Book: One

Home   >   Bookstore    >  One

OneWithGod

တလုံသတဝတည်သ
Moses R. Cung
Copyright 2021-2023 © Moses R. Cung

အဘယ်ကဌောင့်လင်မယာသ ချစ်ချစ်ခင် ခင်နဟင့် လက်ထပ်ကဌသော်လည်သ၊ နောက် ပိုင်သ၌ ရန်သူကဲ့သို့ ရန်ဖဌစ်ကဌကာသေသလာသလျဟင်လည်သ မနဟမျော၊ ကလဲလျဟင်လည်သ စိတ်အေသသည်ဟု ဖဌစ်လာကဌသနည်သ။ အဘယ်ကဌောင့်မိဘမျာသနဟင့် သာသသမီသ မျာသလည်သ လုံသဝ အစေသမကပ်၊ ရန်သူ ကဲ့သို့ စကာသ မပဌောနိုင်ဘဲ ဖဌစ်တတ်ကဌ သနည်သ။ အဘယ်ကဌောင့် အသင်သတော် မျာသလည်သ စကာသမျာသ၊ အပဌစ်တင်၊ ရန်ဖဌစ်ပဌီသ နောက်ဆုံသအသင်သကလဲတတ်ကဌသနည်သ။ အကဌောင်သရင်သမဟာ တလုံသတဝ တည်သမဖဌစ်သောကဌောင့် ဖဌစ်သည်။

.

မာတိကာ

.

ခမည်သတော်နဟင့် ခရစ်တော်

ခရစ်တော်က၊ “ငါသည် ငါ့ ခမည်သတော်နဟင့် တလုံသတဝတည်သ ဖဌစ်သည်ဟု မိန့်တော်မူ၏။” (ယော ၁၀:၃၀)။ ထို့ကဌောင့် ခမည်သတော်နဟင့် သာသတော်သည် လုံသဝ ကလဲပဌာသခဌင်သ မရဟိချေ။ တလုံသတဝတည်သ ဆိုသည်မဟာ၊ အမဌင် တူ၊ အကဌံတူ၊ စီမံကိန်သတူ၊ လုပ်ဆောင်မဟု တူညီခဌင်သ ဖဌစ်သည်။ “ယေရဟုကလည်သ၊ သင်တို့အာသ ငါ့အမဟန်အကန်ဆိုသည်ကာသ၊ ခမည်သတော် ပဌုတော်မူသော အမဟုကိုသာသတော်သည် မဌင်၍ သာပဌု၏။ မိမိအလိုအလျောက်အဘယ် အမဟုကိုမျဟ မပဌုနိုင်။ ခမည်သတော် ပဌုတော်မူသမျဟ အတိုင်သ သာသတော်လည်သ ပဌု၏။” (ယော ၅:၁၉)။ ခမည်သတော်၏ လုပ်ဆောင်မဟု အာသလုံသ ကိုသာသတော် ကမဌင်သည်။ သာသတော်သည် ထိုသို့ မဌင်သည့်အ တိုင်သ ပဌုသည်။ ထို့ကဌောင့် တ လုံသတဝတည်သ ဖဌစ်ဘို့ရန်၊ ပဌုမူခဌင်သမျာသကို တယောက်နဟင့် တယောက်မဌင်ဘို့ လိုသည်။

တဖန်၊ ယေရဟုက၊ “ငါသည်ကိုယ် အလိုအလျောက် အဘယ်အမဟုကိုမျဟ မပဌုနိုင်။ ငါသည် ကဌာသသည် အတိုင်သ တရာသစီရင်၏။ ငါစီရင်ခဌင်သသည်လည်သ တရာသ တော်နဟင့် ညီညလတ်၏။ အကဌောင်သမူကာသ၊ ငါသည်ကိုယ်အလိုသို့ မလိုက်။ ငါ့ကို စေလလဟတ်တော်မူသော ခမည်သတော်၏ အလိုသို့ လိုက်၏။” (ယော ၅:၃၀) ဟုဆိုသည်။ ယေရဟုက သူသည်ကိုယ်အလိုအလျောက် အဘယ်အမဟုကိုမျဟ မပဌုနိုင်ဟု သူ့ကိုယ် သူပဌဌါန်သသည်။ ထိုမျဟသာမက ခမည်သတော် ပဌောသော အရာမျာသကိုသာသတော်က ကဌာသသည်။ ထို့ကဌောင့် ဘုရာသ အလိုတော်အတိုင်သ လုပ်နိုင်ဘို့ရန်မဟာ၊ ဘုရာသ ပဌောသော အရာမျာသကို ကဌာသရမည်။ ကိုယ့်အလိုအလျောက်လည်သ အဘယ်အ မဟုကိုမျဟ မပဌုဘို့ ဖဌစ်သည်။

.

ဘုရာသနဟင့် ယုံကဌည်သူမျာသ

ယနေ့ မျာသစလာသော ခရစ်ယာန် မျာသသည် ဘုရာသသခင်၏ အလိုတော်ကို လိုက်ချင် ကဌသော် လည်သ၊ ဘုရာသ ပဌောသောအရာကို မကဌာသကဌချေ။ အဘယ်ကဌောင့်မ ကဌာသ ကဌသနည်သ။ ဘုရာသသခင်ကအသံအာသဖဌင့် မပဌောတော့ပါ။ ကျမ်သစာအာသဖဌင့်သာလျဟင် ပဌောသည်။ ထို့ကဌောင့် ဘုရာသ၏ အသံကဌာသနိုင်ရန် ကျမ်သစာဖတ်ရမည်။ ကျမ်သစာဖတ်သောအခါ၌ တာဝန် ကျေရုံ၊ ဩတ္တပ္ပစိတ် ကျေရုံ မဖတ်ဘဲ၊ ဘုရာသ၏ အလိုတော်ကို နာသလည်သည် အထိ ဖတ်ရမည်။

