင်လည်း သင်းအုပ်ဆရာများသာလျှင် ရှိခဲ့ကြပါသည်။ ထိုကာလ၌ ဧဝံဂေလိ ဆရာ၊ သာသနာ ပြုဆရာများ မရှိကြပါ။ ကျမ်းစာကျောင်းလည်း အနည်းငယ်သာလျှင် ရှိခဲ့သည်။ သို့သော် ဘုရားသခင်၏ ကျေးဇူးတော်ကြောင့် ၁၉ရဝ နောက်ပိုင်းတွင် နိုးထမှုများရှိလာ၍၊ အသင်းတော်၏ အစီအစဉ် လုံးဝ မပါသည်သာမက၊ တားမြစ်သည့် အကြားမှ ဧဝံဂေလိ ဆရာများ ပေါ်ပေါက်ကာ၊ ကယ်တင်ခြင်း သတင်းကောင်းကို နေရာအနှံ့ဟောပြောကြပါသည်။ အသင်းတော် အတွင်း၌ ဖြစ်စေ၊ လူနေအိမ်များ၌ ဖြစ်စေ၊ ကျမ်းစာ သင်တန်းများ၊ Crusade များပြုလုပ်လာ ကြသည်။ အစ၌ တရားဟောခြင်းများသာလျှင် လူကြိုက်များသော်လည်း ၊ နောက်ပိုင်းတွင် ကျမ်းစာ သင်တန်းများကို ပို၍ အားရလာ ကြသည်။ Crusade ပြုလုပ်သောအခါ အနည်းဆုံး တပတ်လုပ်တတ်ကြပြီး၊ ည၌ တရားဟောခြင်း၊ နေ့ခင်း၌ ကျမ်းစာ သင်တန်းတနေကုန် ပြုလုပ် တတ်ကြသည်။ နောက်ပိုင်းတွင် Camping စခန်းသွင်းသင်တန်းများ ပြုလုပ်လာ ကြသည်။
ထိုအရာအားလုံးသည် အလွန် ကောင်းကြပါသည်။ ပျောက်ဆုံးဝိညာဉ် မြောက်များစွာလည်း ကယ်တင်ခြင်းသို့ ရောက် ကြသည်။ ထိုအရာများ ပြုလုပ် ဘို့ရန် အသင်းတော်များကလည်း ဆုတောင်းခြင်း၊ အလှူငွေများ ကောက်ခံခြင်း၊ အစီအစဉ်များပြုလုပ်ခြင်းဖြင့် ပါဝင် ကြသည်။ သို့သော် ထိုအရာများသည် ငွေကုန်ကျေးကျများခြင်း၊ လူတိုင်း ကမလုပ်နိုင်ဘဲ အမှုတော်ဆောင်အနည်းငယ်ကသာ လုပ်နိုင်ခြင်းကြောင့်၊ အောင်မြင် သင့်သလောက် မအောင်မြင်ချေ။ ယုံကြည်သူများလည်း ငွေကျေးနှင့် ဆုတောင်းခြင်း အားဖြင့်သာ ပါဝင်သောကြောင့် တိုးတက်မှု မရှိကြချေ။
ထိုအားနည်းချက်များကို ကျော်လွှားနိုင်ရန်၊ ယုံကြည်သူတိုင်း ပျောက်ဆုံးဝိညာဉ် ဖမ်းခြင်း၌ ပါဝင်ဘို့ လိုအပ်သည်။ ထိုသို့ ယုံကြည်သူတိုင်း ဝိညာဉ် ဖမ်းခြင်း၌ ပါဝင်နိုင်ရန်မှာ၊ အမှုဆောင်များကိုယ်တိုင် ဝိညာဉ် ချစ်၍ ဖမ်းတတ်ဘို့ လိုလာသည်။ သို့မှသာ ယုံကြည်သူများကို ပုံသက်သေပြ၍ ဦးဆောင်နိုင်မည်ဖြစ်သည်။
ယုံကြည်သူများအဘယ်ကြောင့် ဝိညာဉ်ပိုင်း၌ အားနည်း၍ မကြီးထွားနိုင်ဘဲ ခလေး ဘဝ၌ ရှိနေသနည်းဟူမူကား၊ သူတို့ကို ကြီးထွားရင့်ကျက်လာရန်မသင်ပေးသောကြောင့် ဖြစ်သည်။ ယုံကြည်သူများသည် ကယ်တင်ခြင်းသို့ ရောက်ပြီး သွားလျှင်၊ ဘုရားကျောင်း၌ ပုံမှန်ဘုရားရှိခိုးခြင်း၊ အလှူငွေထည့်ဝင်ခြင်း၊ ဆုတောင်းခြင်းများသာ ပြုလုပ်ကြသည်။ ကျန်သော အချိန်များ၌ လောကသားများကဲ့သို့ လောကအလုပ်၌လုံးပန်းခြင်း၊ အိမ်မှုကိစ္စများ ဆောင်ရွက်ခြင်း၊ အားလပ်သောအချိန်များ၌ တီဗီ၊ ဗီဒီယိုကြည့်ခြင်း၊ ဖုန်းကလိခြင်း၊ Facebook ကြည့်ခြင်း၊ ကစားခြင်း၊ စျေး၌လျှောက်သွားခြင်းများသာ ပြုလုပ်ကြသောကြောင့်၊ ဝိညာဉ်ရေးရာ၌ တိုးတက်ကြီးထွားခြင်း မရှိကြချေ။ ဆုတောင်းစည်းဝေး၌လည်း အားလုံးမလာနိုင်ကြချေ။ လာသောသူများလည်း ခလေးဆုတောင်းခြင်းမျိုးသာလျှင်ပြုလုပ်ကြသည်။ ဝိညာဉ်ရေးရာ၌ ပါဝင်ခြင်း၊ လှူပ်ရှားခြင်းမရှိသောကြောင့် တောင်းသောဆုများလည်း၊ ပေးပါပေးပါဟူသော အရာများသာလျှင်ဖြစ်သည်။ ဝိညာဉ်ရေးရာအတွက် ဆုတောင်းသည်ထက်၊ ကိုယ်ကာယပိုင်းဆိုင်ရာ ဆုတောင်းခြင်းများသာလျှင် တောင်းနေကြသည်။ အနာရောဂါအတွက်၊ အလုပ်အကိုင်အတွက်၊ သားသမီး များအတွက်၊ စသည်ဖြင့် ထပ်ခါတလဲလဲတောင်းလျှောက်သောအခါ၊ နောက်ပိုင်း၌ အားလုံးအလွတ်ရကုန်၍ တောင်းလျှောက်ဘို့ မရှိတော့သောအခါ ငြီးငွေ့လာကြသည်။ ထိုအခါ ဆုတောင်းအစည်းအဝေးလည်း မလာချင်ကြတော့ချေ။
ထိုသို့ဖြစ်ရခြင်းသည် ဝိညာဉ်ရေးရာ၌ အလုပ်မလုပ်သောကြောင့် ဖြစ်သည်။ ဝိညာဉ်ရေးရာ၌ အလုပ်လုပ်ကြပါက ဆုတောင်းစရာသည်၊ နေ့တိုင်း အသစ်အသစ် ဖြစ်လာပေမည်။ သက်သေခံသော နေရာ၌ အတိုက်အခံရှိသောကြောင့်၊ ထိုတိုက်ခံသောသူများ ဘုရားသခင်က စိတ်ပြောင်းလဲပေးဘို့၊ လက်ခံသောသူများ ပို၍နားလည်သဘောပေါက်၍မပျက်စီးသွားဘို့၊ ပျောက်ဆုံးဝိညာဉ် များ၏ အခက်အခဲများ ဘုရားသခင်ကဖြေရှင်းပေးဘို့၊ စသည်ဖြင့် ဆုတောင်းစရာများသည် အမြဲအသစ်အသစ်များ ပေါ်လာမှာ ဖြစ်သည်။ သူတပါးဝိညာဉ်ကိုဂရုစိုက်သောကြောင့်၊ ကိုယ့်ပြသနာပင်မေ့သွားမည်ဖြစ်သည်။ မကျန်းမာသောသူများလည်း၊ အမှုတော်မြတ်၌ ပါဝင်ခြင်း အားဖြင့်၊ ကျန်းမာလာသည်သာမက ခွန်အား အမြဲပြည့်ဝနေမည်ဖြစ်သည်။
ယုံကြည်သူများဝိညာဉ်ပိုင်းဆိုင်ရာ၌ ပါဝင်လှူပ်ရှားခြင်းဖြင့်၊ အသင်းတော်အတွင်း၌လည်း ပြသနာများစွာ ပြေလည်စေနိုင်သည်။ အကြောင်းမှာ ဝိညာဉ်များကိုဂရုစိုက်ခြင်းကြောင့်၊ ဇာတိပိုင်းဆိုင်ရာ ဂရုမစိုက်တော့ဘဲ၊ ဝိညာဉ်ရေးရာတိုးတက်ရေးကိုသာ၊ ဦးစားပေး၍ ပြသနာမလုပ်အားတော့ချေ။ ထို့အပြင် အသင်းသားများ တိုးတက်လာသောအခါ အားရလာမည်။ အသင်းသားများဝိုင်းဝန်း၍ကူညီကြ၊ မိဿဟာယဖွဲ့ခြင်းအားဖြင့်၊ ပို၍ဝိညာဉ်ရေးရာ၌ပါဝင်လာကြလိမ့်မည်။
.
အဘယ်ကြောင့် ယုံကြည်သူတိုင်း ဝိညာဉ် ဖမ်းဘို့ လိုသနည်း
ယုံကြည်သူတိုင်း ဝိညာဉ် ဖမ်းခြင်း၌ မပါဝင်သောကြောင့်
၁။ ဝိညာဉ် များကို မချစ်ကြပါ
၂။ ယုံကြည်သူများသည် ဇာတိပိုင်း၌ သာ တိုးတက်လာသောကြောင့် ဝိညာဉ်ပိုင်း၌ ကြီးထွားရင့်ကျက်ခြင်း မရှိပါ။
၃။ ဝိညာဉ်များမဖမ်းသောကြောင့် လူများ ကယ်တင်ခြင်းသို့ မရောက်ကြပါ။
၄။ ဝိညာဉ်များကယ်တင်ခြင်းသို့ မရောက်သောကြောင့် လူမှုပြသနာ များစွာ ပေါ်ပေါက်သည်။
၅။ ဘုရားသခင်၏ ဘုန်း မထင်ရှားဘဲ၊ စာတန် နိုင်ငံသာလျှင် ကြီးထွားနေသည်။
.
သင်တန်း၏ ရည်ရွယ်ချက်များ
၁။ အမှုတော်ဆောင်တိုင်း ပျောက်ဆုံးဝိညာဉ် များချစ်၍ ဖမ်းဘို့ရန်
၂။ အမှုတော်ဆောင်များ အနေဖြင့် ယုံကြည်သူများကို ပြုစုပျိုးထောင်တတ်ဘို့ရန်
၃။ ယုံကြည်သူများကို ဝိညာဉ်များချစ်ဘို့နှင့် ဖမ်းတတ်ဘို့ သင်ပေးရန်
၄။ အမှုတော်ဆောင်များ၏ အကျင့်သိက္ခာနှင့် ယုံကြည်ခြင်းဖြင့် အမှုတော်ဆောင်ရန်
၅။ ခေတ်ကာလ နှင့် ချီဆောင်ခြင်းကို အလေးထား၍ ဟောပြောကာအဆင်သင့်ရှိဘို့ရန်
.
၁။ အမှုတော်ဆောင်တိုင်း ပျောက်ဆုံးဝိညာဉ် ဖမ်းရမည်
အဘယ်ကြောင့်အမှုတော်ဆောင်အများစုသည် ပျောက်ဆုံးဝိညာဉ် များမဖမ်းကြသနည်း။ ပျောက်ဆုံးဝိညာဉ် မဖမ်းခြင်းသည် အောက်ပါအချက်များကြောင့် ဖြစ်သည်...
၁။ ဝိညာဉ်ပိုင်း ခလေး ဖြစ်သောကြောင့်
၀ိညာဉ်ပိုင်း ခလေး ဖြစ်သောသူသည် ဝိညာဉ် ခလေး မမွေးနိုင်ချေ။ ခလေးသည် ခလေး မွေးဘို့ထက် မိမိ အလိုဆန္ဒပြည့်စေဘို့ သာလျှင် စိတ်ဝင်စားသည်။ ထိုကြောင့် ထို ခလေးကို ကြီးထွားရင့်ကျက်လာရန် ကျွေးမွေး ပြုစုဘို့ လိုသည်။ ယနေ့ အမှုတော်ဆောင်အများစု၊ သို့မဟုတ် အားလုံး နီးပါးသည်၊ ဝိညာဉ်ပိုင်း ခလေးများဖြစ်ကြသောကြောင့်၊ ပျောက်ဆုံးဝိညာဉ် ဖမ်းဘို့ရန် လုံးဝ စိတ်မပါ ကြချေ။
၂။ အစဉ်အလာမရှိသောကြောင့်
အမှုတော်ဆောင်အများစုသည် ပျောက်ဆုံးဝိညာဉ် မဖမ်းကြချေ။ အစိုးရအမှုထမ်း သကဲ့သို့ ပုံမှန် တရားဟော၊ အိမ်များ လှည့့်၍ ဆုတောင်း ပေးခြင်း၊ သာရေးနာရေး၌ တာဝန်ယူ ဦးဆောင်ခြင်းများဖြင့် ကျေနပ် နေကြသည်။ လုပ်ဆောင်သောသူများကလည်း လူများ ကယ်တင်ခြင်း အတွက် မဟုတ်ဘဲ ဘာသာသွင်းဘို့၊ အသင်းဝင်ဘို့ အတွက် သာလျှင် လုပ်ဆောင် ကြသည်။ ထို့ကြောင့် အမှုတော်ဆောင်အများစုသည် ပျောက်ဆုံးဝိညာဉ် ဖမ်းဘို့ရန် စိတ်ကူး၌ မျှပင် မရှိချေ။
၃။ ဘုရား၏ အလိုတော်ကို ဂရုမစိုက်သောကြောင့်
ပျောက်ဆုံးဝိညာဉ် မဖမ်းခြင်းသည် ၊ ဘုရားသခင်၏ အလိုတော်ကို ဂရုမစိုက်ခြင်းကြောင့် ဖြစ်သည်။ အမှုတော်ဆောင် များသည် ဘုရားသခင်၏ အလိုတော်ကို ပြည့်စုံစေဘို့ထက်၊ မိမိဆန္ဒပြည့်စေဘို့ သာလျှင် အရေးကြီး စေ ကြသည်။ ခရစ်တော် ကဲ့သို့ စိတ်ထားမရှိကြ။ ဘုရားသခင်နှင့် ခရစ်တော်ကို သခင်ဟူ၍၎င်း၊ အရှင်ဟူ၍၎င်း၊ ပြောနေသော်လည်း ပါးစပ်အားဖြင့်သာ လျှင် ဖြစ်သည်။ အသက်တာ၌ မူ၊ ဘုရားသခင်ကို သခင်အရာ၌ မထား၊ သူခိုင်းသောအရာကို မလုပ်ကြချေ။ ထိုကြောင့် ခရစ်တော်က၊ “သခင်၊ သခင်ဟု ငါ့ကို လျှောက်သောသူတိုင်း၊ ကောင်းကင် နိုင်ငံတော်သို့ ဝင်ရလိမ့်မည် မဟုတ်။ ကောင်းကင်ဘုံ၌ ရှိတော်မူသော ငါ့ခမည်းတော်၏ အလိုကို ဆောင်သောသူသာလျှင် ဝင်ရလိမ့်မည်။” (မ ရး၂၁) ဟုဆိုခဲ့သည်။ “ငါ့စကားကို နားမထောင်ဘဲလျက်၊ ငါ့ကို သခင်၊ သခင်ဟု အဘယ်ကြောင့်ခေါ် ကြသနည်း။” (လုကာ ၆:၄၆) ဟုဆိုသည်။
၄။ ကြောက်သောကြောင့်
ပျောက်ဆုံးဝိညာဉ် မဖမ်းခြင်း၏ အကြောင်းရင်းတခုသည်၊ လူများ၏ ငြင်းပယ်ခြင်း ခံမှာကို စိုးရိမ် သောကြောင့် ဖြစ်သည်။ မှန်ပါသည် ဘယ်အရာမဆိုမလုပ်ဘူးလျှင် သူတပါး၏ ကဲ့ရဲ့ခြင်း ခံနိင်သည်။ သို့သော် တကယ် သက်သေခံသောအခါ လူများစွာက လက်ခံနိင်သည်။ ထိုအရာကို မသိသောကြောင့် တွေး၍ ကြောက် နေကြခြင်း ဖြစ်သည်။ စစ်မတိုက်မှီမြှားကုန် နေကြခြင်း ဖြစ်သည်။ “ဘုရားသခင်သည် ကြောက်တတ်သောစိတ်သဘောကို ငါတို့ အားပေးတော်မူသည် မဟုတ်။ တန်ခိုးပါသော စိတ်၊ ချစ်တတ်သော စိတ်၊ ရှင်းလင်းသောစိတ်သဘောကို ပေးတော်မူ၏။” (၂ တိ ၁:ရ)
၅။ ဇာတိနှင့် အသက်ရှင်သောကြောင့်
ဇာတိနှင့် အသက်ရှင်သောကြောင့် ဝိညာဉ် ဖမ်းရမှန်းပင် မသိခြင်း ဖြစ်သည်။ ဝိညာဉ် ဖမ်းခြင်းသည် ဇာတိအလုပ် မဟုတ်၊ ဝိညာဉ် အလုပ် ဖြစ်သည်။ ထိုကြောင့် ဇာတိပိုင်းအားကြီး နေသောသူအနေဖြင့်၊ ဝိညာဉ် အလုပ်လုပ်ဘို့သည် အလွန် ခက်ခဲသောအရာ ဖြစ်သည်။ ဇာတိနှင့် ပျောက်ဆုံးဝိညာဉ် ဖမ်းဘို့ ကြိုးစားလျှင် အောင်မြင်မှု မရနိင်ချေ။ “ဇာတိပကတိ နှင့် ဝိညာဉ်ပကတိသည် တပါးနှင့်တပါး ဆန့်ကျင်သော အလိုရှိကြ၏။ တပါးနှင်တပါးဆန့်ကျင့်ဘက် ဖြစ်၍၊ သင်တို့သည် ကျင့်ချင်သော အကျင့်ကို မကျင့် နိုင်ကြ။” (ဂလာ ၅:၁ရ)
၆။ အရသာနှင့် အကျိုးကို မသိသောကြောင့်
၀ိညာဉ်မဖမ်းခြင်းသည် ဝိညာဉ် ရခြင်း၏ အကျိုးနှင့် အရသာကို မသိသောကြောင့် ဖြစ်သည်။ ကိုယ်မစားဘူးသော အစားအစာကို စားချင် စိတ်မရှိ သကဲ့သို့ ဝိညာဉ်များမဖမ်းဘူးသောသူသည် ဝိညာဉ် ဖမ်းခြင်း၏ အရသာကို မသိသောကြောင့် မဖမ်းချင်ကြခြင်း ဖြစ်သည်။ သခင်ဘုရား ပင်လျှင် ရှမာရိအမျိုးသမီးကို ဖမ်းသောအခါ အစာပင်စားစရာ မလိုတော့ချေ။ “ တပည့်တော် များက အရှင်ဘုရား၊ အစာကို သုံးဆောင်တော်မူပါဟု တောင်းပန်ကြလျှင်၊ သင်တို့ မသိသော စားစရာသည် ငါ၌ ရှိသည်ဟု မိန့်တော်မူ၏။ ထိုကြောင့် တပည့်တော် တို့က၊ တစုံတယောက်သောသူသည် စားစရာကို ပို့ပြီလောဟု အချင်းချင်းမေးမြန်းကြလျှင်၊ ယေရှုက၊ ငါ့ကို စေလွှတ်တော်မူသောသူ၏ အလိုတော်ကို ဆောင်ခြင်း၊ သူ၏ အမှုတော်ကို ပြီးစီးခြင်း အမှုသည် ငါ့စားစရာ ဖြစ်၏။” (ယော ၄:၃၂-၃၄) သခင်ဘုရား ဖမ်းသော ဝိညာဉ်သည်၊ အမှန်မှာ လူ့အမြင်၌ တန်ဘိုးရှိသောသူပင် မဟုတ်ပါ။ယောက်ျား၅ယောက်ရှိ ဘူး၍ ခြောက်ယောက်မြောက်နှင့် နေသောသူ ဖြစ်သည်။ ထိုကဲ့သို့သောသူ၏ ဝိညာဉ်ကို ရသောအခါ သခင်ဘုရားသည်၊ အဘယ်မျှလောက် ဝမ်းမြောက် သနည်း။ အစာပင်စားစရာ မလိုတော့ချေ။ သူကငါ့ကို စေလွှတ်တော်မူသောသူ၏ အလိုတော်ကို ဆောင်ခြင်း၊ သူ၏ အမှုတော်ကို ပြီးစီးခြင်း အမှုသည် ငါ့စားစရာ ဖြစ်၏ဟုဆိုသည်။ ပျောက်ဆုံးဝိညာဉ် ဖမ်းသောသူတိုင်း၊ သခင်ဘုရားကဲ့သို့ ဝမ်းမြောက်ခြင်း ခံစားရသည်။
ရ။ ကယ်တင်ခြင်းသို့ ရောက်သောသူတို့၏ ဝမ်းမြောက်ခြင်း မသိသောကြောင့်
ကယ်တင်ခြင်းသို့ ရောက်သွားသောသူများသည်၊ လောကအရာများ ပေးသည်ထက်၊ ဝိညာဉ်ရေးရာ ကယ်တင်ခြင်း အကြောင်း သိစေသောအခါ အလွန် ဝမ်းမြောက် ကြသည်။ ရှမာရိအမျိုးသမီးလည်း မေရှိယနှင့် တွေ့သောအခါ၊ အလွန် ဝမ်းမြောက် သောကြောင့်၊ ရေထမ်းဘို့ လာခဲ့သော်လည်း ရေအိုးကို ထားခဲ့၍၊ မြို့ထဲသို့ သွားကာ မေရှိအကြောင်းကို ပြောပြခဲ့သည် (ယော ၄:၂၈)။ ပင်တေကုတ္တေနေ့၌ ပြောင်းလဲသော လူ၃၀၀၀လည်း မိမိတို့ နေရာဒေသ အသီးသီးသို့ မပြန်ကြချေ။ “ထိုသူ အပေါင်း တို့သည် ကြီးသော ကျေးဇူးတော်နှင့် ပြည့်စုံကြ၏။ ထိုသူတို့တွင် ဆင်းရဲသောသူတယောက်မျှ မရှိ၊ အကြောင်းမူကား၊ အိမ်၊ မြေကွက်ကို ပိုင်သောသူရှိသမျှ တို့သည် ရောင်းပြီးလျှင် ရသော အဘိုးကို ယူဆောင်ခဲ့၍၊ တမန်တော်တို့၏ ခြေရင်း၌ ထားကြသဖြင့်၊ လူများ ဆင်းရဲသည် အတိုင်း အသီးသီးတို့အား ဝေငှပေးကမ်းကြ၏။” (တ ၄:၃၃-၃၅) အဘယ်ကြောင့်အိမ်၊ မြေကွက်များကို ရောင်း ကြသနည်း။ သူတို့ ခံစားသော ကယ်တင်ခြင်းကြောင့် အလွန် ဝမ်းမြောက်၍၊ သူတို့၏ ယုံကြည်ခြင်းသည် အိမ်မြေကွက်များထက် တန်ဘိုးရှိသောကြောင့် ဖြစ်သည်။ အမှုတော်ဆောင်များ အနေဖြင့်၊ ကယ်တင်ခြင်းသို့ ရောက်သွားသောသူများ၏ ဝမ်းမြောက်မှုကို သိပါက၊ ပျောက်ဆုံးဝိညာဉ် များကို ချစ်၍ ဖမ်းမှာသေချာသည်။
၈။ လောကအရာကိုသာ စိတ်ဝင်စားသောကြောင့်
အမှုဆောင်အများစုသည် ဝိညာဉ်ရေးရာကို စိတ်ဝင်စားသည် မဟုတ်။ လုပ်ကိုင်စရာ မရှိသောကြောင့် ဖြစ်စေ၊ မိဘများ ကခိုင်းသောကြောင့် ဖြစ်စေ၊ ကျမ်းစာကျောင်းတက်၍ အောင် သောကြောင့် အမှုဆောင်ကြခြင်း ဖြစ်သည်။ ထိုကြောင့် ဝိညာဉ် ဖမ်းခြင်းထက် မည်ကဲ့သို့ ချမ်းသာ နိင်မည်နည်း၊ မည်ကဲ့သို့ ဝင်ငွေကောင်းကောင်း ရနိင်မည်နည်း၊ ဟူသောအရာကိုသာ တွေးတော ကြသည်။ ပျောက်ဆုံးဝိညာဉ် များကို ဖမ်းလည်း မဖမ်းတတ်၊ ဖမ်းနိင်မည်ဟုလည်း သူတို့ကို သူတို့ စိတ်မချကြချေ။ စာတန် ကလောကအရာများအားဖြင့်၊ လုံးဝ လှုပ်ရှား၍ မရအောင် ပတ်ရစ်ထားသည်။
.