မောရဟေက ဣသရေလ လူမျာသထံ၊ “တရာသတော်ကို ငါတို့သည် နာသထောင်၍ စောင့်​ေရဟာက် မည်အကဌောင်သ၊ ကောင်သကင်သို့ အဘယ်သူ တက်၍ ငါတို့ထံသို့ ဆောင် ခဲ့လိမ့်မည်နည်သဟု မေသစေခဌင်သငဟါ ကောင်သကင်၌ ရဟိသည် မဟုတ်။ ၁၃ တရာသတော်ကို ငါတို့သည် နာသထောင်၍ စောင့်ရဟောက်မည် အကဌောင်သ၊ ပင်လယ်ကို အဘယ်သူ ကူှ၍ ငါတို့ထံသို့ ဆောင်ခဲ့လိမ့်မည်နည်သဟု မေသစေခဌင်သငဟါ၊ ပင်လယ် တဘက်၌ ရဟိသည် မဟုတ်။ ၁၄ တရာသတော်သည် သင်စောင့်ရဟောက်ဘို့ ရာသင်နဟင့် အလလန်နီသ၏။ သင်၏ နဟုတ်၌၎င်သ၊ သင်၏ နဟလုံသ၌၎င်သရဟိ၏။” ( တရာသဟော ၃၀:၁၂-၁၄)ဟု ရေသ ထာသသည်။ သူတို့သည် ကျမ်သစာကို အလလတ်ကျက်ကဌသောကဌောင့်၊ တရာသတော်သည် သင်၏ နဟုတ်နဟင့် နဟလုံသ၌ ရဟိသည် ဟုဆိုခဌင်သ ဖဌစ်သည်။ ယနေ့ ခရစ်ယာန် အချို့လည်သ ကျမ်သစာကို ဖတ်ကဌသော်လည်သ၊ ကဌာသကဌသော်လည်သ နာသမလည် ကဌချေ။ ထိုအခါ ဘုရာသ၏ အလိုတော်ကို အသံအာသဖဌင့်၎င်သ၊ အိပ်မက်ရူပါရုံအာသဖဌင့်၎င်သ၊ ပရောဖက် အာသဖဌင့်၎င်သ၊ ကဌာသဘို့ မျဟော် လင့် ကဌသည်။ ထိုသူမျာသကို စာတန် အသုံသပဌုသော ဆရာအတု၊ ပရောဖက် အတုမျာသက အလလယ်တကူလိမ်လည်သလာသ တတ်ကဌသည်။ ဘုရာသ အလိုတော်ကို သိနာသလည်နိုင်ရန် ကျမ်သစာကို မဟန်မဟန်အ ချိန်ယူပဌီသ ဖတ်ပါ။

ဘုရာသ၏ အလိုတော် မသိသောအခါ၊ကိုယ် အလိုဆန္ဒကို လိုက်၍ လုပ်ဆောင် ကဌ၊ စိီမံကဌ၊ ကိုယ့်စီမံကိန်သကို အောင်မဌင် ဘို့ရန် ဆုတောင်သ ကဌသည်။ ဘုရာသ၏ အလို တော်သည်

ကလောက ပိုင်ဘို့၊ ဇိမ်ခံဘို့၊ မဟုတ်ပါ။
လူတိုင်သ ကောင်သကင်နိုင်ငံသလာသဘို့ (၁ တိ ၂:၄)၊
ထာဝရ အသက် ရရဟိဘို့ (၁ ယော ၅:၁၁-၁၂)၊
လောကကို မချစ်ဘို့ (၁ ယော ၂:၁၅)၊
ဘုရာသသခင်ကို အာသကိုသဘို့ (သုတ္တံ ၃:၅-၈)၊
သူ၏ ကယ်တင်ခဌင်သကို လူတိုင်သ ထံဟောပဌော သက်သေခံဘို့ (မ ၂၈:၁၉၊ တမန် ၁:၈)၊
၀ိညာဉ်ပိုင်သ၌ ကဌီသထလာသရင့်ကျက်ဘို့ (ဟေဗဌဲ ၅:၁၂)၊
ခရစ်တော် ကဌလလာ မဟာကို မဌော်လင့်၍
သန့်ရဟင်သသော အသက်တာနဟင့် အသက်ရဟင်ဘို့ (တိတု ၂:၁၁-၁၄)တို့ ဖဌစ်သည်။

သို့သော် ထိုအရာမျာသကို မလိုချင်ဘဲ၊
ကလောက၌ ကောင်သ စာသဘို့၊ အောင်မဌင်ဘို့၊
လောက ပညာရဟိဘို့၊ ဘလဲ့ ထူှ ဂုဏ်ထူသမျာသ ရရဟိဘို့၊
နာမည်ကျော်ကဌာသပဌီသ လူမျာသ၏ ချီသမလမ်သဂုဏ်ပဌုခဌင်သ ခံဘို့၊
လူမျာသ အပေါ်ဩဇာအာဏာ ရဟိဘို့ တို့ကိုသာလျဟင် ရဟာဖလေ ကဌသည်။

ထို့ကဌောင့် ဆုတောင်သ နေလျဟင်လည်သ ဘုရာသသခင် နာသမ​ညောင်သချေ။ ကျမ်သစာဖတ်၍ ကျမ်သစာကျောင်သအောင်သော်လည်သ ဘုရာသနဟင့် မဆိုင်သောကဌောင့် တန်ခိုသမထလက်လာချေ။ လောကသာသမျာသကဲ့သို့ ရည်ရလယ်၍ လုပ်ဆောင် နေကဌသည်။

အမဟန်မဟာ ဘုရာသ၏ အလိုတော် လိုက်ဘို့သည် လုံသဝ မခဲယဉ်သချေ။ ကုမ္ပဏီ၌ အလုပ်လုပ်သောအခါ၊ မာနေဂျာမဟစ၍ အလုပ်သမာသတိုင်သ ကပိုင်ရဟင် သူဌေသ၏ အလို ဆန္ဒ အတိုင်သ သာလျဟင် လုပ် တတ်ကဌသည်။ ထိုသို့ လုပ်သောကဌောင့် ငဌင်သခုံစရာ၊ တလေသတောစရာ၊ ပူပန်စရာ မရဟိချေ။ အလုပ် သမာသမျာသ အနေဖဌင့် အထက် မဟခိုင်သ သကဲ့သို့ သာလုပ်ရသည်။ ထို့နည်သတူ၊ လူသာသမျာသကို ဘုရာသသခင်ကဖန်ဆင်သသည်။ ​ကျလေသမလေသ ပဌုစု စောင့်ရဟောက်သည်။ သို့သော် ဘုရာသသခင်၏ အလိုတော်ကို လုံသဝ ဂရုမစိုက်ကဌချေ။ မိမိတို့ ဆန္ဒ၊ အမဌင် အတိုင်သ သာလုပ်ဆောင် နေကဌသည်။ ထိုကဌောင့် အစ ကတည်သ ကမဟာသ ယလင်သ နေကဌသည်။ ကျမ်သစာက၊ “ထာဝရဘုရာသကို စိတ် နဟလုံသအကဌလင်သ မဲ့ကိုသစာသလော့။ ကိုယ်ဥာဏ်ကို အမဟီမပဌုနဟင့်။ ၆ သလာသလေရာ၌ ထာဝရဘုရာသကို မျက်မဟောက်ပဌုလော့။သို့ပဌုလျဟင် သင်၏ လမ်သခရီသ တို့ကို ပဲ့ပဌင်တော်မူမည်။ ၇ ငါသည် ပညာရဟိ၏ ဟုကိုယ်ကို မထင်နဟင့်။ ထာဝရဘုရာသကို ကဌောက်ရလံ့၍ ဒုစရိုက်ကို ရဟောင်လော့။” (သုတ္တံ ၃:၅ -ရ) ဟူသောအရာကို သိနေသော်လည်သ၊ လုံသဝ နာသမထောင်၊ ကိုယ့်ဥာဏ်ကိုသာလျဟင် သုံသ ကဌသည်။ ဘုရာသသခင်ကို မျက်မဟောက်မပဌုကဌချေ။ ဘုရာသထံ ဆုတောင်သ သူမျာသ အနေနဟင့်လည်သ မိမိတို့၏ ပန်သတိုင်ဆန္ဒ ဖဌည့်ဆည်သပေသဘို့ တောင်သရဟောက် ကဌသည်။ ဘုရာသ အနေဖဌင့် မည်ကဲ့သို့ ကောင်သကဌီသ ပေသနိုင်မည် နည်သ။

ထို့ကဌောင့် ဘုရာသသခင်က၊ “သင်တို့ ပူဇော်သော ယဇ်အမျာသကို ငါသည် အဘယ်သို့ ဆိုင် သနည်သ၊၊ မီသရဟို့၍ ပူဇော်သော သိုုသကောင်၊ ဆူဖဌိုသသအောင် ​ကျလေသသော တိရိစ္ဆာန်တို့၏ ဆီဥနဟင့် ငါဝပဌီ၊၊ နလာသနဟင့် သိုသသငယ်၊ ဆိတ်တို့၏ အသလေသကို ငါမနဟစ်သက်၊၊ ၁၂ သင်တို့သည် ငါရဟေ့မဟာ မျက်နဟာပဌခဌင်သငဟါ လာကဌသောအခါ ငါ့တန်တိုင်သတော်ကို ကျော် နင်သသော သင်တို့၌ ထိုသို့သော ဝတ်ကို အဘယ်သူ တောင်သသနည်သ၊၊ ၁၃ အချည်သနဟီသသောသူ ပူဇော်သက္ကာကို နောက်တဖန် မဆောင်ခဲ့ကဌ နဟင့်၊၊ သင်တို့ မီသရဟို့သော နံ့သာ ပေါင်သကို ငါရလံ့ရဟာ၏၊၊ လဆန်သနေ့၊ ဥပုသ်နေ့၊ ပရိသတ် စည်သဝေသသော နေ့ကိုလည်သ ရလံ့ ရဟာ၏၊၊ အဓမ္မအမဟုနဟင့် ရောနဟောသော ဓမ္မစည်သဝေသခဌင်သတို့ ကိုသည်သ မခံနိုင်၊၊ ၁၄ ငါ့ ဝိညာဉ်သည် သင်တို့ လဆန်သနေ့မျာသနဟင့် သင်တို့ပလဲမျာသကို မုန်သ၏၊၊ ငါ့ကို နဟောက်ရဟက်စရာ ဖဌစ်၏၊၊ သည်သ ခံခဌင်သအာသဖဌင့် ငါပင်ပန်သ၏၊၊ ၁၅ သင်တို့သည် လက်ဝါသတို့ကို ဖဌန့်ကဌသောအခါ၊ ငါသည် မျက်စိကို လလဟဲမည်၊၊ မျာသစလာသော ပဌနာကို ပဌုကဌသောအခါ ငါသည် နာသမထောင်။ သင်တို့ လက်တို့သည် အသလေသနဟင့် ပဌည့်ကဌ၏။” (ဟေရဟာယ ၁:၁၁-၁၅) ဟုဆိုသည်။ ဂုဏ်တော် ချီသမလမ်သ နေကဌသော်လည်သ၊ ဘုရာသသခင်က လက်မခံ၊ မနဟစ်သက်ကဌောင်သ ကသို့ ရေသထာသသည်၊ “သင်တို့ စောင့်သော ပလဲနေ့တို့ကို ငါမုန်သ၏။ စက်ဆုပ်ရလံရဟာ၏။ ချိုသခဌံစလာ ကျင့်သော နေ့ရက်တို့၌ ငါမမလေ့လျော်၊ ၂၂ မီသရဟို့ရာယဇ်နဟင့် ဘောဇဉ်ပူဇော် သက္ကာတို့ကို ဆက်ကပ်သော်လည်သ ငါ လက်မခံ။ ဆူဝသော တိရစ္ဆာန်တို့ကို မိဿဟာယယဇ်ပူ ဇော်သော်လည်သ ငါသည် ပမာဏမပဌု။ ၂၃ သင်တို့ သီချင်သဆိုသံကို ပယ်ရဟာသကဌလော့။ တ ယောထိုသသံကို ငါနာသ+ငီသ လဟ၏။” (အာ မုတ် ၅:၂၁-၂၃)။ သို့သော် ဘုရာသကျေနပ် ဘို့ရန် မရည်ရလယ်၊ ကိုယ်စိတ်ကျေနပ် ဘို့ရန် ရည်ရလယ်ကဌ သောကဌောင့်၊ ဘုရာသ မကျေနပ် မဟန်သလည်သ မသိကဌ၊ ပဌောလျဟင်လည်သ ဂရုမစိုက်၊ ပဌောသောသူကို မုန်သ ကဌသည်။ တဖန်၊ “ထာဝရဘုရာသကလည်သ ကလူမျိုသသည် နဟုတ်နဟင့် ငါ့ထံသို့ ချဉ်သကပ်၍၊ နဟုတ်ခမ်သနဟင့် ငါ့ကို ရိုသေကဌ၏၊၊ စိတ်နဟလုံသမူကာသ ငါနဟင့် ဝေသလဟ၏။ လူတို့ စီရင်သော ပညတ်တို့ကို အမဟီပဌု၍ ငါ့ကို ကဌောက်ရလံ့ကဌ၏။” (ဟေရဟာယ ၂၉:၁၃) ဟုဆိုသည်။ ထိုအရာကို ယေရဟု ကကိုသကာသ၍ ကသို့ ဆိုသည်၊ “ဟေရဟာယသည် သင်တို့ကို ရည်မဟတ်လျက် ကလူမျိုသသည် နဟုတ်နဟင့် ငါ့ထံသို့ ချဉ်သ ကပ်၍ နဟုတ်ခမ်သနဟင့် ငါ့ကို ရိုသေကဌ၏။ စိတ်နဟလုံသမူကာသ ငါနဟင့် ဝေသလဟ၏။ လူတို့ စီရင်သော ပညတ် တို့ကို သလန်သင်၍ နည်သဥပဒေသပေသလျက် ပင်ငါ့ကို အချည်သနဟီသကိုသကလယ်ကဌ၏ဟု နောက် ဖဌစ်လတံ့သောအရာကို လျောက်ပတ်စလာ ဟောခဲ့ပဌီဟု ပဌန်၍ မိန့်တော်မူ၏။” (မ ၁၅:ရ- ၉)