ပျောက်ဆုံးဝိညာဉ်များ မဖမ်းခြင်း၏ ဆိုးကျိုးများ
၁။ ဝိညာဉ် အသက်တာဖြင့် အသက်မရှင်နိင်
၀ိညာဉ်များ ချစ်၍ သနားခြင်း မရှိသောသူသည် စစ်မှန်သော ဝိညာဉ်အသက်တာဖြင့် အသက်မရှင်နိင်ချေ။
၂။ လောကအရာများကိုသာ စိတ်စွဲလန်း
၃။ အသက်တာ၌ ဝမ်းမြောက်မှု မရှိ
၄။ အမှုဆောင် ဖြစ်လျှင် ထိရောက်မှု မရှိ
၅။ အသင်းတော် အတွင်း၌ ပြသနာများ
၆။ ဘုရား ဘုန်းတော် မထင်ရှား
ရ။ လူများ ကယ်တင်ခြင်းသို့ မရောက်
၈။ အသင်းတော် အတွင်း၌ ဇာတိလူများ
၉။ ကောင်းကြီးရသင့်သလောက် မရရှိ
.
ကျမ်းစာထဲမှ ဝိညာဉ် မဖမ်းချင်သူများ
၁။ ယောန
ဘုရားသခင်က ယောနကို ိနိနေဝေမြို့သို့ သွား၍၊ သူတို့၏ အပြစ်ကို ဖေါ်ပြပြီး နောင်တရဘို့ ပြောခိုင်းသော်လည်း ၊ လုံးဝ မပြောချင် ခဲ့ပေ။ ဘုရား ထံတော်မှ ထွက်သွား၍ တာရှုမြို့သို့ သွားဘို့ သင်္ဘောလိုက်ခဲ့သည်။ သို့သော် ဘုရားသခင်က လေပြင်းမုန်တိုင်းအားဖြင့် သူကို လိုက်၍၊ နောက်ဆုံးငါးကြီး ဝမ်းထဲရောက်သွားသည်။ ငါးကြီး ထဲ၌၌ သုံးရက်နေပြီးမှဘုရား ခိုင်းသော အလုပ်ကို စိတ်မပါသော်လည်း မတတ်သာ၍ လုပ်ရသည်။ သူသတိပေးသောကြောင့် နိနေဝေမြို့သားများပြောင်းလဲကာနောင်တ ရသော် လည်း၊ သူသည် ဝမ်းမမြောက်ပါ၊ စိတ်ဆိုးသည်။ သူကဲ့သို့ ဘုရား အမှုတော်ဆောင်ခြင်း၊ ဝိညာဉ် ဖမ်းခြင်းကို မလုပ်လိုသူမ ဖြစ်ကြဘို့ အရေးကြီးသည်။ (ယောန ၁-၄)
၂။ ယေရုရှလင် အသင်းတော်
သခင်ဘုရားက တမန်တော်များထံ၊ ယေရုရှလင်မြို့မှစ၍ ယုဒပြည် ရှမာရိပြည်၊ မြေကြီးစွန်းတိုင်အောင် သက်သေခံခိုင်းသည် (တ ၁:၈)။ သို့သော် တမန်တော်များနှင့် ယုံကြည်သူများသည်၊ သွား၍ သက်သေမခံဘဲ ယေရုရှလင်မြို့၌ အသင်းတော်ကြီး ကြီး ထူထောင်လိုက်သည်။ မြေကြီးစွန်းသို့ သွားရမည့်အစား မိမိတို့ အိမ်လယ်ယာများကို ရောင်း၍ ယေရုရှလင်မြို့၌ စုစည်း ကြသည်။ “ထိုသူတို့တွင် ဆင်းရဲသောသူ တယောက်မျှ မရှိ၊ အကြောင်းမူကား၊ အိမ်၊ မြေကွက်ကို ပိုင်သောသူ ရှိသမျှ တို့သည် ရောင်း ပြီးလျှင် ရသော အဘိုးကို ယူဆောင်ခဲ့၍၊ တမန်တော်တို့၏ ခြေရင်း၌ ထားကြသဖြင့်၊ လူများ ဆင်းရဲသည် အတိုင်း အသီးသီးတို့အား ဝေငှပေးကမ်းကြ၏။ ယောသေအမည်ရှိ၍ သက်သက်စေခြင်း၏ သားဟုဆိုလိုသော ဗာနဗအမည်သစ်ကို တမန်တော်တို့ သမုတ်ခြင်းအားဖြင့် ရသော ကုပရုပြည်သား လေဝိလူတယောက်သည်၊ မိမိပိုင်သော မြေကို ရောင်းပြီးလျှင်၊ ရသော ငွေကို ယူဆောင်ခဲ့၍ တမန်တော်တို့၏ ခြေရင်း၌ ထားလေ၏။” (တ ၄:၃၄-၃ရ)
၃။ တမန်တော်များ
တမန်တော်များသည် ဧဝံဂေလိတရားကို သူတို့၏ အမျိုး ဖြစ်သော ယုဒလူများထံ၌ သာလျှင် ဟောပြောလို ကြသည်။ သခင်ဘုရား မှာထားသောအရာကို မသိ၊ သို့မဟုတ် ဂရုမစိုက်ဘဲ နေကြသည်။ သခင်ဘုရားကပေတရုကို မရမက ခြုံထည်ထဲ၌သားရဲ တိရစ္ဆာန်အမျိုးစုံပြ၍၊ ကောနေလိအိမ်သို့ သက်သေခံခိုင်းသည်။ သူသည် တပါးအမျိုးသား ဖြစ်သော ကောနိလိအိမ်သို့ မလုံးဝ မသွားချင်ပေ။ သို့သော် သခင်ဘုရား၏ စကားကို မငြင်းနိင်သောကြောင့်သာသွားရသည်။ သွားသည့်အခါ၌လည်း၊ “ပေတရုက၊ ယုဒလူ ဖြစ်သောသူတို့သည် တပါးအမျိုးသား တို့နှင့် မပေါင်းဘော်မချဉ်းကပ်အပ်သည်ကို သင်တို့ သိကြ၏။ သို့သော်လည်း ညစ်ညူးသည် မဆင်ကြယ်ဟု အဘယ်သူကိုမျှ မခေါ်ရမည်အကြောင်း၊ ဘုရားသခင်သည်၊ ငါ့အား ဆုံးမပြသတော်မူပြီ။ ထိုကြောင့် ငါ့ကို ခေါ် ကြသောအခါ ငါသည် မငြင်းမခုန်ဘဲလျက် လာ၏။ သို့ဖြစ်၍ အဘယ်အကြောင်းကြောင့် ငါ့ကို ခေါ် ကြသနည်း၊ ငါမေး လိုသည်ဟု ထိုသူတို့အား ပြောဆို၏။” (တ ၁၀:၂၈-၂၉) ဟုဆိုခဲ့သည်။ သူသည် ယေရုရှလင်မြို့သို့ ပြန်သွားသောအခါ၊ “တပါး အမျိုးသား တို့သည် ဘုရားသခင်၏ နှုတ်ကပတ်တရားတော်ကို ခံယူကြသည်ဟု ယုဒပြည်၌ ရှိသော တမန်တော်တို့နှင့် ညီအစ်ကိုများတို့သည် ကြားသိကြ၏။ ပေတရုသည် ယေရုရှလင်မြို့သို့ တက်လာသောအခါ အရေဖျားလှီးခြင်းကို ခံသောသူတို့က၊ သင်သည် အရေဖျားလှီးခြင်းကို မခံသော လူတို့နှင့် ပေါင်းဘော်၍ စားသောက်ပါသည် တကားဟု ဆန့်ကြင်ဘက်ပြု၍ ဆိုကြ၏။” (တ ၁၁:၁-၃)။ ပေတရုကသူသည် သူ့ သဘောနှင့် သွားခြင်း မဟုတ်ဘဲ၊ သခင်ဘုရား၏ အမိန့်တော်အားဖြင့် သွားကြောင်း၊ တပါးအမျိုးသား များလည်း သန့်ရှင်းသော ဝိညာဉ်တော် ရကြောင်း ပြောသောအခါ၊ “ထိုသူတို့သည် ကြားလျှင် မငြင်းဘဲ နေ၍၊ အကယ်စင်စစ် ဘုရားသခင်သည် အသက်ရှင်စေခြင်း အလိုငှါ၊ နောင်တ တရားကို တပါးအမျိုးသားတို့ အားလည်း ပေးတော်မူပြီဟု ဘုရားသခင်၏ ဂုဏ်တော်ကို ချီးမွမ်းကြ၏။” (တ ၁၁:၁၈)။
.
ကျမ်းစာထဲမှ ဝိညာဉ် ဖမ်းသောသူများ
၁။ ရှမာရိအမျိုးသမီး
“ထိုမိန်းမသည်လည်း ရေအိုးကို ထားခဲ့၍ မြို့ထဲသို့ သွားပြီးလျှင်၊ အကျွန်ုပ်ပြုဘူးသမျှသော အမှုအရာ တို့ကို ထုတ်ဘော်သောသူကို လာ၍ ကြည့်ကြပါ။ ထိုသူသည် ခရစ်တော် မှန်လိမ့်မည်လောဟု လူများတို့အား ပြောဆိုသော်၊ သူတို့သည် မြို့ထဲမှ ထွက်၍ အထံတော်သို့ သွားကြ၏။” (ယော ၄:၂၈-၃၀)
“ရှမာရိမိန်းမက၊ အကျွန်ုပ်ပြုဘူးသမျှသော အမှုအရာ တို့ကို သူသည် ထုတ်ဘော်ပြီဟု သက်သေခံသော စကားကြောင့်၊ ထိုမြို့၌ နေသော ရှမာရိလူအများ တို့သည် ယေရှုကို ယုံကြည် ကြ၏။ ထိုကြောင့် ၊ ရှမာရိလူတို့သည် အထံတော်သို့ ရောက်လျှင်၊ မိမိတို့ အရပ်၌ နေတော်မူ မည်အကြောင်း တောင်းပန်ကြ၏။ ထိုအရပ်၌ နှစ်ရက်နေတော်မူ၏။ အခြားသောသူအများ တို့သည် နှုတ်ကပတ်စကားတော်ကြောင့် ယုံကြည်၍၊ ထိုမိန်းမအား၊ ယခု ဖြစ်လျှင် ငါတို့သည် သင်၏ စကားကြောင့်သာ ယုံကြည်သည် မဟုတ်။ စကားတော်ကို ကိုယ်တိုင်ကြားနာရ၍၊ ဤသူသည်လောကီသား တို့ကို ကယ်တင်တော်မူသော သခင် တည်းဟူသော ခရစ်တော် အမှန်စင်စစ် ဖြစ်တော်မူကြောင်းကို သိသည်ဟုဆိုကြ၏။” (ယော ၄:၃၉-၄၂)
၂။ အရပ်ရပ်သို့ ကွဲပြားသော ယုံကြည်သူများ
“ထိုအခါ ယေရုရှလင်မြို့၌ ရှိသော အသင်းတော်သည် ပြင်းစွာသော ညှဉ်းဆဲခြင်းကို ခံရသဖြင့် တမန်တော်တို့ မှတပါးသင်း ဝင်သူ အပေါင်းတို့သည် ယုဒပြည်၊ ရှမာရိပြည် အရပ်ရပ်တို့၌ အနှံ့အပြားကွဲပြား ကြ၏။ ထိုကြောင့် အရပ်ရပ်သို့ ကွဲပြားသောသူတို့သည် လှည့်လည်၍ နှုတ်ကပတ်တော် တည်းဟူသော ဧဝံဂေလိတရားကို ဟောပြောကြ၏။” (တ ၈:၁၊ ၄) ပဌမဦးဆုံး တပါးအမျိုးသား များထံ တရားဟောသောသူများသည်၊ တမန်တော်များမဟုတ်၊ အရပ်ရပ်ပြန့်သွားသော ယုံကြည်သူများဖြစ်သည်။ သူတို့လည်း ညှဉ်းဆဲခြင်းကြောင့် အရပ်ရပ်ကွဲပြားရာမှ သက်သေခံခြင်း ဖြစ်သည်။ အကယ်၍ မပြန့်နှံ့သွားပါက သက်သေခံ ဖြစ်ဦးမည်မထင်။ တ ၁:၈၌ သခင်ဘုရားက သက်သေခံခိုင်းသည်။ သို့သော် မခံကြဘဲ ယေရုရှလင်မြို့၌ စု နေကြသောကြောင့်၊ တ ၈:၁၌ ပြင်းစွာသော ညှဉ်းဆဲခြင်းဖြင့် အရပ်ရပ်သို့ ထွက်ပြေးရာမှ သက်သေခံ ဖြစ်ကြသည်။ ထို့ကြောင့် ၁:၈ မလုပ်လျှင် ၈:၁ လာမည်။
၃။ တမန်တော် ဖိလိပ္ပု၊ နာသနေလကို ခရစ်တော်ထံသို့ ခေါ်
“ဖိလိပ္ပုသည် နာသနေလကို တွေ့လျှင်၊ မောရှေသည် ပညတ္တိကျမ်း၌၎င်း၊ ပရောဖက် တို့သည် သူတို့ ကျမ်း၌ ၎င်းအကြောင်း ပြု၍ ရေးထားသော သ၊ ူ နာဇရက်မြို့သား ဖြစ်သော ယောသပ်၏သား ယေရှုကို ငါတို့သည် တွေ့ကြပြီဟုဆို၏၊ နာသနေလက လည်း၊ နာဇရက်မြို့ထဲကကောင်းသောအရာ တစုံတခုမျှထွက် နိုင်သလောဟု မေးလျှင်၊ ဖိလိပ္ပုက၊ လာ၍ ကြည့်ပါဟုဆို၏၊ နာသနေလလာသည်ကို ယေရှုသည် မြင်တော်မူလျှင်၊ လှည့်စားခြင်း အပြစ်နှင့် ကင်းလွတ်သော ဣသရေလ လူစစ်ကို ကြည့်လော့ဟု ထိုသူကို အမှတ်ပြု၍ မိန့်တော်မူ၏။ နာသနေလကလည်း၊ ကိုယ်တော်သည် အဘယ်သို့သောအားဖြင့် အကျွန်ုပ်ကို သိတော်မူ သနည်းဟု မေးလျှောက်သော်၊ ယေရှုက၊ ဖိလိပ္ပုသည် သင့်ကို မခေါ်မှီ၊ သင်သည် သင်္ဘော သဖန်းပင် အောက်၌ ရှိသည်ကို ငါမြင်သည်ဟု ပြန်၍ မိန့်တော်မူလျှင်၊ အရှင်ဘုရား၊ ကိုယ်တော်သည် ဘုရားသခင်၏ သားတော် ဖြစ်တော်မူ၏၊ ဣသရေလ လူတို့၏ ရှင်ဘုရင်လည်း ဖြစ်တော်မူ၏ဟု နာသနေလ လျှောက်လေ၏၊ တဖန် ယေရှုက၊ သင်္ဘောသဖန်းပင်အောက်၌ သင့်ကို ငါမြင်သည်ဟုဆိုသောကြောင့် ယုံသလော။ ထိုမျှမက သင်သည် သာ၍ ကြီးစွာသော အကြောင်း အရာကို မြင်လတံ့။ သင်တို့အား ငါအမှန်အကန်ဆိုသည်ကား၊ နောင်ကာလ၌ ကောင်းကင် ဖွင့်လှစ်သည်ကို၎င်း၊ ဘုရားသခင်၏ ကောင်းကင်တမန် တို့သည် လူသား၏ အပေါ်၌ ဆင်းလျက် တက်လျက် ရှိနေသည်ကို၎င်း၊ သင်တို့သည် မြင်ရကြလတံ့ဟု မိန့်တော်မူ၏။” (ယော ၁:၄၅-၅၁)
၄။ သင်းထောက်ဖိလိပ္ပု၊ ရှမာရိမြို့သားများ၊
“ဖိလိပ္ပုသည်လည်း၊ ရှမာရိမြို့သို့ သွား၍ ခရစ်တော်၏ အကြောင်းကို ဟောလေ၏။ ၆ လူအစုအဝေးတို့သည် ကြား၍ ဖိလိပ္ပုပြုသော နိမိတ်လက္ခဏာတို့ကို မြင်သောအခါ၊ သူ၏ စကားကို တညီတညွတ်တည်း နားထောင် ကြ၏။ ၇ အကြောင်းမူကား၊ နတ်ဆိုးစွဲသောသူများ တို့၏ အထဲမှ နတ်ဆိုးတို့သည် ပြင်းစွာသော အသံနှင့် အောဟစ်လျက် ထွက်သွားကြ၏။ ကိုယ်မလှုပ်နိုင်သောသူ၊ ခြေမစွမ်းသောသူအများတို့သည်လည်း ပကတိ အဖြစ်သို့ ရောက်ကြ၏။ ၈ ထိုမြို့သူမြို့သား တို့သည် အလွန် ဝမ်းမြောက်ခြင်းရှိကြ၏။” (တ ၈:၅-၁၃)
ရှာမာရိအမျိုးသား များသည် ဣသရေလနှင့် တပါးအမျိုးသား ကပြားများ ဖြစ်ကြသည်။ သခင်ဘုရားကသူတို့ ထံသို့ သက်သေခံဘို့ မိန့်မှာထားသည်။ တမန်တော် ကြီးများကမဟောသောအခါ၊ အစာဝေဘို့ ရွေးချယ်ထားသော ဖိလိပ္ပုကဟောပြော ခဲ့သည်။ အဘယ်ကြောင့် တမန်တော်များကမဟောသနည်းဟူမူကား လူမျိုးရေးစွဲလမ်းသောကြောင့် ဖြစ်သည်။ ယနေ့ ယုံကြည်သူများလည်း အသင်းတော် အတွင်း၌ သာလျှင် တရားဟော သက်သေခံ ကြသည်။ အသင်းတော် အပြင်ဘက်၌ ဟောသောသူမရှိသလောက် ရှားပါးသည်။
“တဖန် ထာဝရဘုရား၏ ကောင်းကင်တမန်သည် ဖိလိပ္ပုအား၊ သင်ထ၍ ယေရုရှလင်မြို့မှ ဂါဇမြို့သို့ သွားရာ တောလမ်းတွင် တောင်မျက်နှာသို့ သွားလော့ဟုဆိုသည် အတိုင်း၊ ဖိလိပ္ပုသည် ထ၍ သွားလေ၏။ ၂၇ ထိုအခါ အဲသယောပိပြည်ကို အစိုးရသော မိဘုရားကနြက်ထံ၌ ဘုန်းကြီးသော အမတ် ဖြစ်၍၊ ဘဏ္ဍာတော် ရှိသမျှကို အုပ်စိုးရသော အဲသယောပိပြည်သား တယောက်သည်ကိုးကွယ်ခြင်း အလိုငှါ ယေရုရှလင်မြို့သို့ သွား၍၊ ၂၈ ပြန်စဉ်တွင် မိမိရထားပေါ်၌ ထိုင်လျက် ပရောဖက် ဟေရှယ၏ ကျမ်းစာကို ဘတ်လေ၏။ ၂၉၀ိညာဉ်တော်ကလည်း၊ ထိုရထားသို့ ချဉ်းကပ်၍ မှီဝဲလော့ဟု ဖိလိပ္ပုအား ဗျာဒိတ် ပေးတော်မူ သဖြင့်၊ ၃၀ ဖိလိပ္ပုသည် ရထားသို့ ပြေး၍ ပရောဖက် ဟေရှာယ၏ ကျမ်းစာ၌ ဘတ်သည်ကို ကြားလျှင်၊ ဘတ်သောအရာကို နားလည်ပါ၏လောဟု မေးမြန်း၏။ ၃၁ ထိုအမတ်ကလည်း၊ သွန်သင်ပဲ့ပြင်သောသူမရှိလျှင် အဘယ်သို့ နားလည်နိုင်မည်နည်းဟုဆိုပြီးမှ မိမိနှင့်အတူ ဖိလိပ္ပုတက်၍ ထိုင်နေပါမည်အကြောင်း တောင်းပန်၏။”
၃၂ ကျမ်းစာ၌ ဘတ်သော အချက်ဟူမူကား၊ အသေသတ်ခြင်းငှါ ဆောင်သွားသော သိုးကဲ့သို့ သူ့ကို ဆောင်သွား၍၊ သိုးသငယ်သည် အမွေးညှပ်သောသူရှေ့မှာ မမြည်ဘဲ နေသကဲ့သို့ သူသည် နှုတ်ကို မဖွင့်ဘဲ နေ၏။ ၃၃ နှိမ့်ချခြင်းကို ခံစဉ်တွင် သူတ ပါး တို့သည် ထိုသူကို မတရားသဖြင့် စီရင်ကြ၏။ ထိုသူ၏ အသက်ကို မြေကြီးက သိမ်းရုပ်သည် ဖြစ်၍၊ သူ၏ အမျိုးအနွယ်ကို အဘယ် သူပြညွှန်မည်နည်းဟု ကျမ်းစာ လာသတည်း။ ၃၄ ထိုအမတ်ကလည်း၊ ပရောဖက်သည် အဘယ်သူကို ရည်မှတ်၍ ဤသို့ ဆိုပါသနည်း။ ကိုယ်ကို တည်း ဆိုလိုသလော။ သူတပါးကိုယ်တည်း ဆိုလိုသလောဟု တောင်းပန်လျက်။ ၃၅ ဖိလိပ္ပုအား မေးမြန်းလျှင်၊ ဖိလိပ္ပုသည် မိမိနှုတ်ကို ဖွင့်၍ ထိုကျမ်းစာ ချက်ကို အစွဲပြုလျက်၊ ယေရှု၏ အကြောင်း တည်းဟူသော ဧဝံဂေလိတရားကို ဟောလေ၏။ ၃၆ ထိုသို့ လမ်း၌ သွားကြစဉ် ရေရှိရာသို့ ရောက်၍၊ အမတ်ကလည်း ဤအရပ်တွင် ရေရှိပါ၏။ အကျွန်ုပ်ကို ဗတ္တိဇံ မခံစေခြင်းငှါ မည်သည့်အကြောင်း ဆီးတားပါသနည်းဟု ပြောဆိုလျှင်၊ ၃၇ ဖိလိပ္ပုက၊ သင်သည် စိတ်နှလုံး အကြွင်းမဲ့ယုံကြည်လျှင် ခံရသည်ဟုဆိုလေ၏။ အမတ်ကလည်း၊ ယေရှုခရစ်သည် ဘုရားသခင်၏ သားတော် ဖြစ်တော်မူကြောင်းကို အကျွန်ုပ် ယုံကြည် ပါသည်ဟု ဝန်ခံ၍၊ ၃၈ရထားကို ရပ်စေခြင်းငှါ စီရင်ပြီးမှ၊ ဖိလိပ္ပုသည် ထိုအမတ်နှင်တကွ ရေထဲသို့ ဆင်း၍ ဗတ္တိဇံကို ပေး၏။ ၃၉ ရေထဲကတက်ကြလျှင်၊ ထာဝရဘုရား၏ ဝိညာဉ်တော်သည် ဖိလိပ္ပုကို ဆောင်ယူတော်မူ၍၊ အမတ်သည် ဖိလိပ္ပုကို နောက်တဖန် မတွေ့မမြင်ရ၊ ဝမ်းမြောက် ဝမ်းသာခြင်း နှင့် မိမိသွားရသောလမ်းကို သွားလေ၏။ ၄၀ ဖိလိပ္ပုသည်လည်း အာဇုတ် မြို့၌ ပေါ် လာ၍၊ ထိုမြို့မှ ကဲသရိ မြို့တိုင်အောင် မြို့ရွာအစဉ်အတိုင်းရှောက်သွား၍ ဧဝံဂေလိတရားကို ဟောလေ၏။” (တ ၈:၂၆-၄၀)
၅။ ပေတရု-ယုဒလူ ၃၀၀၀၊ (တ ၂) ကောနိလိမိသားစုနှင့် လူများ (တ ၁၀)
၆။ ပေါလု- တပါးအမျိုးသား များစွာ
၇။ အနြွှေ- သူ့အကို ရှိမုန်ကို ခရစ်တော်ထံခေါ် (ယော ၁:၄၀-၄၂)
.