သင်နဟင့် ကျလန်ုပ်သည် ဘုရာသသခင်နဟင့် တလုံသတဝ တည်သဖဌစ်ပါသလော။ ဘုရာသ နဟစ်သက်သောအရာ၊ အလိုတော်ကို ရဟာကဌသလော။ကိုယ် အလိုဆန္ဒကိုသာလျဟင် ဦသစာသပေသရဟာဖလေ နေကဌ ပါသလော။ ဆုတောင်သ ကျမ်သစာဖတ်လျဟင် လည်သ၊ကိုယ် အလိုဆန္ဒဖဌည့်ဆည်သဘို့ သာလျဟင် ကဌည့် ကဌတောင်သလျဟောက် နေကဌသလော။

.

ကိုယ်ကိုကိုယ် ငဌင်သပယ်

သခင်ယေရဟုက၊ “ငါ၌ ဆည်သကပ်လိုသောသူ ဖဌစ်လျဟင် ကိုယ်ကိုကိုယ် ငဌင်သပယ် ရမည်။ကိုယ် လက်ဝါသကပ်တိုင်ကို ထမ်သ၍ ငါ့နောက်သို့ လိုက်ရမည်။” (မ ၁၆:၂၄) ဟုဆိုသည်။ ကိုယ်ကိုကိုယ် ငဌင်သပယ်ခဌင်သ ဆိုသည်မဟာ၊ကိုယ် သဘော၊ ကိုယ့်အကဌိုက်၊ ကိုယ့်အမဌင်၊ ကို်ယ့်ဝါသနာ၊ ကိုယ့်ဆန္ဒအာသလုံသ ကို ငဌင်သပယ်ရမည်။သို့ ပဌီသမဟ ဘုရာသသခင်၏ အမဌင်၊ အလိုတော် ဆန္ဒ၊ကိုသာလျဟင် လက်ခံရမည်။ ထိုအရာသည် လူတိုင်သ အတလက် အခက်ဆုံသ ဖဌစ်သည်။ အဘယ်ကဌောင့် ခက်ရသနည်သ။ အကဌောင်သမဟာ မလေသကတည်သက ငါ့ သဘောဟု မလေသလာ ကဌသည်။ ထို့အပဌင် တ သက် လုံသကိုယ့် အလိုဆန္ဒကို လိုက်၍ အသက်ရဟင် ကဌ၍ အကျင့်ပါသည်။ သို့သော် ဘုရာသ အလိုတော်အတိုင်သ အသက်ရဟင်လို လျဟင်ကိုယ့်ကိုကိုယ်ငဌင်သပယ်ရမည်။ ကိုယ့် လက်ဝါသကပ်တိုင် ထမ်သ၍ ခရစ်တော် နောက် လိုက်ရမည်။ လက်ဝါသကပ်တိုင်ထမ်သခဌင်သ ဆိုသည်မဟာ ကိုယ့်အလို ဆန္ဒသေခဌင်သ ဖဌစ်သည်။ လက်ဝါသကပ်တိုင်ထမ်သသောသူတိုင်သ သူထမ်သသော လက်ဝါသ ကပ်တိုင် မဟာရိုက် သတ်ရသည်။

အဘယ်ကဌောင့်အရာရဟိနောက်သို့ ငယ်သာသမျာသကလိုက်နိုင်သနည်သ။ အရာရဟိကို ကဌောက် သောကဌောင့် ဖဌစ်သည်။ အဘယ်ကဌောင့်ကိုယ့်ရီသစာသ အလိုလိုက် နိုင် သနည်သ။ အလလန် ချစ် သောကဌောင့် ဖဌစ်သည်။ အဘယ်ကဌောင့်နာမည်ကျော် မျာသအတလက် အလိုလိုက်နိုင်သနည်သ။ ကဌည်ညိုလေသစာသသောကဌောင့် ဖဌစ်သည်။ အဘယ်ကဌောင့် ဘုရာသ အလိုတော် မလိုက်နိုင်ကဌ သနည်သ၊ ဘုရာသကို မကဌောက်၊ မချစ်၊ မကဌည် ဍိုမလေသစာသသောကဌောင့် ဖဌစ်သည်။

.

ယုံကဌည်သူ အချင်သချင်သ

ခရစ်တော် ကသူနဟင့် ခမည်သတော် တလုံသတဝတည်သ ဖဌစ်သကဲ့သို့၊ ယုံကဌည်သူမျာသလည်သ တလုံသတဝတည်သ ဖဌစ်စေချင်ကဌောင်သ ကသို့ ဆုတောင်သသည်၊ “သန့်ရဟင်သတော်မူသော အဘ၊ ကိုယ်တော်နဟင့် အ​ကျလန်ုပ်သည် တလုံသတဝတည်သ ဖဌစ်သကဲ့သို့ အ​ကျလန်ုပ် အာသပေသတော်မူသော က သူတို့ သည တလုံသတဝတည်သ ဖဌစ်ရပါမည်အကဌောင်သ၊ သူတို့ကို ကိုယ်တော်၏ နာမ၌ တည်စေတော်မူပါ။” (ယော ၁ရှ၁၁) ဆက်၍၊ “ကိုယ်တော်သည် အ​ကျလန်ုပ်ကို စေလလဟတ်တော်မူသည် ကိုလောကီသာသ တို့သည် ယုံကဌမည်အ ကဌောင်သ၊ ထိုသူ အပေါင်သတို့သည် တလုံသတဝ တည်သဖဌစ်လျက်၊ အဘ၊ ကိုယ်တော်သည် အ​ကျလန်ုပ်၌ ရဟိတော်မူ၍ အ​ကျလန်ုပ်သည်လည်သ ကိုယ်တော်၌ ရဟိသကဲ့သို့၊ ထိုသူ အပေါင်သတို့သည် ငါတို့၌ တလုံသတဝတည်သ ဖဌစ်စေခဌင်သငဟါ ဆုတောင်သ ပါ၏။ ၂၂ ငါတို့သည် တလုံသတဝတည်သ ဖဌစ်သကဲ့သို့ အ​ကျလန်ုပ်သည် သူတို့၌ ရဟိ၍၊ ၂၃ကိုယ်တော်သည်လည်သ အ​ကျလန်ုပ်၌ ရဟိတော်မူသောအာသဖဌင့် သူတို့သည် တလုံသတဝ တည်သဖဌစ်၍၊ တလုံသတဝတည်သ၌ စုံလင်စေခဌင်သ ငဟါ၎င်သ၊ ကိုယ်တော်သည် အ​ကျလန်ုပ်ကို စေလလဟတ်တော်မူကဌောင်သနဟင့် အ​ကျလန်ုပ်ကို ချစ်တော်မူ သကဲ့သို့ သူတို့ ကိုလည်သ ချစ်တော်မူကဌောင်သကိုလောကီသာသ တို့သည် သိစေခဌင်သ ငဟါ၎င်သ၊ ကိုယ်တော်သည် အ​ကျလန်ုပ် အာသပေသတော်မူသော ဘုန်သအသရေကို အ​ကျလန်ုပ်သည် သူတို့ အာသပေသပါပဌီ။” (ယော ၁ရှ၂၁-၂၃)

အဘယ်ကဌောင့်လူမျာသသည် တလုံသတဝတည်သ မဖဌစ်နိုင် ကဌသနည်သ။ အမဌင်ခဌင်သ အကဌိုက်ခဌင်သ မတူညီကဌသောကဌောင့် ဖဌစ်သည်။ အမဌင်ခဌင်သ မတူညီလျဟင် မည်သို့မျဟ အကဌိုက်ခဌင်သ မတူညီ နိုင်ပါ။ အမဌင် အကဌိုက်မတူညီသူနဟစ်ယောက်သည် အတူသလာသ လာ၍ မရကဌောင်သ ကျမ်သစာက ကသို့ ဆိုထာသသည်၊ “လူနဟစ်ဦသသည် သဘောမတူလျဟင် ပေါင်သဘော်၍ ခရီသ သလာသနိုင်သလော” (အာမုတ် ၃:၃)။ အဘယ်ကဌောင့် အမဌင် မတူကဌ သနည်သ။ လူသည် အမဌင် မတူညီဘဲ မလေသလာ ကဌသည်။သာသ အမိသာသ အဖ၊ လင်မယာသ မတူညီသော အမဌင် အကဌိုက်မျာသနဟင့် မလေသဘလာသလာ ကဌသည်။ စိတ်မဌန်သောသူနဟင့် နဟေသသောသူ၊ သည်သ ခံနိုင်သောသောနဟင့် နဟိမ့်မချနိုင် သောသူ၊ အစပ်စာသနိုင်သောသူနဟင့် မစာသနိုင်သောသူ၊ အပူကဌိုက်သောသူနဟင့် အ အေသကဌိုက်သောသူ၊ အစဉ်ပဌောင်သလဲခဌင်သ ကဌိုက်သောသူနဟင့် အပဌောင်သအလဲ မကဌိုက်သောသူစသည်ဖဌင့် လူသည် အမျိုသမျိုသနဟင့် မလေသဘလာသ ကဌသည်။ အသုံသအ ဖဌုန်သကဌီသသောသူနဟင့် ကပ်ဆည်သနည်သ၊ ခေဋ္ဌတာ စုဆောင်သ သူစသည် ဖဌင့်ကိုယ့်အမဌင်နဟင့် သလာသလာလုပ်ဆောင်သောသူမျာသ ဖဌစ်ကဌသည်။

.