အဘယ်ကြောင့်ပျောက်ဆုံး ဝိညာဉ်များဖမ်းရမည်နည်း
၁။ ဘုရားသခင်၏ အလိုတော် ဖြစ်သည်
“လူ အပေါင်းတို့သည် ကယ်တင်ခြင်းသို့ ရောက်၍ သမ္မာတရားကို သိစေခြင်းငှါ၊ ဘုရားသခင် အလိုတော် ရှိ၏။” (၁ တိ ၂:၄)။
“အဘယ်သို့ ထင်ကြသနည်း။ သိုးတရာရှိသောသူ၌ သိုးတကောင်သည် လမ်းလွဲ၍ ပျောက်လျှင်၊ ထိုသူသည်ကိုးဆယ်ကိုး ကောင်သော သိုးတို့ကို တောင်ပေါ်မှာ ထားခဲ့ပြီးမှ၊ လမ်းလွှဲ၍ ပျောက်သော သိုးတကောင်ကို သွား၍၊ ရှာတတ်သည် မဟုတ်လော။ ၁၃ တွေ့ပြီးလျှင်၊ လမ်းမလွှဲမပျောက်သော သိုးကိုးဆယ်ကိုး ကောင်၌ ဝမ်းမြောက်ခြင်းရှိသည်ထက်၊ ထိုသိုးတကောင်၌ သာ၍ ဝမ်းမြောက်ခြင်းရှိသည်ဟု ငါအမှန်ဆို၏။ ၁၄ ထိုနည်းတူ ကောင်းကင်ဘုံ၌ ရှိတော်မူသော သင်တို့ အဘသည်၊ ဤသူငယ်တယောက်ကိုမျှ ပျက်စီးစေခြင်းငှါ အလိုတော် မရှိ။” (မ ၁၈:၁၂-၁၄)
“မတရားသောသူသည် မိမိအကျင့်တို့ကို ရှောင်၍ အသက်မရှင်၊ အသေခံခြင်း အမှု၌ ငါသည် အနည်းငယ်သော ပျော်မွေ့ခြင်းရှိသလော။” (ယေဇ ၁၈:၂၃)
“အို ဣသရေလ အမျိုး၊ သင်တို့ အသီးအသီး ကျင့်ကြသည် အတိုင်း၊ အကျိုးအပြစ်ကို ငါစီရင်မည်။ သင်တို့သည် အဓမ္မအမှု ရှိသမျှ တို့ကို စွန့်ပစ်၍၊ ပြောင်းလဲကြလော့။ ပြောင်းလဲကြလော့။ ဒုစရိုက်အပြစ်ကြောင့် ထိမိ၍ ဆုံးခြင်းသို့ မရောက်ကြနှင့်။ ၃၁ သင်တို့သည် ပြုသမျှသော လွန်ကျူးခြင်း အမှု တို့ကို ု စွန့်ပစ်၍၊ အသစ်သော နှလုံး၊ အသစ်သောစိတ်သဘောကို ပြင်ဆင် ကြလော့။ အို ဣသရေလ အမျိုး၊ သင်တို့သည် အဘယ်ကြောင့် အသေသတ်ခြင်းကို ခံလိုုသနည်း။ ၃၂ အသေခံ ရသောသူ၏ အသေခံခြင်း အမှု၌ ငါသည် ပျော်မွေ့ခြင်း မရှိ။ ထိုကြောင့် ပြောင်းလဲ၍ အသက်ရှင်ကြလော့ဟု အရှင်ထာဝရဘုရား မိန့်တော်မူ၏။” (ယေဇ ၁၈:၃၀-၃၂)
“အချင်း လူသား၊ သင့်ကို ဣသရေလ အမျိုး၌ ၊ ကင်းစောင့်စေခြင်းငှါ ငါခန့်ထားသောကြောင့်၊ သင်သည် ငါ၏ နှုတ်ထွက်စကားကို နာခံ၍ သူတို့ကို သတိပေးရမည်။ ၈ ငါသည် လူဆိုးအား၊ အိုလူဆိုး၊ အကယ်စင်စစ် သင်သည် အသေခံရမည် ဟုဆိုသောအခါ၊ ဆိုးသောသူကို သူ၏ လမ်းမှလွှဲစေခြင်းငှါ သင်သည် သတိမပေးလျှင်၊ ထိုလူဆိုးသည် မိမိအပြစ်ကြောင့် အသက် ဆုံးလိမ့်မည်။ သို့ရာတွင် ၊ သူ၏ အသက်ကို သင်၌ ငါတောင်းမည်။ ၉ သို့မဟုတ် လူဆိုးကို သူ၏ လမ်းမှ လွှဲစေခြင်းငှါ သင်သည် သတိပေး၍၊ သူသည် မလွှဲဘဲ နေလျှင်၊ မိမိအပြစ်ကြောင့် အသက် ဆုံးသော်လည်း သင်သည်ကိုယ်အသက်ကို ကယ်တင်ပြီ။” (ယေဇ ၃၃:ရ- ၉)
“အရှင်ထာဝရဘုရား မိန့်တော်မူသည်ကား၊ ငါအသက်ရှင်သည် အတိုင်း၊ ဆိုးသောသူသည် အသေခံခြင်း အမှုကို ငါနှစ်သက်သည် မဟုတ်၊၊ ဆိုးသောလမ်းမှလွဲ၍ အသက်ရှင်ခြင်း အမှုကိုသာ ငါနှစ်သက်၏၊၊ ” (ယေဇ ၃၃:၁၁)
၂။ ဘုရားသခင်၏ အကြံတော် ဖြစ်သည်
“ငါတို့သည် ဘုရားသခင့်ရှေ့တော်၌ မေတ္တာအားဖြင့် သန့်ရှင်းလျက်၊ အပြစ်ကင်းလွတ်လျက် ဖြစ်မည်အကြောင်း၊ ၄ ဤ ကမ္ဘာမတည်မရှိမှီ ငါတို့ကို ခရစ်တော်၌ ရွေးကောက်တော်မူသည် နှင့် အညီ၊ ကောင်းကင်ဘုံနှင့် ဆိုင်သောအရာ တို့၌ ခပ်သိမ်းသော ဓမ္မမင်္လာတို့ကို ခရစ်တော်အားဖြင့် ငါတို့ အားပေးသနားတော်မူသော ငါတို့ သခင်ယေရှုခရစ်၏ ခမည်းတော် ဘုရားသခင်သည် မင်္လာရှိတော်မူ စေသတည်း။ (ဧဖက် ၁:၃-၄)
“မိစဉ်ဘဆက် ကျင်လည်သော အချည်းနှီး ကျင့်ကြံပြုမူခြင်းမှ၊ ရွှေငွေအစရှိသော ဖောက်ပြန်ပျက်ဆီးတတ်သော ဥစ္စာနှင့် သင်တို့ကို ရွေးတော်မူသည် မဟုတ်။ အဘယ်အပြစ်မျှမရှိ၊ အညစ်အကြေးနှင့် ကင်းစင်သော သိုးသငယ် ကဲ့သို့သော ခရစ်တော်၏ အသွေးတော်မြတ်နှင့် ရွေးတော်မူသည်ကို သိမှတ်ကြလော့။ ၂၀ ထိုခရစ်တော် ကား ဤကမ္ဘာ မတည်မရှိမှီ ခန့်ထားတော် မခြင်းကို ခံနှင့်သည် ဖြစ်၍၊ ကိုယ်တော်အားဖြင့် ဘုရားသခင်ကို ယုံကြည်သော သင်တို့ အဘို့၊ ဤနောက်ဆုံးသော ကာလ၌ ထင်ရှားတော်မူပြီ။” (၁ ပေ ၁:၁၈-၂၀)
၃။ ခရစ်တော်၏ အဓိကအလုပ် ဖြစ်သည်
“ထိုမှတပါး လူသားသည် ပျောက်သောသူတို့ကို ကယ်တင်အံ့သောငှါ ကြွလာသတည်း။” (မ ၁၈:၁၁)
“ယေရှုသည် ကြားတော်မူလျှင်၊ ကျန်းမာသောသူတို့သည် ဆေးသမားကို အလိုမရှိကြ။ နာသောသူတို့ သာလျှင် အလိုရှိကြ၏။ ဖြောင့်မတ်သောသူတို့ကို နောင်တသို့ ခေါ်ခြင်းငှါ ငါလာသည် မဟုတ်၊ ဆိုးသောသူတို့ကို ခေါ်ခြင်းငှါ ငါလာသတည်းဟု မိန့်တော်မူ၏။” (မာ ၂:၁ရ)
“လူသားသည် ပျောက်သောသူတို့ကို ရှာ၍ ကယ်တင်အံ့သောငှါ ကြွလာသတည်းဟု ဇက္ခဲကိမိန့်တော်မူ၏။” (လု ၁၉:၁၀)
“ယေရှုက၊ ငါ့ကို စေလွှတ်တော်မူသောသူ၏ အလိုတော်ကို ဆောင်ခြင်း၊ သူ၏ အမှုတော်ကို ပြီးစီးခြင်း အမှုသည် ငါ့စားစရာ ဖြစ်၏။” (ယော ၄:၃၄)
“ယေရှုခရစ်သည် အပြစ်ရှိသောသူတို့ကို ကယ်တင်ခြင်းငှါ၊ ဤလောကသို့ ကြွလာတော်မူသည် ဟူသော စကားသည် သစ္စာ (အမကျအတသမအ့ပ) စကား ဖြစ်၏။ (၁ တိ ၁:၁၅)
၄။ ခရစ်တော်၏ အလိုတော် ဖြစ်သည်
“ယေရှုသည် တရားစရပ်တို့၌ ဆုံးမဩဝါဒ ပေးလျက်၊ နိုင်ငံတော်နှင့် ယှဉ်သော ဧဝံဂေလိတရားကို ဟောလျက်၊ လူများ ခံရသော အနာရောဂါ အမျိုးမျိုး တို့ကို ငြိမ်းစေလျက်၊ မြို့ရွာ ရှိသမျှ တို့ကို ဒေသစာရီ လှည့်လည်တော်မူ၏။ လူအစုအဝေးတို့ကို မြင်တော်မူလျှင် သနားခြင်း စိတ်ရှိတော်မူ၏။ ၃၆ အကြောင်းမူကား၊ ထိုသူတို့သည် ပင်ပန်းသည် ဖြစ်၍ ထိန်းသူမရှိဘဲ ပစ်ထားသော သိုးကဲ့သို့ဖြစ်ကြ၏။ ၃၇ ထိုအခါကိုယ်တော်က၊ စပါးရိတ်စရာ များစွာ ရှိ၏။ ရိတ်သောသူတို့သည် နည်းကြ၏။ ၃၈ ထိုကြောင့် လုပ်ဆောင်သောသူတို့ကို စပါးရိတ်စေခြင်းငှါ စေလွှတ်တော်မူ မည်အကြောင်း၊ စပါးရှင်ကို ဆုတောင်း ကြလော့ဟု တပည့်တော်တို့အား မိန့်တော်မူ၏။ (မ ၉:၃၅-၃၈၊ လု ၁၀:၂)
“ဂါလိလဲအိုင်နားမှာ ကြွတော်မူစဉ်၊ ပေတရုဟူ၍ ခေါ်ဝေါ်သော ရှိမုန်နှင့် အနြွှေ၊ ညီအစ်ကို နှစ်ယောက်တို့သည် တံငါဖြစ်၍၊ အိုင်တွင် ပိုက်ကွန် ဖြန့်ချသည်ကို မြင်တော်မူလျှင်၊ ၁၉ ထိုသူတို့အား ငါ့နောက်သို့ လိုက်ကြလော့။ သင်တို့သည် လူကိုမျှ ားသော တံငါ ဖြစ်စေခြင်းငှါ ငါပြုမည်ဟု အမိန့်တော် ရှိလေသော်၊ ၂၀ ထိုသူတို့သည် ချက်ခြင်း ပိုက်ကွန်ကို စွန့်ပစ်၍ နောက်တော်သို့ လိုက်ကြ၏။ ၂၁ ထိုမှလွန်ပြန်လျှင် အခြားသော ညီအစ်ကို နှစ်ယောက်၊ ဇေဗေဒဲ၏သား ယာကုပ်နှင့် ယောဟန်တို့သည် သူတို့ အဘနှင့်အတူ လှေပေါ်မှာ ပိုက်ကွန် ပြင် နေသည်ကို မြင်၍ ခေါ်တော်မူ၏။ ၂၂ ထိုသူတို့သည်လည်း ချက်ခြင်း အဘနှင့် လှေကို စွန့်ပစ်၍ နောက်တော်သို့ လိုက်ကြ၏။” (မ ၄:၁၈-၂၂)
“ကျမ်းပြုဆရာ တယောက်သည် လာ၍ အရှင်ဘုရား၊ ကိုယ်တော် ကြွတော်မူရာ အရပ်ရပ်သို့ အကျွန်ုပ် လိုက်ပါမည်ဟု လျှောက်လေ၏။ ၂၀ ယေရှုကလည်း၊ မြေခွေးသည် မြေတွင်းရှိ၏။ မိုဃ်းကောင်းကင်၌ ကျင်လည်သော ငှက်သည် နားနေရာ အရပ်ရှိ၏။ လူသားမူကား၊ ခေါင်းချရာမျှမရှိဟု မိန့်တော်မူ၏။ ၂၁ အခြားသော တပည့်တော်ကလည်း၊ သခင်၊ အကျွန်ုပ်အဘကို ရှေ့ဦးစွာ သွား၍ သင်္ဂြိုဟ်ရသော အခွင့်ကို ပေးတော်မူပါဟု လျှောက်လေ၏။ ၂၂ ယေရှုကလည်း ငါ့နောက်သို့ လိုက်လော့။ လူသေတို့သည် မိမိလူသေတို့ကို သင်္ဂြိုဟ်ပါလေ စေဟု မိန့်တော်မူ၏။” (မ ၈:၁၉-၂၂)
“လမ်း၌ သွားကြစဉ် လူတဦးက၊ သခင်၊ ကိုယ်တော် ကြွတော်မူ ရာအရပ်ရပ်သို့ အကျွန်ုပ်လိုက် ပါမည်ဟု လျှောက် လေ၏။ ၅၈ ယေရှုကလည်း၊ မြေခွေးသည် မြေတွင်းရှိ၏။ မိုဃ်းကောင်းကင်၌ ကျင်လည်သော ငှက်သည် နားနေရာအရပ်ရှိ၏၊ လူသားမူကား ခေါင်းချရာမျှမရှိဟု မိန့်တော်မူ၏။ ၅၉ အခြားသောသူကို၊ ငါ့နောက်သို့ လိုက်လော့ဟု မိန့်တော်မူလျှင်၊ ထိုသူက၊ သခင်၊ ကျွန်ုပ်အဘကို ရှေ့ဦးစွာ သွား၍ သင်္ဂြိုဟ်ရသော အခွင့်ကို ပေးတော်မူပါဟု လျှောက်လေသော်၊ ၆၀ ယေရှုက၊ လူသေ တို့သည် မိမိလူသေတို့ကို သင်္ဂြိုဟ်ပါလေစေ။ သင်မူကား သွား၍ ဘုရားသခင့်နိုင်ငံတော်၏ အကြောင်းကို ဟောပြောလော့ဟု မိန့်တော်မူ၏။ ၆၁ အခြားသောသူက လည်း၊ သခင်၊ ကိုယ်တော် နောက်သို့ အကျွန်ုပ်လိုက်ပါမည်။ သို့သော်လည်း အကျွန်ုပ် အိမ်၌ ရှိရစ်သောသူတို့ကို အရင်သွား၍ အခွင့်ပန်ပါရစေဟု လျှောက်လျှင်၊ ၆၂ ယေရှုက၊ ထွန်ကိုင်းကိုကိုင်လျက် နောက်သို့ လှည့်၍ ကြည့်သောသူ မည်သည်ကား၊ ဘုရားသခင်၏ နိုင်ငံတော်နှင့် မထိုက်မတန်ဟု မိန့်တော်မူ၏။” (လု ၉:၅ရ- ၆၂)
၅။ သန့်ရှင်းသော ဝိညာဉ်တော်၏ အဓိကအလုပ် ဖြစ်သည်
“သင်တို့ အပေါ်သို့ သန့်ရှင်းသော ဝိညာဉ်တော် ဆင်းသက်သောအခါ သင်တို့သည် တန်ခိုးကို ခံရ၍ ယေရုရှလင်မြို့မှစသော ယုဒပြည်၊ ရှမာရိပြည်၊ မြေကြီးစွန်းတိုင်အောင် ငါ၏သက်သေ ဖြစ်ကြလိမ့်မည်ဟု မိန့်တော်မူ၏။” (တ ၁:၈)
“ဥပဇ္ဈာယ်ဆရာသည် ရောက်လာလျှင် ဒုစရိုက်အပြစ်ကို၎င်း၊ အပြစ်ကင်းခြင်းကို၎င်း၊ အပြစ် စီရင်ခြင်းကို၎င်းလောကီသားတို့အား ထင်ရှားစွာ ဘော်ပြမည်။ ၉ ငါ့ကို မယုံကြည် ကြသောကြောင့် ဒုစရိုက်အပြစ်ကို ဘော်ပြမည်။ ၁၀ ငါသည် ခမည်းတော် ထံသို့ သွားမည် ဖြစ်၍၊ သင်တို့သည် နောက်တဖန် ငါ့ကို မတွေ့မမြင်ရသောကြောင့်၊ အပြစ်ကင်းခြင်းကို ဘော်ပြမည်။ ၁၁ ဤလောကကို အစိုးရသော မင်းသည် အပြစ် စီရင်ခြင်းကို ခံရသောကြောင့် အပြစ် စီရင်ခြင်းကို ဘော်ပြမည်။” (ယော ၁၆:၈-၁၁)
သန့်ရှင်းသော ဝိညာဉ်တော်သည် ပင်တေကုတ္တေနေ့၌ ပေတရုအားဖြင့် လူ၃၀၀၀ကို ကယ်တင်ခြင်းသို့ ရောက် စေခဲ့သည် (တမန် ၂)
၆။ ခရစ်တော်၏ အမိန့်တော် ဖြစ်သည်
“သင်တို့ သွား၍ လူမျိုးတကာတို့ကို ငါ့တပည့် ဖြစ်စေလျက်၊ ခမည်းတော်၊ သားတော်၊ သန့်ရှင်းသော ဝိညာဉ်တော်၏ နာမ၌ ဗတ္တိဇံကို ပေးကြလော့။ ၂၀ ငါသည် သင်တို့ အားပေးသမျှသော ပညတ်တော် တို့ကို စောင့် ရှောက် စေခြင်းငှါ ဆုံးမဩဝါဒ ပေးကြလော့။ ငါသည်လည်း ကပ်ကမ္ဘာကုန်သည် တိုင်အောင် သင်တို့နှင့်အတူ အစဉ်မပြတ် ရှိသည်ဟု တပည့်တော်တို့အား မိန့်တော်မူ၏။” (မ ၂၈:၁၉-၂၀)
“သင်တို့သည် လောကီနိုင်ငံ အရပ်ရပ်ရှိသမျှသို့ သွား၍၊ ဝေနေယျသတ္တဝါ အပေါင်းတို့အား ဧဝံဂေလိတရား (နကေါါနူငသည)ကို ဟောကြလော့။ ၁၆ ယုံကြည်၍ ဗတ္တိဇံကို ခံသောသူသည် ကယ်တင်တော်မူခြင်းသို့ ရောက်လတံ့။ မယုံကြည်သောသူမူကား အပြစ်စီရင်ခြင်းကို ခံရလတံ့။ ၁၇ ယုံကြည်သောသူတို့၌ ဖြစ်အံ့သော နိမိတ်လက္ခဏာဟူမူကား၊ ငါ၏ နာမကို အမှီပြု၍ နတ်ဆိုးတို့ကို နှင်ထုတ်ကြလတံ့။ ထူးခြားသော ဘာသာစကား မျိုး တို့ကို ပြောကြ လတံ့။ ၁၈ မြွေတို့ကို ဘမ်းကိုင်ကြလတံ့။ သေစေ တတ်သော အဆိပ် အတောက်ကို သောက်စားလျှင် ဘေးဥပဒ်နှင့် ကင်းလွတ် ကြလတံ့။ မကျန်းမမာသောသူတို့ အပေါ်မှာ လက်ကို တင်၍ ချမ်းသာ ပေးကြ လတံ့ဟု မိန့်တော်မူ၏။” (မာ ၁၆:၁၅-၁၈)
“ထို တမန်တော်တို့သည်လည်း စုဝေး၍၊ သခင်ဘုရား၊ ယခုအခါကိုယ်တော်သည် ဣသရေလ အမျိုးသားတို့အား နိုင်ငံကို ပြန်ပေးတော်မူ မည်လောဟု မေးလျှောက်ကြလျှင်၊ ၇ သခင်ဘုရားက၊ ခမည်းတော်၏ တန်ခိုးအားဖြင့် စီရင်တော်မူသောအချိန် ကာလကို သိရသော အခွင့်သည် သင်တို့၌ မရှိ။ ၈ ထိုသို့ မရှိသော်လည်း ၊ သင်တို့ အပေါ်သို့ သန့်ရှင်းသော ဝိညာဉ်တော် ဆင်းသက်သောအခါ သင်တို့သည် တန်ခိုးကို ခံရ၍ ယေရုရှလင်မြို့မှစသော ယုဒပြည်၊ ရှမာရိပြည်၊ မြေကြီးစွန်းတိုင်အောင် ငါ၏သက်သေ ဖြစ်ကြလိမ့်မည်ဟု မိန့်တော်မူ၏။” (တမန် ၁:၆-၈)
ရ။ လူများ၏ အဓိကလိုအပ်ချက် ဖြစ်သည်
“လူသည် ဤစကြဝဠာကို အကြွင်းမဲ့အစိုးရ၍ မိမိအသက် ဝိညာဉ် ရှုံးလျှင် အဘယ်ကျေးဇူးရှိသနည်း။ မိမိအသက် ဝိညာဉ်ကို အဘယ်ဥစ္စာနှင့် ရွေးနိုင်သနည်း။” (မ ၁၆:၂၆)
“သူဌေးတဦး၌ မြေကောင်း၍ အသီးအနှံများ လှ၏။ ၁၇ ထိုသူဌေးက၊ ငါသည် အဘယ်သို့ ပြုရမည်နည်း။ အသီးအနှံများကို သိုထားစရာ အရပ်မရှိ။ ၁၈ ပြုမည်အကြံမူကား၊ ငါ့တိုက်များကို ဖျက်၍ ကျယ်သော တိုက်တို့ကို တည်ပြီးမှ၊ ငါ၏ အသီးအနှံဥစ္စာ ရှိသမျှ တို့ကို သိုထားမည်။ ၁၉ ငါ့ ဝိညာဉ်အား လည်း၊ အချင်း ဝိညာဉ်၊ သင်သည် နှစ်ပေါင်းများစွာ သုံးဆောင်ရန် ဥစ္စာများကို သို ထားလျက် ရှိပြီ။ ငြိမ်ဝပ်စွာ နေလော့။ စားသောက်ခြင်း၊ ပျော်မွေ့ခြင်းကို ပြုလော့၊ ငါပြောမည်ဟု သူဌေးအကြံရှိ၏။ ၂၀ ထိုသို့ အကြံ ရှိစဉ်တွင် ဘုရားသခင်က၊ အချင်းလူမိုက်၊ ယနေ့ညဉ့်ပင်သင်၏ ဝိညာဉ်ကို ရုပ်သိမ်းရာအချိန် ရောက်လိမ့်မည်။ သို့ဖြစ်၍ သင်သည် ပြင်ဆင် သိုထားသော ဥစ္စာကို အဘယ်သူ ပိုင်မည်နည်းဟု သူဌေးအား မိန့်တော်မူ၏။ ၂၁ ထိုအတူ ကိုယ်အဘို့ ဘဏ္ဍာများကို ဆည်းဖူး၍၊ ဘုရားသခင် ရှေ့တော်၌ ဆင်းရဲသောသူ မည်သည်ကား၊ ထိုသူဌေးနှင့် တူသည်ဟု မိန့်တော်မူ၏။” (လု ၁၂:၁၆-၂၁)
“ခဲယဉ်းဆိုးယုတ်သော ကာလ၌ ငါ၏ အရာတို့ လုယူချင်သောသူတို့၏ ဒုစရိုက်အမှုသည် ငါ့ကို ဝိုင်းသော်လည်း ငါသည် အဘယ်ကြောင့် ကြောက်ရမည်နည်း၊၊ ၆ ထိုသူတို့သည်ကိုယ်ဥစ္စာကိုကိုးစား၍ ကိုယ်စည်း စိမ်များ သောကြောင့် ဝါကြွားသော်လည်း ၇ မိမိညီအစ်ကိုကို အဘယ်သူမျှ အလျှင်း မရွေးနိုင်၊၊ ရွေးရန် အဘိုးကို ဘုရားသခင်၌ မပေးနိုင်၊၊ ၈ သူတို့ အသက် ဝိညာဉ်၏ ရွေးရန်အဘိုးကြီး လှပေ၏၊၊ သို့ဖြစ်၍ အစဉ်ရှုံးလျက် နေရမည်၊၊ ၉ ရွေးလျှင် အစဉ်အမြဲအသက်ရှင်ရာ၏၊၊ ပုပ်စပ်ခြင်းသို့ မရောက်ရာ၊၊ ၁၀ ထင်ရှားသောအရာ ဟူမူကား ပညာရှိသောသူတို့သည် သေတတ်ကြ၏၊၊ ထိုအတူ မိုက်သောသူနှင့် တိရစ္ဆာန် သဘော ရှိသောသူတို့သည် ပျက်စီးခြင်းသို့ ရောက်၍ မိမိတို့ ဥစ္စာကို သူတပါးတို့၌ ချန်ထားကြ၏၊၊ ၁၁ မိမိတို့ အိမ်သည် ထာဝရ ဖြစ်လိမ့်မည်၊၊ မိမိတို့ နေရာလည်း လူမျိုးအစဉ်အဆက်တည်လိမ့်မည်၊၊ မိမိတို့ နာမသည် မြေပေါ်မှာ ကျောစောလိမ့်မည်ဟု သူတို့ စိတ် ထင်ရှိကြ၏၊၊ ၁၂ သို့ရာတွင် လူသည် ဂုဏ်အသရေ၌ မတည်မနေတတ်၊၊ ပျက်စီးခြင်းသို့ ရောက်တတ်သော တိရစ္ဆာန်နှင့် တူ၏၊၊ ၁၃ ထိုသို့ ပြုမူခြင်း အရာသည် သူတို့၏ကိုးစားရာ ဖြစ်၍ သူတို့သား မြေးတို့သည် သူတို့ စကားကို နှစ်သက် တတ်ကြ၏၊၊ ၁၄ ထိုသူတို့ကို သိုးများ ကဲ့သို့ မရဏနိုင်ငံ၌ ချထား၍ သေမင်းစားလိမ့်မည်၊၊ ကာလ မကြာ မြင့်မှီ ဖြောင့်မတ်သောသူတို့သည် အုပ်စိုးရကြလိမ့်မည်။ သူတို့၏ ကိုယ်ခန္ဓာသည် ဖောက်ပြန် ဘို့ရာ ဖြစ်၏၊၊ မရဏာနိုင်ငံသည် သူတို့၏ နေရာ ဖြစ်၏၊၊ ၁၅ ငါ့ကိုမူကား ဘုရားသခင် သိမ်းယူတော်မူသောကြောင့် ငါ၏ ဝိညာဉ်ကို မရဏာနိုင်ငံ၏ တန်ခိုိးမှ ရွေးတော်မူ မည်၊၊ ” (ဆာ ၄၉:၅-၁၅)
၈။ လူများကို အရေးကြီးဆုံး ကူညီနိင်သောအရာ ဖြစ်သည်