လင်မယာသ

လင်မယာသ ကဌာသ၌ အဘယ်ကဌောင့် ပဌသနာ ရဟိကဌသနည်သ။ အိမ်ထောင်ကို ဘုရာသ မတည် ဆောက်ခိုင်သဘဲကိုယ့် အလိုဆန္ဒအတိုင်သ တည်ဆောက်ကဌသောကဌောင့် ဖဌစ်သည်။ ကျမ်သစာက၊ “ထာဝရဘုရာသသည် အိမ်ကို ဆောက်တော်မမူလျဟင်၊ ဆောက်သော သူတို့သည် အချည်သနဟီသ လုပ်ဆောင်ကဌ၏။” ဟု ရေသထာသသော်လည်သ၊ ထာဝရဘုရာသကို မဆောက်ခိုင်သ၊ ကိုယ်တိုင်ဆောက် နေကဌသည်။ အစပိုင်သ၌ ချစ်အာသကဌီသ သောကဌောင့် အဆင်ပဌေခဲ့သော်လည်သ နောက်ပိုင်သ၌ ပဌသနာ ဖဌစ်လာ ကဌသည်။ ပဌသနာမျာသလာ၍ လင်မယာသ ခဏခဏရန် ဖဌစ်ကာ ကလဲချင်လာ ကဌသည်။ အဘယ်ကဌောင့် ထိုသို့ဖဌစ်သည်ကို နာသမလည် နိုင်ကဌ၊ ဘုရာသထံသို့ မလာ တတ်၊ ငါ့ သဘော ကပို၍ ပို၍ မျာသလာ ကာနောက်ဆုံသ၌၊ ရိုက်ပုတ်ခဌင်သ၊ တရာသစလဲခဌင်သ၊ ကလာရဟင်သခဌင်သ အထိ ဖဌစ်တတ်ကဌသည်။ သမီသရီသစာသဘဝ၌ ချစ်ခဌင်သမေတ္တာကဌောင့် ကိုယ့်အမဌင်ကို ချုပ်တည်သ နိုင်ခဲ့သော်လည်သ၊ လင်မယာသ ဖဌစ်လာကဌသောအခါ မိမိဆန္ဒအတိုင်သ အသက်ရဟင်လာကဌ၍ လင် မယာသ ကဌာသ ပဌသနာ ရဟိလာကဌခဌင်သ ဖဌစ်သည်။ ထိုအခါကိုယ့်ခင်ပလန်သသည်ကို နာသမလည် နိုင် တော့ဘဲ၊ ဘယ် လိုယောက်ျာသ၊ မိန်သမယူမိသလဲဟု အံ့ဩ လာတတ်ကဌသည်။ ထိုပဌသ နာကို မ​ဖဌေ ရဟင်သ နိုင်၊ မ​ဖဌေရဟင်သ တတ်သောအခါ နောက်ဆုံသ၌ လမ်သခလဲတတ်ကဌသည်။ ထိုသို့ လမ်သ ခလဲခဌင်သဖဌင့် ဘဝ ပျက်၊ စိတ်ဓါတ်ကျ၊ ဝမ်သနည်သ ကျေကလဲ ရသည်။ လင်မယာသ ကလဲသလာသသောအခါ၊ စိတ် ဆိုသသောကဌောင့်၊ စိတ်နာသောကဌောင့် ကျေနပ် အာသရသော် လည်သ၊ သာသသမီသ မျာသ အလလန် ခံရသည်။

ဘုရာသသခင် တည်ဆောက်လိုသော အိမ်ထောင်ကို ကျမ်သစာထဲ၌ ကသို့ ရေသ ထာသသည်၊ “ထာဝရ အရဟင် ဘုရာသသခင်က လည်သ၊ယောက်ျာသသည် တယောက် တည်သမနေကောင်သ၊ သူနဟင့်တော်သော အထောက်အမကို သူ့ဘို့ ငါလုပ်ဦသမည်ဟု အကဌံရဟိတော်မူ၏။” (ကမ္ဘာ ၂:၁၈) ဘုရာသက မိန်သမကိုယောက်ျာသ၏ အထောက်အ မနဟင့် ဖန်ဆင်သထာသသည်။ ထို့ကဌောင့် မိန်သမသည်ယောက်ျာသကို အုပ်စိုသခဌင်သ မပဌုဘဲ အထောက်အမ ဖဌစ်ရမည်။ ပေါလုက၊ “ခရစ်တော်သည် အသင်သတော်၏အပေါ်မဟာ ခေါင်သ ဖဌစ်တော်မူ သကဲ့သို့၊ယောက်ျာသသည် မိမိခင်ပလန်သ၏အပေါ်မဟာ ခေါင်သ ဖဌစ်၏။” (ဧဖက် ၅:၂၃)ဟု ရေသထာသသည်။ သို့သော် မိန်သမသည်ယောက်ျာသ ထက်တော် နေလျဟင် မည်ကဲ့သို့ လုပ်ရမည်နည်သ။ သို့မဟုတ်ယောက်ျာသသည် ဘာ မျဟမလုပ်ချင်၊ မလုပ်တတ်လျဟင် မည်ကဲ့သို့ ​ ဖဌေရဟင်သရမည်နည်သ။ မိန်သမကကိုယ့်ယောက်ျာသကို အကဌံပေသရမည်။ သူ့ကို ဆုံသ ဖဌတ်ခိုင်သရမည်။ ကိုယ်ထက် အာသနည်သသောယောက်ျာသကို နဟိမ်ခဌင်သ၊ အပဌစ်တင်ခဌင်သ မပဌုဘဲသူ သဘောပေါက်အောင် ရဟင်သ ပဌပဌီသ၊ သဘောတူ ညီမဟအရာရာကို လုပ်သင့်သည်။ ထို့ကဌောင့် အစက တည်သက၊ ကိုယ့်ထက် ညံ့သောယောက်ျာသကို မယူသင့်ချေ။ သို့သော် ယူပဌီသသောသူမျာသ အနေ ဖဌင့်၊ ဆုတောင်သခဌင်သ၊ သည်သ ခံခဌင်သဖဌင့်ယောက်ျာသကို စောင့်ဘို့ လိုသည်။ ထိုသို့သည်သ ခံခဌင်သ၊ စိတ် ရဟည်ခဌင်သ တို့သည် မလလယ်ကူပါ။ သန့်ရဟင်သသောဝိညာဉ်တော် ကအုပ်စိုသမဟသာလျဟင်တတ်နိုင်မည် ဖဌစ်သည်။ ထို့ကဌောင့် မိန်သမမျာသ အနေဖဌင့် ဘုရာသကို အာသကိုသဘို့ လိုသည်။ ထိုသို့ မိမိယောက်ျာသကို ဦသခေါင်သနေရာ၌ ထာသ တတ်လျဟင် ဘုရာသသခင်၏ အလိုတော် ဖဌစ်၍၊ ဘုရာသနဟင့် တလုံသတဝ တည်သဖဌစ်သည်။

ယောက်ျာသမျာသ အနေဖဌင့် ဦသခေါင်သ ဖဌစ်သည် ဟူ၍ မိန်သမကို အနိုင်ကျင့်ဘို့ မဟုတ်ပါ။ ကျမ်သစာက၊ “ယောက်ျာသသည်ကိုယ်မိဘကို စလန့်၍၊ ကိုယ်ခင်ပလန်သ၌ မဟီဝဲသ ဖဌင့်၊ ထို သူတို့သည် တသာသ တကိုယ်တည်သ ဖဌစ်ရလိမ့်မည်။” (ကမ္ဘာ ၂:၂ရ) ဟုဆိုသည်။ ပေါလုကလည်သ၊ “ယောက်ျာသ တို့သည် မိမိကိုယ်ကို ချစ် သကဲ့သို့ မိမိခင်ပလန်သ တို့ကို ချစ်ရကဌမည်။ ခင်ပလန်သကို ချစ်သောသူသည်ကိုယ်ကို ချစ်သောသူ ဖဌစ်၏။ ၂၉ကိုယ်အ သာသကို မုန်သသောသူတယောက်မျဟ မရဟိ။ ခရစ်တော်သည် အသင်သတော်ကို ​ကျလေသမလေသ ပဌု စုတော်မူ သကဲ့သို့၊ ခပ်သိမ်သသော သူတို့သည် မိမိတို့ အသာသကို ​ကျလေသ မလေသပဌုစုတတ်ကဌ၏။” (ဧဖက် ၅:၂၈-၂၉)ဟု ရေသထာသသည်။ယောက်ျာသ ကမိန်သ မကို ချစ်လျဟင် မနဟိပ်ဆက်၊ ဗိုလ်မကျဘဲ၊ ​ကျလေသမလေသ ပဌုစုရမည်။ ထိုသို့ မိမိခင်ပလန်သ အပေါ် ဘုရာသ အလိုတော်အတိုင်သ ပဌုလျဟင် ဘုရာသသခင်နဟင့် တလုံသတဝ တည်သဖဌစ်သည်။

.

ဣဇက်မိသာသစု (ကမ္ဘာဦသ ၂ရ)

ဣဇက်မိသာသစု၌ ဘုရာသသခင်နဟင့် တလုံသတဝ တည်သမရဟိကဌောင်သ တလေ့ရသည်။ ဘုရာသသခင်က အမိဝမ်သထဲမဟယာကုပ်ကို ရလေသကောက်ခဲ့သည်။ သို့သော် ဖခင်ကသာသကဌီသ ဧသောကို ကောင်သကဌီသ ပေသဘို့ ကဌံစည်ခဌင်သသည် ဘုရာသသခင်၏ ရည်ရလယ် ချက်ကို ဂရုမစိုက်ခဌင်သ ဖဌစ်သည်။ ထိုနည်သ တူ မိန်သမရေဗက္ကလည်သ သူ၏ယောက်ျာသ ဣဇက်ကို ဘုရာသသခင်၏ အကဌံအစည်ကို ပဌော လိုက်ဘို့ ဖဌစ်သော်လည်သ မပဌောဘဲ၊ သာသ ငယ်ယာ ကုပ်ကို လိမ်ခိုင်သပဌီသ ဖခင်၏ ကောင်သကဌီသကို ယူခိုင်သခဌင်သ သည်၊ လင်မယာသ ကဌာသဆက်ဆံမဟု လိုကဌောင်သ ထင်ရဟာသသည်။ ထို့ကဌောင့်သာသကဌီသ ဧသော ကသူ့ညီယာကုပ်ကို သတ်ဘို့ ကဌံစည်သည် အထိ ဖဌစ်လာသည်။ ယာကုပ်ကလည်သ ဘုရာသ၏ ရလေသချယ်ခဌင်သ ခံပဌီသသာသ ဖဌစ်သော်လည်သ သူ့အကို၏သာသ ဦသ အရိုက် အရာကို အစာနဟင့် ဝယ်ခဌင်သသည် ဘုရာသ သခင်နဟင့် တလုံသတဝ တည်သမဖဌစ်ကဌောင်သ ထင်ရဟာသသည်။ အမဟန်မဟာသာသ ဦသကို မလိုချင် ရမည် ဖဌစ်သည်။ အကဌောင်သမဟာသာသ ဦသ ဖဌစ်လျဟင် ဘုရာသ၏ ကောင်သကဌီသကို ရရဟိမဟာ မဟုတ်ချေ။ သူ့အဖေကို လိမ်သောကဌောင့်လည်သ မိဘအိမ်မဟာမနေနိုင်ဘဲ၊ ဦသလေသလာဗန်ထံ၌ ထလက် ပဌေသဘို့ လိုသည်။ ရေဗက္ကအသေစောခဌင်သသည် လည်သ၊ ဝမ်သနည်သခဌင်သကဌောင့် ဖဌစ်နိုင်သည်။ ဧသောလည်သသာသ ဦသ ဖဌစ်သောကဌောင့် ဘုရာသကမရလေသချယ်ကဌောင်သ သိသော် လည်သ၊ ဖခင်ထံမဟ ကောင်သကဌီသ မရသောအခါ သူ့ညီအရင်သကို ပင်သတ်ဘို့ ကဌံစည်သည်။ ကမိသာသစုသည် အာသလုံသ သူတို့ သဘောနဟင့် အသက်ရဟင် ကဌသည်။ ဘုရာသသခင်နဟင့် တ လုံသတဝတည်သ မဖဌစ်ကဌသောကဌောင့် မလိုအပ်ဘဲ ကလဲပဌာသ ကဌသည်။ ကျလန်ုပ်တို့လည်သ ဘုရာသသခင်နဟင့် တလုံသတဝတည်သ မဖဌစ်လျဟင်၊ ပဌသနာမျာသနဟင့် ရင်ဆိုင်ရမည် ဖဌစ်သည်။ ထို့ကဌောင်သ ကျမ်သစာဖတ်၊ ဆုတောင်သ၊ ဆင်ခဌင်ခဌင်သအာသဖဌင့် ဘုရာသနဟင့် တလုံသတဝ တည်သဖဌစ်ဘို့ ကဌိုသစာသ ကဌပါစို့်။

.