လူများကို အရေးကြီးဆုံး ကူညီနိင်သောအရာသည် ငွေကျေးပေးခြင်း၊ ကျန်းမာရေးအတွက် ကူညီခြင်း၊ ခန္ဓာကိုယ် အသက်ကယ်ခြင်း၊ ပညာသင်ပေးခြင်း တည်းဟူသော လောကပိုင်းဆိုင်ရာ ကူညီခြင်း မဟုတ်ပါ။ ဝိညာဉ် ကယ်တင်ခြင်းသို့ ရောက်ဘို့ရန် ကူညီခြင်းသည် အခြားသော အရာများထက် နှိုင်းဆ၍ မရလောက်အောင် တန်ဘိုးရှိပါသည်။ ခရစ်တော်က၊ “လူသည် ဤ စကြ ဝဠာကို အကြွင်းမဲ့အစိုးရ၍ မိမိအသက် ဝိညာဉ် ရှုံးလျှင် အဘယ်ကျေးဇူးရှိသနည်း။ မိမိအသက် ဝိညာဉ်ကို အဘယ်ဥစ္စာနှင့် ရွေးနိုင်သနည်း။” (မ ၁၆:၂၆) ဟုဆိုသည် မဟုတ်လော။ ကိုယ်ခန္ဓာပိုင်း၊ လောကအရာကူညီခြင်းသည် အလွန် ကောင်းပါသည်။ သို့သော် ထိုအရာများသည် ထာဝရ ကာလ၌ တည်မည် မဟုတ်။ ဝိညာဉ်ပိုင်းဆိုင်ရာ သည် ထာဝရ တန်ဘိုးရှိသောကြောင့် အလွန် အရေးကြီးသည်။
၉။ ခရစ်ယာန် အသက်တာ၏ အဓိကသော့ချက် ဖြစ်သည်
ခရစ်ယာန် အသက်တာအသက်ရှင်ဘို့ရန် အတွက် ပျောက်ဆုံးဝိညာဉ် ဖမ်းခြင်းသည် မရှိမ ဖြစ်အဓိကလို အပ်ချက် ဖြစ်သည်။ အကြောင်းမှာ ငရဲသွားမည့်သူ များကို ဂရုမစိုက်လျှင် မည်ကဲ့သို့ ချစ်ခြင်းမေတ္တာ၌ ကျင်လည်သည်ဟုဆိုနိင်မည်နည်း။ သခင်ဘုရားက၊ “ငါ့စကားကို နားမထောင်ဘဲလျက်၊ ငါ့ကို သခင်၊ သခင်ဟု အဘယ်ကြောင့်ခေါ် ကြသနည်း။” (လု ၆:၄၆) ဟုဆို ခဲ့ရာ၊ ခရစ်တော် ခိုင်းသော ပျောက်ဆုံးသော ဝိညာဉ်များမဖမ်းလျှင် ခရစ်တော် စကား နားမထောင်သောသူများ ဖြစ်သောကြောင့်၊ ခရစ်ယာန် အသက်တာဖြင့် အသက်ရှင်သည်ဟု မဆိုနိင်ချေ။
၁၀။ စာတန်ကိုအောင် နိင်ခြင်း ဖြစ်သည်
“ထိုနောက်၊ အံဖိပေါလိမြို့၊ အာပေါလောနိမြို့ကို ရှောက်သွား၍ သက်သာလောနိတ် မြို့သို့ ရောက်ကြ၏။ ထိုမြို့မှာ ယုဒတရားစရပ်ရှိ၏။ ၂ ပေါလုသည် မိမိထုံးစံရှိသည် အတိုင်း ထိုစရပ်သို့ ဝင်၍၊ ဥပုသ်နေ့သုံးရက်တွင် ကျမ်းစာကို အမှီပြု၍ ထိုသူ တို့နှင့် ဆွေးနွေးနှီးနှောသဖြင့်၊ ၃ ခရစ်တော်သည် အသေခံရမည် ။ သေခြင်း မှထ မြောက်ရမည်။ ငါဟောပြောသော ယေရှုသည် ခရစ်တော် ဖြစ်သည် ဟူသော အကြောင်း အရာတို့ကို ရှင်းလင်းစွာ ဖွင့်ပြလေ၏။ ၄ ထိုသူအချို့တို့သည် ယုံကြည်ခြင်းသို့ ရောက်၍၊ ပေါလု၊ သိလတို့နှင့် ပေါင်းဘော်ကြ၏။ ဘုရားကို ကိုးကွယ်သော ဟေလသလူ အပေါင်းတို့နှင့် ထင်ရှားသော မိန်းမအများတို့လည်း ယုံကြည် ကြ၏။ ၅ ယုဒလူတို့သည် ဆိုးယုတ် လျှပ်ပေါ်သောသူအချို့တို့ကို ခေါ်၍ လူများကို စုဝေးစေပြီးလျှင်၊ မြို့၌ အုတ် အုတ် သဲသဲ ပြုကြ၏။ ယာသုန်၏ အိမ်ကို ဝိုင်း၍ သူတို့ကို လူများရှေ့သို့ ဆွဲထုတ်ခြင်းငှါ ရှာကြ၏။ ၆ မတွေ့လျှင် ယာသုန်နှင့် ညီအစ်ကို အချို့တို့ကို မင်းအရာရှိတို့ ထံသို့ ဆွဲငင်၍၊ လောကီနိုင်ငံ ကို မှောက်လှန်သော ဤသူတို့သည် ဤအရပ် တိုင်အောင် ရောက်ကြပါပြီ။” (တ ၁ရး၁-၆)
ထိုသူငယ်တို့သည် အသွေးအသားနှင့် ဆက်ဆံကြသောကြောင့်၊ ခရစ်တော်သည် အသေခံတော်မူသော အားဖြင့်၊ သေခြင်း တရားကို အစိုးရသောသူ တည်းဟူသော မာရ်နတ်၏ တန်ခိုးကို ချိုးဖဲ့ဖျက်ဆီးခြင်း ငှါ၎င်း၊ သေဘေးကို ကြောက်၍ တသက်လုံး ကျွန်ခံရသောသူတို့ကို ကယ်လွှတ်ခြင်း ငှါ၎င်း၊ ထိုသူငယ်တို့၏ နည်းတူ အသွေးအသားကို ဆောင်ယူတော်မူ၏။” (ဟေ ၂:၁၄-၁၅)
၁၁။ ယုံကြည်သူများ၏ ဝမ်းမြောက်စရာ ဖြစ်သည်
“ယေရှုက၊ ငါ့ကို စေလွှတ်တော်မူသောသူ၏ အလိုတော်ကို ဆောင်ခြင်း၊ သူ၏ အမှုတော်ကို ပြီးစီးခြင်း အမှုသည် ငါ့ စားစရာ ဖြစ်၏။” (ယော ၄:၃၄)
“ထို ခုနစ်ကျိပ်သော တပည့်တော် တို့သည် ဝမ်းမြောက်သော စိတ်နှင့် ပြန်လာ၍၊ သခင်၊ ကိုယ်တော်၏ နာမအားဖြင့် အကျွန်ုပ်တို့သည် နတ်ဆိုးကို ပင်နိုင်ပါသည်ဟု လျှောက်ကြ၏၊ ၁၈ ယေရှုကလည်း၊ စာတန်သည် လျှပ်စစ်ကဲ့သို့ ကောင်းကင်မှ ကျသည်ကို ငါမြင်ပြီ။ ၁၉ သင်တို့သည် မြွေ၊ ကင်းမြီးကောက်တို့ကို နိုင်ရသော အခွင့်နှင့် ရန် သူများကို နိုင်ရသော အခွင့်တန်ခိုးကို ငါပေး၏။ သင်တို့ကို အဘယ်ဘေးမျှမညှဉ်းဆဲရ။ ၂၀သို့သော်လည်း နတ်ဆိုးကို နိုင်ရ သောကြောင့်သာဝမ်းမြောက်ခြင်း မရှိကြနှင့်။ သင်တို့၏ နာမည်များသည် ကောင်းကင် စာရင်း၌ ဝင်သည်ကို ဝမ်းမြောက်ခြင်းရှိကြလော့ဟု မိန့်တော်မူ၏။” (လု ၁၀:၁ရ- ၂၀)
၁၂။ ကောင်းကင်၌ ဘဏ္ဍာစုစောင်းခြင်း ဖြစ်သည်
“သံချေး၊ ပိုးရွဖျက်ဆီး၍ သူခိုးထွင်းဖောက်ခိုးယူရာ မြေကြီးပေါ်မှ ာ ဘဏ္ဍာကို မဆည်းဖူးကြနှင့်။ ၂၀ သံချေး၊ ပိုးရွမဖျက်ဆီး၍ သူခိုးမထွင်း မဖောက်မခိုးမယူရာ ကောင်းကင်ဘုံ၌ ဘဏ္ဍာကို ဆည်းဖူးကြလော့။ ၂၁ အကြောင်းမူကား၊ အကြင်အရပ်၌ သင်တို့၏ ဘဏ္ဍာရှိ၏၊ ထိုအရပ်သို့ သင်တို့၏ စိတ်နှလုံးရောက်တတ်၏။” (မ ၆:၁၉-၂၁)
“ယေရှုကလည်း၊ သင်သည် စုံလင်ခြင်းသို့ ရောက်လိုလျှင် သွားလော့ကိုယ်ဥစ္စာများကို ရောင်း၍ ဆင်းရဲသောသူတို့ အားပေးလော့။ ထိုသို့ပြုလျှင် ကောင်းကင်ဘုံ၌ ဘဏ္ဍာကို ရလိမ့်မည်။သို့ ပြီးမှငါ့နောက်သို့ လိုက်လော့ဟု မိန့်တော်မူ၏။” (မ ၁၉:၂၁)
မြေကြီးပေါ်မှ ကောင်းကင် တက်မည့် အရာသည်၊ ဝိညာဉ်များသာလျှင် ဖြစ်သည်။ ရွှေငွေကျောက်ကောင်း၊ အိမ်၊ ကားလောက အရာများသည်၊ ကောင်းကင် ရောက်နိင်မည် မဟုတ်။ အားလုံးပျက်စီးသွားမည့် အရာများ ဖြစ်သည်။ ထို့ကြောင့် ကောင်းကင်၌ ဘဏ္ဍာစုခြင်းသည် ပျောက်ဆုံးဝိညာဉ် များကောင်းကင်သို့ ပို့ခြင်းအားဖြင့် သာလျှင် ဖြစ်နိင်သည်။
၁၃။ ကောင်းကင်သားများ ဝမ်းမြောက် စေသည်
“ထိုနည်းတူ ဖြောင့်မတ်၍ နောင်တရစရာ အကြောင်း မရှိသောသူကိုးဆယ်ကိုးယောက်တို့၌ ကောင်းကင်သား တို့သည် ဝမ်းမြောက်ခြင်းရှိသည်ထက်၊ နောင်တရသော လူဆိုးတယောက်၌ သာ၍ ဝမ်းမြောက်ခြင်းရှိကြသည်ဟု ငါဆို၏။” (လု ၁၅:ရ)
“ထိုနည်းတူ ငါဆိုသည်ကား၊ ဘုရားသခင်၏ ကောင်းကင်တမန် တို့သည် နောင်တရသော လူဆိုးတယောက်၌ ဝမ်းမြောက်ခြင်းရှိကြသည်ဟု မိန့်တော်မူ၏။” (လုကာ ၁၅:၁၀)
မြေကြီး ပေါ်၌ သင်သည် မည်မျှပင် အောင်မြင် ပါစေ၊ ကောင်းကင်သား များကို ဝမ်းမမြောက်စေနိင်ချေ။ သင်သည် ဥစ္စာ ကြွယ်ဝလေလေကောင်းကင်ကို လှစ်လှုိရှုလေလေ ဖြစ်မည်။ သင်သည်လောကီဘွဲ့ နှင့် ရာထူးအာဏာရလေလေ၊ မာန်မာနကြီး၍ ကောင်းကင်သားများ ဝမ်းနည်းလေလေ ဖြစ်သည်။
၁၄။ ကောင်းကင်၌ ဆုရမည့် အရာ ဖြစ်သည်
“ငါတို့ မြော်လင့်ခြင်း အကြောင်း၊ ဝမ်းမြောက်ခြင်း အကြောင်း၊ ဝါကြားခြင်း၏ ဦးရစ်သရဖူကား၊ အဘယ်သို့သော အကြောင်း အရာနည်း။ ငါတို့ သခင်ယေရှုခရစ် ကြလာတော်မူသောအခါ၊ ရှေ့တော်၌ သင်တို့သည် ထိုသို့သော အကြောင်း အရာ ဖြစ်ကြသည် မဟုတ်လော။ ၂၀ သင်တို့သည် ငါတို့၏ ဘုန်းအသရေ၊ ငါတို့၏ ဝမ်းမြောက်ခြင်း အကြောင်း ဖြစ်ကြ သတည်း။” (၁ သက် ၂:၁၉-၂၀)
“ထိုအခါ ပေတရုက၊ အကျွန်ုပ်တို့သည် ရှိသမျှကို စွန့်ပစ်၍ ကိုယ်တော် နောက်သို့ လိုက်ကြပါပြီ။ အဘယ် အကျိုးကို ရကြပါမည်နည်းဟု လျှောက်လေသော်၊ ၂၈ ယေရှုက၊ ငါအမှန်ဆိုသည်ကား၊ အလုံးစုံသောအရာ တို့ကို အသစ်ပြုပြင်သော ကာလ၌ လူသားသည် ဘုန်းရှိသော ပလ္လင်တော် ပေါ်မှာ ထိုင်တော်မူသောအခါ၊ ငါ့နောက်သို့ လိုက်ကြသော သင်တို့သည် တ ဆယ်နှစ် ခုသော ပလ္လင်ပေါ်မှာ ထိုင်လျက်၊ ဣသရေလ လူတဆယ်နှစ်မျိုးကို စစ်ကြော စီရင်ရကြလတံ့။ အကြင်သူသည် ငါ၏ နာမကြောင့်အိမ်၊ လယ်၊ ညီအစ်ကို၊ နှမ၊ မိဘ၊ သား မယား တည်းဟူသော တပါးပါးကို စွန့်၏၊ ထိုသူသည် အဆတရာသော အကျိုးကို ရ၍ ထာဝရ အသက်ကို အမွေခံ ရလတံ့။” (မ ၁၉:၂ရ- ၂၉)
၁၅။ ယုံကြည်သူများ၏ လုံခြုံမှုနှင့် အထောက်အကူ ဖြစ်သည်
ပျောက်ဆုံးဝိညာဉ် များဖမ်းသောအခါ ကိုယ့် ဝိညာဉ် သားသမီး များဖြစ်လာသည်။ သားသမီး များကမိဘ များကို ပြန်လည် ကူညီတတ် သကဲ့သို့ ကိုယ့် ဝိညာဉ် သားသမီး များကကိုယ့်ကို ကူညီထောက်ပံ့မှာ ဖြစ်သည်။ ပေါလုလည်း သူ၏ ဝိညာဉ် သားသမီး များ ဖြစ်သော ဖိလိပ္ပိ အသင်းသား၊ သက်သာလောနိတ် အသင်းသားများကသူ့ကို ထောက်ပံ့ခဲ့ ကြသည်။
၁၆။ လူမှုပြသနာ ဖြေရှင်းရာ ဖြစ်သည်
လူတိုင်း လူတိုင်း၌ လူမှုပြသနာ များစွာ ရှိကြသည်။ သို့သော် လူသည် ဘုရားသား ဖြစ်လာသောအခါ သူ့ဟာ သူဘုရား သခင်ကို ကိုးစားလာတတ်သည်။ ထိုသို့ ဘုရားကို ကိုးစားလာခြင်းအားဖြင့် ဘုရားသခင်က သူ့ကို ကူညီမ စခြင်းအားဖြင့် လူမှု ပြသနာများ ဖြေရှင်းရာကျသည်။
၁ရ။ ပျောက်ဆုံးဝိညာဉ် ဖမ်းမှသာ ဝိညာဉ် များကို ချစ်နိင်သည်
ပေါလုနှင့် သက်သာလောနိတ် အသင်းသား များသည် မည်မျှချစ်ကြကြောင်း သူ့စာ၌ ဤသို့ တွေ့ရသည်၊ “သင်တို့ကို ချစ် သောကြောင့် နို့ထိန်းသည် မိမိသူငယ်ကို ကျွေးမွေး ပြုစု သကဲ့သို့၊ ငါတို့သည် သင်တို့ကို နှမြော စုံ မက်ခြင်းနှင့်တကွ ၊ ဘုရားသခင်၏ ဧဝံဂေလိတရားကိုမျှ မက၊ ကိုယ်အသက်ကို ပင်ပေးချင်သော စေတနာစိတ်ရှိကြ၏။” (၁ သက် ၂:၈)။ “ညီအစ်ကိုတို့၊ ငါတို့သည် စိတ်နှလုံးအားဖြင့် မဟုတ်၊ ကိုယ်အားဖြင့်သာ သင်တို့နှင့် ခဏကွာသည် ရှိသော်၊ သင်တို့ မျက်နှာကို မြင်ခြင်းငှါ အလွန် လွမ်းသော စိတ်နှင့် သာ၍ ကြိုးစားအား ထုတ်ကြ၏။” (၁ သက် ၂:၁ရ) “ထိုကြောင့် ငါသည် တဖန် မအောင့်နိုင်သောအခါ၊ အာသင်မြို့၌ တယောက် တည်း ကျန်ရစ်၍ နေခြင်းငှါ အလိုရှိ၏။ ၂ ခရစ်တော်၏ ဧဝံဂေလိတရားကို ဟောပြော၍၊ ဘုရားသခင်၏ အမှုတော်ကို လုပ်ဘော်ဆောင််ဘက် ဖြစ်သော ငါ့ညီတိမောသေကို လွှတ်လိုက်၏။” (၁ သက် ၃:၁-၂) “ ယခုမူကား၊ တိမောသေသည် သင်တို့ ထံကပြန်လာ၍၊ သင်တို့၏ ယုံကြည်ခြင်း နှင့် ချစ်ခြင်း တည်သည် ဟူ၍၎င်း၊ ငါတို့သည် သင်တို့ကို လွမ်း သကဲ့သို့ သင်တို့သည် ငါတို့ကို လွမ်း၍၊ အစဉ်မပြတ် ကောင်းမွန်စွာ အောက်မေ့ကြသည် ဟူ၍၎င်း၊ ဝမ်းမြောက်စရာ သိတင်းကို ကြားပြောသည် ရှိသော်၊ ညီအစ်ကိုတို့၊ ငါတို့သည် အရာရာ၌ ဆင်းရဲ၍ ခက်ခဲစွာ ခံရသည်တွင် သင်တို့၏ ယုံကြည်ခြင်းအားဖြင့် သက်သာခြင်းသို့ ရောက်ကြ၏။” (၁ သက် ၃:၆-ရ)
ပေါလုသည် ဖိလိပ္ပိ အသင်းသားများကိုလည်း မည်မျှချစ်သည်ကို ဤသို့ တွေ့ရသည်၊ “ငါသည် သင်တို့ အပေါင်းကို ယေရှုခရစ်၏ မေတ္တာကရုဏာနှင့် အဘယ်မျှလောက်လွမ်းသည်ဟု ဘုရားသခင်သည် ငါ့သက်သေ ဖြစ်တော်မူ၏။” (ဖိလိ ၁:၈) “ငါဝမ်း မြောက်ခြင်း အကြောင်း၊ ငါ့ဦးရစ်သရဖူတည်း ဟူသော၊ ငါချစ်၍ အလွန် လွမ်းသော ညီအစ်ကိုတို့၊ ငါဆိုခဲ့ပြီးသည် အတိုင်း သခင်ဘုရား၌ တည် နေကြလော့၊ ငါ့ချစ်သူတို့။” (ဖိလိ ၄:၁)။
ပျောက်ဆုံးဝိညာဉ် မဖမ်းသောသူများသည် ဝိညာဉ် များကို ချစ်ခြင်း မရှိ၊ တန်ဘိုးလည်း မထား။ ထို့ကြောင့် သူတို့ လခနှင့် အခွင့်အရေးရရှိရေးသာလျှင် စိိတ်ဝင်စား ကြသည်။
၁၈။ ဝိညာဉ် ဆုကျေးဇူးပေးခြင်း၏ ရည်ရွယ်ချက် ဖြစ်သည်
“ဥပမာကား၊ လူတဦးသည် အခြားသော ပြည်သို့ သွားမည်ဟု အကြံရှိလျက်၊ မိမိငယ်သား တို့ကို ခေါ်၍ မိမိဥစ္စာများကို အပ်ပေး၏။ သူတို့သည် အသီးအသီး အစွမ်းသတ္တိ ရှိသည် အတိုင်း၊ တဦး၌ ငွေအခွက် ငါးဆယ်၊ ၁၅ တဦး၌ အခွက် နှစ်ဆယ်၊ တဦး၌ အခွက်တဆယ်ကို အပ်ပေးပြီးမှ ချက်ခြင်း သွားလေ၏။ ၁၆ အခွက်ငါးဆယ်ကို ခံသောသူသည် သွား၍ ကုန်သွယ်ခြင်းကို ပြုသဖြင့် အခြားသော အခွက်ငါးဆယ်ကို အမြတ်ရလေ၏။ ၁၇ ထိုနည်းတူ အခွက်နှစ်ဆယ်ကို ခံသောသူသည်လည်း၊ အခြားသော အခွက်နှစ်ဆယ်ကို အမြတ်ရလေ၏။ ၁၈ အခွက် တဆယ်ကို ခံသောသူမူကား၊ သွား၍ မြေ၌ တွင်း တူပြီးလျှင် အရှင်၏ ငွေကို ဝှက်ထား လေ၏ ၁၉ ကာလ ကြာမြင့်ပြီးမှ ထိုငယ်သား တို့၏ အရှင်သည် လာ၍ သူတို့ကို စာရင်းယူလေ၏။ ၂၀ အခွက် ငါးဆယ်ကို ခံသောသူသည် ချဉ်းကပ်၍၊ အခြားသော အခွက်ငါးဆယ်ကို ဆက်လျက်၊ သခင်၊ ကိုယ်တော်သည် အကျွန်ုပ်၌ အခွက်ငါးဆယ်ကို အပ်ပေးတော်မူ၏။ အခြားသော အခွက်ငါးဆယ်ကို အကျွန်ုပ် အမြတ်ရပါပြီဟု လျှောက်လေ၏။ ၂၁ အရှင်ကလည်း၊ သာဓု၊ သစ္စာ ရှိသော ငယ်သားကောင်း။ သင်သည် အမှုငယ်၌ သစ္စာ စောင့် လေပြီ။ များစွာသောအမှု အခွင့်ကို သင်၌ ငါအပ်ပေးမည်။ သင်၏ သခင်နှင့်အတူ စည်းစိမ်ကို ဝင်စားလော့ဟု မိန့်တော်မူ၏။ ၂၂ အခွက်နှစ်ဆယ်ကို ခံသောသူသည်လည်း ချဉ်းကပ်၍ သခင်၊ ကိုယ်တော်သည် အကျွန်ုပ်၌ အခွက်နှစ်ဆယ်ကို အပ်ပေးတော်မူ၏။ အခြားသော အခွက်နှစ်ဆယ်ကို အကျွန်ုပ်အမြတ်ရပါပြီဟု လျှောက် လေသော်၊ ၂၃ အရှင်က၊ သာဓု သစ္စာရှိသော ငယ်သားကောင်း။ သင်သည် အမှုငယ်၌ သစ္စာ စောင့်လေပြီ။ များစွာသောအမှု အခွင့်ကို သင်၌ ငါအပ်ပေးမည်။ သင်၏ သခင်နှင့်အတူ စည်းစိမ်ကို ဝင်စားလော့ဟု မိန့်တော်မူ၏။
၂၄ အခွက်တဆယ်ကို ခံသောသူသည်လည်း ချဉ်းကပ်၍ သခင်၊ ကိုယ်တော်သည် ခဲယဉ်းသောသူ ဖြစ်သည်နှင့်ကိုယ်မ စိုက် မပျိုးသော အရပ်၌ ရိတ်၍၊ ကိုယ်မဖြန့် မကြဲသော အရပ်၌ စုသိမ်းတတ်သည်ကို အကျွန်ုပ်သိ၍၊ ၂၅ ကြောက်သောကြောင့်၊ အခြားသို့ သွား၍ ကိုယ်တော်၏ ငွေအခွက် တဆယ်ကို မြေ၌ ဝှက်ထားပါပြီ။ ယခုကိုယ်တော်၏ ဥစ္စာရှိပါသည်ဟု လျှောက်၏။ ၂၆ အရှင်ကလည်း၊ ဆိုးညစ် ပျင်းရိသော ငယ်သား၊ ငါသည်ကိုယ် မစိုက်မပျိုးသော အရပ်၌ ရိတ်၍၊ ကိုယ်မဖြန့် မကြဲသော အရပ်၌ စုသိမ်းသည်ကို သင်သိသည် မှန်လျှင်၊ ၂၇ ငါ့ငွေကို ပွဲစားလက်သို့ အပ်ရမည်။ ထိုသို့ အပ်လျှင်၊ ငါပြန်လာသောအခါ ငွေရင်းနှင့် အတိုးကို ရနိုင်၏။ ၂၈ ထိုကြောင့် အခွက်တဆယ်ကို ထိသူ၏ လက်မှနှုတ်ကြ၊ အခွက်တရာရှိသောသူကို ပေးကြ။ ၂၉ အကြောင်းမူကား၊ အကြင်သူသည် ရတတ်၏၊ ထိုသူ၌ ကြွယ်ဝ ပြည့်စုံ စေခြင်းငှါ ပေးဦးမည်။ အကြင်သူသည် ဆင်းရဲ၏၊ ထိုသူ၌ ရှိသမျှကိုပင် နှုတ်လိမ့်မည်။ ၃၀ အသုံးမရသော ထိုငယ်သားကို ငိုကြွေးခြင်း၊ အံသွား ခဲကြိတ်ခြင်းရှိရာ၊ ပြင်အရပ် မှောင်မိုက်ထဲသို့ နှင်ထုတ် ချလိုက်ကြဟု စီရင်တော်မူ၏။” (မ ၂၅:၁၄-၃၀)
“ယေရှုခရစ် တည်း ဟူသော၊ ချလျက် ရှိသော တိုက်မြစ်မှတပါး အခြားသော တိုက်မြစ်ကို အဘယ်သူ မျှမချနိုင်။ ထိုတိုက် မြစ် အပေါ်၌ ရွှေ၊ ငွေ၊ ကျောက်ကောင်း၊ သစ်သား၊ မြက်ပင်၊ ကောက်ရိုးများကို ထပ်ဆင့်၍ တည်ဆောက်သောသူရှိသမျှ၊ ၁၃ အသီးအသီး လုပ်သော အလုပ်သည် ထင်ရှား လိမ့်မည်။ အဘယ်သို့ နည်းဟူမူကား၊ ဘော်ပြချိန် နေ့ရက်သည် မီးအားဖြင့် ထင်ရှားစေလိမ့်မည်။ လူတိုင်း လုပ်သော အလုပ်သည် အဘယ်သို့သော အလုပ် ဖြစ်သည်ကို မီးသည် စစ်အကြောစုံစမ်း လိမ့်မည်။ ၁၄ ထိုတိုက်မြစ် အပေါ်၌ ထပ်ဆင့်၍ တည်ဆောက်သော အကြင်သူ၏ အလုပ်သည် မြဲ၏၊ ထိုသူသည် အကျိုးကို ခံရလိမ့်မည်။ ၁၅ အကြင်သူ၏ အလုပ်သည် ကျွမ်းလောင်၏၊ ထိုသူသည် အရှုံးခံရလိမ့်မည်။ သို့သော်လည်း ၊ မီးနှင့် လွတ် သကဲ့သို့ သူသည် ကယ် တင်ခြင်းသို့ ရောက်လိမ့်မည်။” (၁ ကော ၃:၁၁-၁၅)
၁၉။ ကျန်းမာခြင်း အကြောင်း ဖြစ်သည်
ပျောက်ဆုံးဝိညာဉ် ဖမ်းခြင်းအားဖြင့် ကျန်းမာစေသည်။
၂၀။ လှပစေသည်
“ငြိမ်သက်ခြင်း၏ ဝမ်းမြောက်စရာ သိတင်းကို ကြားပြောသောသူ၊ ကယ်တင်ခြင်း ကောင်းကျိုးချမ်းသာ၏ ဝမ်းမြောက်စရာ သီတင်းကို ကြားပြောသောသူ၊ သင်၏ ဘုရားသခင် စိုးစံတော်မူ၏ဟု ဇိအုန်မြို့အား ပြောသောသူ၏ ခြေတို့သည် တောင်ပေါ်မှာ အလွန် တင့်တယ်လှစွာ တကား၊၊ ” (ဟေရှာယ ၅၂:ရ)
“ငြိမ်သက်ခြင်း၏ ဝမ်းမြောက်စရာ သိတင်း၊ ကောင်းကျိုးချမ်းသာ၏ ဝမ်းမြောက်စရာ သိတင်းကို ကြားပြောသောသူ၏ ခြေတို့သည် အလွန် တင့်တယ်စွတကားဟု လာသတည်း။” (ရော ၁၀:၁၅)
.