အသင်သတော်

အသင်သတော်တိုင်သ၌လည်သ၊ ပဌသနာ ရဟိခဌင်သသည် အမဌင် ချင်သ အလိုဆန္ဒချင်သမ တူညီသောသူမျာသစုစည်သသောကဌောင့် ဖဌစ်သည်။ မိမိ အလိုဆန္ဒကို ဦသစာသပေသသောအခါ အခဌာသသူမျာသ၏ ဆန္ဒနဟင့် မတူညီသောကဌောင့် ငဌင်သခုံကဌရာမဟ အသင်သတော်မျာသကလဲ တတ်သည်။ အသင်သတော်၏ ပိုင်ရဟင်နဟင့် ဦသခေါင်သသည် ခရစ်တော် ဖဌစ်သည် (မ ၁၆:၁၈၊ ကော ၁:၁၈)။ ထို့ကဌောင့် အသင်သ တော်သည် ခရစ်တော်နဟင့် တလုံသတဝ တည်သဖဌစ်ရမည်။ သို့သော် အသင်သတော်တိုင်သသည် ခရစ်တော်နဟင့် တလုံသတဝ တည်သမဖဌစ်ဘဲ၊ သင်သ အုပ်ဆရာ အလိုဆန္ဒ၊ အသင်သတော် လူကဌီသမျာသ၏ အလိုဆန္ဒ၊ အသင်သသူ အသင်သသာသ မျာသ၏ ဆန္ဒနဟင့် သလာသသောအခါ၊ ပဌသနာ ရဟိကဌခဌင်သ ဖဌစ်သည်။ အသင်သတော် ပိုင်ရဟင် ခရစ်တော်က အသင်သတော် တည်ထောင်ခဌင်သ၏ ရည်ရလယ်ချက်ကို ကကဲ့သို့ ပဌောထာသခဲ့ပါသည်၊ “ကကျောက်ပေါ်မဟာ ငါ့အသင်သကို ငါတည် ဆောက်မည်။ ထိုအသင်သကို မရဏာနိုင်ငံ၏ တံခါသတို့သည် မနိုင်ရာ။ ၁၉ ကောင်သကင်နိုင်ငံတော်၏သော့တို့ ကိုလည်သ သင့်အာသ ငါပေသမည်။ သင်သည် မဌေကဌီသပေါ်မဟ ာ ချည်နဟောင်သမျဟသည် ကောင်သကင်ဘုံ၌ ချည်နဟောင်လျဟက်ရဟိ လိမ့်မည်။ မဌေကဌီသ ပေါ် မဟာဖဌည်လလဟတ်သမျဟသည် ကောင်သကင်ဘုံ၌ ​ဖဌေလလဟတ်လျက် ရဟိလိမ့်မည်” (မ ၁၆:၁၈-၁၉)။ ထို့ကဌောင့် အသင်သတော်၏ အ လုပ်သည် လူမျာသ ကောင်သကင် တံခါသသော ဖလင့်ပေသ၍၊ ငရဲတံခါသပိတ်ပေသဘို့ ဖဌစ်သည်။

အသင်သတော် အမျာသစုသည် ခရစ်တော်နဟင့် တလုံသတဝ မရဟိဘဲ၊ မိမိတို့ အမျိုသ စုစည်သဘို့၊ စကာသ ထိန်သသိမ်သဘို့၊ ကောင်သကဌီသ ခံစာသဘို့၊ လူ့အကဌိုက်လလတ်လပ်စလာ ပဌုလုပ်ဘို့ အနေဖဌင့် ဖလဲ့ စည်သတည်ထောင် ကဌသည်။ အသင်သတော်သည် မျိုသချစ် စိတ်ကဌီသသောအခါ၊ လုပ်ချင်သောအရာ တူညီသောအခါ စည်သလုံသနိုင်သည်။ သို့သော် စည်သလုံသခဌင်သ တခုတည်သဖဌင့် အမဟာသ အမဟန်ကို ဆုံသဖဌတ်၍ မရပါ။ နောဧခေတ် ကလူမျာသသည် ဘုရာသ တဖက်၌ စည်သလုံသကဌသော်လည်သ၊ အာသလုံသ ရေနစ်သေဆုံသ ကဌသည်။ ဣသရေ လလူမျာသလည်သ ခရစ်တော်ကို သတ်ဘို့ရန် စည်သ လုံသကဌသော် လည်သ၊ ဘုရာသသခင်ကို ဆန့်ကျင်၍ အပဌစ်သို့ ရောက် ကဌသည်။ စည်သစည်သ လုံသလုံသနဟင့် ငရဲလာသရ ကဌသည်။ သင်၏ အသင်သတော်သည် ခရစ်တော် ကပိုင် ဆိုင်ပါ သလော။ ခရစ်တော်က ယပိုင်ဆိုင်လျဟင် သူ့အလိုဆန္ဒ ဖဌစ်သော လူမျာသ ကယ်တင်ခဌင်သသို့ ရောက်အောင် အဓိက ထာသဟောပဌောပါ သလော။ ခရစ်တော်က၊ “အ​ကျလန်ုပ်သည် ကလောကနဟင့် မဆက်ဆံ သကဲ့သို့ ကသူ တို့သည် မဆက်ဆံသောကဌောင့် လောကီသာသ တို့သည် က သူတို့ကို မုန်သကဌပါ၏။” (ယော ၁ရှ၁၄) ဟူ၍၎င်သ “အ​ကျလန်ုပ်သည် ကလောကနဟင့် မဆက်ဆံ သကဲ့သို့ ကသူ တို့သည် မဆက်ဆံကဌပါ။” (ယော ၁ရှ၁၆)ဟု ဆုတောင်သ ခဲ့သည်။ ငါတို့၏ အသင်သ တော်သည် ခရစ်တော်က ဆုတောင်သ ပေသသကဲ့သို့ဖဌစ်ပါသလော။ မဖဌစ်လျဟင် ခရစ််တော်နဟင့် တလုံသတဝ တည်သမဖဌစ်သောကဌောင့် ပျက်စီသခဌင်သသို့ လမ်သဆုံသမည် ဖဌစ်သည်။

Scroll to Top