ပျောက်ဆုံးဝိညာဉ် ဖမ်းနည်း အမျိုးမျိုး
၁။ တဦးချင်းဖမ်းနည်း
ဤနည်းသည် တဦးချင်း ကယ်တင်ခြင်း အကြောင်းကို ပြောနည်း ဖြစ်သည်။ အိမ်နီးချင်း၊ လုပ်ဘော်ကိုင်ဖက်၊ ကျောင်းနေဘက်သူငယ်ချင်း၊ တွေ့သောသူတိုင်းကို ပြောနိင်သည်။ အိမ်တံခါးများ ကိုလည်း ခေါက်၍ ပြောနိင်သည်။ ခရစ်တော်က တပည့်တော် များကို နှစ်ယောက်တွဲစေလွှတ်ခဲ့ သကဲ့သို့ နှစ်ယောက်တွဲ၍ သွားလျှင် ပို၍ အောင်မြင် နိင်သည်။
၂။ အုပ်စုလိုက်ဖမ်းနည်း
ဤနည်းသည် ညစာစားပွဲများ၊ လူစုဝေးရာတွင် သက်သေခံခြင်း၊ ဝေငှခြင်းဖြင့် ကယ်တင်ခြင်း အကြောင်းကို ပြောနိင်သည်။ လူများ သောကြောင့် အတွေ့အကြုံရှိသူအတွက် ပို၍ သင့်တော်သည်။
၃။ သင်တန်းအားဖြင့် ဖမ်းနည်း
ဆရာ၊ ဆရာမများအတွက် ဖြစ်သည်။ ဆရာ၊ ဆရာမ မဟုတ်သော်လည်း ပြောတတ်ဆိုတတ် သူများလည်း ဤနည်းဖြင့် ကယ်တင်ခြင်းကို ပြောနိင်သည်။ လူစုဘို့ လိုသည်။ ကိုယ်တိုင် ဖြစ်စေ၊ သူတပါးကဖြစ်စေ လူစု၍ သင်ပြနိင်သည်။ ဤနည်းသည် တဦးချင်းပြောခြင်းထက် အောင်မြင် နိင်သည်။
၄။ စာပေအားဖြင့် ဖမ်းနည်း
စာအုပ်၊ ဝေစာ၊ မဂ္ဂဇင်းများကို ဝေငှခြင်း၊ ရောင်းခြင်းဖြင့် သတင်းကောင်းကို ဖြန့်နိင်သည်။ စာပေသည် လူ့မျက်နှာကို မထောက်၊ သမ္မာတရားကို အရှိအတိုင်း ပြောနိင်သောကြောင့် အလွန် ထိရောက်သည်။ ဘဝင်မြင့်သောသူများ၊ လူကြီးများလည်း စာအုပ်၊ မဂ္ဂဇင်းများကို ပေးလိုက်ပါက သူတို့ အဆင်ပြေသော နေရာ၌ ဖတ်ခြင်းဖြင့် ပြောင်းလဲနိင်သည်။
၅။ ဖုံးခေါ်ခြင်းအားဖြင့်
ဖုံးအားဖြင့်လည်း သာသနာ ပြုနိင်သည်။ ဖုံးအားဖြင့် သက်သေခံသောအခါ ကား စီးစရာ မလိုသောကြောင့် အချိန်နှင့် ကုန် ကျစရိတ်သက်သာသည်။ တယောက် မအားလျှင် ချက်ချင်း အခြားတယောက်ကို ခေါ်နိင်သောကြောင့်အချိန် မကုန်ဘဲ ထိ ရောက် နိင်သည်။ ယခုအခါ တပြည် လုံးခေါ်နိင်သော ဖုံးများများပြားလာသောကြောင့် အလွန် အဆင်ပြေသည်။ ဖုံးအားဖြင့် သက်သေခံခြင်းသည် လူချင်းမတွေ့သောကြောင့်အား ဏာစရာလည်း နည်းသွားသည်။
၆။ ဒီဗီဒီ၊ စီဒီအားဖြင့်
ဒီဗီဒီ၊ စီဒီအားဖြင့်လည်း ပျောက်ဆုံးဝိညာဉ် များကို ဖမ်းနိင်သည်။ ကိုယ်တိုင် မပြောနိင်သော်လည်း တရားဟောဆရာများဟောပြောထားသော အရာများကို ဒီဗီဒီ၊ စီဒီအားဖြင့် ဖြန့်ဝေနိင်သည်။ ဒီဗီဒီ၊ စီဒီ များလည်း လူ့မျက်နှာကို မထောက်မတိုးမ လျှော့ဘဲ ဟောပြောနိင်သောကြောင့် အလွန် ကောင်းသည်။
ရ။ အင်တာနက်အားဖြင့်
အင်တာနက်အားဖြင့် ထိရောက်စွာ သက်သေခံနိင်သည်။ Email, Facebook အားဖြင့် မိတ်ဆွေ များစွာကိုအချိန် အနည်းငယ်အတွင်း၌ သတင်းကောင်းကို ဖြန့်နိင်သည်။
.
မည်ကဲ့သို့ ပျောက်ဆုံးဝိညာဉ် ဖမ်းမည်နည်း
၁။ ပဌမဦးဆုံး ဆုတောင်းရမည်
ဆုတောင်းဘို့ လိုသည်။ ရှင်ပေါလုက၊ “ညီအစ်ကိုတို့၊ သခင်ဘုရား၏ နှုတ်ကပတ်တရားသည် သင်တို့တွင် နှံ့ပြား၍ ဘုန်း ထင်ရှားခြင်းရှိသကဲ့သို့၊ အရပ်ရပ်တို့၌ ထင်ရှားမည်အကြောင်း နှင့်၊ အကျိုးအကြောင်းကို မသိမမှတ်၊ ဆိုးညစ်သောသူတို့ လက်မှ ငါတို့ကို ကယ်လွှတ်တော်မူ မည်အကြောင်း၊ ငါတို့အဘို့ ဆုတောင်း ကြလော့။” (၂ သက် ၃:၁-၂) ဟုဆိုခဲ့သည်။
“ငါသည် ဧဝံဂေလိတရားကြောင့် သံကြိုးနှင့် ချည်နှောင်ခြင်းကို ခံလျက်၊ သံတမန် အမှုကို ပြုရသည် ဖြစ်၍၊ ထိုတရား၏ နက်နဲသောအရာကို ဘော်ပြခြင်းငှါ ငါသည် နှုတ်ကို ရဲရင့်စွာ ဖွင့်လှစ်ခြင်း အခွင့် ရှိမည်အကြောင်းကို၎င်း၊ ထိုတရားကို ဟောပြော အပ်သည်နှင့် အညီ၊ ရဲရင့်စွာ ဟောပြောမည်အကြောင်းကို၎င်း၊ ငါ့အဘို့လည်း ဆုတောင်း ကြလော့။” (ဧဖက် ၆:၁၉-၂၀)
“ဆုတောင်း ပဌနာပြုခြင်း အမှုကို အမြဲပြု၍၊ ကျေးဇူးတော်ကို ချီးမွမ်းလျက် စောင့်ရှောက်ကြလော့။ ငါသည် ခရစ်တော်၏ နက်နဲသောအရာ ကြောင့် အချည်အနှောင်ခံရသည် ဖြစ်၍၊ ၄ ထိုနက်နဲသောအရာကို ဟောပြောခြင်းငှါ၊ ဘုရားသခင်သည် တရား ဟောရာတံခါးကို ငါတို့အား ဖွင့်တော်မူ မည်အကြောင်းကို၎င်း၊ ထိုနက်နဲသောအရာကို ဟောပြောအပ်သည်နှင့် အညီငါဘော်ပြမည် အကြောင်းကို၎င်း၊ ငါတို့အဘို့လည်း ဆုတောင်း ကြလော့။” (ကော ၄:၂-၄)
“ထိုမြို့သို့ ရောက်ပြီးလျှင် သင်းဝင်သူတို့ကို စုဝေးစေ၍၊ မိမိတို့အားဖြင့် ဘုရားသခင်သည် ပြုတော်မူသမျှတို့ကို၎င်း၊ ယုံကြည်ခြင်း တံခါးကို တပါးအမျိုးသားတို့အား ဖွင့်တော်မူကြောင်းကို၎င်းပြန်ကြားကြ၏။” (တ ၁၄:၂ရ)
၂။ ပြင်ဆင် ရမည်
ပျောက်ဆုံးဝိညာဉ် ဖမ်းဘို့ရန် ပြင်ဆင် ရမည်။ “နှုတ်ကပတ်တရားတော်ကို ဟောပြောလော့။အချိန် ရှိသည် ဖြစ်စေ၊ မရှိသည် ဖြစ်စေ၊ ကြိုးစားအား ထုတ်လော့။ အပြစ်ကို ဘော်ပြလော့။ ဆုံးမခြင်းကို ပြုလော့။ အလွန် ရှည်သော စိတ်နှင့် ဩဝါဒမျိုးကို ပေး၍ တိုက်တွန်းသွေးဆောင်လော့။” (၂ တိ ၄:၂)။ “ငြိမ်သက်ခြင်းနှင့် ယှဉ်သော ဧဝံဂေလိတရားကို ဟောပြောအံ့သောငှါ ပြင်ဆင်သော အဖြစ် တည်းဟူသော ခြေစွပ်ကို စွပ်လျက် ခံရပ်ကြလော့။” (ဧဖက် ၆:၁၅)။
၃။ သွားရမည်
ပျောက်ဆုံးဝိညာဉ် များသည်ကိုယ့်အိမ်၌ ရှိသည် မဟုတ်။ သူတို့ ရှိရာသို့ သွားရမည်။ ပျင်း၍ မရ။ ခရစ်တော်က၊ “သင်တို့ သွား၍ လူမျိုးတကာတို့ကို ငါ့တပည့် ဖြစ်စေလျက်၊ ခမည်းတော်၊ သားတော်၊ သန့်ရှင်းသော ဝိညာဉ်တော်၏ နာမ၌ ဗတ္တိဇံကို ပေးကြလော့။” ဟုဆိုသည် (မ ၂၈:၁၉)။ အဘယ်သူသည် အမဲလိုက်သောအခါ ကိုယ်အိမ်မှလိုက်သနည်း။သား ကောင်ရှိရာ တောသို့ သွားသည် မဟုတ်လော။ တံငါသည် များလည်း ငါးရှိရာသို့ သွားသည် မဟုတ်လော။
၄။ ယုံကြည် စိတ်ချရမည်
ပျောက်ဆုံးဝိညာဉ် ဖမ်းခြင်းသည် လူ၏ အကြံအစည် မဟုတ်၊ ဘုရားသခင်၏ အကြံအစည် ဖြစ်သည်။ ထိုကြောင့် စိုးရိမ်စရာ မလိုချေ။
“အကြောင်းမူကား၊ ထိုခဏခြင်းတွင် အဘယ်သို့ ပြောရမည်ကို သန့်ရှင်းသော ဝိညာဉ်တော်သည် အကြံပေးမည်ဟု မိန့်တော်မူ၏။” (လု ၁၂:၁၂)
“ထိုသူ အပေါင်းတို့သည်လည်း သန့်ရှင်းသော ဝိညာဉ်တော်နှင့် ပြည့်၍၊ ဝိညာဉ်တော်သည် ဟောပြောသော အခွင့်ကို ပေးတော်မူသည် အတိုင်း အမျိုးမျိုးသော ဘာသာစကားအားဖြင့် ဟောပြောကြ၏။” (တ ၂:၄)
“ထိုအခါ ပေတရုသည် သန့်ရှင်းသော ဝိညာဉ်တော်နှင့် ပြည့်လျက်၊ လူများကို အစိုးရသော မင်းတို့နှင့် ဣသရေလ အမျိုးအကြီး အကဲတို့၊ (တ ၄:၈) ထိုသူတို့သည် ပေတရုနှင့် ယောဟန်တို့၏ ရဲရင့်ခြင်း သတ္တိကို မြင်၍၊ လူတတ် မဟုတ်၊ လူသာ မညသာ ဖြစ်သည်ကို သိမှတ်သဖြင့် အံံ့ဩ၍ နေကြ၏၊ ” (တ ၄:၁၃)
“ထိုအခါ ပေါလုဟု အမည်တွင်သော ရှောလုသည် သန့်ရှင်းသော ဝိညာဉ်တော်နှင့် ပြည့်သဖြင့်၊ ထိုနတ်ဝိဇ္ဇာအတတ်သမားကို စေ့စေ့ကြည့်ရှုလျက်၊ ” (တ ၁၃:၉)
၅။ ဝိညာဉ်တော် ဦးဆောင်သည့်အတိုင်း လုပ်ရမည်
အမှန်မှာ ဘုရားသခင်သည် သူကိုယ်တိုင် ကယ်တင်ခြင်း အကြောင်းကို ပြောနိင်သည်။ သို့သော် ယုံကြည်သူကို ဝမ်းမြောက် စေ၍၊ ဆုပေးချင် သောကြောင့် ပြောခိုင်းခြင်း ဖြစ်သည်။ ဘုရားသခင်သည် ဝိညာဉ် ဖြစ်သောကြောင့် မိတ်ဆွေ၏ ကိုယ်ခန္ဓာကို အသုံးပြုခြင်း ဖြစ်သည်။ သူကိုယ်တိုင်ပြောပါလိမ့်မည်။ မိတ်ဆွေ အနေဖြင့် ကိုယ်ခန္ဓာကို အသုံးပြုခွင့် ပေးဘို့ရန်သာ ဖြစ်သည်။ သူပေးထားသော ကိုယ်ခန္ဓာ၊ သူကိုယ်တိုင်ကျွေးမွေး ပြုစုကွယ်ကာ၍ ကျန်းမာစေသော ကိုယ်ခန္ဓာကို အဘယ်ကြောင့်မိတ် အသုံးပြုခွင့် မပေးသနည်း။ သူ ဦးဆောင်သည့်အတိုင်း အသုံးတော် ခံပါ။ တိရစ္ဆာန်များ ပင်လျှင် ဘုရား အသုံးပြုသလို အသုံးတော် ခံကြသည် မဟုတ်လော။
.
အပိုင်း (၂) အမှုတော်ဆောင်တိုင်း ဝိညာဉ် သားသမီး များပြုစုရမည်
အဘယ်ကြောင့် ဝိညာဉ် သားသမီး များပြုစုဘို့ လိုသနည်း။ ဝိညာဉ် သားသမီး မပြုစုခြင်းသည် ခလေးရရှိသော်လည်း မပြုစုဘဲ ပစ်ထားခြင်းနှင့် တူသည်။ ယနေ့ အမှုတော်ဆောင်များ ဝိညာဉ် သားသမီးများကို မပြုစုသောကြောင့် ဝိညာဉ် သားသမီး များသည် မကြီးထွားဘဲ ခလေး ဖြစ်နေကြသည်။ ဝိညာဉ်ပိုင်း ခလေး ဖြစ်သောကြောင့် အလုပ်မလုပ်နိင်ဘဲ ပြသနာများစေသည်။ ဝိညာဉ်ပိုင်း ခလေးများဖြစ်သောကြောင့် အသင်းတော် အတွင်း၌လည်း မလိုလားအပ်သော ပြသနာ များစွာ ပေါ်ပေါက်ကာ အသင်းတော်များကွဲရသည်။ အမှုတော်ဆောင်ကိုယ်တိုင် ခလေး ဖြစ်ပါက မည်သို့မျှ ဝိညာဉ် သားသမီးများကို ကြည့်ရှုပြုစု တတ်မည်မဟုတ်။ ဝိညာဉ် သားသမီး များပြုစုခြင်းသည် သခင်ဘုရား၏ အလိုတော် ဖြစ်သည်။
၁။ တာဝန် ဖြစ်သည်
“နံနက်စာကို စားကြသည် နောက်၊ ယေရှုက၊ ယောန၏သားရှိမုန်၊ ဤသူတို့သည် ငါ့ကို ချစ်သည်ထက် သင်သည် သာ၍ ချစ်သလောဟု ရှိမုန်ပေတရုအား မိန့်တော်မူလျှင်၊ ဟုတ်ပါ၏ သခင်။ ကိုယ်တော်ကို အကျွန်ုပ်ချစ်သည်ကို ကိုယ်တော် သိတော်မူ၏ဟု လျှောက်သော်၊ ငါ၏ သိုးသငယ် တို့ကို ကျွေးမွေးလော့ဟု မိန့်တော်မူ၏။ ၁၆ တဖန် ယေရှုက၊ ယောန၏သားရှိမုန်၊ သင်သည် ငါ့ကို ချစ်သလောဟု ဒုတိယအကြိမ် မေးတော်မူလျှင်၊ ဟုတ်ပါ၏ သခင်၊ ကိုယ်တော်ကို အကျွန်ုပ်ချစ်သည်ကို ကိုယ်တော် သိတော်မူ၏ဟု လျှောက်သော်၊ ငါ၏ သိုးတို့ကို ထိမ်းလော့ဟု မိန့်တော်မူ၏။ ၁၇ ယေရှုကလည်း ယောန၏သားရှိမုန်၊ သင်သည် ငါ့ကို ချစ်သလောဟု တတိယအကြိမ်မေးတော်မူလျှင်၊ သင်သည် ငါ့ကို ချစ်သလောဟု သုံးကြိမ်မြောက်အောင် မေးတော်မူသောကြောင့် ပေတရုသည် စိတ်နာသဖြင့်၊ သခင်၊ ကိုယ်တော်သည် ခပ်သိမ်းသောအရာ တို့ကို သိတော်မူ၏။ ကိုယ်တော်ကို ကျွန်ုပ်ချစ်သည်ကို ကိုယ်တော် သိတော်မူ၏ဟု လျှောက်သော်၊ ယေရှုက၊ ငါ၏ သိုးတို့ကို ကျွေးမွေးလော့။” (ယော ၂၁:၁၅-၁ရ) ဟုဆိုခဲ့သည်။
သခင်ယေရှု ကပေတရုထံ အထက်ပါ ကဲ့သို့ သိုးများ ကျွေးမွေးဘို့ ထိမ်းသိမ်းဘို့ရန် မှာထားခဲ့သည်။ ထို့ကြောင့် ပေတရုကလည်း သိုးထိန်းများ ထံဤသို့ စာရေးခဲ့သည်၊ “သင်းအုပ်အရာ၌၎င်း၊ ခရစ်တော်၏ ဆင်းရဲ ဒုက္ခ ဝေဒနာကို သိမြင်သော သက် သေအရာ၌ ၎င်းခန့်ထားသောသူ၊ ထင်ရှားစေတော်မူ လတံ့သော ဘုန်းအသရေတော်ကို ဆက်ဆံသောသူ ဖြစ်သော ငါပေတရုသည်၊ သင်တို့တွင် ရှိသော သင်းအုပ်ချင်းတို့ကို တောင်းပန်ပါ၏။ ၂ သင်တို့နှင့်အတူ ရှိသော ဘုရားသခင်၏ သိုးတော်စုကို ထိန်းခြင်း အမှုမှာ၊ အနိုင်ထိန်းရသောကြောင့် မဟုတ်၊ မစင်ကြယ်သော စီးပွားကို တပ်မက်သောကြောင့် မဟုတ်ဘဲ၊ အလိုလိုစေ တနာစိတ်ရှိ၍ ကြည့်ရှုအုပ်ထိန်း ကြလော့။ ၃ အသီးအ သီး အုပ်သော အသင်းတော် တို့ကို အာဏာထား၍ အစိုးတရ ပြုသည် မဟုတ်ဘဲ၊ သိုးတော်စုရှေ့မှာ ပုံသက် သေကို ပြသောသူ ဖြစ်ကြလော့။ ၄ သို့ဖြစ်လျှင်၊ သိုးထိန်းအကြီး ပေါ်ထွန်းတော်မူသောအခါ၊ သင်တို့သည် မညှိုး မနွမ်းတတ်သော ဘုန်းကြီးသော ပန်းဦးရစ်သရဖူကို ခံရကြလိမ့်မည်။” (၁ ပေ ၅:၁-၄)ဟု ရေးခဲ့သည်။
ရှင်ပေါလုကလည်း ဧဖက် အသင်းတော်၏ သင်းအုပ်များ ထံဤသို့ မှာခဲ့သည်၊ “သင်တို့သည်ကိုယ်ကို သတိနှင့် ကြည့်ရှုကြလော့။ ဘုရားသခင်သည် မိမိအသွေးနှင့် ဝယ်တော်မူသော အသင်းတော်ကို လုပ်ကျွေးစေခြင်းငှါ၊ သန့်ရှင်းသော ဝိညာဉ်တော်သည် သင်တို့ကို အအုပ်အချုပ် ခန့်ထားတော်မူသော သိုးစုတစုလုံးကိုလည်း သတိနှင့် ကြည့်ရှုကြလော့။ ၂၉ အကြောင်းမူကား၊ ငါမရှိသည် နောက်၊ ကြမ်းတမ်းသော တောခွေးတို့သည် သိုးများကို မသနားဘဲ သင်တို့ အထဲသို့ ဝင်မည်ကို၎င်း၊ ၃၀ တပည့်တော် များကို သွေးဆောင်ခြင်းငှါ၊ မှားသော စကားကို ပြော တတ်သော လူတို့သည် သင်တို့ အထဲ၌လည်း ပေါ်လာမည်ကို၎င်း ငါသိ၏။ ၃၁ ထိုကြောင့် စောင့်ရှောက်၍ နေကြလော့။ ငါသည် သုံးနှစ်ပတ်လုံးနေ့ညမပြတ် လူအပေါင်းတို့ကို မျက်ရည်နှင့်တကွ ဆုံး မ၍ နေကြောင်းကို အောက် မေ့ကြလော့။” (တ ၂၀:၂၈-၃၁)။
ပေါလုကတိမောသေနှင့် တိတုထံရေးသော စာများ ကိုလည်း လေ့လာဘို့ လိုသည်။ ထိုစာများသည် သင်းအုပ်အလုပ်ကို ရေးထားသော စာများ ဖြစ်သည်။
၂။ ဝိညာဉ် သားသမီး ကြီးထွားရင့်ကျက်ဘို့ လိုသည်
“ခရစ်တော်၏ကိုယ်တော်ကို တည်ဆောက်၍၊ ဓမ္မဆရာ၏ အမှုကို ပြုတတ်မည်အကြောင်း၊ ၁၂ သန့်ရှင်းသူတို့ကို ပြင်ဆင်ခြင်း အလိုငှါ၊ ထိုသခင်သည် လူအချို့တို့ကို တမန်တော် အရာ၌၎င်း၊ အချို့တို့ကို ပရောဖက် အရာ၌၎င်း၊ အချို့တို့ကို သာသနာပြုအရာ၌၎င်း၊ အချို့တို့ကို သင်းအုပ်အရာ၊ ဆရာအရာ၌၎င်း၊ ခန့်ထားတော်မူ၏။ ၁၃ ငါတို့ ရှိသမျှသည် ယုံကြည်ခြင်း သို့၎င်း၊ ဘုရားသခင်၏ သားတော်ကို သိကျွမ်းခြင်းသို့၎င်း၊ တညီတညွတ် တည်းရောက်၍ ခရစ်တော်၏ ပြည့်စုံခြင်း ပမာဏအရပ် တည်းဟူသော ကြီးရင့်သော လူ၏ အဖြစ်သို့ ရောက်ကြသည် တိုင်အောင် ဖြစ်သတည်း။ ၁၄ အကြောင်းမူကား၊ သူတပါးတို့သည် လူပရိယာယ်နှင့် အပြစ်သို့ သွေးဆောင်ခြင်းငှါ လှည့်ဖြား ပြောဆို သဖြင့်၊ ငါတို့သည် နောက်တဖန် ခပ်သိမ်းသော ဩဝါဒလေတိုက်၍ ဖရိုဖရဲ လွင့်သွားသောသူငယ်မ ဖြစ်ဘဲလျက်၊ ၁၅ မေတ္တာစိတ်နှင့် သမ္မာတရားကို ဟောပြောသဖြင့်၊ ဦးခေါင်း တည်းဟူသော ခရစ်တော်မှာ အရာရာ တို့၌ ကြီးပွား ကြမည်အကြောင်း တည်း။ ၁၆ ထိုဦးခေါင်းမှ၊ အဆစ်အပိုင်းများ တို့သည်အား ဖြည့်သဖြင့်၊ တကိုယ်လုံးသည် စေ့စပ်ထုံးဖွဲ့လျက်၊ အသီးအသီး အင်္ဂါများကိုယ်ငန်းကိုယ်တာအတိုင်း ပြုပြင်သည်နှင့် အညီ၊ မိမိကိုယ်ကို မေတ္တာ၌ တည် ဆောက်ခြင်းငှါကြီး ပွားစေတတ်၏။” (ဧဖက် ၄:၁၁-၁၆)။
သခင်ဘုရားကအမှုတော်ဆောင်များ ခန့်ထားခြင်းသည် ယုံကြည်သူများကို ပြုစပျိုးထောင်ဘို့ရန် ဖြစ်သည်။ ထို့ကြောင့် ဝိညာဉ် သားသမီးများကို မပြုစုမပျိုးထောင်လျှင် တာဝန် မကျေချေ။
“ထိုကြောင့် ၊ သင်တို့သည် သခင်ဘုရား၏ ကျေးဇူးတော်ကို မြည်းစမ်း ကြသည် ဖြစ်၍ အမျိုးမျိုးသော မနာလိုခြင်း၊ လှည့် ဖြားခြင်း၊ လျှို့ဝှက်ခြင်း၊ ငြူစူခြင်း၊ ကဲ့ရဲ့ခြင်းရှိသမျှကို ပယ်ရှား၍၊ ကယ်တင်ခြင်း အလိုငှါ နှုတ်ကပတ် တရား၏ နို့စစ်အားဖြင့် ကြီးပွားမည်အကြောင်း ဘွားစသောသူငယ်ကဲ့သို့၊ ထိုတရားနို့ကို အလွန် လိုချင်သော စိတ် ရှိကြလော့။” (၁ ပေ ၂:၁-၂)
“ထိုကြောင့် ၊ သေခြင်းနှင့် စပ်ဆိုင်သော အကျင့်ကို နောင်တရခြင်း၊ ဘုရားသခင်ကို ယုံကြည်ခြင်း၊ ဗတ္တိဇံ တရားကို သွန်သင်ခြင်း၊ လက်ကို တင်ခြင်း၊ သေလွန်သောသူတို့၏ ထမြောက် ခြင်း၊ ထာဝရ စီရင်ဆုံးဖြတ်ခြင်း တည်းဟူသော မူလ အမြစ်ကို ငါတို့သည် ပြန်၍ မတည်ဘဲ၊ ခရစ်တော်၏ ဘာသာ၌ အစအဦး ဖြစ်သော အကြောင်း အရာ တို့ကို ထား၍၊ စုံလင်သော အဖြစ်သို့ တက်ကြကုန်အံ့။ ၃ ဘုရားသခင် အခွင့် ပေးတော်မူလျှင်၊ ငါတို့သည် ထိုသို့ ပြုကြမည်။” (ဟေ ၆:၁-၃)။
၃။ မကြီးထွားမရင့်ကျက်ခြင်း၏ ပြသနာများ
“ညီအစ်ကိုတို့၊ အထက်ကငါသည် ဝိညာဉ်လူတို့အား ဟောပြော သကဲ့သို့ သင်တို့အား ဟောပြောရသော အခွင့်မရှိဘဲ၊ ဇာတိပကတိ လူတို့ အား၎င်း၊ ခရစ်တော်၌ သူငယ်ကလေးတို့ အား၎င်း၊ ဟောပြော သကဲ့သို့ ဟောပြောရ၏။ ၂ ယခုတိုင်အောင် သင်တို့သည် ခဲဘွယ်စားဘွယ်ကို မကြေနိုင်သောကြောင့် ငါမကျွေးရ။ နို့ကိုသာ တိုက် ရ၏။ ယခုပင်လည်း၊ သင်တို့သည် မကြေနိုင် ကြသေး။ ၃ ယခုပင်လည်း၊ ဇာတိပကတိ လူဖြစ်ကြသေး၏။ ဂုဏ်ပြိုင်ခြင်း၊ ရန်တွေ့ခြင်း၊ အချင်းချင်းကွဲပြားခြင်းရှိသည် ဖြစ်၍၊ သင်တို့သည် ဇာတိပကတိ လူဖြစ်ကြသည် မဟုတ်လော။ လောကီထုံးစံအတိုင်း ကျင့်ဆောင်ကြသည် မဟုတ်လော။ ၄။ တယောက်က၊ ငါသည် ပေါလုတပည့် ဖြစ်၏ ဟူ၍၎င်း၊ တယောက်က၊ ငါသည် အာပေါလုတပည့် ဖြစ်၏ ဟူ၍၎င်း၊ အသီးအသီး ပြောကြလျှင်၊ ဇာတိပကတိ လူဖြစ်ကြသည် မဟုတ်လော။” (၁ ကော ၃:၁-၄)
“ထိုမေလခိဇေဒက်၏ အကြောင်းကို ငါတို့ ပြောစရာ စကား အများရှိ၏။ သို့သော်လည်း ၊ သင်တို့သည် ဥာဏ်နုန့် သောကြောင့် အပြောခက်လှ၏။ ၁၂ သင်တို့သည် ကာလ ကြာသောကြောင့် ဆရာအဖြစ်သို့ ရောက်သင့်သော်လည်း ၊ ဘုရားသခင်၏ ဗျာဒိတ်တော်၌ ရှေ့ဦးစွာ သင်ရသော တရားနုတို့ကို သူတပါးထံ၌ တဖန် သင်ရသော အကြောင်းရှိသည် ဖြစ်၍၊ ကြေခဲသော အစာကို မသုံးဆောင်၊ နို့ကိုသာ သုံးဆောင်ရသောသူ ဖြစ်ကြ၏။ ၁၃ နို့ကိုသာ သုံးဆောင်သောသူ မည်သည်ကား၊ သူငယ် ဖြစ်သောကြောင့် ဖြောင့်မတ်ခြင်း တရား၌ လေ့လာခြင်း မရှိ။ ၁၄ ကောင်းကျိုး မကောင်းကျိုးကို ပိုင်းခြား၍ သိနိုင်သော ဥာဏ်ပေးတတ်သော၊ အကြား အမြင် အတွေ့အစမ်းများ သော သူတည်းဟူသော ၊ စုံလင်သော အရွယ်ရှိသောသူတို့ မူကား၊ ကြေခဲသော အစာအာဟာရကို သုံးဆောင်ရကြ၏။” (ဟေ ၅:၁၁-၁၄)
၄။ ကြီးထွားရင့်ကျက်ခြင်း၏ အကျိုးများ
“ခရစ်တော်၏ကိုယ်တော်ကို တည်ဆောက်၍၊ ဓမ္မဆရာ၏ အမှုကို ပြုတတ်မည်အကြောင်း၊ ၁၂ သန့်ရှင်းသူတို့ကို ပြင်ဆင်ခြင်း အလိုငှါ၊ ထိုသခင်သည် လူအချို့တို့ကို တမန်တော် အရာ၌၎င်း၊ အချို့တို့ကို ပရောဖက် အရာ၌၎င်း၊ အချို့တို့ကို သာသနာပြုအရာ၌၎င်း၊ အချို့တို့ကို သင်းအုပ်အရာ၊ ဆရာအရာ၌၎င်း၊ ခန့်ထားတော်မူ၏။ ၁၃ ငါတို့ ရှိသမျှသည် ယုံကြည်ခြင်း သို့၎င်း၊ ဘုရားသခင်၏ သားတော်ကို သိကျွမ်းခြင်းသို့၎င်း၊ တညီ တညွတ်တည်းရောက်၍ ခရစ်တော်၏ ပြည့်စုံခြင်း ပမာဏအရပ် တည်းဟူသော ကြီးရင့်သော လူ၏ အဖြစ်သို့ ရောက်ကြသည် တိုင်အောင် ဖြစ်သတည်း။ ၁၄ အကြောင်းမူကား၊ သူတပါးတို့သည် လူပရိယာယ်နှင့် အပြစ်သို့ သွေးဆောင်ခြင်းငှါ လှည့်ဖြားပြောဆိုသဖြင့်၊ ငါတို့သည် နောက်တဖန် ခပ်သိမ်းသော ဩဝါဒလေတိုက်၍ ဖရိုဖရဲလွင့်သွားသောသူငယ်မ ဖြစ်ဘဲလျက်၊ ၁၅ မေတ္တာစိတ်နှင့် သမ္မာတရားကို ဟောပြော သဖြင့်၊ ဦးခေါင်း တည်းဟူသော ခရစ်တော်မှာ အရာရာ တို့၌ ကြီးပွား ကြမည်အကြောင်း တည်း။” (ဧဖက် ၄:၁၁-၁၅)
“ငါသည် သူငယ် ဖြစ်စဉ်အခါ၊ သူငယ်လို စကား ပြော၏။ သူငယ်လိုစိတ်ထင်၏။ သူငယ်လိုကြံစည်၏။ အသက် ကြီးသောအခါ မူကား၊ သူငယ်၏ အရာများကို ငါပယ်ရှား၏။” (၁ ကော ၁၃:၁၁)
.
မည်ကဲ့သို့ ကျွေးမွေး ပြုစုရမည်နည်း
၁။ စီးပွားဘို့ မဟုတ်၊ အာဏာ မဟုတ်
“သင်းအုပ်အရာ၌၎င်း၊ ခရစ်တော်၏ ဆင်းရဲ ဒုက္ခ ဝေဒနာကို သိမြင်သော သက်သေအရာ၌၎င်း ခန့်ထား သောသူ၊ ထင်ရှားစေတော်မူ လတံ့သော ဘုန်းအသရေတော်ကို ဆက်ဆံသောသူ ဖြစ်သော ငါပေတရုသည်၊ သင်တို့တွင် ရှိသော သင်းအုပ်ချင်းတို့ကို တောင်းပန်ပါ၏။ ၂ သင်တို့နှင့်အတူ ရှိသော ဘုရားသခင်၏ သိုးတော်စုကို ထိန်းခြင်း အမှုမှာ၊ အနိုင်ထိန်းရသောကြောင့် မဟုတ်၊ မစင်ကြယ်သော စီးပွားကို တပ်မက်သောကြောင့် မဟုတ်ဘဲ၊ အလိုလို စေတနာစိတ် ရှိ၍ ကြည့်ရှုအုပ်ထိန်းကြလော့။ ၃ အသီးအသီး အုပ်သော အသင်းတော် တို့ကို အာဏာထား၍ အစိုးတရပြုသည် မဟုတ်ဘဲ၊ သိုးတော်စုရှေ့မှာ ပုံသက်သေကို ပြသောသူ ဖြစ်ကြလော့။ ၄ သို့ဖြစ်လျှင်၊ သိုးထိန်းအကြီး ပေါ်ထွန်းတော်မူသောအခါ၊ သင်တို့သည် မညှိုးမနွမ်းတတ်သော ဘုန်းကြီးသော ပန်းဦးရစ်သရဖူကို ခံရကြလိမ့်မည်။” (၁ ပေ ၅:၁-၄)
“သင်တို့သည်ကိုယ်ကို သတိနှင့် ကြည့်ရှုကြလော့။ ဘုရားသခင်သည် မိမိအသွေးနှင့် ဝယ်တော်မူသော အသင်းတော်ကို လုပ်ကျွေးစေခြင်းငှါ၊ သန့်ရှင်းသော ဝိညာဉ်တော်သည် သင်တို့ကို အအုပ်အချုပ် ခန့်ထားတော်မူသော သိုးစုတစုလုံး ကိုလည်း သတိနှင့် ကြည့်ရှုကြလော့။ ၂၉ အကြောင်းမူကား၊ ငါမရှိသည် နောက်၊ ကြမ်း တမ်းသော တောခွေးတို့သည် သိုးများကို မသနားဘဲ သင်တို့ အထဲသို့ ဝင်မည်ကို၎င်း၊ ၃၀ တပည့်တော် များကို သွေးဆောင်ခြင်းငှါ၊ မှားသော စကားကို ပြောတတ်သော လူတို့သည် သင်တို့ အထဲ၌လည်း ပေါ်လာမည်ကို၎င်း ငါသိ၏။ ၃၁ ထိုကြောင့် စောင့်ရှောက်၍ နေကြလော့။ ငါသည် သုံးနှစ်ပတ်လုံး နေ့ညမပြတ် လူအပေါင်းတို့ကို မျက်ရည်နှင့်တကွ ဆုံးမ၍ နေကြောင်းကို အောက်မေ့ကြလော့။” (တမန် ၂၀:၂၈-၃၁)
၂။ ဝိညာဉ် အစာစားတတ်ရန်သင်ပေးရမည်
ကျမ်းစာသည် ဝိညာဉ် အစာ ဖြစ်သည်။ “သင်တို့သည် သခင်ဘုရား၏ ကျေးဇူးတော်ကို မြည်းစမ်း ကြသည် ဖြစ်၍ အမျိုးမျိုးသော မနာလိုခြင်း၊ လှည့်ဖြားခြင်း၊ လျှို့ဝှက်ခြင်း၊ ငြူစူခြင်း၊ ကဲ့ရဲ့ခြင်းရှိသမျှကို ပယ်ရှား၍၊ ကယ်တင်ခြင်း အလိုငှါ နှုတ်ကပတ် တရား၏ နို့စစ်အားဖြင့်ကြီး ပွားမည်အကြောင်း ဘွားစသောသူငယ်ကဲ့သို့၊ ထိုတရားနို့ကို အလွန် လိုချင်သော စိတ်ရှိကြလော့။” (၁ ပေ ၂:၁-၃)။
ယုံကြည်သူများသည် ကျမ်းစာဖတ်ခိုင်းရုံဖြင့် မဖတ်ကြပါ။ ဆရာ၊ မများကိုယ်တိုင်သူတို့နှင့်အတူ ဖတ်၍ အဓိပ္ပါယ်များရှင်းပေးဘို့ လိုသည်။ ခလေး လေးများ အစာမစားတတ်သောကြောင့် ခွံ့ကျွေး သကဲ့သို့ ဝိညာဉ် ခလေး များကို ခွံ့ကျွေးဘို့ လိုသည်။
ကျမ်းစာဖတ်သောအခါ ကျမ်းစာ တအုပ်တည်း မဟုတ်ဘဲ၊ မှတ်စုစာအုပ်၊ ကျမ်းညွှန်းစာအုပ်၊ အင်္လိပ် ကျမ်းစာအုပ်၊ များပါဘို့ လိုသည်။ ကျမ်းညွှန်းစာအုပ် အသုံးပြုခြင်းဖြင့် အကျိုးရှိသည်။
ကျမ်းစာဖတ်သောအခါ အစပဌမ၌ အခန်းလိုက်ဖတ်သွားရမည်။ ဖတ်စဉ်တွင် အရေးကြီးသော အချက်များကို မျဉ်းတား ထားရမည်။ ဘေးနားမှာ မှတ်ချက်လေးများ၊ အမှတ်သင်္ဂေတများ မှတ်ထားရမည်။ ကျမ်းပြိုင်များ ကိုလည်း မှတ်ရမည်။ ထိုသို့ မှတ်မှသာနောက်ပိုင်းတွင် အသုံးပြုနိင်မည်။
ကျမ်းစာဖတ်သောအခါ ဆိုလိုရင်း နားလည်ဘို့ ဖတ်ရမည်။ ဤမေးခွန်းများကို မေးရမည်။ မည်သူ့အတွက်နည်း၊ မည်သူက ရေးသနည်း၊ မည်သည့်အချိန်၌ ရေးသနည်း၊ အမိန့်လော၊ မှတ်တမ်းလော၊ မည်ကဲ့သို့ လိုက်ရှောက်ရမည်နည်း၊ စသည်ဖြင့် မေးခွန်းများ ထုတ်၍ ဖတ်လျှင် ပို၍ သဘောပေါက်နိင်မည်။ ထိုနောက် ဖတ်ထားသောအရာ၏ ခေါင်းစဉ်ကို တပ်ထားရမည်။ ထိုသို့ ဖတ်ပါက များစွာ နားလည်နိင်မည်။ နားမလည်နိင်သော အရာများကို မှတ်စုစာအုပ်ထဲတွင် မှတ်ထား၍ ဆရာများကို မေးရမည်။
မြန်မာပြည် သား၊ အထူးသဖြင့် ချင်းလူမျိုးများသည် စာဖတ်ဝါသနာ မပါကြသောကြောင့် ကျမ်းစာ ကိုလည်း မဖတ်ကြချေ။ ထိုသို့ မဖတ်ကြသောကြောင့် ယုံကြည်ခြင်း၌ အားနည်းသည်။ မှားယွင်းသော ဩဝါဒများ ကိုလည်း မခွဲခြား တတ်သောကြောင့် အဟောအပြောကောင်းသောသူ၊ နိမိတ်လက္ခဏာပြနိင်သောသူ၊ အသစ်အဆန်းပြောသောသူများ၏ နောက်သို့ လိုက်တတ်သွားတတ် ကြသည်။ ထို့ကြောင့် ဆရာ၊ ဆရာမများ အနေဖြင့် ယုံကြည်သူများကို ကျမ်းစာဖတ်လာရန် တိုက်တွန်းရမည်၊ သင်ပေးရမည်၊ ကျမ်းစာဖတ် အဖွဲ့များလည်း ဖွဲ့သင့်သည်။ ဗေရိမြို့သား ကဲ့သို့ ကျမ်းစာကို စေ့စေ့လေ့လာ ဖတ်ရှုဘို့ ပုံသွင်းရမည်။
“ဗေရိမြို့သား တို့သည် သက်သာလောနိတ်မြို့သား တို့ထက် ထူးမြတ်သဖြင့်၊ အလွန် ကြည်ညိုသော စေတနာစိတ်နှင့် နှုတ်ကပတ်တရားတော်ကို ခံယူ၍ မှန်သည် မမှန်သည်ကို သိခြင်းငှာ၊ ကျမ်းစာကို နေ့တိုင်း အစဉ်စေ့စေ့ကြည်ရှုကြ၏။” (တ ၁ရး၁၁)
“ထိုပညတ္တိကျမ်းစာ၌ ရေးထားသမျှ အတိုင်း ကျင့်မည်ဟု စောင့်ရှောက်ခြင်း အလိုငှါ ကျမ်းစာကို မဘတ်မရွတ်ဘဲ မနေ၊ နေ့ညဉ့်မပြတ် ကြည့်ရှုဘတ်ရွတ်ရမည်။သို့ပြုလျှင် သင်သည် အကြံထမြောက်၍ အောင်မြင် လိမ့်မည်။” (ယောရှု ၁:၈)
“မတရားသောသူတို့၏ တိုက်တွန်းခြင်းသို့ မလိုက်၊၊ လူဆိုးတို့၏ လမ်းတွင် မရပ်မနေ၊ မထီမဲ့မြင် ပြုသောသူတို့၏ အစည်းအဝေး၌ မထိုင်၊ ထာဝရဘုရား၏ တရားတော်၌ မွေ့လျော်၍ တရားတော်ကို နေ့ညဉ့်မပြတ် ဆင်ခြင် အောက်မေ့သောသူသည် မင်္လာရှိ၏၊၊ ၃ အကြောင်းမူကား၊ ထိုသူသည် မြစ်နားမှာ စိုက်လျက် မိမိ အချိန်တန်မှ အသီးကို သီး၍ အရွက် မညှိနွမ်းတတ်သော အပင်နှင့် တူ၏၊၊ ပြုလေသမျှ တို့၌ အောင် လိမ့်သ တည်း၊၊ ” (ဆာ ၁:၁-၃)
၃။ ဆုတောင်း တတ်ရန်သင်ပေးရမည်
“တောင်းကြလော့။ တောင်းလျှင် ရမည်။ ရှာကြလော့။ ရှာလျှင် တွေ့မည်။ တံခါးကို ခေါက်ကြလော့။ ခေါက်လျှင် ဖွင့်မည်။ ၈။ တောင်းသောသူမည်သည် ကားရ၏။ ရှာသောသူလည်း တွေ့၏။ ခေါက်သောသူအားလည်း တံခါးကို ဖွင့်၏။ ၉ သားသည် မုန့်ကို တောင်းလျှင် မိမိသားအား ကျောက်ကို ပေးမည်သူ၊ ၁၀ ငါးကို တောင်းလျှင် မြွေကို ပေးမည်သူ တစုံတယောက်မျှ သင်တို့တွင် ရှိသလော။ ၁၁ သင်တို့သည် အဆိုး ဖြစ်လျက် ပင်ကိုယ်သားတို့အား ကောင်းသောအရာကို ပေးတတ်လျှင်၊ ထိုမျှမက ကောင်းကင်ဘုံ၌ ရှိတော်မူသော သင်တို့ အဘသည် ဆုတောင်းသောသူတို့ အား၊ ကောင်းသောအရာကိုသာ၍ ပေးတော်မူမည် မဟုတ်လော။” (မ ရးရ- ၁၁)
“သင်တို့တွင် တစုံတယောက်သောသူ၌ အဆွေခင်ပွန်းရှိသည် ဖြစ်၍၊ သန်းခေါင်အချိန်တွင် ထိုအဆွေခင်ပွန်း၏ အိမ်သို့ သွားပြီးလျှင်၊ အဆွေ၊ ၆ အကျွန်ုပ်အဆွေခင်ပွန်းတယောက်သည် ခရီး မှလာ၍ အကျွန်ုပ်ထံသို့ ရောက်ပါပြီ။ သူ့ကို ကျွေးစရာ မရှိသောကြောင့် မုန့်သုံးလုံးချေးနှင့်ပါ ဟုဆိုသော်၊ ၇ အိမ်ရှင်ကလည်း၊ ငါ့ကို မနှောင့်ရှက်နှင့်။ တံခါးပိတ်လျက် ရှိ၏။ ငါ့ သားသမီး တို့သည် ငါနှင့် အိပ်လျက် ရှိကြ၏။ ငါထ၍ သင့်အား မပေးနိုင်ဟု အိမ်ထဲကပြန် ပြောသည် အရာမှာ၊ ၈ ငါဆိုသည်ကား၊ အဆွေခင်ပွန်း ဖြစ်သည်ကို ထောက်၍ မထ၊ မပေးသော်လည်း ၊ အား မလျော့ဘဲ တောင်း၍ နေသောကြောင့် ထ၍ လိုချင် သမျှကို ပေးလိမ့်မည်။ ၉ တဖန် ငါဆိုသည်ကား၊ တောင်းကြလော့။ တောင်းလျှင် ရမည်။ ရှာကြလော့။ ရှာလျှင် တွေ့မည်။ တံခါးကို ခေါက်ကြလော့၊ ခေါက်လျှင် ဖွင့်မည်။ ၁၀ တောင်းသောသူမည်သည် ကားရ၏။ ရှာသောသူလည်း တွေ့၏။ ခေါက်သောသူအားလည်း တံခါးကို ဖွင့်၏။” (လု ၁၁:၅-၁၀)
“လူတို့သည်အား မလျော့ဘဲ ကြိုးစား၍ ဆုတောင်းရမည်အကြောင်းကို ဥပမာစကားအားဖြင့် မိန့်တော်မူသည်ကား၊ ၂ မြို့တမြို့၌ ဘုရားသခင်ကို မကြောက်ရွံ့၊ လူကိုအား မနာတတ်သော တရားသူကြီး တယောက်ရှိ၏။ ၃ ထိုမြို့၌ နေသော မုတ်ဆိုးမတယောက်သည် တရားသူကြီး ထံသို့ သွား၍၊ ကျွန်မရန်ဘက်ကို လက်စားချေလောက်အောင် အပြစ် အလျောက် ဒဏ်စီရင်ပါဟု တောင်းပန်သော်လည်း ၊ ၄ တရားမစီရင်ဘဲ ကြာမြင့်စွာ နေ၏။ ထိုနောက် တရားသူကြီး က၊ ငါသည် ဘုရားသခင်ကို မကြောက်ရွံ့၊ လူကိုအား မနာတတ်သောသူ ဖြစ်သော်လည်း ၊ ၅ ဤမုတ်ဆိုးမသည် ငါ့ကို နှောင့်ရှက်သောကြောင့် သူ့ ဘက်၌ တရားစီရင်မည်။ သို့မဟုတ် အစဉ်လာ၍ ငါ့ကို ပင်ပန်းစေလိမ့်မည်ဟု စိတ်ထဲ၌ အကြံရှိ၏။ ၆ မတရားသော ထိုတရား သူကြီး၏ အကြံကို မှတ်ကြလော့။ ၇ ဘုရားသခင် ရွေးကောက်တော်မူသောသူတို့သည် ညဉ့်နေ့မပြတ် အော်ဟစ်၍ တောင်း လျှောက်လျှင်၊ ဘုရားသခင်သည် သူတို့ ဘက်၌ တရားမစီရင်ဘဲ နေတော်မူ မည်လော။ ကြာမြင့်စွာသည်း ခံတော်မူ မည်လော။ ၈ ငါဆိုသည်ကား၊ သူတို့ ဘက်၌ အလျင် အမြန် တရားစီရင်တော်မူမည်။ သို့သော်လည်း လူသားသည် ကြွလာသောအခါ ယုံကြည်ခြင်းကို မြေကြီးပေါ်မှ ာ တွေ့မည်လောဟု သခင်ဘုရားသည် မိန့်တော်မူ၏။” (လု ၁၈:၁-၈)
ယုံကြည်သူများသည် အားလုံး ဆုတောင်း တတ်ကြသည် မဟုတ်။ ထိုမျှသာမက ဆုတောင်းအား နည်းကြသည်။
၄။ သမ္မာတရား အတိုင်း အသက်ရှင်ရန်သင်ပေးရမည်
“အကြင်သူသည် ငါဟောပြောသော ဤစကားကို ကြား၍ နားထောင်၏၊ ထိုသူသည် ကျောက်ပေါ်မှာ အိမ်ဆောက်သော ပညာရှိနှင့် တူကြောင်းကို ငါပုံပြမည်။ ၂၅ မိုဃ်းရွာ၍ ရေစီးသည်နှင့် လေလာ၍ ထိုအိမ်ကို တိုက်သည် ရှိသော်၊ ကျောက် ပေါ်မှာ တည်သောကြောင့် မဗြုမလဲနေ၏။ ၂၆ အကြင်သူသည် ငါဟောပြောသော ဤစကားကို ကြား၍ နားမထောင်ဘဲ နေ၏၊ ထိုသူသည် သဲပေါ်မှာ အိမ်ဆောက်သော လူမိုက်နှင့် တူကြောင်းကို ငါပုံပြမည်။ ၂၇ မိုဃ်းရွာ၍ ရေစီးသည်နှင့် လေလာ၍ ထိုအိမ်ကို တိုက်သောအခါ ကြီးစွာသော ဗြုလဲခြင်းသို့ ရောက်လေသည်ဟု ဟောတော်မူ၏။” (မ ရး၂၄-၂ရ) (လု ၆:၄၆-၄၉)
“ ကိုယ်ကိုကိုယ် လှည့်ဖြား၍၊ နှုတ်ကပတ်တရားကို နာရုံမျှသာ ပြုသောသူ မဟုတ်၊ တရားကို ကျင့်သောသူ ဖြစ်ကြလော့။ ၂၃ တရားကို မကျင့်ဘဲ နာရုံမျှသာပြုသောသူ မည်သည်ကား၊ မှန်၌ မိမိပကတိမျက်နှာကို ကြည့်သောသူနှင့် တူ၏။ ၂၄ အကြောင်းမူကား၊ ကိုယ်ကိုကိုယ် ကြည့်ပြီးမှ၊ အခြားသို့ သွား၍ မိမိအဆင်းသဏ္ဍာန်ကို ချက်ခြင်း မေ့လျော့ တတ်၏။ ၂၅ လွှတ်ခြင်းနှင့် စပ်ဆိုင်၍ စုံလင်သော တရား၌ စေ့စေ့ကြည့်ရှု၍ တည်ကြည်သောသူမူကား၊ တရားနာ၍ မေ့လျော့ သောသူ မဟုတ်၊ အကျင့်ကျင့် သောသူ ဖြစ်သဖြင့်၊ မိမိကျင့်သော အကျင့်၌ မင်္လာရှိသောသူ ဖြစ်၏။” (ယာ ၁:၂၂-၂၅)
“အကြောင်းမူကား၊ တရားနာသောသူသည် ဘုရားသခင် ရှေ့၌ ဖြောင့်မတ်သည် မဟုတ်။ တရားကို ကျင့်သောသူသာလျှင် ဖြောင့်မတ်ရာသို့ ရောက်လိမ့်မည်။” (ရော ၂:၁၃)
၄။ အသက်တာ သန့်ရှင်းခြင်းရှိရန်သင်ပေးရမည်
.
အသင်းသား များကို ပျောက်ဆုံးဝိညာဉ် ဖမ်းဘို့ သွန်သင်ရမည်
အဘယ်ကြောင့် အသင်းသားများဝိညာဉ် ဖမ်းတတ်ဘို့ လိုသနည်း
၁။ ပျောက်ဆုံးဝိညာဉ် ဖမ်းခြင်းသည် ယုံကြည်သူ တိုင်း၏ အလုပ် ဖြစ်သည်
၂။ သူတို့ အသက်တာ၌ ကြီးထွားရင့်ကျက်စေသည်
၃။ ဝိညာဉ်လူအဖြစ် အသက်ရှင်စေမည်
၄။ ပြသနာ နည်းစေသည်
၅။ ပတ်ဝန်းကျင်လင်းစေသည်၊ ပြောင်းလဲစေသည်
၆။ အသင်းတော် တိုးပွါးစေသည်
.
အမှုတော်ဆောင်များ အကျင့်သိက္ခာရှိ၍ ဝိညာဉ်တော်နှင့် ပြည့်ဝရမည်
အမှုတော်ဆောင်သည် သာမန် ယုံကြည်သူ မဟုတ်ကြောင်း သိထားရမည်။ အမှုတော်ဆောင်သည် ဘုရားသခင်၏ကိုယ်စား လှယ် ဖြစ်သောကြောင့်သာမန် ယုံကြည်သူများကဲ့သို့ ကျင့်ကြံပြုမူ၍ မရပါ။ အလွယ်ကူဆုံးသိနိင် ဘို့ရန် သင်၏ သင်း အုပ်ဆရာသည် မည်ကဲ့သို့ ကျင့်ကြံပြုမူစေချင် သနည်း။ မည်ကဲ့သို့ ပြောဆိုလျှင် မသင့်တော် သနည်း။ မည်ကဲ့သို့ ပြုမူဘို့ သင် မျှော်လင့်သနည်း။ သင် မျှော်လင့် သကဲ့သို့ ကိုယ်တိုင်ကျင့်ကြံပါ။
ဘုရားက အသုံးပြုဘို့ ယုံကြည်ခြင်းရှိရမည်
အမှုတော်ဆောင်သည် ဘုရား၏ကိုယ်စားလူများကို သွန်သင်ခြင်း၊ လမ်းညွှန်ခြင်း၊ ဆုံးမခြင်းများပြုလုပ် သောသူ ဖြစ်သည်။ ဘုရားသခင်၏ အမှုတော်ဆောင်ခြင်းသည် ကိုယ့်အမှု ဆောင်ခြင်း မဟုတ်၊ ထိုကြောင့် ဘုရားသခင်ကတာဝန် ယူလိမ့်မည်။ ဘုရားသခင်က သင်၏ ကိုယ်ခန္ဓာကိုငှါးခြင်း ဖြစ်သည်။ ထိုကြောင့် သူ့ကို ယုံကြည်မှု အပြည့်အဝ ရှိရမည်။ ကျမ်းစာထဲမှပုံသက်သေများ၊
“မည်သည် မြို့ မည်သည် ရွာသို့ ဝင်လျှင်၊ ထိုမြို့ရွာ၌ အဘယ်မည်သောသူသည် ထိုက်တန်သနည်းဟု မေးမြန်း၍၊ ထိုမြို့ရွာမှ မထွက်မသွားမှီတိုင်အောင် ထိုသူ၏ အိမ်တွင် နေကြလော့၊ ၁၂ အိမ်သို့ ဝင်သောအခါ မင်္လာ ရှိပါစေသောဟု နှုတ်ဆက်ခြင်းကို ပြုကြလော့။ ၁၃ ထိုအိမ်သည် ထိုက်တန်လျှင် သင်တိုမြွတ်သော မင်္လာရောက်စေ သတည်း။ မထိုက်တန်လျှင် သင်တို့ ထံသို့ ပြန်လာစေသတည်း။ ၁၄ အကြင်သူသည် သင်တို့ကို လက်မခံ၊ သင်တို့၏ စကားကို နားမထောင်ဘဲ နေ၏၊ ထိုသူနေသော အိမ်မှ၎င်း၊ မြို့မှ၎င်း ထွက်သွားစဉ်၊ သင်တို့၏ ခြေဘဝါးမှ မြေမှုန့်ကို ခါလိုက်ကြလော့။ ၁၅ ငါအမှန်ဆိုသည်ကား၊ တရားဆုံးဖြတ်သော နေ့၌ ထိုမြို့သည်သော ဒုံမြို့နှင့် ဂေါမောရမြို့ထက် သာ၍ ခံရလတံ့။” (မ ၁၀:၁၁-၁၅)
“ထာဝရဘုရား၏ နှုတ်ကပတ်တော်သည် ငါ့ဆီသို့ ရောက်၍ မိန့်တော်မူသည်ကား၊ ၅ သင့်ကို အမိဝမ်း ထဲ၌ ငါမဖန်ဆင်းမှီ သင့်ကို ငါသိပြီ။ မဘွားမှီကပင် သင့်ကို ငါသန့်ရှင်းစေ၍၊ လူ အမျိုးမျိုးတို့ အဘို့၊ ပရောဖက် အရာ၌ ခန့်ထားပြီဟု မိန့်တော်မူ၏။ ၆ ငါကလည်း၊ အိုအရှင်ထာဝရဘုရား၊ အကျွန်ုပ်သည် မဟော မပြောတတ်ပါ။ သူငယ် ဖြစ်ပါ၏ဟု လျှောက်လျှင်၊ ၇ ထာဝရဘုရားကလည်း၊ အကျွန်ုပ်သည် သူငယ် ဖြစ်ပါ၏ဟု မပြောနှင့်။ အကြင်ရှိရာသို့ သင့်ကို ငါစေလွှတ်၏၊ ထိုသူရှိရာသို့ သင်သွားရမည်။ အကြင်စကားကို ငါမှာထား၏၊ ထိုစကားကို သင်ဆင့်ဆိုရမည်။ ၈ သူတို့ကို မကြောက်နှင့်။ သင့်ကို ကယ်နှုတ်ခြင်းငှါ သင်နှင့်အတူ ငါရှိသည်ဟု မိန့်တော်မူပြီးမှ၊ ၉ လက်တော်ကို ဆန့်၍ ငါ့နှုတ်ကိုတို့တော်မူလျက်၊ သင်၏ နှုတ်၌ ငါ့စကားကို ငါသွင်းထားပြီ။ ၁၀ ကြည့်ရှုလော့။ သင်သည် နှုတ်ပယ်ဖြိုးချ ဖျက်ဆီးမှောက်လှဲရသော အခွင့်၊ တည်ဆောက် စိုက်ပျိုးရသော အခွင့်နှင့် သင့်ကို လူ အမျိုးမျိုး တို့၏ တိုင်းနိုင်ငံများ အပေါ်မှာ ယနေ့ ငါခန့်ထားပြီဟု မိန့်တော်မူ၏။ ၁၁ တဖန် ထာဝရဘုရား၏ နှုတ်ကပတ်တော်သည် ငါ့ဆီသို့ ရောက်၍၊ ယေရမိ၊ သင်သည် အဘယ် အရာကို မြင်သည် နည်းဟု မေးတော်မူလျှင် ငါက၊ အကျွန်ုပ်သည် ဗာတံကိုင်းကို မြင်ပါ၏ဟု လျှောက်သော်၊ ၁၂ ထာဝရဘုရားက၊ သင်သည် မှန်ကန်စွာ မြင်ပြီ။ အကြောင်းမူကား၊ ငါ့စကားကို ပြည့်စုံစေခြင်းငှါ၊ ငါစောင့်နေမည််ဟု မိန့်တော်မူ၏။” (ယေရ ၁:၄-၁၂)
“သင်သည် ခါးပန်းကို စီး၍ ထလော့။ ငါမှာထားသမျှကို သူတို့အား ဟောပြောလော့။ သူတို့ ရှေ့မှာ သင့်ကို ငါအရှက် မခွဲရမည်အကြောင်း သူတို့ကို မကြောက်နှင့်။ ၁၈ ကြည့်ရှုလော့။ ယုဒရှင်ဘုရင်၊ မင်းသား၊ ယဇ်ပုရောဟိတ်၊ ပြည် သူပြည်သား တည်းဟူသော တနိုင်ငံ လုံးတဘက်၌ ၊ ခိုင်ခံသော မြို့၊ သံတိုင်၊ ကြေးဝါထရံ အရာ၌ သင့်ကို ယနေ့ ငါခန့်ထား၏။ ၁၉ သူတို့သည် သင့်ကို စစ်တိုက်၍ မနိုင်ရကြ။ သင့်ကို ကယ်နှုတ်ခြင်းငှါ၊ သင်နှင့်အတူ ငါရှိသည်ဟု ထာဝရဘုရား မိန့်တော်မူ၏။” (ယေရ ၁:၁ရ- ၁၉)
“သင်တို့သည် လောကီနိုင်ငံ အရပ်ရပ်ရှိသမျှသို့ သွား၍၊ ဝေနေယျသတ္တဝါ အပေါင်းတို့အား ဧဝံဂေလိတရားကို ဟော ကြလော့။ ၁၆ ယုံကြည်၍ ဗတ္တိဇံကို ခံသောသူသည် ကယ်တင်တော်မူခြင်းသို့ ရောက်လတံ့။ မယုံကြည်သောသူမူကား အပြစ် စီ ရင်ခြင်းကို ခံရလတံ့။ ၁၇ ယုံကြည်သောသူတို့၌ ဖြစ်အံ့သော နိမိတ်လက္ခဏာ ဟူမူကား၊ ငါ၏ နာမကို အမှီပြု၍ နတ်ဆိုးတို့ကို နှင်ထုတ်ကြလတံ့။ ထူးခြားသော ဘာသာစကား မျိုးတို့ကို ပြောကြလတံ့။ ၁၈ မြွေတို့ကို ဘမ်းကိုင်ကြလတံ့။ သေစေတတ်သော အဆိပ် အတောက်ကို သောက်စားလျှင် ဘေးဥပဒ်နှင့် ကင်းလွတ် ကြလတံ့။ မကျန်းမမာသောသူတို့ အပေါ်မှာ လက်ကို တင်၍ ချမ်းသာ ပေးကြလတံ့ဟု မိန့်တော်မူ၏။” (မာ ၁၆:၁၅-၁၈)။
“ထိုတရားကို ငါ၌ အပ်ပေးတော်မူသည် ဖြစ်၍၊ ငါ့ကို ခွန်အားနှင့် ပြည့်စုံစေတော်မူသော ငါတို့ သခင်ယေရှုခရစ်၏ ကျေးဇူးတော်ကို ငါချီးမွမ်း၏။” (၁ တိ ၁:၁၂)
စားဝတ်နေရေးအတွက် ယုံကြည်ခြင်း
“သင်တို့သည် အဘိုးမပေးဘဲ ကျေးဇူးတော်ကို ခံရကြပြီ ဖြစ်၍ အဘိုးမခံဘဲ ပေးကမ်းကြလော့။ ၉ ရွှေ၊ ငွေ၊ ကြေး တို့ကို ခါးပန်းထဲ၌ မသိုမှီးကြနှင့် ၁၀ လမ်းခရီးဘို့ လွယ်အိတ်၊ အင်္ကျီနှစ်ထည်၊ ခြေနင်းတောင်းဝေးကို မသိုမှီးကြနှင့်။ အကြောင်းမူကား၊ လုပ်ဆောင်သောသူသည် ကျွေးမွေးခြင်းကို ခံထိုက်ပေ၏။” (မ ၁၀:၈-၁၀)
“ဓမ္မကိစ္စအမှုကို ဆောင်ရွက်သောသူတို့သည် ဗိမာန်တော်ကို အမှီပြု၍ စားရသည်ကို၎င်း၊ ယဇ်ပူဇော်ခြင်း အမှုကို ဆောင်ရွက်သောသူတို့သည် ယဇ်ပလ္လင်နှင့် ဆက်ဆံ၍ စားရသည်ကို၎င်း၊ သင်တို့ မသိကြရသလော။ ၁၄ ထိုနည်းတူ၊ ဧဝံဂေလိတရားကို ဟောသောသူတို့သည် ဧဝံဂေလိတရားကို အမှီပြု၍ အသက် မွေးရမည်အကြောင်း၊ သခင်ဘုရား၏ ပညတ်တော်မူ ချက်ရှိ၏။” (၁ ကော ၉:၁၃-၁၄)။
“ကောင်းမွန်စွာ အုပ်သော အသင်းအုပ်တို့သည် အလှူနှစ်ဆကို ခံထိုက်သောသူ ဖြစ်သည် ဟူ၍၎င်း၊ တရားဟောခြင်း၊ ဆုံးမဩဝါဒပေးခြင်း အမှုကို ကြိုးစားအား ထုတ်သောသူတို့သည်၊ အလှူနှစ်ဆကို အထူး သဖြင့် ခံထိုက်သောသူ ဖြစ်သည် ဟူ၍၎င်းမှတ်ရမည်။ ၁၈ အကြောင်းမူကား၊ စပါးနင်းနယ်သော နွား၏ နှုတ်ကို မချုပ်တည်းရဟု ကျမ်းစာ လာ၏။ တချက်ကား၊ လုပ် ဆောင်သောသူသည် အခကို ခံထိုက်ပေသည်ဟု လာပြန်၏” (၁ တိ ၅:၁ရ- ၁၈)။
“လမ်း၌ သွားကြစဉ် လူတဦးက၊ သခင်၊ ကိုယ်တော် ကြွတော်မူ ရာအရပ်ရပ်သို့ အကျွန်ုပ်လိုက် ပါမည်ဟု လျှောက်လေ၏။ ၅၈ ယေရှုကလည်း၊ မြေခွေးသည် မြေတွင်းရှိ၏။ မိုဃ်းကောင်းကင်၌ ကျင်လည်သော ငှက်သည် နားနေရာ အရပ်ရှိ၏၊ လူသားမူကား ခေါင်းချရာမျှမရှိဟု မိန့်တော်မူ၏။ ၅၉ အခြားသောသူကို၊ ငါ့နောက်သို့ လိုက်လော့ဟု မိန့်တော်မူလျှင်၊ ထိုသူက၊ သခင်၊ ကျွန်ုပ်အဘကို ရှေ့ဦးစွာ သွား၍ သင်္ဂြိုဟ်ရသော အခွင့်ကို ပေးတော်မူပါဟု လျှောက်လေသော်၊ ၆၀ ယေရှုက၊ လူသေတို့သည် မိမိလူသေတို့ကို သင်္ဂြိုဟ်ပါလေစေ။ သင်မူကား သွား၍ ဘုရားသခင့်နိုင်ငံတော်၏ အကြောင်းကို ဟောပြောလော့ဟု မိန့်တော်မူ၏။ ၆၁ အခြားသောသူကလည်း၊ သခင်၊ ကိုယ်တော် နောက်သို့ အကျွန်ုပ်လိုက်ပါမည်။ သို့သော်လည်း အကျွန်ုပ်အိမ်၌ ရှိရစ်သောသူတို့ကို အရင်သွား၍ အခွင့်ပန်ပါရစေဟု လျှောက်လျှင်၊ ၆၂ ယေရှုက၊ ထွန်ကိုင်းကို ကိုင်လျက် နောက်သို့ လှည့်၍ ကြည့်သောသူ မည်သည်ကား၊ ဘုရားသခင်၏ နိုင်ငံတော်နှင့် မထိုက်မတန်ဟု မိန့်တော်မူ၏။” (လု ၉:၅ရ- ၆၂)
“ဘုရားဝတ်၌ မွေ့လျော်ခြင်းသည် အကျိုးစီးပွား ဖြစ်သည်ဟု သူတို့သည် စိတ်ထင်ကြ၏။ ထိုသို့သောသူတို့ကို ရှောင်လော့။ ၆ ရောင့်ရဲသော စိတ် ပါလျှင်၊ ဘုရားဝတ်၌ မွေ့လျော်ခြင်းသည် ကြီးစွာသော အကျိုးစီးပွားမှန်၏။ ၇ အကြောင်းမူကား၊ ငါတို့သည် ဤလောက ထဲသို့ အဘယ်အရာမျှ မပါဘဲ လာသည် ဖြစ်၍ ထွက်သွားလျှင် လည်း၊ အဘယ်အရာကိုမျှ ယူ၍ မသွားနိုင်ဟု ထင်ရှားလျှက်ရှိ၏။ ၈သို့ဖြစ်၍ စားရန်၊ ဝတ်ရန် ရှိသမျှနှင့် ရောင့်ရဲလျှက် နေကြကုန်အံ့။ ၉ ငွေရတတ်ခြင်းငှါ အလိုရှိသောသူတို့သည် အပြစ် သွေးဆောင်ခြင်း၊ ဘမ်းမိခြင်း၊ မိုက်မဲဖျက်ဆီးတတ်သော တပ်မက်ခြင်းများထဲသို့ ကျရောက် တတ်ကြ၏။ ထိုသို့သောအားဖြင့် လူတို့သည် အကျိုးနည်းခြင်း၊ ပျက်ဆီးခြင်း၌ နစ်မွမ်းတတ်ကြ၏။ ၁၀ အကြောင်းမူကား၊ ငွေကို တပ်မက်ခြင်းသည် မကောင်းသောအမှု အပေါင်းတို့တွင် မူလအမြစ် ဖြစ်သတည်း။ လူအချို့တို့သည် ငွေကို တပ်မက်သောကြောင့် ယုံကြည်ခြင်း တရားလမ်းမှ လွှဲသွား၍၊ ပူပန်ခြင်း ဝေဒနာ များနှင့် ကိုယ်ကိုကိုယ် ထုတ်ခြင်း ခပ်အောင် ထိုးကြပြီ။” (၁ တိ ၆:၆-၁၀)
နာခံခြင်း
“ရှမွေလကလည်း၊ ထာဝရဘုရား၏ အမိန့်တော်ကို နားထောင်ခြင်း၌ အားရတော်မူ သကဲ့သို့၊ မီးရှို့၍ ရာယဇ် အစရှိသော ယဇ်မျိုးတို့ကို ပူဇော်ခြင်း၌ အားရတော်မူ မည်လော။ အလိုတော်သို့ လိုက်ခြင်းသည် ယဇ်မျိုးထက် သာ၍ကောင်း၏။ နားထောင်ခြင်းသည် သိုးထီးဆီဥထက် သာ၍ကောင်း၏။ ၂၃ ငြင်းဆန်သော သဘောသည် နတ်ဆိုးနှင့် ပေါင်းခြင်း ကဲ့သို့၎င်း၊ ခိုင်မာသော သဘောသည် ဗေဒင်တန်ဆာကို သုံးခြင်း ကဲ့သို့၎င်း အပြစ် ကြီး၏။ သင်သည် ထာဝရဘုရား၏ စကားတော်ကို ပယ်သောကြောင့်၊ ထာဝရဘုရားသည် ရှင်ဘုရင်အရာကို နှုတ်၍ သင့်ကို ပယ်တော်မူပြီဟုဆို၏။” (၁ရာ ၁၅:၂၂-၂၃)
“ကျွန်တော်သည် မင်းအောက်၌ ကျွန်ခံသောသူ ဖြစ်သော်လည်း ၊ စစ်သူရဲများကို အုပ်စိုး၍၊ တဦးကို သွားချေဟုဆိုလျှင် သွားပါ၏။ တဦးကို လာခဲ့ဟုဆိုလျှင် လာပါ၏။ ကျွန်ကိုလည်း ဤအမှုကို လုပ်တော့ဟုဆိုလျှင် လုပ်ပါ၏ဟု တပ်မှူးလျှောက် လေ၏။” (မ ၈:၉)
“ယေရှုကလည်း၊ သင်တို့အား ငါ့အမှန်အကန်ဆိုသည်ကား၊ ခမည်းတော် ပြုတော်မူသော အမှုကိုသားတော်သည် မြင်၍ သာပြု၏။ မိမိအလိုအလျောက် အဘယ်အမှုကိုမျှ မပြုနိုင်။ ခမည်းတော် ပြုတော်မူသမျှ အတိုင်း သားတော်လည်း ပြု၏။” (ယော ၅:၁၉)
“ငါသည်ကိုယ် အလိုအလျောက် အဘယ်အမှုကိုမျှ မပြုနိုင်။ ငါသည် ကြားသည် အတိုင်း တရားစီရင်၏။ ငါစီရင်ခြင်းသည် လည်း တရားတော်နှင့် ညီညွတ်၏။ အကြောင်းမူကား၊ ငါသည်ကိုယ်အလိုသို့ မလိုက်။ ငါ့ကို စေလွှတ်တော်မူသော ခမည်းတော်၏ အလိုသို့ လိုက်၏။” (ယော ၅:၃၀)
“ယေရှုခရစ်၌ ရှိသော ထိုစိတ် သဘောကို သင်တို့၌လည်းရှိစေ ကြလော့။ ၆ ထိုသခင်သည် ဘုရားသခင်၏ သဏ္ဍာန်တော်နှင့် ပြည့်စုံတော်မူသည် ဖြစ်၍၊ ဘုရားသခင်နှင့် ပြိုင်သော အမှုကို လုယူခြင်း အမှု ဟူ၍ မထင်မမှတ်လျက် ပင်၊ ၇ မိမိအသရေကို စွန့်၍ အစေခံကျွန်၏ သဏ္ဍာန်ကို ယူဆောင်လျက်၊ လူကဲ့သို့သော အဖြစ်၌ ဘွားမြင်ခြင်းကို ခံတော်မူ၏။ ၈ ထိုသို့ လူ၏ ဂုဏ်အင်္ဂါလက္ခဏာနှင့် ပြည့်စုံလျက်၊ အသေခံခြင်းသာ မဟုတ်၊ လက်ဝါးကပ်တိုင်မှာ အသေခံခြင်း တိုင်အောင် အစေ ကျွန်ခံ၍ ကိုယ်ကိုကိုယ် နှိမ့်ချတော်မူ၏။ ၉ ထိုကြောင့် ဘုရားသခင်သည် ကိုယ်တော်ကို အလွန် ချီးမြှောက်၍ ဘွဲ့နာမတကာ တို့ထက်ကြီး မြတ်သောဘွဲ့နာမကို ပေးသနားတော်မူ၏။ ၁၀ အကြောင်းမူကား၊ ကောင်းကင် သတ္တဝါ၊ မြေကြီး သတ္တဝါ၊ မြေကြီး အောက်၌ ရှိသော သတ္တဝါ တည်းဟူသော ခပ်သိမ်းသော သတ္တဝါတို့သည် ယေရှု၏ဘွဲ့နာမတော်ကို ဒူးထောက်၍၊ ၁၁ ယေရှုခရစ်သည် သခင် ဖြစ်တော်မူ၏ဟု နှုတ်နှင့် ဝန်ခံသဖြင့်၊ ခမည်းတော် ဘုရား၏ ဘုန်းအသရေတော်ကို ထင်ရှားစေ ကြမည် အကြောင်း တည်း။” (ဖိလိ ၂:၅-၁၁)။
“ထို ခရစ်တော်သည် လူဇာတိအဖြစ်၌ နေစဉ်ကာလ၊ သေခြင်းမှ ကယ်လွှတ်နိုင်တော်မူသောသူကို၊ ကြီးစွာသော ကြွေးကြော်ခြင်း၊ မျက်ရည်ကျခြင်းနှင့် ဆုတောင်း ပဌနာ ပြုသဖြင့်၊ ကြောက်ရွံ့ရာအမှု၌ ချမ်းသာ ရသည် ဖြစ်၍၊ ၈ ဘုရားသခင်၏ သားတော် မှန်သော်လည်း ၊ ဆင်းရဲ ဒုက္ခကို ခံသောအားဖြင့် နားထောင်ခြင်း အကျိုး အကြောင်းကို သင်တော်မူ၏။” (ဟေ ၅:ရ- ၈)
အကျင့်သိက္ခာနှင့် ဖြောင့်မတ်ခြင်း
“ထိုကြောင့် ငါပြေးသောအခါ အမှတ်တမဲ့ပြေးသည် မဟုတ်၊ လက်ပွေ့သတ်သောအခါ အာကာသ ကောင်းကင်ကိုသာ ထိုး၍ သတ်သည် မဟုတ်။ ၂၇ သူတပါးကို ဆုံးမပြီးမှကိုယ်တိုင်ရှုံးသောသူမဖြစ်ရမည်အကြောင်း၊ ကိုယ်ကို ထိုး၍ နှိပ်စက်လေ့ ရှိ၏။” (၁ ကော ၉:၂၆-၂ရ)
“ကျမ်းပြုဆရာ၊ ဖာရိရှဲတို့သည် မောရှေ၏ ထိုင်ရာပလ္လင်ပေါ်မှာ ထိုင်ကြ၏။ ၃ ထိုကြောင့် သူတို့ စီရင် ထုံး ဖွဲ့ သမျှ တို့ကို စောင့်ရှောက်၍ ပြုကြလော့။ သူတို့၏ အကျင့်အတိုင်း မကျင့်ကြနှင့်။ အကြောင်းမူကား၊ သူတို့သည် စီရင် ထုံးဖွဲ့သော်လည်း ကိုယ်တိုင် မကျင့်ကြ။ ၄ အလွန် လေး၍ ထမ်းခဲသော ဝန်တို့ကို ပြင်ဆင်၍ သူတပါး ပခုံး ပေါ်မှာ တင်တတ်ကြ၏၊ မိမိတို့ မူကား လက်ဖျားနှင့်မျှ မရွှေ့လိုကြ။ ၅ သူတို့သည် ပြုသမျှသော အကျင့်အမှု တို့ကို လူများရှေ့မှာ ထင်ရှားစေခြင်းငှာ ပြုကြ၏။ ကျယ်သော လက်ဖွဲ့တို့ကို၎င်း၊ ကြီးသော ပန်းပွားတို့ကို၎င်းဝတ်လေ့ရှိကြ၏။ ၆ ပွဲသဘင်၊ တရားစရပ်တို့၌ မြင့်မြတ်သော နေရာ ထိုင်ရာကို၎င်း၊ ၇ စျေး၌ ရိုသေစွာ နှုတ် ဆက်ခြင်းကို၎င်း၊ အရှင်ဘုရား အရှင်ဘုရားဟု လူများ ခေါ်ဝေါ်ခြင်းကို၎င်း နှစ်သက်ကြ၏။ ၈ သင်တို့ မူကား အရှင်ဘုရားဟု ခေါ်ဝေါ်ခြင်းကို မခံကြနှင့်။ ခရစ်တော် တည်းဟူသော သင်တို့ ဥပဇ္ဈာယ် ဆရာ တပါးတည်းရှိ၏။ သင်တို့ အပေါင်းသည် ညီအစ်ကို ချင်း ဖြစ်ကြ၏။ ၉ မြေကြီးပေါ်မှ ာ အဘယ်သူကိုမျှ အဘ ဟူ၍ မခေါ်ဝေါ်ကြနှင့်။ ကောင်းကင်ဘုံ၌ သင်တို့ အဘ တပါးတည်းရှိတော်မူ၏။ ၁၀ ဥပဇ္ဈာယ် ဆရာဟု ခေါ်ဝေါ်ခြင်းကို မခံကြနှင့်။ ခရစ်တော် တည်းဟူသော သင်တို့ ဥပဇ္ဈာယ်ဆရာ တပါးတည်းရှိ၏။ ၁၁ သင်တို့တွင် အကြီး ဖြစ်သောသူသည် သင်တို့ အစေခံ ဖြစ်ရ၏။ ၁၂ အကြင်သူသည် မိမိကို ချီးမြှောက်အံ့၊ ထိုသူသည် နှိမ့်ချခြင်းသို့ ရောက်လတံ့။ အကြင်သူသည် မိမိကို နှိမ့်ချအံ့၊ ထိုသူသည် ချီးမြှောက်ခြင်းသို့ ရောက်လတံ့။” (မ ၂၃:၂-၁၁)
“လျှို့ဝှက်သော ကျမ်းပြုဆရာ၊ ဖာရိရှဲတို့၊ သင်တို့သည် အမင်္လာရှိကြ၏။ အကြောင်းမူကား၊ အဖြူ သုတ်သော သင်္ချိုင်းတွင်း နှင့် တူကြ၏။ ထိုတွင်းသည် အပြင်၌ တင့်တယ်စွတကား။ အတွင်း၌ ကား လူသေ အရိုး၊ အညစ်အကြေး အမျိုးမျိုးနှင့် ပြည့်လျက် ရှိ၏။ ၂၈ ထိုအတူ သင်တို့သည် အပြင်၌ လူတို့ ရှေ့မှာ ဖြောင့်မတ် ဟန်ရှိ၏။ အတွင်း၌ ကား လျှို့ဝှက်ခြင်း၊ မတရားသဖြင့် ကျင့်ခြင်းနှင့် ပြည့်လျက် ရှိ၏။” (မ ၂၃:၂ရ- ၂၈)
“သင်းအုပ်အရာကို တောင့်တသောသူသည် ကောင်းသော အမှုအရာကို တောင့်တသည် ဟူသော စကားသည် မှန်သော စကား ဖြစ်၏။ ၂ ထိုကြောင့် ၊ သင်းအုပ်သည် အပြစ် တင်ခွင့်နှင့် ကင်းလွတ် သောသူ၊ မယား တယောက်တည်းရှိသောသူ၊ သမ္မာ သတိရှိသောသူ၊ ဣန္ဒြေစောင့်သောသူ၊ လျောက်ပတ်စွာ ကျင့်သောသူ၊ ဧည့်သည် ဝတ်ကို ပြု တတ်သောသူ၊ ဆုံးမဩဝါဒ ပေးတတ်သောသူ ဖြစ်ရမည်။ ၃ စပျစ်ရည်နှင့် ပျော်မွေ့ခြင်း၊ သူတပါးကို ရိုက်ပုတ်ခြင်း၊ မစင်ကြယ်သော စီးပွါးကို တပ်မက်ခြင်း မရှိ၊ စိတ်ဖြည်းညှင်းသောသူ၊ ရန်မတွေ့တတ် သောသူ၊ ငွေကို မတပ်မက် သောသူ ဖြစ်ရမည်။ ၄ မိမိအိမ်ကို ကောင်းမွန်စွာ အုပ်စိုး၍ သမ္မာသမာဓိရှိသည် နှင့်၊ မိမိသားသမီးကို ဆုံးမနိုင်သောသူ ဖြစ်ရမည်။ ၅ မိမိအိမ်ကို မအုပ်စိုးတတ်လျှင်၊ ဘုရားသခင်၏ အသင်းတော်ကို အဘယ်သို့ ပြုစုလိမ့်မည်နည်း။ ၆ မာနနှင့် ယစ်မူးလျက်၊ မာရ်နတ်၏ အပြစ် ရောက်မည်ဟု စိုးရိမ်စရာ ရှိ၍၊ ဘာသာ ဝင်လူ သစ်မ ဖြစ်ရ။ ၇ ကဲ့ရဲ့ပြစ်တင်ခြင်း၊ မာရ်နတ်ဘမ်းမိခြင်းနှင့် ကင်းလွတ် မည်အကြောင်း၊ ပြင်ပလူတို့တွင် အသရေရှိသောသူ ဖြစ်ရမည်။” (၁ တိ ၃:၁ -ရ)
“ငါသည် သင့်ကို မှာထားခဲ့နှင့်သည် အတိုင်း၊ ကရေတေကျွန်း၌ မစုံလင်သမျှ တို့ကို ပြင်ဆင်၍၊ မြို့ရွာများ၌ သင်းအုပ် တို့ကို ခန့်ထားစေခြင်းငှါ၊ ထိုကျွန်း၌ သင့်ကို ငါထားခဲ့သတည်း။ ၆ အပြစ် တင်ခွင့်နှင့် ကင်းလွတ် သောသူ၊ မယားတယောက် တည်းရှိသောသူ ဖြစ်လျှင်၎င်း၊ သူ၏ သားသမီး တို့သည် ကာမဂုဏ်၌ လွန်ကျူးသည်ဟု အပြစ် တင်ခြင်း၊ နားမထောင်ခြင်းနှင့် လွတ်၍ ယုံကြည်လျှင်၎င်း၊ ထိုသို့သောသူကို ခန့်ထားအပ်၏။ ၇ အကြောင်းမူကား၊ သင်းအုပ်သည် ဘုရားသခင်၏ ဘဏ္ဍာ စိုးကဲ့သို့၊ အပြစ် တင်ခွင့်နှင့် ကင်းလွတ် သောသူ ဖြစ်ရမည်။ ကိုယ်အလိုသို့ လိုက်တတ်သောသူ၊ စိတ်တိုသောသူ၊ စပျစ်ရည်နှင့် ပျော်မွေ့သောသူ၊ သူတပါးကို ရိုက်ပုတ်သောသူ၊ မစင်ကြယ်သော စီးပွားကို တပ်မက်သောသူ မဖြစ်ရဘဲ၊ ၈ ဧည့်သည် ဝတ်ကို ပြုတတ်သောသူ၊ သူတော် ကောင်းနှင့် အဆွေဖွဲ့သောသူ၊ ဣန္ဒြေစောင့်သောသူ၊ ဖြောင့်မတ်သောသူ၊ သန့်ရှင်းသောသူ၊ ကာမ ဂုဏ်ကို ချုပ်တည်း သောသူ ဖြစ်ရမည်။ ၉ စင်ကြယ်သော ဩဝါဒအားဖြင့် တိုက်တွန်းသွေးဆောင်ခြင်း ငှါ၎င်း၊ ငြင်းခုံသောသူတို့၏ စကားကို ချေခြင်း ငှါ၎င်းတတ်နိုင်မည်အကြောင်း၊ ကိုယ်တိုင်သင်ပြီးသော သစ္စာ စကားတော်ကို အမြဲစွဲလမ်း သောသူ ဖြစ်ရမည်။” (တိ ၁:၅-၉)
၀ိညာဉ်တော်နှင့် ပြည့်ဝခြင်း
၀ိညာဉ်တော်နှင့် ပြည့်ဝခြင်းသည် အမှုတော်ဆောင်တိုင်း၏ လိုအပ်ချက် ဖြစ်သည်။ ဝိညာဉ်တော် မဦး ဆောင်သော အမှုသည် အောင်မြင်ခြင်း မရှိနိင်ချေ။
“လွန်ကျူးစေတတ်သော စပျစ်ရည်နှင့် ယစ်မူးခြင်းကို ရှောင်၍ ဝိညာဉ်တော်နှင့် ပြည့်စုံလျက် ရှိကြလော့။” (ဧ ၅:၁၈)
“ရွေးနှုတ်ခြင်း နေ့ရက် တိုင်အောင် သင်တို့ကို တံဆိပ်ခတ်တော်မူသော ဘုရားသခင်၏ သန့်ရှင်းသော ဝိညာဉ်တော်ကို စိတ်မနာစေကြနှင့်။” (ဧ ၄:၃၀)
“ဝိညာဉ်တော်၏ အရှိန်ကို မငြိမ်းစေနှင့်။” (၁ သက် ၅:၁၉)
.
ကျမ်းစာထဲမှ ဝိညာဉ် ပြည့်ဝသူများ
ဗတ္တိဇံယောဟန်
အကြောင်းမူကား၊ ထိုသားသည် ထာဝရဘုရားရှေ့၌ ကြီး မြတ်သောသူ ဖြစ်လိမ့်မည်။ စပျစ်ရည်နှင့် ယစ်မျိုးကို မသောက်ဘဲ နေ၍၊ အမိဝမ်းထဲကပင် သန့်ရှင်းသော ဝိညာဉ်တော်နှင့် ပြည့်ဝလိမ့်မည်။ (လု ၁:၁၅)
ဧလိရှဗက်
“ထိုအခါ မာရိသည် ထ၍၊ တောင်ကြားအရပ်၌ ရှိသော ယုဒမြို့တမြို့သို့ အလျင် အမြန် သွားပြီးလျှင်၊ ၄၀ ဇာခရိ အိမ်သို့ ဝင်၍ ဧလိရှဗက်ကို နှုတ်ဆက်လေ၏။ ၄၁ ထိုနှုတ်ဆက်ခြင်း စကားကို ဧလိရှဗက်သည် ကြားစဉ်တွင် မိမိဝမ်း၌ ရှိသောသူငယ်သည် ခုန်၍၊ မိမိသည် သန့်ရှင်းသော ဝိညာဉ်တော်နှင့် ပြည့်ဝလျက်၊ ၄၂ သင်သည် မိန်းမတကာတို့ထက် မြတ်စွာသော မင်္လာရှိ၏။ သင်၏ ဝမ်း၌ ရှိသောသူငယ်သည်လည်း မြတ်စွာသော မင်္လာရှိ၏။ ၄၃ အကျွန်ုပ်သခင်၏ မယ်တော်သည် အကျွန်ုပ်ဆီသို့ ကြွလာသော ကျေးဇူးကို အဘယ်အ ကြောင်းကြောင့် အကျွန်ုပ်ခံရပါသနည်း။ ၄၄ သင်၏ နှုတ်ဆက်ခြင်း စကား သံကို အကျွန်ုပ်ကြား စဉ်တွင်၊ အကျွန်ုပ် ဝမ်း ထဲ၌ သူငယ်သည် ရွှင်မြူးသော စိတ်နှင့် ခုန်၏။ ၄၅ ယုံကြည်သော မိန်းမသည် မင်္လာရှိ၏။ အကြောင်းမူကား၊ ထိုမိန်းမအား ထာဝရဘုရား မိန့်တော်မူသော စကားသည် ပြည့်စုံလိမ့်မည်ဟု ကြီးသော အသံနှင့် မြွက်ဆို၏။” (လု ၁:၃၉-၄၅)
ဇာခရိ
“သူ၏ အဘ ဇာခရိသည် သန့်ရှင်းသော ဝိညာဉ်တော်နှင့် ပြည့်ဝလျက်၊ ဣသရေလ အမျိုး၏ ဘုရားသခင် ထာဝရဘုရားသည် မင်္လာရှိတော်မူ စေသတည်း။ အကြောင်းမူကား၊ ကမ္ဘာဦးမှစ၍ ပေါ်ထွန်းသော မိမိသန့်ရှင်းသော ပရောဖက်တို့ နှုတ်ဖြင့် ဗျာဒိတ်ထားတော်မူသည် နှင့် အညီ၊ ငါတို့သည် ရန်သူဘေးနှင့် ကင်းလွတ်၍ ဘုရားသခင့်ရှေ့တော်၌ တသက်လုံး သန့်ရှင်းဖြောင့်မတ်ခြင်း ပါရမီအားဖြင့် ဘုရားဝတ်ကို ရဲရင့်စွာ ပြုရသော အခွင့်ကို ပေးမည်ဟု ငါတို့ အဘ အာဗြဟံအား ကျိန်ဆိုခြင်း ဂတိတော် တည်းဟူသော သန့်ရှင်းသော ပဋ္ဋိညာဉ်တရားကို အောက်မေ့တော်မူ သဖြင့်၎င်း၊ ငါတို့ ဘိုးဘေးများနှင့် ဝန်ခံတော်မူသော သနားခြင်း ကျေးဇူးကို ပြုတော်မူ သဖြင့်၎င်း၊ မိမိလူမျိုးကို အကြည့်အရှုကြွလာလျက် ရွေး နှုတ်ခြင်း ကျေးဇူးကို ပြုတော်မူ၍၊ ငါတို့ကို ရန်သူလက်မှ၎င်း၊ မုန်းသောသူရှိသမျှတို့ လက်မှ၎င်း ကယ်လွှတ်မည် အကြောင်း၊ ကယ်လွှတ်ခြင်း ဦးချိုကို မိမိကျွန် ဒါဝိဒ်အမျိုးထဲ၌ ငါတို့အား ပေါ်ထွန်းစေတော်မူပြီ။
၇၆ အချင်းသူငယ်၊ သင်သည်လည်း အမြင့်ဆုံးသော ဘုရား၏ ပရောဖက်ဟု ခေါ်ဝေါ်ခြင်းကို ခံရလိမ့်မည်။ ၇၇ အကြောင်းမူကား၊ ငါတို့ ဘုရားသခင်၏ သနားတော်မူခြင်း ကျေးဇူးတော်အားဖြင့် အပြစ် ဖြေ၍ ကယ်တင်ခြင်းသို့ ရောက်နိုင်ကြောင်းကို ဘုရားသခင်၏ လူမျိုးအား ဘော်ပြသဖြင့်၊ ထာဝရဘုရား၏ လမ်းခရီးတော်ကို ပြင်ဆင်ခြင်းငှါ သင်သည် ရှေ့တော်၌ သွားရ လိမ့်မည်။ ၇၈ ထိုသနားတော်မူခြင်း ကျေးဇူးတော် အားဖြင့်၊ ကောင်းကင်မှ နေအာရုဏ်သည် ငါတို့ အပေါ်သို့ တက်သ ဖြင့်၊ ၇၉ မှောင်မိုက်နှင့် သေမင်း၏ အရပ်ထဲတွင် ရှိနေသောသူတို့၌ အလင်းပေါ်ထွန်း၍၊ ငါတို့အား ငြိမ်သက်ခြင်း လမ်းကို ပြလျက် ရှိသည်ဟု ပရောဖက် ဥာဏ်နှင့် ဟောလေ၏။” (လု ၁:၆ရ- ၇၉)
ယုံကြည်သူများ
“ပင်တေကုတ္တေ ပွဲနေ့ရောက်သောအခါ ထိုသူ အပေါင်းတို့သည် တညီတညွတ်တည်း စည်းဝေး၍ နေကြ၏။ ၂ ထိုအခါ လေပြင်းမုန်တိုင်း ကဲ့သို့သော အသံသည် တခဏခြင်းတွင် ကောင်းကင်မှ လာ၍၊ ထိုသူတို့ နေထိုင်သော အိမ်ကို ဖြည့်လေ၏။ ၃ ထိုခဏခြင်းတွင် ကွဲပြားသော လျှာတို့သည် မီးလျှာကဲ့သို့ ထင်ရှား၍၊ ထိုသူအ သီး သီးတို့ အပေါ်၌ တည် နေကြ၏။ ၄ ထိုသူအ ပေါင်းတို့သည်လည်း သန့်ရှင်းသော ဝိညာဉ်တော်နှင့် ပြည့်၍၊ ဝိညာဉ်တော်သည် ဟောပြောသော အခွင့်ကို ပေးတော်မူသည် အတိုင်း အမျိုးမျိုးသော ဘာသာစကားအားဖြင့် ဟောပြောကြ၏။” (တ ၂:၁-၄)
“ထိုသို့ ဆုတောင်း ပဌနာ ပြုပြီးမှ၊ စုဝေးသော အရပ်သည် တုန်လှုပ်၍၊ ထိုသူ အပေါင်းတို့သည် သန့်ရှင်းသော ဝိညာဉ်တော်နှင့် ပြည့်သဖြင့်၊ ဘုရားသခင်၏ နှုတ်ကပတ်တရားတော်ကို ရဲရင့်စွာ ဟောပြောကြ၏။” (တ ၄:၃၁)
ပေတရု
“ထိုအခါ ပေတရုသည် သန့်ရှင်းသော ဝိညာဉ်တော်နှင့် ပြည့်လျက်၊ လူများကို အစိုးရသော မင်းတို့နှင့် ဣသရေလ အမျိုး အကြီး အကဲတို့၊ ၉ အင်္ဂါချို့တဲ့သောသူတို့ ကျေးဇူးပြု၍၊ သူသည် အနာရောဂါနှင့် အဘယ်သို့ ကင်းလွတ် သနည်းဟု ငါတို့သည် ယနေ့ အစစ်ခံရလျှင်၊ ၁၀ သင်တို့သည် လက်ဝါးကပ်တိုင်မှာ ကွပ်မျက်၍၊ ဘုရားသခင်သည် သေခြင်း မှထမြောက် စေတော်မူသော နာဇရက်မြို့သား ယေရှုခရစ်၏ နာမတော်အားဖြင့် ဤသူသည် သင်တို့ မျက်မှောက်၌ ကျမ်းမာလျက် ရှိသည်ကို သင်တို့ မှစ၍ ဣသရေလ ူ အပေါင်းတို့ သိမှတ်ကြလော့။ ၁၁ ထိုသခင်ကား၊ သင်တို့သည် တိုက်ကို တည်လုပ်သောအခါ ပယ်ထား၍၊ နောက် တဖန် တိုက်ထောင့် အထွဋ္ဋ်ဖျားသို့ ရောက်ပြန်သော ကျောက် ဖြစ်တော်မူ၏။ ထိုသခင်မှတပါး အဘယ်သူမျှ ကယ်တင်ခြင်း အမှုကို မတတ်နိုင်။ ၁၂ ထိုသခင်၏ နာမတော် မှတပါး ငါတို့ကို ကယ်တင်နိုင်သော နာမတစုံတခုမျှ ကောင်းကင်အောက် လူတို့တွင် မပေါ်မရှိဟု ပေတရုသည် ထိုသူတို့အား မြွက်ဆို၏။” (တ ၄:၈-၁၂)
ပေါလု
“ထိုအခါ ပေါလုဟု အမည်တွင်သော ရှောလုသည် သန့်ရှင်းသော ဝိညာဉ်တော်နှင့် ပြည့်သဖြင့်၊ ထိုနတ်ဝိဇ္ဇာ အတတ်သမားကို စေ့စေ့ကြည့်ရှုလျက်၊ ၁၀ လှည့်ဖြားခြင်း၊ အကျိုးကို ဖျက်ခြင်း အမျိုးမျိုးနှင့် ပြည့်စုံသော မာရ်နတ်၏သား၊ ဖြောင့်မတ်ခြင်း တရား၏ ရန်သူ၊ သင်သည် ထာဝရဘုရား၏ ဖြောင့်မတ်သောလမ်းခရီး တို့ကို မဖျက်ဆီးဘဲ မနေနိုင်သလော။ ၁၁ ယခုပင် ထာဝရဘုရား၏ လက်တော်သည် သင့်အပေါ်သို့ ရောက်၍၊ နေကိုမျှ မမြင်နိုင်အောင် အင်တန်ကာလ ပတ်လုံးသင်၏ မျက်စိ ကွယ်လိမ့်မည်ဟု ပေါလုဆိုသော ခဏခြင်းတွင် မျက်စိမြှေးရှက်၍ မှောင်မိုက်အတိ ဖြစ်သဖြင့်၊ လက်ဆွဲပေးသောသူတို့ကို ရှာလျက် တလည်လည်ရှိ၍ နေ၏။ ၁၂ ထိုကြောင်း အရာကို မြင်လျှင်၊ မြို့ဝန်သည် ယုံကြည်ခြင်းသို့ ရောက်၍၊ သခင်ဘုရား၏ ဒေသနာတော်ကို အလွန် အံ့ဩ မိန်းမော၍ နေ၏။” (တ ၁၃:၉-၁၂)
၀ိညာဉ်များ ချစ်ခြင်း
အမှုတော်ဆောင်များသည် ဝိညာဉ် များကို ချစ်ဘို့ လိုသည်။ ဝိညာဉ် မချစ်ဘဲ အမှုတော်ဆောင်ခြင်းသည် အောင်မြင်မှု မရှိနိင်ချေ။
